مايتاۋ – كۇشار تاس جولى قۇرىلىسىندا قازا بولعان قۇربانداردىڭ تۋىستارى قۇرباندارعا ازا ءبىلدىردى
2019.07.12 15:54
7 – ايدىڭ 2 – كۇنى نىلقى اۋدانى شۋىرما قۇرباندار ەسكەرتكىش باقشاسىندا كوك اسپان مۇڭايىپ، جاسىل القاپ اۋىر كۇرسىنىپ، قۇرباندار ەسكەرتكىش باقشاسى ءۇنسىز كۇيگە ەندى. وبلىستىق قوسىننان قايتقان اسكەريلەر قىزمەتى مەكەمەسى ۇيىمداستىرعان مايتاۋ – كۇشار تاس جولى قۇرىلىسىندا قازا بولعان قۇربانداردىڭ ءبىر ءبولىم تۋىس – تۋعاندارىنىڭ ازا ءبىلدىرۋ قيمىلى وسى ارادا وتكىزىلدى.
5 – ايدىڭ 26 – كۇنى ورتالىق تەلەۆيزياسى 1 – ارناسىنىڭ ‹‹كۇت مەنى›› ايدارىندا قوسىننان قايتقان ساقا جاۋىنگەر چىن جۇنگۇيدىڭ قۇربانداردىڭ تۋىس – تۋعاندارىن ىزدەۋ باعدارلاماسى تاراتىلعاننان كەيىن قوعامدا كۇشتى اڭىس قوزعادى. ىلە وبلىستىق پارتكوم مەن حالىق ۇكىمەتى بۇعان باسا ءمان بەردى، وبلىستىق قوسىننان قايتقان اسكەريلەر قىزمەتى مەكەمەسى وسى رەتكى قۇرباندار ەسكەرتكىش باقشاسىندا ازا ءبىلدىرۋ قيمىلىن مۇقيات ورنالاستىردى. وبلىستىق قوسىننان قايتقان اسكەريلەر قىزمەتى مەكەمەسىنىڭ ۇيىمداستىرىپ ورنالاستىرۋىندا سانشي، گانسۋ، سىچۋاننان قۇربانداردىڭ ءبىر ءبولىم تۋىس – تۋعاندارى ىلەگە كەلىپ، شۋىرما قۇرباندار ەسكەرتكىش باقشاسىنا بىرگە بارىپ، كەزىندە مايتاۋ - كۇشار تاس جولىن سالۋ بارىسىندا قازا بولعان قۇربانداردىڭ قابىرىن سىپىردى.
وبلىستىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى گاۋ تيانشان بىلاي دەدى: الىپ تيانشان ادال جانداردى باۋىرىنا الىپ، قاھارمانداردىڭ ەرلىك جىگەرى اسقاقتاۋدا.
40 نەشە جىل وتە شىقتى، قۇربانداردىڭ ءبىر ءبولىم تۋىس – تۋعاندارى بۇل ارانى الىسسىنباي سوناۋ سانشي، گانسۋ، سىچۋان سياقتى جەرلەردەن شۋىرما قۇرباندار ەسكەرتكىش باقشاسىنا كەلىپ، وزدەرىنىڭ بالالارىنا، اعا – باۋىرلارىنا، اكەلەرىنە ازا ءبىلدىرىپ، ولاردى ساعىنا ەسكە الىپ وتىر. «بۇگىن ءبىزدىڭ وسى ارادا قۇرباندارعا ازا ءبىلدىرۋ قيمىلىن وتكىزۋىمىز __ ولاردىڭ پارتيا مەن حالىق ءۇشىن سىڭىرگەن ەرەن ەڭبەگىن ماڭگى ۇمىتپاۋىمىز، ىستىق قانىمەن جانە ومىرىمەن سومداعان ۇلتتىق رۋحتى ماڭگى ۇمىتپاۋىمىز، مۇراتى مەن تالپىنىسىن ماڭگى ۇمىتپاۋىمىز ءۇشىن بولىپ وتىر. ءبىز قۇربانداردىڭ رۋحىن ساۋلەلەندىرىپ، مۇرات – سەنىمدى بەكەمدەپ، قۇربانداردى ۇلگى ەتىپ، ولاردىڭ وسكەلەڭ قاسيەتىنەن، توڭكەرىستىك ىستەردە، ءسوز جوق، جەڭىسكە جەتۋ سەنىمىنەن ۇيرەنۋىمىز كەرەك››.
ازا ءبىلدىرۋ سالتى اياقتاعاننان كەيىن، قۇربان لين چاۋفۋدىڭ ايەلى، سىچۋان ولكەسىنىڭ ي - لۇڭ اۋدانىنان كەلگەن شۇي شيۋحۋا كۇيەۋىنىڭ ساپتاسى، 30 نەشە جىلدان بەرى قۇرباندار قابىرىن كۇزەتىپ كەلگەن چىن جۇنگۇيدىڭ وتباسىنداعىلارمەن قول الىسىپ تۇرىپ، كوزىنە ىستىق جاس الىپ، تەبىرەنىسپەن بىلاي دەدى: ‹‹سىزدەردىڭ تالاي جىلدان بەرى وسى ارادا تۋىستارىمىزدىڭ قابىرىن كۇزەتىپ، جىل سايىن ازا ءبىلدىرىپ كەلگەندەرىڭىزگە العىس ايتامىز››. چىن جۇنگۇي دە تەبىرەنە: ‹‹وسىنشاما جىلدار ءوتتى، وتباسىمىزداعىلاردىڭ بۇل ارانى كۇزەتىپ كەلۋى دە وسى كۇندى كۇتۋ ءۇشىن ەدى، قۇربان بولعان بۇل جاۋىنگەر سەرىكتەرىم سىزدەردىڭ تۋىستارىڭىز عانا ەمەس، مەنىڭ دە تۋىسىم›› دەدى.
اۆتونوميالى رايوندىق قوسىننان قايتقان اسكەريلەر قىزمەتى مەڭگەرمەسى القاۋ - ماداقتاۋ باسقارماسىنىڭ باسشىلارى، ىلە بولىمشە اسكەري رايونىنىڭ، نىلقى اۋداندىق ۇكىمەتتىڭ سالالارعا جاۋاپتى باسشىلارى جانە نىلقى اۋداندىق قوسىننان قايتقان اسكەريلەر قىزمەتى مەكەمەسىندەگى بارلىق كادر ازا ءبىلدىرۋ قيمىلىنا قاتىناستى. (گۋ شينيۇڭ، چىن يان)
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
