بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>قوعام

جۇڭگولىق مامان - وقىمىستىلار نيۋ – يوركتە شينجياڭعا، شياڭگاڭعا، شيزاڭعا قاتىستى ماسەلەلەر جونىندە جۇڭگولىق – شەتەلدىك اقپارات قۇرالدارىمەن كەزدەستى

2019.10.28 14:32     كەلۋ قاينارى : حالىق تورابى

  شينحۋا اگەنتتىگى، 10 – ايدىڭ 25 – كۇنى، نيۋ – يورك (ءتىلشى: ۋاڭ جيانگاڭ) جۇڭگونىڭ ب م ۇ – داعى تۇراقتى ۋاكىلدەر ۇيىرمەسى جانە جۇڭگو كىسىلىك ۇقىق ىستەرىن زەرتتەۋ قوعامى 10 – ايدىڭ 25 – كۇنى جۇڭگونىڭ ب م ۇ – داعى تۇراقتى ۋاكىلدەر ۇيىرمەسىنىڭ كەڭسەسىندە شينجياڭعا، شياڭگاڭعا جانە شيزاڭعا قاتىستى ماسەلەلەر جونىندە جۇڭگولىق – شەتەلدىك اقپارات قۇرالدارىمەن كەزدەسىپ، جۇڭگو كىسىلىك ۇقىق ىستەرىن زەرتتەۋ قوعامى جانە جۇڭگو حالىقارالىق اۋىس – كۇيىس جاساۋ قوعامىنىڭ مامان – وقىمىستىلارى جۇڭگولىق – شەتەلدىك تىلشىلەرگە شينجياڭ مەن شيزاڭنىڭ ەكونوميكا جانە قوعامدىق دامۋىن، ءدىن جونىندەگى ساياساتىن جانە لاڭكەستىككە قارسى تۇرۋ جاعدايىن، سونداي – اق، شياڭگاڭنىڭ قازىرگى جاعدايىن تانىستىردى ءارى تىلشىلەردىڭ سۇراۋىنا جاۋاپ بەردى.

  جۇڭگو كىسىلىك ۇقىق ىستەرىن زەرتتەۋ قوعامىنىڭ تۇراقتى ىستەرگە جاۋاپتى القاسى، نانكاي ۋنيۆەرسيتەتى كىسىلىك ۇقىق ىستەرىن زەرتتەۋ ورتالىعىنىڭ مەڭگەرۋشىسى چاڭ جيان جۇڭگونىڭ ۇلت جانە ءدىن تۋرالى اتقارىپ كەلەجاتقان ساياساتىن ءتۇيىندى تۇردە تانىستىرىپ، جۇڭگونىڭ ءبىرتۇتاس، كوپ ۇلتتى مەملەكەت ەكەنىن، سونىمەن بىرگە، كوپ ءتۇرلى ءدىن قاتار ءومىر سۇرەتىن مەملەكەت ەكەنىن باسا دارىپتەدى. جۇڭگو ءار ۇلت تەپە – تەڭ، ىنتىماقتى، ءوزارا كومەكتەسەتىن ۇلتتىق ساياساتتى اتقارادى، ءار ۇلتتىڭ ءدىني سەنىم ەركىندىگى ۇقىعىن قۇرمەتتەيدى ءارى قورعايدى، ءار ۇلت حالقىنىڭ ۇزاق ۋاقىت بويى تاتۋلىقپەن بىرگە جاساۋىن ىلگەرىلەتەدى، از ۇلتتاردىڭ ساياسي، ەكونوميكا، قوعام، مادەنيەت قاتارلى جاقتاردا ۇزدىكسىز جالپى بەتتىك دامۋىن ىلگەرىلەتەدى.

  جۇڭگونىڭ كىسىلىك ۇقىق ىستەرى القالار كەڭەسى، جۇڭگو قوعامدىق عىلىمدار مەكەمەسى جۇڭگونىڭ شەكارا وڭىرلەرىن زەرتتەۋ بولىمشەسىنىڭ زەرتتەرمەنى شۇي جيانيڭ زاڭ بويىنشا لاڭكەستىككە قارسى تۇرۋ، ۇشقارىلىقتى الاستاۋ مەحانيزمىن قۇرۋدى قامتىعان شينجياڭنىڭ لاڭكەستىككە قارسى تۇرۋ، ۇشقارىلىقتى الاستاۋ قىزمەتى جونىندەگى ىزدەنىسى مەن ءامالياتىن تانىستىرىپ، لاڭكەستىككە قارسى تۇرۋ مەن ۇشقارىلىقتى الاستاۋدىڭ شينجياڭداعى ءار ۇلت حالقىنىڭ تىرشىلىك ەتۋ ۇقىعى، دامۋ ۇقىعى سىندى نەگىزدىك كىسىلىك ۇقىقتارىنا ساياتىنىن باسا دارىپتەدى. ەلىمىزدىڭ مەملەكەت جاعدايىنا نەگىزدەلىپ، شىندىقتى ءىس جۇزىنەن ىزدەي وتىرىپ، لاڭكەستىككە قارسى تۇرۋ، ۇشقارىلىقتى الاستاۋ شارالارى جونىندە ىزدەنىس جاساۋ جانە جاڭالىق جاراتۋ، شينجياڭنىڭ كاسىپتىك شەبەرلىككە تاربيەلەۋ – باۋلۋ ورتالىعىن قۇرۋ پاراساتتى ءىس بولىپ، لاڭكەستىك پەن ءدىني ۇشقارىلىقتىڭ تارالۋىن ءونىمدى تۇردە تەجەپ، حالىقتىڭ تىرشىلىك حاۋىپسىزدىگى مەن باقىتتى تۇرمىسىن قورعاۋعا مۇمكىندىك بەرەدى.

  جۇڭگو كىسىلىك ۇقىق ىستەرىن زەرتتەۋ قوعامىنىڭ القاسى، شينجياڭ ۋنيۆەرسيتەتى ماركسيزم ينستيتۋتىنىڭ باستىعى زۇريات سىمايىل بىلاي دەدى: كىسىلىك ۇقىقتى تولىعىمەن ىسكە اسىرۋ — شينجياڭداعى ءار ۇلت حالقىن قامتىعان بۇكىل جۇڭگو حالقىنىڭ ۇزاق ۋاقىتتىق كۇرەس نىساناسى. قازىر جۇڭگو شينجياڭنىڭ ءتۇرلى ىستەرىن دامىتۋعا بارىنشا كۇش سالۋدا، ءار ۇلت حالقىنىڭ دامۋعا تەڭ تۇرعىدا قاتىناسۋ ۇقىعىنا، دامۋ جەتىستىكتەرىنەن تەڭ يگىلىكتەنۋىنە شىنايى كەپىلدىك ەتىپ، شينجياڭنىڭ كىسىلىك ۇقىق ىستەرىن ۇزدىكسىز دامىتۋدا جانە ىلگەرىلەتۋدە.

  جۇڭگونىڭ حالىقارالىق اۋىس – كۇيىس جاساۋ قوعامىنىڭ القاسى، جۇڭگو قوعامدىق عىلىمدار ينستيتۋتى زاڭ عىلىمى زەرتتەۋ بولىمشەسىنىڭ زەرتتەرمەنى چىن شينشين مىنانى باسا دارىپتەدى: شياڭگاڭ وتان قۇشاعىنا ورالعاننان بەرى، جۇڭگو ورتالىق كوميتەتى ىستەردى قاتاڭ تۇردە نەگىزگى زاڭ مەن شياڭگاڭ نەگىزدىك زاڭى بويىنشا ىستەپ، «ءبىر ەل، ەكى ءتۇزىمدى» باسا دارىپتەپ، شياڭگاڭداعى باۋىرلاستاردى قامتىعان بۇكىل جۇڭگو حالقىنىڭ شىن جۇرەكتەن قولداۋىنا، سونداي - اق حالىقارالىق قوعامنىڭ كەڭ كولەمدە ماداقتاۋىنا يە بولدى. ول تاعى شياڭگاڭدا جۋىردان بەرى تۋىلعان زاڭمەن باسقارۋدى اۋىر دارەجەدە ءبۇلدىرۋ، قوعام ءتارتىبىن ءبۇلدىرۋ، سونداي – اق، كوپ سانداعى ادامداردىڭ ۇقىق - مۇددەسىنە جانە ەركىندىگىنە زيان جەتكىزۋ جاعدايىن تانىستىردى، شياڭگاڭنىڭ «ءبىر ەل، ەكى تۇزىمگە» تاباندى بولىپ، زاڭمەن باسقارۋدى بۇلجىتپاي ورىنداۋى — ءتۇرلى جاقتاردىڭ ۇيلەسىمدى، زاڭدى ۇقىق – مۇددەسىنە كەپىلدىك ەتۋدەگى ەڭ دۇرىس تالعام ەكەنىن باسا دارىپتەدى.

  جۇڭگو كىسىلىك ۇقىق ىستەرىن زەرتتەۋ قوعامىنىڭ القاسى، جۇڭگو زاڭزۋ تانۋ ورتالىعىنىڭ زەرتتەرمەنى گىساڭ جوما كوپتەگەن ساندى مالىمەتتەردى سالىستىرۋ ارقىلى شيزاڭنىڭ كىسىلىك ۇقىق ىستەرىنىڭ دامۋ جەتىستىكتەرىن تولىق تانىستىردى.

  جۇڭگو كىسىلىك ۇقىق ىستەرىن زەرتتەۋ قوعامى باس حاتشىسىنىڭ ورىنباسارى ۋاڭ لينشيا سول كۇنگى كەزدەسۋدى باسقاردى ءارى شينجياڭ تاربيەلەۋ – باۋلۋ ورتالىعىنداعى كۋرسانتتاردىڭ جاعدايى جانە تاربيەلەۋ – باۋلۋ ورتالىعىنا كىرەتىن كۋرسانتتاردى قالاي پارىقتاپ تۇراقتاندىرۋ قاتارلى ماسەلەلەر جونىندە تىلشىلەردىڭ سۇراۋىنا جاۋاپ بەردى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار