دەنساۋلىق ساقتاۋ بۇيىمدارىنىڭ بىلىقپالىعىن وڭاۋ ءۇشىن اۋىر سوققى بەرۋ كەرەك (ۋاكىل ءۇنى)
مەملەكەتتىك حالىق قۇرىلتايىنىڭ ۋاكىلى لو جيە
2019.07.18 15:55 كەلۋ قاينارى : حالىق تورابى
«جۇڭحۋا حالىق رەسپۋبليكاسىنىڭ ازىق - تۇلىك حاۋىپسىزدىگى زاڭىندا» دەنساۋلىق ساقتاۋ ازىق - تۇلىگى سياقتى ەرەكشە ازىق - تۇلىكتەردى قاتاڭ باسقارۋ تالاپ ەتىلگەن. الايدا، قازىر ەلىمىزدە دەنساۋلىق ساقتاۋ ونىمدەرىن ءوندىرۋ، ساتۋ سالاسىندا زاڭ - ەرەجە كەمەلدى بولماۋ، باقىلاۋ - باسقارۋ قاتاڭ بولماۋ سياقتى ماسەلەلەر ءالى دە ورىن تەۋىپ وتىر، اسىرەسە، قارتتاردىڭ دەنساۋلىعىن قورعاۋ بۇيىمدارى ۇنەمى تۇتىنۋ، ۇقىق قورعاۋدىڭ قىزۋ تۇيىنىنە اينالىپ، حالىق بۇقاراسىنىڭ ءتول مۇددەسىنە زيان جەتكىزىپ وتىر.
ءبىرىنشى، دەنساۋلىق ساقتاۋ بۇيىمدارىن زاڭسىز ءوندىرۋ، ساتۋ. ازىق - تۇلىك حاۋىپسىزدىگى زاڭىندا دەنساۋلىق ساقتاۋ بۇيىمدارىن تىزىمگە الدىرۋ جانە ەستەلىككە الىپ، تۇرگە ءبولىپ باسقارۋ تالاپ ەتىلگەن، الايدا، زاڭ - ەرەجەلەردىڭ جالپىلاسۋ دارەجەسى مەن بازاردى باقىلاۋ - باسقارۋ قابىلەتىنىڭ شەكتەمەلىگىنە ۇشىراعاندىقتان، زاڭسىز جاسىرىن مانەرلەۋ زاۆودى جالعان ماركاداعى دەنساۋلىق قورعاۋ ازىق - تۇلىكتەرىن جالعاننان جاساۋ نەمەسە تۇراقتى زاۆودتىڭ بەكىتۋ ءنومىرىن ۇرلاپ پايدالانىپ ءوندىرۋ، ونان سوڭ جىلجىمالىلىعى كۇشتى، جاسىرىنۋ سيپاتى جوعارى «بىرلەسىپ ساتۋ» ۇلگىسى ارقىلى ساتۋ ارەكەتى ٵلى دە ساقتالىپ وتىرعاندىقتان، زاڭسىز دەنساۋلىق قورعاۋ بۇيىمدارى بازاردا اينالىمعا ءتۇستى.
ەكىنشى، دەنساۋلىق ساقتاۋ بۇيىمدارىنا زاڭسىز اكتيۆ زاتتار قوسۋ. دەنساۋلىق ساقتاۋ ازىق - تۇلىكتەرى اۋرۋدى ەمدەۋدى ماقسات ەتپەيدى، ءبىراق كەيبىر زاۆودتار دەنساۋلىق ساقتاۋ بۇيىمدارىنىڭ ەمدىك ءونىمىن ارتتىرۋ ءۇشىن ونىمدەرگە ەمدەۋ ونىمدىلىگى بار حيميالىق دارىلەر قوسادى. تۇرلىشە رايوندارداعى باقىلاۋ - باسقارۋ تاراۋلارىنىڭ باقىلاۋ - باسقارۋ تەبىنى مەن زاڭسىز قوسپا قوسۋدى تەكسەرۋ ورەسى بىركەلكى ەمەس، ونىڭ ۇستىنە زاڭسىز قوسپا قوسۋ مەن زاڭسىز ءوندىرىس تيجاراتىمەن اينالىسۋ قاتار ءومىر ءسۇرىپ وتىرعاندىقتان، باقىلاۋ - باسقارۋ تاراۋلارىنىڭ باقىلاپ - باسقارۋدى تياناقتاندىرۋى قيىنعا سوعىپ وتىر.
ءۇشىنشى، دەنساۋلىق ساقتاۋ بۇيىمدارىن جالعان ۇگىتتەۋ. تەكسەرۋ مالىمەتىندە كورسەتىلۋىنشە، ەلىمىزدىڭ دەنساۋلىق ساقتاۋ ونىمدەرىن تۇتىنۋشىلاردىڭ ىشىندە قارتتار 50 پايىزىن ۇستايدى. كەيبىر ساتۋشىلار جالعان ۇگىت ارقىلى دەنساۋلىق ساقتاۋ بۇيىمدارىنىڭ اۋرۋدى ەمدەۋ ونىمدىلىگىن اسىرەلەپ، «3A دارەجەلى ەمحاناداعى ايگىلى شيپاگەر»، «دەنساۋلىق لەكسياسى»، «اقىسىز تارتۋ ەتۋ»، «جوعارى عىلىم – تەحنيكا» سياقتى تاسىلدەرمەن قارتتاردى كوزسىزدىكپەن ساتىپ الۋعا شىرعالايدى.
ءتورتىنشى، بازاردا دەنساۋلىق ساقتاۋ بۇيىمدارىنىڭ باعاسىن تەجەۋ كەمشىل. ەمدىك ازىق - تۇلىكتەردىڭ بازار ينفورماتسياسىنىڭ سايكەسسىزدىگى دەنساۋلىق ساقتاۋ ونىمدەرىنىڭ بازار باعاسىنىڭ بۇرمالانۋىن كەلتىرىپ شىعارادى. ويتكەنى، دەنساۋلىق ساقتاۋ بۇيىمدارىنىڭ پايداسى جوعارى، زاڭعا قايشىلىق جاساۋدىڭ وزىندىك قۇنى تومەن، سول سەبەپتى زاڭسىز ەلەمەنتتەر قاپتاپ كەتكەن، الايدا، زاڭنىڭ دەنساۋلىق ساقتاۋ بۇيىمدارىن ساتۋ دەگەن اتپەن الدامشىلىق ىستەگەن قىلمىستىق ارەكەتتەرگە جازا ولشەمى تومەن.
دەنساۋلىق ساقتاۋ ونىمدەرىنە قاتىستى ساياسات، زاڭ - ەرەجەلەردى كەمەلدەندىرىپ، زاڭ اتقارۋ قۋاتىن كۇشەيتۋدى ۇسىنىس ەتەمىن. قاتىستى تاراۋلار دەنساۋلىق ساقتاۋ بۇيىمدارىن تەكسەرۋ، يكەمدى باقىلاۋ - باسقارۋ مەحانيزمىن كەمەلدەندىرىپ، قوعامدىق كۇشتەردى دەنساۋلىق ساقتاۋ بۇيىمدارى بازارىن باقىلاۋعا بەلسەنە قاتىناسۋعا شابىتتاندىرۋ كەرەك. جازالاۋ سيپاتىندىق تولەم ءتۇزىمى سياقتى اناعۇرلىم قاتاڭ جازالاۋ شارالارىن ورناتىپ، دەنساۋلىق ساقتاۋ ونىمدەرى سالاسىنداعى زاڭعا قايشىلىق جاساۋدىڭ وزىندىك قۇنىنىڭ تىم تومەن بولۋ جاعدايىن وزگەرتۋ كەرەك. زاڭنىڭ سەسكەندىرۋ رولىن تولىق ساۋلەلەندىرىپ، باق سىناعانداردىڭ زاڭنىڭ قىزىل سىزىعىنا سوقتىقپاۋىنا مۇمكىندىك جاراتۋ كەرەك.
جالعان ۇگىت جۇرگىزۋ ماسەلەسىنە باعىتتاي وتىرىپ، جالعان جارناماعا سوققى بەرۋدىڭ زاڭ - ءتۇزىمىن كەمەلدەندىرىپ، جارنامانى تەكسەرۋ تەبىنىن جوعارىلاتىپ، جالعان جارناماعا الدانعان تۇتىنۋشىلاردىڭ ءادىليالىق قۇتقارۋ ارناسىن كەڭەيتۋدى ۇسىنىس ەتەمىن. باقىلاۋ - تەكسەرۋ بارىسىندا جالعان جارناما ساقتالعان جاعدايدى دەر كەزىندە ءبىر جاقتىلى ەتىپ، جالعان جارنامانىڭ زاڭعا قايشىلىق جاساۋ وزىندىك قۇنىن ارتتىرۋ كەرەك. زيان تۋدىرعان نەمەسە جالعان جارناما بايقالعان جاعدايدا، تۇتىنۋشىلارعا ءادىليالىق كومەك بەرۋ جولدارىن ارتتىرۋ ءارى اقپارات، توراپ قاتارلى ينفورماتسيا جاريالاۋ تەكشەلەرى ارقىلى كەڭىنەن ۇگىت جۇرگىزىپ، تۇتىنۋشىلاردىڭ حاباردار بولۋ مولشەرى مەن ۇقىق قورعاۋ تانىمىن جوعارىلاتۋ كەرەك.
بۇدان سىرت، دەنساۋلىق ساقتاۋ بۇيىمدارى جونىندەگى بىلىمدەردى جالپىلاستىرۋ، ۇگىتتەۋ تەبىنىن كۇشەيتىپ، قارتتاردى دەنساۋلىق ساقتاۋ بۇيىمدارى الدامشىلىعىنان اۋلاق بولۋعا جەتەكتەۋ كەرەك. قارتتارعا باعىتتالعان كۇتىنۋ، اۋرۋدان ساقتانۋ، دەنساۋلىق ساقتاۋ بۇيىمدارىن پارىقتاۋ سياقتى لەكسيالاردى كوبىرەك ورىستەتىپ، قارتتاردىڭ دەنساۋلىق ساقتاۋ بىلىمدەرىن يگەرۋىنە كومەكتەسىپ، الدانۋدان ساقتانۋ كەرەك. مۇنان سىرت، قارتتاردىڭ دەنساۋلىعى مەن قاجەتىنە نازار اۋدارۋ جانە وعان كوڭىل ءبولۋ، اسىرەسە بالالارى اتا - اناسىنىڭ دەنساۋلىعىنا كوڭىل ءبولۋى، قامقورلىق جاساۋى كەرەك، قارتتاردىڭ كوڭىل كۇيى جۇتاڭ بولعاندىقتان، زاڭسىز ساۋداگەرلەردىڭ الداۋىنا ءتۇسىپ قالۋىنان ساقتانۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
