جالعان ۋيچات تەكشەلەرى بايقالدى، اباي بولىڭىز!
پاڭ چىڭ
2019.10.23 13:38 كەلۋ قاينارى : حالىق تورابى
ينتەرنەت داۋىرىندە زاڭسىز ەلەمەنتتەر «ەسكىنى جاڭعىرتۋداي» الدامكوستىك تاسىلدەن پايدالانۋدا. جۋىردا جاڭا تۇردەگى الدامكوستىك ءتاسىلى جاسىرىن ەتەك الدى: ۋيچات تەكشەلەرىنىڭ جالپىلاسۋىنا ىلەسە، زاڭسىز ەلەمەنتتەر رەسمي قۇرىلىمداردىڭ اتىن جامىلۋ ارقىلى، نەمەسە جالعاننان جاساۋ، وزگەلەردىڭ ونەركاسىپ – ساۋدا كۋالىگىن پايدالانۋ، زاڭدىق تۇلعانىڭ ينفورماتسيالارىن پايدالانىپ ۋيچات تەكشەسىن اشۋ قاتارلى جولدارمەن الدامكوستىك ىستەي باستادى. جۋىردا تىڭشۇن ۋيچات ءبولىمى جاريالاعان ساندى دەرەكتەرگە قاراعاندا، جىل باسىنان قازىرگە دەيىن الدامكوستىك سيپاتىنداعى ەلىكتەمەلى ۋيچات تەكشەلەرىنەن 45 مىڭ تەكشەگە سوققى بەرگەن جانە ءبىرجاقتى ەتكەن.
ۋيچات الەۋمەتتىك تەكشەلەرى ىشىندە مۇنداي جالعان تەكشەلەردىڭ ءتۇرى كوپ. ۋيچاتقا جاۋاپتى جاقتىڭ ايتۋىنشا، مۇنداي تەكشەلەردىڭ ءتۇرى سان الۋان بولىپ، كەيبىرەۋى تۇتىنۋشىلاردىڭ نەسيەلىك كارتۋچكاسىنىڭ ۋاقىتى وتكەن دەگەن اتپەن، قىزمەت وتەۋشى بولىپ الىپ، تۇتىنۋشىلاردى جالعان بانكە تەكشەسىنىڭ ەكىلىك ءنومىرىن جايمالاپ، اقى تولەۋگە جەتەلەيدى؛ كەيبىرەۋى «جوعارى مەكتەپ ەمتيحانىنا تىزىمدەلۋ، وقۋشى قابىلداۋداعى رەسمي تەكشە» دەگەن اتپەن، جوعارى مەكتەپكە ەمتيحان بەرۋدەي ماڭىزدى كەزەڭدە وقۋشى قابىلدايتىن، ەمتيحانعا تىزىمدەيتىن قۇرىلىمدار مەن تاراۋلاردىڭ تەكشەسىنىڭ اتىن جامىلىپ جالعان قىزمەت وتەيدى.
ءىس جۇزىندە، توراپتا ۋيچات الەۋمەتتىك تەكشەسىن ۋاكىلدىك تىركەتۋ جانە كۋالاندىرۋمەن اينالىساتىن جەكەلەر، قۇرىلىمدار از ەمەس، ءىشىنارا ەلەكتروندىق ساۋدا تەكشەلەرىندە، ءتىپتى، ۋيچات تەكشەلەرىن «ۋاكىلدىك ساتۋ، مايعا بەرۋمەن» شۇعىلداناتىندار بار. ۋيچات تەكشەسىن تىركەۋگە الدىرۋ ءتارتىبى دە وتە قاراپايىم، بەلگىلى اقپارات قۇرالىنىڭ تەكسەرۋ بارىسىندا بايقاۋىنشا، تىركەۋگە الدىرعان تۇلعانىڭ تۇرلىشە بولۋىنا ساي، ۋيچات تەكشەسى جەكەلىك ۋيچات تەكشەسى جانە سەرىكتەستىك ۋيچات تەكشەسى بولىپ بولىنەدى، جەكەلىك ۋيچات تەكشەسىن تىركەۋگە الدىرۋدىڭ ءتارتىبى قاراپايىم، جەكەلەر، تەك، جاي عانا ماتەريالدار كەستەسىن تولتىرسا بولعانى تىركەۋگە الدىرا الادى. كاسىپورىن تەكشەسىن تىركەۋگە الدىرۋ بارىسىندا قۇرىلىمنىڭ نەمەسە كاسىپورىننىڭ كۋالىگى قاتارلى ينفورماتسيالار قاجەت، ءبىراق، مۇنداي تەكشە اناعۇرلىم مول مۇمكىندىكتەرگە يە، مىسالى، اقى تولەۋ ارناسىن اشۋعا بولادى.
جالعان ۋيچات تەكشەلەرى ورشەلەنە ەلىرگەن سايىن تەكشەلەر مەن قاتىستى تاراۋلار باسقارۋدى ونان ارى كۇشەيتۋى كەرەك. توراپ تەكشەسى، ەڭ الدىمەن، ۋيچات تەكشەسىن جالعاننان جاساۋ جاعدايىن قاينارىنان باستاپ تەجەۋى، تىركەۋ، باسقارۋ ءتارتىبىن ونان ارى كەمەلدەندىرۋى قاجەت. ناقتىلاپ ايتقاندا، تەكشەلەر ارناۋلى تەكسەرۋ ارناسىن اشىپ، تۇتىنۋشىلاردىڭ كاسىپورىن تەكشەسىنىڭ شىن – جالعانىن پارىقتايتىن رەسمي دالەلدى ازىرلەۋى قاجەت؛ كاسىپورىن تەكشەسىن تىركەۋگە الدىرعاندارعا اقى تولەۋ ارناسىن وتە وڭاي اشپاۋ كەرەك، ماتەريالدى تەكسەرۋ ءتارتىبىن قاتاڭداستىرۋ، نەمەسە تيجارات ەتكەن جىل شەكتەمەسىنە تالاپ قويۋى كەرەك. مۇنان سىرت، ايدىك دەرەك، جاساندى زەردە قاتارلى تەحنيكالىق تاسىلدەردەن تولىق پايدالانىپ، جالعان ۋيچات تەكشەلەرىنە سوققى بەرۋ، قالىپسىز جاعدايلاردىڭ ءىزىن قۋالاي باقىلاۋ جانە باسقارۋ، دەر كەزىندە انىقتاۋ كەرەك، ۇزاق مەرزىمدىك ۇتىمدى باسقارۋ مەحانيزمىن قالىپتاستىرىپ، باسقارۋ ورەسىن جوعارىلاتۋ قاجەت.
توراپتاستاردىڭ كوبىنىڭ ينفورماتسيا تەڭىزىندەگى جالعان مەن شىندى پارىقتاۋ قابىلەتى كەمشىل. جەكەلەر جونىنەن العاندا، بەيتانىس ۋيچات تەكشەلەرىنە الباتى تىركەلمەۋ كەرەك، ماڭىزدى جەكەلىك ينفورماتسيالاردى جازۋعا ءتيىستى بولعان كەزدە، مىسالى، ازاماتتىق كۋالىك ءنومىرى، بانكە كارتۋچكاسىنىڭ ءنومىرى، ايعاقتاۋ ءنومىرى قاتارلىلاردى جازعان كەزدە، ۋيچات تەكشەسىنىڭ شىن – جالعانىن انىقتاپ الۋ كەرەك، بەلگىلەمەگە قايشى كەلگەن جالعان ۋيچات تەكشەلەرى بايقالسا، دەرەۋ مالىمدەۋ كەرەك. ەگەر الدانىپ قالسا، دەر كەزىندە سپاتتاردى ساقتاپ الۋى ءارى دەلو مالىمدەۋى كەرەك.
ۋيچات الەۋمەتتىك تەكشەلەرىنىڭ جارىققا شىعۋى قالىڭ توراپتاستارعا قولايلىلىق جاراتتى، بۇگىنگى تاڭدا، زاڭسىز ەلەمەنتتەر ۋيچات تەكشەسىن جالعاننان جاساۋ ارقىلى زاڭعا قايشى جولمەن ەكونوميكالىق پايداعا كەنەلۋدە. توراپ زاڭنان تىسقارى قالمايدى، تەك، قاتىستى زاڭ – تۇزىمدەردى قالىپتاستىرعاندا جانە كەمەلدەندىرگەندە عانا، جالعان ۋيچات تەكشەلەرى وركەن جاياتىن توپىراقتى تۇبىرىنەن الاستاۋعا بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
