«ەكىلىك ءنومىردى جايمالاۋدىڭ» تۇزاعىنا ءتۇسىپ قالماڭىز
ۋاڭ فاجى
2019.04.19 14:40 كەلۋ قاينارى : حالىق تورابى
«ۋيچات ارقىلى ەكىلىك ءنومىردى جايمالاساڭىز، اۆتوماتتى تۇردە قاعازبەن تەگىن قامدايدى ...» جۋىردا بەيجيڭدەگى ساۋدا سارايلارى، مەكتەپتەر، ەمحانالار ت.ب. ورىندار ەكىلىك ءنومىردى جايمالاۋ ارقىلى قاعاز الۋ ماشيناسىن ىسكە قوستى. اتالمىش «ەكىلىك ءنومىردى جايمالاۋ ارقىلى قاعاز الۋ» ماشيناسىن پايدالانۋشى ۋيچاتتىڭ جايمالاۋ رولى ارقىلى دارەتحانا قاعازى قورابىنداعى ەكىلىك ءنومىردى جايمالاپ، ۋيچات تەكشەسىنە تىزىمدەلۋ جانە ۋيچات شاعىن پروگرامماسىنا ءوزىنىڭ ۋيچات اتىن، سۋرەتىن، تۇرعان جەرى جانە جىنىسى سياقتى ينفورماتسيالارىن پايدالانۋعا رۇقسات بەرۋ ارقىلى قاعازدى «تەگىن» الادى.
قازىرگى تاڭدا، ەكىلىك ءنومىردى جايمالاۋ وتە قاراپايىم ىسكە اينالدى. جىلجىمالى ينتەرنەتتىڭ دامۋىنا ىلەسە، زات ساتىپ الۋ، اقشا تولەۋ، دوستاسۋ، ساپارعا شىعۋ سياقتى تۇرمىسىمىزدىڭ ءتۇرلى جاقتارىندا ەكىلىك ءنومىردى جايمالاۋدان ايرىلا المايمىز. حابارعا قاراعاندا، دۇنيە جۇزىندەگى ەكىلىك نومىردەن پايدالاناتىن جەكە تۇتىنۋشىلاردىڭ %90ى جۇڭگودا، ەكىلىك ءنومىر تەك قۇرال بولىپ قالماستان، جاڭاشا تۇرمىس تاسىلىنە اينالدى. دەگەنمەن، جۇرت «رەڭسىز شاقپاقشا» جەتكىزگەن تيىمدىلىكتەردەن يگىلىكتەنۋمەن بىرگە، ينفورماتسيانىڭ شاشىلۋى، دەرەكتەردىڭ جوعالۋى سياقتى حاۋىپ – قاتەرلەر دە ساقتالىپ وتىر. «ەكىلىكتى جايمالاۋ ارقىلى قاعاز الۋدى» مىسالعا كەلتىرسەك، تيجارات ەتۋشى جاق تەك نەشە ون تيىندىق قاعاز ارقىلى تۇتىنۋشىلاردىڭ جەكەلىك ينفورماتسيالارىنا يە بولادى ءارى ولاردى تەكشەسىنە قوسادى، اۋەلى اسا زور كورىلىم اعىنى ارقىلى وزىنە وداقتاس تارتىپ، ولاردان وداقتاس بولۋ اقىسىن الادى.
ەكىلىكتى جايمالاۋ بارىسىندا ينفورماتسياعا يە بولۋ تاسىلىندە جەكەلەردىڭ ينفورماتسيالىق حاۋىپسىزدىگىنە سۇعاناقتىق جاساۋ سىندى جاسىرىن قاتەر ءومىر سۇرەدى، وسى بارىستا حاۋىپسىزدىك وقيعالارى ۇنەمى تۋىلادى. قازىر ەكىلىك نومىرگە قاتىستى قاتەر ەكى ءتۇرلى: بىرىنشىدەن، ەكىلىك ءنومىردى جايمالاعاننان كەيىن «شىرعالاۋشى توراپتارعا» كىرگىزىپ، تۇتىنۋشىلاردى اككاۋنتتارى مەن قۇپيا نومىرلەرىن جازۋعا جەتەلەپ، جەكەلىك ينفورماتسيالارى مەن اقشالارىن الداپ اكەتۋى مۇمكىن؛ ەكىنشىدەن، جات نيەتتى ءتۇسىرۋ توراپتارىن اشىپ، قولفونعا تروي ۆيروسىن كوشىرۋى مۇمكىن. ەكىلىك ءنومىر جاساۋ تەحنيكاسى اركىمنىڭ قولىنان كەلەدى، ونىڭ ۇستىنە، ەكىلىك ءنومىردى باسقارۋ – باقىلاۋ سالاسىندا زاڭ – تۇزىمدىك جاقتا بوستىق ءومىر ءسۇرىپ وتىر، بۇل ەكىلىك ءنومىرلى قولدانبالاردىڭ، بەلگىلى دەڭگەيدەن ايتقاندا، جۇيەسىز كۇيدە تۇرۋىنا اپارىپ سوعادى، مۇنداي جاعدايدا ءبىرتۇتاس ولشەم، ءبىرتۇتاس تانۋ، ءبىرتۇتاس باقىلاۋ – باسقارۋدان اۋىز اشۋ مۇلدە مۇمكىن ەمەس.
اق – قارا شاقپاقشانىڭ اراسىندا سان – ساناقسىز ينفورماتسيالار جاسىرىنىپ جاتىر. بولاشاقتا ينتەرنەت پەن زاتتار ينتەرنەتى سىندى قوس جەلىدە قولدانىلاتىن ەكىلىك ءنومىر زاتتاردى دالمە – ءدال باسقارۋدىڭ تەحنيكالىق ءتاسىلى جانە ينفورماتسيا تاراتۋدىڭ ماڭىزدى تاسىمالىنا اينالادى، دەمەك، بۇل اناعۇرلىم زور قولدانىلىم ورىسىنە يە.
ەكىلىك ءنومىردىڭ حاۋىپسىزدىگىنە قورعاۋ ءۇشىن، ءسوزسىز، كوپ ءتۇرلى شارالاردى بىردەي قولدانۋ كەرەك. بىرىنشىدەن، ۇكىمەتتىڭ نەگىزگى باسقارۋشى تاراۋلارى ەكىلىك ءنومىر كاسىبىنىڭ دامۋىنا باعىتتالعان ساياسات، زاڭ – ءتۇزىم جانە جەتەكشى پىكىرلەردى جەدەل زەرتتەپ جاساپ، ەكىلىك ءنومىردى پايدالانۋ مەن باقىلاۋ – باسقارۋدى زاڭمەن باسقارۋ ارناسىنا ءتۇسىرۋى كەرەك. ەكىنشىدەن، كاسىپ كولەمىندە ەكىلىك ءنومىردى تىزىمدەتۋ مەن كۋالاندىرۋعا الەۋمەتتىك قىزمەت وتەۋ تەكشەسىن جالپىلاستىرۋ مەن قولدانۋدى جەدەل ىلگەرىلەتىپ، «دەربەس، حاۋىپسىز، جۇيەلى، مەڭگەرىلىمدى» ەكىلىك ءنومىر كاسىبى جۇيەسىن قۇرىپ، ەكىلىك ءنومىردى تىزىمدەتۋ مەن كۋالاندىرۋعا الەۋمەتتىك قىزمەت وتەۋ تەكشەسىن جالپىلاستىرۋ جانە قولدانۋدى ىلگەرىلەتۋ كەرەك. ۇشىنشىدەن، قاتىستى كاسىپورىندار باسقارۋ جاعىندا حاۋىپسىز زاۆود – كاسىپورىندارمەن سەلبەستىك ورناتىپ، جان نيەتتى جالعانىمداردى پارىقتاۋ قۋاتىن جوعارىلاتۋى، حاۋىپسىزدىككە ساياتىن كومەسكى قاتەرلەردى دەر كەزىندە بايقاۋى كەرەك. تورتىنشىدەن ، تۇتىنۋشىلار حاۋىپسىزدىك تانىمىن بەرىك ورناتۋى، وتە – موتە، «ەكىلىك ءنومىردى جايمالاساڭىز، سيلىق شىعۋى مۇمكىن» دەگەن سياقتى ەلىكتىرۋلەرگە الدانباي، «اسپاننان شەلپەك جاۋمايدى» دەگەندى ەسكە بەرىك ساقتاپ، ساق بولۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
