حالىق گازەتى: از ساندى كادرلەر بەلگىلەمەگە قايشى ءىشىپ – جەگەنىن «ۇيلەسىمدى تۇردە» ەسەپكە كىرگىزۋگە ىسىلعان
اۋەلگى تاقىرىبى: «ەسەپ جاساۋعا ەپتى بولۋ» سىندى جاسىرىن جولدى توسۋ كەرەك
مىڭ شياڭفۋ
2019.06.11 14:29 كەلۋ قاينارى : حالىق تورابى
جۋىردا حەيلۇڭجياڭ ولكەسى جامۇس قالالىق ءتارتىپ تەكسەرۋ كوميتەتى كادرلەردىڭ ۇكىمەت اقشاسىمەن ءىشىپ – جەۋى سىندى تيپتىك ماسەلەلەردەن 5 رەتكى ماسەلەنى حابارلاندىرۋ شىعارىپ اشكەرەلەدى. كوڭىل بولۋگە تاتيتىنى، وسى 5 رەتكى تيپتىك ماسەلەگە قاتىستى كادرلەردىڭ بارلىعى ەسەپتەن كوتەرتۋ جاعىندا بار امالدارىن ىستەتىپ، جەكە – جەكە الاڭدى مايعا الۋ اقىسى، ورماندى باسقارۋ – قورعاۋ اقىسى، بورمي ەگىمشىلىگىنە بەرىلەتىن قوسىمشا قاراجات، جۇمىسكەرلەرگە بەرىلەتىن قاراجات، قار تازالاۋ قاراجاتى قاتارلى جەلەۋلەرمەن، ءىشىپ – جەگەن قاراجاتتارىن مەكەمەنىڭ قازىنالىق ەسەبىنەن كوتەرتكەن. ەڭ سوڭىندا، قاتىستى ادامدارعا پارتيا ىشىندە ەسكەرتۋ بەرۋ، كىنا جازۋ، پارتيادان شىعارۋ قاتارلى جازالار بەرىلدى.
جەر – جەر انىقتاعان قاتىستى دەلولارعا نەگىزدەلگەندە، جۋىرداعى جىلداردان بەرى، كادرلەردىڭ كوپە – كورنەۋ جەپ – ءىشۋ جاعدايى كورنەكتى تۇردە ازايدى. الايدا، «ءتىل ۇشىنداعى ءىرىپ – ءشىرۋ» مىڭ قۇبىلىپ، جاڭالانىپ وتىر، وتە – موتە، ولقىلىقتان، كەمىستىكتەن پايدالانۋعا ىسىلعان از سانداعى كادرلەر بەلگىلەمەگە قايشى تۇردە جەپ – ءىشۋدى «ۇيلەسىمدى تۇردە، بەلگىلەمەگە ساي» ەسەپتەن كوتەرتىپ، تارتىپكە قايشى ارەكەتتەرىن بۇركەمەلەۋىن قويمادى. كەيبىرەۋلەرى رەسمي ۇكىمەتتىك شاقىرتۋدى ءىشىپ – جەۋدىڭ «جولحاتىنداي» كورىپ، «شاشىراتۋ، ءبولۋ، ىعىستىرۋ، دولايلاستىرۋ» قاتارلى تاسىلدەر ارقىلى «كۇن سانىن ۇزارتىپ، تاماقتانۋ سانىن كوبەيتەدى»؛ كەيبىرەۋى مەجە ەسەپ جاعىندا زەيىن – زەردەسىن جۇمساپ، «مەجە ەسەپتى مول جاساپ، از اقشا جۇمساۋ» ارقىلى ماجىلىستەن، كۋرستان، ينجەنەريادان پايدا تابۋدى كوزدەيدى؛ كەيبىرەۋى تاماقتانۋ قاراجاتىن ورگانداردىڭ اسحاناسىندا قوناق كۇتۋ قاراجاتىن جالعاننان جاساۋ ارقىلى توپقا ءبولىپ ەسەپتەن كوتەرتەدى... فورماسى مەن نۇسقاسى الۋان ءتۇرلى بولعانىمەن، ەسەپتى رەتتى، جيناقى ەتىپ جاسايدى، ءبىر قاراعاندا بەلگىلەمەگە، تارتىپكە ۇيلەسىمدى كورىنەدى، ءىس جۇزىندە، ۇكىمەتتىك قاراجاتپەن ءىشىپ – جەۋ ەسەپتەلىپ، ءتارتىپتىڭ «قىزىل سىزىعىنان» اتتاۋ ەسەپتەلەدى.
پارتيا 18 – قۇرىلتايىنان بەرى، پارتيانى جاپپاي قاتاڭ باسقارۋ ىشكەرىلەتىلىپ، پارتيا ورتالىق كوميتەتى «ءتورت بۇرىس ستيلگە» قارسى تۇرۋعا ۇزدىكسىز كۇش سالىپ، «ءتىل ۇشىندەگى ءىرىپ – شىرۋگە» قاتاڭ تيىم سالدى. الايدا، «ءتورت بۇرىس ستيل» ماسەلەسىنىڭ اسا كۇشتى قاسارىسپالىلىق، قايتالامالىلىق ەرەكشەلىكتەرى بار ەكەنىن كورە ءبىلۋىمىز كەرەك. جوعارى قىسىمدى جاعدايدا، ءىشىنارا ادامدار جەپ – ءىشۋدى «كومەسكىدە» جالعاستىرىپ، «بۇركەمەلەۋ ونەرىنەن» پايدالانىپ، «جاسىل شىمىلدىققا» جاسىرىنىپ، ەسەپتەن كوتەرتۋ جاعىندا بار امال – ايلالارىن ىستەتۋدە. ءىس جۇزىندە، ولاردىڭ ەسەپ تالونىن مۇقيات «اشەكەيلەۋىنىڭ» سەبەبى ورتالىق كوميتەتتىڭ سەگىز ءتۇرلى بەلگىلەمەسىنىڭ رۋحىن بىلمەگەندىكتەن ەمەس، قايتا، باقىلاۋ – باسقارۋدان جالتارىپ، باقىلاۋدىڭ بوساڭ تۇيىندەرىنەن «جول تاپقاندىق» بولىپ تابىلادى. ستيل ماسەلەسى، تۇپتەپ كەلگەندە، پارتيالىلىق ماسەلەسى. از سانداعى كادرلەر قازىرگە دەيىن ۇكىمەت قاراجاتىمەن ءىشىپ – جەپ، « ەپتىلىكپەن ەسەپ جاساۋدا»، بۇل ولاردىڭ بەلگىلەمەگە بويسۇنبايتىنىن، يمەنۋدى بىلمەيتىنىن كورسەتەدى.
«ەپتىلىكپەن ەسەپ جاساۋ» نەلىكتەن ءىشىنارا جەرلەر مەن تاراۋلاردا وڭاي ىسكە اسادى؟ مۇنىڭ قازىنالىق جاقتاعى «بوساڭسۋ» جانە باسقارۋ جاعىنداعى ۇستىرتتىك جاعدايلارىمەن قاتىستى جوق دەۋگە كەلمەيدى. ءامالياتتا از سانداعى قازىنا قىزمەتكەرلەرى مايدانىندا بەرىك تۇرا المايدى، اۋەلى كەيبىرەۋى ىرىقتى تۇردە وراي جاساپ، «ەسەپ جابۋعا» كومەكتەسەدى؛ ءىشىنارا جەرلەردەگى قازىنانى باسقارۋ ىستەرى كەنجە قالعان، كەمشىلىكتەر ورىن تەۋىپ وتىر، بۇل وبيەكتيۆ جاقتا از سانداعى ادامدارعا ءىشىپ – جەگەن ەسەپ تالونىن ءتۇسى وزگەرگەن تۇردە ەسەپتەن ءساتتى كوتەرتۋىنە وراي جاراتىپ بەرۋدە.
ءىشىپ – جەۋ كىشى – گىرىم ءىس ەمەس، بۇل ستيل ماسەلەسىنە سايادى. از سانداعى كادرلەردىڭ «ەپتىلىكپەن ەسەپ جاساۋى» ءبىر – ەكى رەت ءساتتى ءوتۋى مۇمكىن، الايدا، ۇزاق ۋاقىت وسىلاي ىستەپ، ۇيرەنشىكتى بولىپ السا، قۇيعا قۇلاتارى داۋسىز. «ىسىراپشىلدىق باستالسا، قۇرۋ حاۋپى تايايدى»، ەكى مىڭ جىلدىڭ الدىندا «حان فەيزى» جازعان «ءپىل تىسىنەن جاساعان ساقپىنىڭ دەرتى» اتتى اڭگىمەدە كيىمنىڭ اسىلىن كيۋ مەن تاعامنىڭ ەسىلىن ءىشىپ – جەۋدىڭ راحاتىنا باتقان جاندارعا شىنايى ەسكەرتۋ جاساعان. جۋىرداعى جىلداردان بەرى وماقاسقان كادرلەردى الىپ قاراساق، كوبىنىڭ ماسەلەسى استا - توك ءىشىپ – جەۋدەن باستالعان. ەگەر كادرلەر وسىعان بەرىلسە، يدەيالىق جاقتا، ءسوزسىز، قۇلدىرايدى، ستيل جاقتا بوساڭسيدى، اۋەلى سىبايلاس تارتىپ، شاعىن توپتارعا ءبولىنىپ، بىرتىندەپ ءىرىپ – ءشىرىپ، ازعىنداۋدىڭ قۇزىنان قۇلايتىن بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
