قوقسىقتى تۇرگە ءبولۋدى قايتكەندە اناعۇرلىم داعدىلى ىسكە اينالدىرۋعا بولادى
تىلدەسۋشى: حى ديڭديڭ (حالىق گازەتىنىڭ شولۋشىسى) جۋ مين – ۋ (ازاتتىق ارميا گازەتىنىڭ شولۋشىسى)
2019.07.09 15:05 كەلۋ قاينارى : حالىق تورابى
حى ديڭديڭ: «شاڭحاي قالاسىنىڭ قوقسىقتى تۇرگە ءبولۋدى باسقارۋ ەرەجەسى» رەسمي اتقارىلىپ، قوقسىقتى تۇرگە ءبولۋ جونىندە ايقىن تالاپتاردى ورتاعا قويدى. قوقسىقتى تۇرگە ءبولۋ، قوقسىقتىڭ مولشەرىن ازايتۋ مەن جاسىل دامۋ جونىنەن العاندا، كىشى - گىرىم ءىس ەمەس، الايدا، كوپتەگەن جۇڭگولىقتار جونىنەن ايتقاندا، بۇل تىڭ ءىس ءارى «اۋرەشىلىك» ەسەپتەلەدى. قازىر كوپتەگەن قالالار بۇعان ايرىقشا نازار اۋدارىپ وتىر، شاڭحايدىڭ وسى الەۋمەتتىك ساياساتىنىڭ باستاماسى قالاي ورنىقتى باستالدى؟
جۋ مين – ۋ: ءتيىمدى الەۋمەتتىك ساياسات بىردەن قالىپتاسا قويمايدى، ول جاعىندا ۇزاق ۋاقىت ەڭبەك ەتۋگە، كوپ جاقتاعىلاردىڭ قۇلشىنۋىنا تۋرا كەلەدى. بۇل ساياسات بيىل عانا رەسمي اتقارىلعانىمەن، شاڭحايلىقتارعا قوقسىقتى تۇرگە ءبولۋ تانىمى جات ەمەس، وسى تانىمدى ءسىڭىرۋ مەن وسىنداي كوزقاراستى دارىپتەۋ ءبىرتالاي جىلدان بەرى ورىستەتىلدى؛ نەگىزگى ساتىلاردا كوپ تۇيىندە سىناق ەتۋ، الەۋمەتتىك وڭىرلەردە الدىمەن اتتانىسقا كەلتىرۋ ارقىلى بۇل ساياساتتى اتقارۋعا نەگىز قالادى. سونىمەن بىرگە، كوپتەگەن ادامدار «قوقسىقتىڭ قاماۋىنداعى قالا» حاۋپىن شىنايى سەزىنە باستادى، مۇنداي تۇسىنىك قوقسىقتى تۇرگە ءبولۋ تانىمىن قابىلداۋ دەڭگەيىن تەزدەتتى. زاڭ شىعارۋ ارقىلى قاتاڭ ولشەم بەلگىلەنگەنىمەن، زاڭ شىعارۋدىڭ ءوزى كەڭەسۋ جانە تالقىلاۋ بارىسىن باستان كەشىرەدى ءارى بۇل ورتاق تانىمنىڭ قالىپتاسۋ بارىسى ەسەپتەلەدى.
حى ديڭديڭ: ساياساتتى بەلگىلەۋ مەن ونى اتقارۋدا قاتاڭدىق پەن سىپايىلىقتى قاتار قولدانۋ كەرەك. سىپايىلىق دەگەنىمىز ساياساتتى قالىپتاستىرۋ بارىسىندا ءتۇرلى پىكىرلەردى قابىلداپ، بىرتىندەپ ىلگەرىلەتىپ، جۇرتشلىقتىڭ بۇل ءىستى داعدىعا اينالدىرۋىنا ۋاقىت بەرۋ كەرەك؛ قاتاڭدىق جونىندە ايتساق، ىلگەرىلەتۋ بارىسىندا العان بەتتەن قايتپاي، باتىلدىقپەن ىسكە كىرىسۋ كەرەك، قايتالاي ويلانىپ – تولعانۋ بارىسىندا جۇرتشىلىقتىڭ اتسالىسۋ ىنتاسىن مۇقالتىپ الۋعا بولمايدى. قوقسىقتاردى تۇرگە ءبولۋ سىندى زور بەتالىسى دۇرىس دەپ تۇراقتاندىرعان ءىستى ىستەگەندە، ورتاق تانىمعا كەلگەننەن كەيىن ونى قالاي شىناي اتقارۋدى ويلاستىرۋ كەرەك.
جۋ مين – ۋ: مىنە، بۇل، تىڭعىلىقتى باسقارۋعا ساياتىن ماسەلە. قوقسىقتى تۇرگە ءبولۋدىڭ ءتيىمدى ءىس ەكەنى جۇرتقا ايان، الايدا، كوزقاراستى قۇپتاۋدان ونى اتقارۋعا دەيىن، تۇسىنۋدەن قولداۋعا، بەلسەندى قاتىناسۋعا دەيىن ءالى دە ۇزاق بارىس قاجەت، بۇل تىڭعىلىقتى باسقارۋدا ءدوپ كەلەتىن سىناق ەسەپتەلەدى. مىسالى، شاڭحاي قالاسىنداعى قاتىستى قۇرىلىمداردىڭ باسقارۋشىلارى اتاپ كورسەتكەندەي، ءبارىن ءبىر تاياقپەن ايداۋعا كەلمەيدى، قاتاڭ اتقارۋ، قاتاڭ شەكتەۋدەن سىرت، تۇرعىنداردىڭ قاجەتىن دە تولىق ويلاستىرۋ، «ءبىر الەۋمەتتىك اۋماقتا ءبىر ءتۇرلى جوبا» قولدانۋ قاجەت؛ تاعى دا مىسال كەلتىرسەك، قازىر دىمقىل قوقسىقتاردى تۇرعىندار ءوزى «قوقسىق قالتاسىن جارىپ» لاقتىرۋى كەرەك، تۇرعىنداردىڭ قولىنىڭ بۇلعانۋىنان الاڭداعاندىقتان، كەيبىر ورىندار قوقسىق ساندىعىنىڭ قاسىنا اۆتوماتتى قول جۋۋ ورنىن دايىنداعان. مۇنداي مىسال وتە كوپ. ساياساتتى شىناي تۇردە ءىس جۇزىندىككە قاراي بەلگىلەۋ، جۇرتتىڭ اۋانىنا قاراي اتقارۋ، بىرتىندەپ جالپىلاستىرۋ ارقىلى شىنايى تياناقتاندىرۋعا بولادى.
حى دييڭديڭ: تىڭعىلىقتى باسقارعاندا عانا، جىنتىكتەي تۇرگە بولۋگە بولادى، بۇل ەكەۋى ءبىر – بىرىمەن سايكەسەدى. قازىر جۇرت ەكى ماسەلەگە جاپپاي نازار اۋدارىپ وتىر. ونىڭ ءبىرى، الدىڭعى شەپتەگى قوقسىق ءبولۋ ءىسى تەبىندى جۇرگىزىلە باستاعانىمەن، ارتقى شەپتەگى ءبىرجاقتى ەتۋ قىزمەتى بۇل قارقىنعا ىلەسە الا ما؟ ەندى ءبىرى، باستابىندا تاڭسىق كورۋدەن تۋىنداعان قىزۋ تالقى كەزەڭى ءوتىپ كەتكەن سوڭ، قوقسىقتى تۇرگە ءبولۋ «مودا» بولۋدان «داعدى» بولۋعا قالاي قادام تاستاي الادى؟
جۋ مين – ۋ: الدىڭعى شەپتە ەڭ ماڭىزدىسى «ادەت قالىپتاستىرۋ»، بۇل جاعىندا زاڭدى قاتاڭ اتقارۋ، قاعيدانى ويداعىداي بەلگىلەۋ، داعدىعا اينالدىرۋ، سالت قالىپتاستىرۋ قاجەت؛ ارتقى شەپتە ءبىرجاقتى ەتۋدە ەڭ ماڭىزدىسى «الدىڭعى شەپتە تۇرگە بولگەن سوڭ، ارتقى شەپتە ارالاستىرىپ تاسىمالداۋ» قۇبىلىسىنىڭ تۋىلۋىنان ساقتانۋ، الەۋمەتتىك جونگە سالۋعا جۇرتتىڭ سەنىمىن ساقتاۋعا كەپىلدىك ەتۋ كەرەك. سونىمەن بىرگە، اناعۇرلىم اشىق رايمەن، كەڭ پەيىلمەن قوعامدى اتسالىسۋعا جەتەلەۋ كەرەك. كوپتەگەن الەۋمەتتىك ىستەردىڭ ءبارى وسىنداي، قىسقا مەرزىمدىك ارەكەتكە كەلۋ وڭاي، ۇزاق مەرزىم بويى ءونىمدى اتقارۋ قيىنعا سوعادى. شىنايى «ۇزاق مەرزىمدىك مەحانيزم» قالىپتاستىرۋدان سىرت، اكىمشىلىك جۇمسالىم قۇنى مەن الەۋمەتتىك جۇمىسالىم قۇنىن دا تولىق ويلاستىرۋ قاجەت، اتتانىسقا كەلتىرۋ ءساتتى بولعاندا عانا ، الەۋمەت ارى قاراي جالعاستىرىپ اكەتەدى، تەك وسىلاي بولعاندا عانا، ءبىر مەزەتتىك «قىزبالىق» ۇزاق ۋاقىتتىق ادەتكە اينالاتىن بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
