بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>قوعام

چىڭدۋ قالاسى چىڭدۋ تاجىريبە 7 – ورتا مەكتەبىنىڭ اسحاناسىندا تۋىلعان ازىق – تۇلىك حاۋىپسىزدىگى ماسەلەسى جونىندەگى تەكسەرۋدىڭ ەڭ جاڭا جاعدايىن جاريالادى

2019.03.18 14:15     كەلۋ قاينارى : حالىق تورابى

  شينحۋا اگەنتتىگى، 3 – ايدىڭ 17 – كۇنى، چىڭدۋ. ءىشىنارا اتا – انالار جۋىردا چىڭدۋ تاجىريبە 7 – ورتا مەكتەبى باستاۋىش ءبولىمىنىڭ مەكتەپ اسحاناسىنداعى ازىق – تۇلىكتىڭ ساپاسىندا ماسەلە بار دەگەندى اڭىس ەتكەن، اسحانانىڭ باسقارۋىنا كۇمانى بولىپ، بالالاردىڭ دەنساۋلىعىنان الاڭداعان، بۇل ءىس الەۋمەتتىڭ نازارىن ايرىقشا اۋدارعان. ءىس تۋىلعاننان كەيىن، چىڭدۋ قالاسى بىرلەسكەن تەكسەرۋ گرۋپپاسىن قۇردى ءارى 3 – ايدىڭ 17 – كۇنى تۇستەن بۇرىن اقپار جاريالاۋ ءماجىلىسىن اشىپ، چىڭدۋ تاجىريبە 7 – ورتا مەكتەبىنىڭ اسحاناسىنداعى ازىق – تۇلىكتىڭ حاۋىپسىزدىگى ماسەلەسى جونىندەگى تەكسەرۋدىڭ ەڭ جاڭا جاعدايىن جاريالادى.


  سىچۋان يۋانكۇن گوكى ساپا تەكسەرۋ شەكتى سەرىكتەستىگى ءىس تۋىلعان جەرگە بارعان ءىشىنارا اتا – انالاردىڭ كورسەتۋى مەن كۋا بولۋىندا چىڭدۋ قالالىق تاجىريبە 7 – ورتا مەكتەبىندە ناق مايداندا 18 توپتاعى ازىق – تۇلىكتەن ۇلگى الىپ تەكسەرۋ جۇرگىزگەن، مۇنىڭ ىشىندە بۇرشاق بالدىرشاسىنان كوگەرگەن داق بايقالعان، تەكسەرۋ ناتيجەسى تولىمسىز بولىپ شىققان، قالعان 17 ۇلگى زاتقا قاتىستى قازىرگە دەيىنگى تەكسەرۋ تۇرلەرىنەن ماسەلە بايقالماعان، قالعان 3 توپتاعى ۇلگى زاتقا جۇرگىزىلگەن سالمونەللا باكتەرياسىن تەكسەرۋدىڭ العاشقى قادامداعى ناتيجەسى 3 – ايدىڭ 18 – كۇنى تاڭەرتەڭ جاريالانادى.


  چىڭدۋ قالالىق نارىقتى باقىلاۋ – باسقارۋ مەكەمەسىنىڭ باستىعى حى شين چىڭدۋ تاجىريبە 7 – ورتا مەكتەبىنىڭ ازىق – تۇلىك ماتەريالدارىنىڭ جاعدايىنا جۇرگىزىلگەن تەكسەرۋدىڭ ناتيجەسىن جاريالادى. سىچۋان دىيۇي قامداۋ قىزمەتىن وتەۋ سەرىكتەستىگىنىڭ ازىق – تۇلىك ماتەريالدارىن دىيوۋكاڭ اۋىل شارۋاشىلىعى قوسىمشا ونىمدەرىن جەتكىزۋ شەكتى سەرىكتەستىگى قاتارلى 4 قامداۋشى سەرىكتەستىك قامداعان. تەكسەرۋگە قاراعاندا، تولىمسىز بولعان بۇرشاق بالدىرشاسىن وندىرگەن كاسىپورىن چىڭدۋ قالاسى پيدۋ رايونى چيڭچۋان بۇرشاق بالدىرشاسى زاۆودى ەكەن. اتالعان توپتاعى بۇرشاق بالدىرشاسىمەن قامداعان ۋاقىتى 2019 – جلى 3 – ايدىڭ 1 – كۇنى بولىپ، جيىنى 5 دانا 150 كيلوگرام بۇرشاق بالدىرشاسىنان 105 كيلوگرامىن مەكتەپ اسحاناسى پايدالانىپ بولىپ، 45 كيلوگرامى قالعان. قازىر پايدالانباعان بۇرشاق بالدىرشاسى تۇگەلدەي پەشەتتەلگەن ءارى بۇل ءىس جونىندە دەلو تۇرعىزىلىپ، تەكسەرۋ جۇرگىزىلە باستاعان.


  چىڭدۋ قالالىق دەنساۋلىق ساقتاۋ جانە سالاماتتىق كوميتەتىنىڭ مەڭگەرۋشىسى شيە چياڭنىڭ ايتۋىنشا، 3 – ايدىڭ 13 – كۇنى چىڭدۋ تاجىريبە 7 – ورتا مەكتەبىندەگى ءىش اۋرۋى قاتارلى اۋرۋ بەلگىلەرى بايقالدى دەپ شاعىمدانعان 36 وقۋشىعا قالالىق جانە رايوندىق ەكى دارەجەلى اۋرۋ – سىرقاۋلاردان ساقتانۋ ورتالىعى كلينيكالىق تەكسەرۋ جۇرگىزگەن، تەكسەرۋ ناتيجەسى قالىپتى بولعان، انوستىق ەتيولوگيالىق تەكسەرۋ جانە ۇلگى العان ازىق – تۇلىككە تەكسەرۋ جۇرگىزۋ ناتيجەسى تۇگەلدەي بولىمسىزدىق بەلگىسىن كورسەتكەن، تەكسەرىلگەن وقۋشىلاردىڭ ازىقتانۋ تاريحى مەن كلينيكالىق بەلگىلەرى قاتارلىلاردى ۇشتاستىرا وتىرىپ جان – جاقتى تالداۋ جۇرگىزۋ ارقىلى ولاردان بايقالعان اۋرۋ بەلگىلەرىنىڭ ازىق – تۇلىك قاينارىندىق اۋرۋدىڭ تۇتقيىل تۋىلۋى ەمەس ەكەنى تۇراقتاندىرىلعان.


  چىڭدۋ قالالىق دەنساۋلىق ساقتاۋ جانە سالاماتتىق كوميتەتىنىڭ ساناعىنا قاراعاندا، 3 – ايدىڭ 16 – كۇنى ساعات 20عا دەيىن، چىڭدۋ تاجىريبە 7 – ورتا مەكتەبىندەگى 929 وقۋشى A3 دارەجەلى التى ەمحانادا دەنساۋلىق تەكسەرتكەن (852 وقۋشى) جانە ەمدەلگەن (77 وقۋشى)، مۇنىڭ ىشىندە 3 وقۋشى بالنيتساعا جاتقان، بالنيتساعا جاتقانداردىڭ اراسىندا ورتالاۋ مەكتەپتىڭ 14 جاستاعى وقۋشىسى شۇعىل حارەكترلى سوقىر ىشەك قابىنۋى سەبەبىنەن بالنيتساعا جاتىپ وپەراتسيا جاساتقان، ول الدا ەمحانادان شىعادى؛ باستاۋىش مەكتەپتىڭ 8 جاستاعى وقۋشىسى ءىشىم اۋىردى دەپ شاعىمدانعاندىقتان، بالنيتساعا جاتقان، كلينيكالىق تەكسەرۋ ناتيجەلەرى بويىنشا وزگەشە جاعداي بايقالماعان، 3 – ايدىڭ 17 – كۇنى ەمحانادان شىعادى دەپ مەجەلەنگەن؛ باستاۋىش مەكتەپتىڭ 11 جاستاعى وقۋشىسىنا شاجىرقاي ليمفا ءتۇيىنى قابىنعان دەگەن دياگنوز قويىلعان، ەمدەلگەن سوڭ قالپىنا كەلۋى ويداعىداي بولعان، الدا ەمحانادان شىعادى. باستاۋىش مەكتەپتىڭ تاعى ءبىر 7 جاستاعى وقۋشىسىنا شۇعىل حارەكترلى اسقازان – ىشەك قابىنۋى سەبەبىنەن ۋكىل اسىپ، ونى تەكسەرىپ، بايقاپ كورگەن، ول 17 ساعاتتان سوڭ ەمحانادان شىققان. قالعان وقۋشىلاردان كورنەكتى قالىپسىز جاعداي بايقالماعان.


  وقۋشىلاردىڭ گورمون مولشەرى ولشەمنەن اسقان، قان قۇسقان، بۇيرەگى السىرەگەن دەگەن سياقتى توراپتا تارالعان جاعدايلار جونىندە شيە چياڭ مىنانى ءبىلدىردى: تاجىريبە 7 – ورتا مەكتەبىندەگى وقۋشىلاردى ەمحانادا تەكسەرۋ بارىسىندا جوعارىداعىداي جاعداي تۋىلعانى جونىندەگى مالىمەتتى تاپسىرىپ المادىق. تەكسەرۋ بارىسىندا ءىشىنارا وقۋشىلاردان ورەندەردە بايقالاتىن شاجىرقاي ليمفا ءتۇيىنى ءىسىنۋ سياقتى اۋرۋ بەلگىلەرى بايقالعان، قازىرگە دەيىن ءبىر بالاعا شاجىرقاي ليمفا ءتۇيىنى قابىنعان دەگەن دياگنوز قويىلدى.


  چىڭدۋ قالالىق قوعام حاۋىپسىزدىگى مەكەمەسى باستىعىنىڭ ۇنەمىلىك ىستەرگە جاۋاپتى ورىنباسارى داي دىجۇن توراپتاعى جالعان ينفورماتسيالارعا تەكسەرۋ جۇرگىزۋ جانە ءبىرجاقتى ەتۋ جاعدايىن جاريالادى. تەكسەرۋ ناتيجەسىنە قاراعاندا، چىڭدۋ تاجىريبە 7 – ورتا مەكتەبىنە قاتىستى توراپتاعى ينفورماتسيالاردىڭ ىشىندە، «اتا – انالار مەكتەپكە بارىپ جۇمىس ىستەپ، ءبىر اي بويى جاسىرىن باقىلاعان»، «مەكتەپ اسحاناسى وقۋشىلارعا شىرىگەن ازىق - تۇلىك بەرگەندىكتەن، اتا – انالار ۇقىعىن قورعاۋعا شىقتى، اتا - انالاردان بىرەۋى عيماراتتان سەكىرىپ قازا بولدى» دەگەن سياقتى اقپاراتتاردىڭ بارلىعى جالعان اقپاراتتار، قاتىستى دەلولار قازىر ىشكەرىلەي تەكسەرىلۋ ۇستىندە.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار