بالالارعا ازىق – تۇلىك ساتىپ العاندا، الدامكوستىكتەن اباي بولىڭىز
شىن شاۋتيە
2019.11.06 14:47 كەلۋ قاينارى : حالىق تورابى
بالالاردىڭ ءوسىپ – جەتىلۋىنىڭ تۇرلىشە كەزەڭىندەگى قورەكتىككە بولعان قاجەتىنە قاراي، سايكەستى ازىق – تۇلىكتەرگە حاۋىپسىزدىك ولشەمىن تەز ارادا بەلگىلەپ، بالالارعا ارنالعان ازىق – تۇلىكتەردىڭ ءونىم بەلگىسى مەن جارناماسىن جۇيەگە سالىپ، بالالاردىڭ كوڭىلدى، الاڭسىز ازىقتانۋىنا شارت – جاعداي جاراتۋ كەرەك.
جۋىردا اقپارات قۇرالدارىنىڭ حابارلاۋىنشا، بازارعا شىعارىلعان ءىشىنارا «بالالار ازىق – تۇلىكتەرىندەگى» «تۇزى از»، «قورەكتىك قۇرامى جوعارى»، «دەنساۋلىققا پايدالى»، «ورگانيكالى» دەگەن سياقتى الدامشى سوزدەر كوزدى اربايدى، ءىس جۇزىندە تەك قورابىن، كولەمىن جانە ءدامىن عانا وزگەرتكەن، ادەتتەگى ازىق – تۇلىكتەردەن ەشقانداي پارقى جوق، ءبىراق باعاسى ءبىر ەسە جوعارى، كوپتەگەن اتا – انالار جاعدايدى قانىق بىلمەگەندىكتەن، تالاسا – تارماسا ساتىپ الادى.
اتا – انانىڭ پەرزەنتتەرىنە دەگەن سۇيىسپەنشىلىگى شەكسىز بولعاندىقتان، بالاسىنا ەڭ جاقسى نارسەنى الىپ بەرۋدى ويلايدى. جۋىرداعى جىلداردان بەرى، ادامداردىڭ تۇرمىس ورەسىنىڭ اناعۇرلىم جوعارىلاۋىنا بايلانىستى، بالالارعا ازىق – تۇلىك ساتىپ العان كەزدە، اتا – انالار جومارت كەلەدى. جۇرتتىڭ وسىنداي كوڭىل – كۇيىنەن پايدالانعان ساۋداگەرلەر بالالارعا ارنالعان ازىق – تۇلىكتەردى بىلدىرتپەستەن اسىرا ۇگىتتەدى. كوپتەگەن كولەمدى ەرەنبازارلار بالالارعا ارنالعان ازىق – تۇلىك رايونىن ارنايى قۇرىپ، «بالالارعا ارنالعان» دەگەن بەلگى باسىلعان سۋسىندىق، كەسپە كوجە، شوشىرە، تۋرالعان سيىر ەتى، قوسىمشا تاعام، دامدەندىرگىش قاتارلىلاردى شىعاردى. بۇل تاۋارلاردىڭ كوبىن نازىك، كارتونشا سۇيكىمدى قوراپتارمەن قوراپتاپ، بالالاردى باۋراپ الدى، اتا – انالار دا بۇل زاتتاردىڭ قۇنى باعاسىنا تاتيدى دەپ ويلايتىن بولدى.
دەمەك، «بالالار ازىق – تۇلىكتەرىنىڭ» بارلىعى شىنىندا بالالارعا ۇيلەسە بەرە مە؟ قۇرامىنا انىقتاپ قاراساڭىز، وسى تەكتەس ازىقتىقتاردان پارىق جوق ەكەنىن بايقايسىز، كەيبىرەۋىنە ءدامىن كەلتىرەتىن حوش ءيىستى ماي قوسىلعان؛ باعاسىنا قاراساڭىز، كوبى وسى تەكتەس ازىق – تۇلىكتەردەن قىمبات، كەيبىرەۋى بىرنەشە ەسە قىمبات. مىسالى، بەلگىلى ەلەكتروندىق ساۋدا تەكشەسىندە ساتىلعان، بالالارعا ارنالعان قوراپتالعان قۋىرماشتىڭ قورابىنا «بالالارعا ارنالعان» دەپ انىق جازىلعان، الايدا، قورەكتىك كەستەسىنە جازىلعان بەلوك، ماي، كومىر – سۋ قوسىلىستارى، ناتري قاتارلى زاتتاردىڭ قۇرامى ادەتتەگى قوراپتالعان قۋىرماشتارمەن كوپ پارىقتالمايدى.
قورەكتىك عىلىمى تۇرعىسنان ايتقاندا، بالالاردىڭ اس قورىتۋ قۋاتى ومىرگە كەلگەن سوڭ بىرتىندەپ جەتىلىپ، تولىسادى، دەمەك، بالالاردىڭ جەتىلۋىندەگى تۇرلىشە كەزەڭدە بارلىق ازىق – تۇلىك بالالاردىڭ اسقازانىنا ۇيلەسە بەرمەيدى، سوندىقتان، بالالارعا ارنالعان ازىق – تۇلىكتەردىڭ حاۋىپسىزدىگى مەن قورەكتىك قۇنى وسى تەكتەس ادەتتەگى ازىق – تۇلىكتەردەن جوعارى بولۋى كەرەك، سوندا عانا بالالاردىڭ اسقازانىنىڭ جەتىلۋ ەرەكشەلىگىنە ساي كەلەدى. بۇل وسى ازىق – تۇلىكتەردى وندىرگەن كاسىپورىنداردان ازىق – تۇلىك قۇرامى مەن مولشەرىن تەڭەستىرۋ جاعىندا كوپ كۇش شىعارۋدى تالاپ ەتەدى. قازىر بازاردا بار «بالالار ازىق – تۇلىكتەرى» تەك ءىشىنارا ساۋداگەرلەردىڭ ورايدان پايدالانىپ اسىرا ۇگىتتەۋى عانا.
قازىر ەلىمىز جاڭا تۋعان نارەستەلەردەن تارتىپ، 3 جاسقا دەيىنگى نارەستەلەرگە ارنالعان ءسۇت تالقانى، كۇرىش تالقانى جانە قويمالجىڭ تەكتەس قوسىمشا ازىق – تۇلىكتەرگە باقىلاۋ – باسقارۋ ولشەمىن جاريالادى، الايدا، 3 جاستان جوعارى بالالارعا ارنالعان ازىق – تۇلىكتەرگە باعىتتالعان ولشەم جوق، نەگىزىنەن «ازىق – تۇلىك حاۋىپسىزدىگى زاڭى»، «ازىق تۇلىك قوسپالارىن پايدالانۋ ولشەمى» قاتارلى زاڭ – تۇزىمدەر ارقىلى باسقارىلۋدا. بازارداعى اتالمىش بالالارعا ارنالعان ازىق – تۇلىكتەر، مىسالى، بالالارعا ارنالعان بۇرشاق سىرنەسى، ءسۇت، بولكا، پراندىك قاتارلىلاردى باقىلاۋ – باسقارۋ ولشەمىن ءالى دە كەمەلدەندىرۋگە تۋرا كەلەدى. ءبىرتۇتاس ولشەم مەن ارناۋلى زاڭ – ءتۇزىم كەمشىل بولعاندىقتان، پايداعا قۇنىققان ساۋداگەرلەر بارعان سايىن مولايىپ، «بالالارعا ارنالعان ازىق – تۇلىكتەر» نارىعىن باقىلاۋ – باسقارۋ جاعىنداعى بوستىقتان پايدالانۋدا، بۇل جاعدايدى جونگە سالۋ، جۇيەلەندىرۋ قاجەت.
ءتۇرلى – تۇستەگى اتالمىش «بالالار ازىق – تۇلىكتەرىنە» باعىتتالعان باقىلاۋ – باسقارۋ جۇيەسىن تەزىرەك كەمەلدەندىرۋ كەرەك. ءبىر جاعىنان، بالالاردىڭ ءوسىپ – جەتىلۋىنىڭ تۇرلىشە كەزەڭىندەگى قورەكتىككە بولعان قاجەتىنە قاراي، سايكەستى ازىق – تۇلىكتەرگە حاۋىپسىزدىك ولشەمىن تەز ارادا بەلگىلەپ، بالالارعا ارنالعان ازىق – تۇلىكتەردىڭ ءونىم بەلگىسى مەن جارناماسىن جۇيەگە سالۋ، ەندى ءبىر جاعىنان، «بالالار ازىق – تۇلىكتەرى» دەگەن جەلەۋدى جامىلعان، ءىس جۇزىندە ساپاسىز ازىق – تۇلىكتەردى ءوندىرۋ جانە ساتۋمەن شۇعىلداناتىن كاسىپورىنداردى دەر كەزىندە اشكەرەلەۋ ءارى قاتاڭ جازالاۋ ارقىلى بالالاردىڭ كوڭىلدى، الاڭسىز ازىقتانۋىنا شارت – جاعداي جاراتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
