سەرجان مىندەتىن ادالدىقپەن اتقارىپ، حالىق ءۇشىن قان توكتى (ۇلتتىڭ گۇلدەنۋى ءۇشىن . قاھارماندار شەجىرەسى)
2020.01.09 16:00 كەلۋ قاينارى : حالىق تورابى
شينحۋا اگەنتتىگى (ءتىلشى: اينۇر) شينجياڭنىڭ شەكارا رايونىنداعى شاعىن قالاشىق، التاي ايماعىنداعى «تاۋى التىن، تاسى كۇمىس» دەپ اتالعان كوكتوعاي اۋدانىنىڭ كوركى كوز تارتادى، حانزۋ كادردى قۇتقارۋ جولىندا قۇربان بولعان قازاق ۇلتىنان شىققان جاس ازامات، حالىق ساقشىسى وسى ارادا ماڭگىلىك ۇيقىدا جاتىر.
سەرجان 1964 – جىلى 8 – ايدا تۋعان، 1987 – جىلى قوعام حاۋىپسىزدىگى سالاسىنا قىزمەتكە قاتىناسقان، كوزى تىرىسىندە كوكتوعاي اۋداندىق قوعام حاۋىپسىزدىگى مەكەمەسى قالاشىق ساقشى بولىمشەسىنىڭ حالىق ساقشىسى بولاتىن. 1994 – جىلى 9 – ايدىڭ 9 – كۇنى ول قولىنا قوپارعىش ءدارى سومكەسىن ۇستاعان سودىرلارمەن ەرجۇرەكتىكپەن ايقاسىپ، ەرلىكپەن قۇربان بولدى، 30 جاسىندا قىرشىنىنان قيىلدى، كەيىن جۇڭگو كوممۋنيستىك پارتياسىنىڭ مۇشەسى ءارى توڭكەرىستىك قاھارمان دەپ تانىلدى ءارى مەملەتتىك قوعام حاۋىپسىزدىگى جۇيەسىنىڭ 1 – دارەجەلى ۇلگىسى دەگەن اتاق بەرىلدى.
1994 – جىلى 9 – ايدىڭ 9 – كۇنى ەكى سودىر قوپارعىش ءدارى سالعان سومكەنى الىپ، اۋداندىق پارتكوم شۋجيى يە ۋەيشياڭنىڭ ۇيىنە باسا كوكتەي كىرەدى، جاعداي توتەنشە حاۋىپتى بولاتىن، سول كۇنى كەزەكشىلىكتە تۇرعان حالىق ساقشىسى سەرجان ساقشىعا مالىمدەۋ تەلەفونىن قابىلداعان سوڭ، دەرەۋ ارەكەتتەنەدى.
ناق مايدانعا بارعان سوڭ، سەرجان ەڭ الدىمەن كەۋدە كەرىپ شىعادى. ونىمەن بىرگە بارعان بىرىگىپ قورعانۋ اترەتىندەگىلەر قاقپانىڭ سىرتىندا قامالىپ قالادى. اۋلا ىشىندەگى سودىرلاردىڭ بىرەۋىنىڭ قولىندا قوپارعىش ءدارى سومكەسى، ەندى بىرەۋىنىڭ قولىندا قانجار، سەرجان ولارعا ايباتتانا تاپ بەرىپ، قوپارعىش ءدارى سومكەسىن ۇستاعان سودىردى مىقتاپ قۇشاقتاپ الادى، قولىندا قانجارى بار تاعى ءبىر سودىر سەرجاندى قانجارمەن سەسكەندىرمەك بولادى. وسى ساتتە سودىر قوپارعىش ءدارىنىڭ بىلتەسىن سۋىرىپ جىبەرەدى ... يە ۋەيشياڭ مەن ونىڭ ايەلى حاۋىپتەن قۇتىلادى، الايدا، سەرجان قىپ – قىزىل قانعا بويالىپ قۇلايدى.
سەرجاننىڭ اكەسى دە قوعام حاۋىپسىزدىگى سالاسىنداعى ساقشى بولاتىن، اكەسى وعان: «جاقسى ساقشى بولۋ ءۇشىن جان – تانىڭمەن حالىق ءۇشىن قىزمەت ىستەۋىڭ كەرەك، ءارقانداي قۇرباندىق بەرۋدەن، ءتىپتى ءوز باسىڭدى قۇربان ەتۋدەن دە تايىنباۋىڭ كەرەك»، — دەيتىن.
سەرجان وسى ءسوزدى جادىندا جاتتادى. حالىق ساقشىسى بولعان 7 جىلدا ول مۇنداي ءولىم مەن ءومىر سىناعىنا تالاي رەت ءدوپ كەلگەن بولاتىن.
كوكتوعاي اۋدانى ەلىمىزدىڭ ەڭ سۋىق جەرلەرىنىڭ ءبىرى، بۇل ارانىڭ جان سانى 90 مىڭعا جەتپەگەنىمەن، قازاق، ۇيعۇر قاتارلى 20 نەشە از ۇلت قونىستانعان. از ۇلتتان شىققان حالىق ساقشىسى سەرجان ۇلتتار ىنتىماعىن كوز قاراشىعىنداي قورعايتىن.
قازىر جۇرت سەرجان جايلى ءسوز بولعاندا «اتتى كوزىنەن، جىگىتتى ىزىنەن تانى» دەگەن قازاقتىڭ اتالى ءسوزىن ارنايدى، ونىڭ ارتىنا قالدىرعان ساۋلەلى ىزدەرى ەشقاشان ۇمىتىلمايدى ...
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
