«بۇقارانىڭ ماڭايىنداعى تاربيەنى» ويداعىداي جۇرگىزۋ كەرەك (جاڭا شولۋ)
2019.09.19 14:22 كەلۋ قاينارى : حالىق تورابى
حالىق تورابى، 9 – ايدىڭ 19 – كۇنى، بەيجيڭ. الەۋمەتتىك اۋماق وقۋ ـ اعارتۋى بالالاردىڭ جازعى دەمالىسىن ءتىپتى دە ءماندى ەتتى، شارۋالار كىتاپ ءۇيى قالىڭ شارۋالارعا رۋحاني ازىق جەتكىزىپ بەردى، ينتەرنەت ساباعى ادامداردىڭ ۇيرەنۋ ىنتاسىن قوزعادى... ۇزدىكسىز جارىققا شىققان جاڭا ۇيرەنۋ ۇلگىسى مەن تاربيە فورماسى ادامداردىڭ نازارىن اۋداردى. باس شۋجي شي جينپيڭ بىلاي دەپ باسا دارىپتەدى: «‹بارلىق ادام ۇيرەنەتىن، بارلىق جەردە ۇيرەنە الاتىن، قاي ـ قاشان دا ۇيرەنەتىن› ۇيرەنۋگە قۇلىقتى قوعام قۇرىپ، جاڭالىق جاراتاتىن دارىندىلاردى توپ ـ توبىمەن جەتىلدىرۋ − ادامزات ورتاق ءدوپ كەلىپ وتىرعان كەلەلى تاقىرىپ». وسى بارىستا الەۋمەتتىك اۋماق وقۋ ـ اعارتۋى ماڭىزدى تۇتقا، بولاشاعى زور.
الەۋمەتتىك اۋماق وقۋ – اعارتۋى قالا – قالاشىقتاعى الەۋمەتتىك اۋماقتا ءتۇرلى وقۋ - اعارتۋ بايلىعىن اشۋ، پايدالانۋ ارقىلى الەۋمەتتىك اۋماقتاعى بارلىق مۇشەلەردىڭ ساپاسى مەن تۇرمىس ساپاسىن جوعارىلاتىپ، تۇرعىنداردىڭ جان - جاقتىلى دامۋى مەن الەۋمەتتىك اۋماقتىڭ باياندى دامۋىن جەبەۋدى ماقسات ەتكەن تاربيە قيمىلى، جاستار مەن ورەندەردىڭ «2 - ساباقحاناسى»، كاسىپتىك ادامداردىڭ «ەلەكتر زارياتتاۋ پۋنكتى»، جاڭا قالا تۇرعىندارىنىڭ «جانۇياسى»، قارتتار تۇرمىسىنىڭ «جاڭا ساحناسى»، قوعامدى جونگە سالۋدىڭ «دەمەۋشىسى» دەپ اتالدى. بيىل جىل باسىندا باسىپ تاراتىلعان «جۇڭگو وقۋ - اعارتۋىن وسىزامانداندىرۋ− 2035» قۇجاتىندا «الەۋمەتتىك اۋماقتاردىڭ وقۋ - اعارتۋ بايلىعىمەن قامداۋدى كەڭەيتۋ» ورتاعا قويىلدى، بۇل ەلىمىزدىڭ الەۋمەتتىك اۋماق وقۋ - اعارتۋىن دامىتۋدا ماڭىزدى جەتەكشىلىك مانگە يە.
الەۋمەتتىك اۋماق وقۋ – اعارتۋىن جاقسى ىستەۋدەگى كەزەكتەگى شۇعىل مىندەت − الەۋمەتتىك اۋماق وقۋ - اعارتۋىنىڭ نەگىزدىك قابىلەت قۇرىلىسىن كۇشەيتىپ، الەۋمەتتىك اۋماق وقۋ - اعارتۋىنىڭ مەكتەپ باسقارۋ تورابىن كەمەلدەندىرۋ. جىجياڭدى مىسالعا الساق، بۇكىل ولكەدەگى رايوندارعا بولىنگەن قالا، اۋدان (رايون) الەۋمەتتىك اۋماقتاردىڭ وقۋ - اعارتۋ، مەكتەپ باسقارۋ قۇرىلىمدارى جيىنى 100گە جەتىپ، قالا، اۋدان دارەجەلى الەۋمەتتىك اۋماقتاردىڭ وقۋ - اعارتۋ قۇرىلىمدارىن تۇگەل قامتىدى. اۋدان (رايون) استىندا ءمالى، الەۋمەتتىك اۋماقتىڭ قازىرگى وقۋ - اعارتۋ، مادەنيەت ورىندارىن بىرىكتىرۋ ارقىلى كوشە (اۋىل - قالاشىق) دارەجەلى الەۋمەتتىك اۋماق مەكتەبى 1332گە جەتتى. تۇرعىندار (قىستاق) اۋماعىندا الەۋمەتتىك اۋماقتارداعى مەكتەپتەردىڭ قامتىمى دا % 60 كە تايادى. ورتا، باستاۋىش مەكتەپ، كىتاپحانا، عىلىم - تەحنيكا سارايى، قالا تۇرعىندارى مەكتەبى، اۋىل - قىستاق مادەنيەت زالى سياقتى بايلىق قاينارىن تولىق رەتتەپ، «جەرگىلىكتى وقۋ - اعارتۋ» قيمىلىن ورىستەتكەندە عانا الەۋمەتتىك اۋماق وقۋ - اعارتۋىن ادامداردىڭ تۇرمىسىنا سىڭىرۋگە بولادى.
الەۋمەتتىك اۋماق وقۋ ـ اعارتۋىنىڭ دامۋىن جەدەل ىلگەرىلەتۋدە، پارتكوم باسشىلىق ەتەتىن، ۇكىمەت ءبىرتۇتاس جوسپارلايتىن، وقۋ ـ اعارتۋ تاراۋلارى باسقاراتىن، قاتىستى تاراۋلار سايكەسەتىن، قوعام بەلسەنە قولدايتىن، بازار ءونىمدى ارالاساتىن، بۇقارا جاپپاي ات سالىساتىن سەلبەسىپ جونگە سالۋ ءتۇزىلىسى مەن اينالىم مەحانيزمىن قالىپتاستىرۋ قاجەت. مىسالى، سىچۋان ولكەسىنىڭ چىڭدۋ قالاسىندا «ۇيرەنۋگە قۇلىقتى قالا قۇرىلىسى مەن الەۋمەتتىك اۋماق وقۋ - اعارتۋىنىڭ بىرىككەن ءماجىلىسى ءتۇزىمى» قۇرىلدى. بىرىككەن ءماجىلىستىڭ جالپى شاقىرۋشىسى مىندەتىن قالا باستىعىنىڭ ورىنباسارى جاۋاپتى بولىپ اتقارادى، مۇشەلەرى وركەنيەت كەڭسەسى، دامىتۋ ـ رەفورمالاۋ كوميتەتى، وقۋ ـ اعارتۋ مەكەمەسى سياقتى 27 ورىندى قامتيدى. قىزمەت جاۋاپكەرشىلىگى ءبىرتۇتاس جوسپارلاپ باسقارۋ جانە كەڭەسۋ، سايكەستىرۋ، قىزمەت جوسپارىن جاساۋ ءارى تياناقتاندىرۋدى قۋزاۋ، الەۋمەتتىك اۋماقتىڭ جىلدىق وقۋ - اعارتۋ بايلىعى جانە تاربيەلەۋ، باۋلۋ، قىزمەت وتەۋ تىزىمدىگىن جيناقتاپ جاريالاۋ سياقتىلاردى قامتيدى. مەحانيزمدى يكەمدەگەندە عانا الەۋمەتتىك اۋماق وقۋ ـ اعارتۋىنىڭ دامۋى تەز ارناعا تۇسە الادى.
الەۋمەتتىك اۋماق وقۋ ـ اعارتۋ قىزمەتىنىڭ جۇيەلىلەنۋىن، تۇزىمدەنۋىن جەبەۋ − الەۋمەتتىك اۋماق وقۋ ـ اعارتۋىنىڭ اقاۋسىز، ىشكەرىلەي دامۋىن ىلگەرىلەتۋدىڭ ءتۇبىرلى كەپىلى. 2005 - جىلدان بەرى، كوپتەگەن جەرلەر ومىرلىك وقۋ - اعارتۋدى (الەۋمەتتىك اۋماق وقۋ - اعارتۋىن) جەبەۋ ەرەجەسى مەن ەرەجە - تۇزىمدەردى ارت - ارتىنان شىعاردى. شاڭحايدى مىسالعا الساق، 2006 - جىلى «شاڭحايدىڭ ۇيرەنۋگە قۇلىقتى قوعام قۇرىلىسىن ىلگەرىلەتۋ جونىندەگى جەتەكشى پىكىردى» جاريالاۋدان 2011 - جىلى «شاڭحاي قالاسىنىڭ ۇيرەنۋگە قۇلىقتى قوعام قۇرىلىسى مەن ومىرلىك وقۋ - اعارتۋدى جەبەۋ سىندى ءۇش جىلدىق ارەكەت جوسپارىن» باسىپ تاراتقانعا دەيىن، ونان 2016 - جىلى شاڭحاي قالالىق وقۋ - اعارتۋ كوميتەتى الەۋمەتتىك اۋماق وقۋ - اعارتۋى مەن قارتتار وقۋ - اعارتۋىن ارناعا ءتۇسىرۋ جونىندەگى 10 قۇجاتتى شىعارىپ، باعىتتامالى ءتۇزىم جۇيەسى قۇرىلىسىن ۇزدىكسىز كەمەلدەندىرىپ، الەۋمەتتىك اۋماق وقۋ - اعارتۋ رەفورماسىن سايكەستىرۋ، قولداۋ، ارناعا ءتۇسىرۋ رولىن اتقارىپ، الەۋمەتتىك اۋماق وقۋ - اعارتۋىنىڭ تەز، اقاۋسىز دامۋىن جەبەدى.
ءتۇرلى ساياساتتىق شارالاردىڭ تياناقتانۋىنا كەپىلدىك ەتۋ ءۇشىن، الەۋمەتتىك اۋماق وقۋ - اعارتۋىن وقۋ - اعارتۋدى وسىزامانداندىرۋدىڭ جالپى تۇلعالىق پلانىنا ەنگىزىپ، نىسانالىق جاۋاپكەرشىلىك پەن باعالاۋ مەحانيزمىن ورناتۋ كەرەك. مىسالى، فۋجيان ولكەسى 2010 - جىلدان باستاپ ومىرلىك وقۋ - اعارتۋ، الەۋمەتتىك اۋماق وقۋ - اعارتۋ قىزمەتىن ىلگەرىندى - كەيىندى «وقۋ - اعارتۋدا قۋاتتى اۋدانعا» جەتەكشىلىك ەتۋ، باعالاۋ مازمۇنىنا ەنگىزىپ، قامتاماسىزداندىرۋ مەحانيزمى، جوسپاردى تياناقتاندىرۋ، قيمىل فورماسى سياقتى جاقتاردان ۇكىمەتتىڭ جەتەكشىلىك ەتۋىن كۇشەيتتى. بۇل ولكەنىڭ وقۋ - اعارتۋ تاراۋلارى الەۋمەتتىك اۋماق وقۋ - اعارتۋىن وقۋ - اعارتۋدى دامىتۋ جوسپارى مەن جىلدىق قىزمەت جوسپارىنا ەنگىزىپ، تۇتاس تۇلعالىق وقۋ - اعارتۋ قىزمەتىمەن ءبىرتۇتاس ورنالاستىرىپ، ءبىرتۇتاس تياناقتاندىرىپ، ءبىرتۇتاس تەكسەرىپ، پارمەندى جەتەكشىلىك جانە جەبەۋ رولىن اتقاردى.
الەۋمەتتىك اۋماق وقۋ - اعارتۋى ەلىمىزدىڭ وقۋ - اعارتۋ ىستەرىنىڭ ماڭىزدى قۇرامداس بولەگى − «بۇقارانىڭ ماڭايىنداعى وقۋ - اعارتۋ». الەۋمەتتىك اۋماق وقۋ - اعارتۋىن تەجەيتىن ءبىرقىدىرۋ ماسەلەلەردى كۇش سالا شەشىپ، الەۋمەتتىك اۋماق وقۋ - اعارتۋىنىڭ وسىزاماندانۋ ورەسىن جوعارىلاتۋ ەلىمىزدىڭ جان سانىنىڭ جالپىلىق ساپاسىن جوعارىلاتىپ، ادامنىڭ جان - جاقتىلى دامۋىن جەبەۋدەگى ماڭىزدى رولىن اناعۇرلىم ويداعىداي ساۋلەلەندىرىپ، ۇيرەنۋگە قۇلىقتى قوعام قۇرۋدى جەدەلدەتۋگە بەرىك نەگىز قالايدى.
(اۆتوردىڭ قىزمەت ورنى: وقۋ - اعارتۋ مينيسترلىگى الەۋمەتتىك اۋماق وقۋ - اعارتۋىن زەرتتەۋ - تاربيەلەۋ ورتالىعى)
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
