ەرتەڭگى مۇنان دا جاقسى باس قوسۋ ءۇشىن بۇگىن باس قوسپايمىز
يۇي شۋان
2020.02.13 18:05 كەلۋ قاينارى : حالىق تورابى
جاڭا تيپتەگى ايدارشا ۆيروس ىندەتىنە ءدوپ كەلىپ وتىرعان بۇگىنگى تاڭدا، چۇڭچيڭ قالاسىنداعى ءىشىنارا جەرلەر ىندەتتەن ساقتانۋ – تەجەۋ قىزمەتىنىڭ «قاتاڭداتىلعان نۇسقاسىن» ىسكە قوستى، بۇرىنعى قوناقتىڭ اياعى ۇزىلمەيتىن اسحانالار جابىلدى، جۇرت بۇرىنعىداي قايشالىسىپ كوشەدە جۇرمەيتىن بولدى. چۇڭچيڭ وتتىقتى قازان سورپاسى اسحانالارى: قازىر باس قوسپايمىز، _ دەدى، جياڭجين بۇرىش قوسىلعان تاۋىق ەتى اسحانالارى: قازىر باس قوسپايمىز، _ دەپ ۇندەۋ شىعاردى ... بىرنەشە كۇننەن بەرى، چۇڭچيڭنىڭ اۋىزدىڭ سۋىن قۇرتاتىن ءدامدى تاعامدارى ءبىر – ءبىر پارشا قوزعالىستاعى ادەمى قۇلاقتاندىرۋلاردان كورىنىپ، چۇڭچيڭ قالاسىنداعى تۇرعىنداردىڭ الەۋمەتتىك جەلىدەگى پاراقشالارىنان ورىن الدى.
بۇل جولعى «كورىكتى كوكتەم كەلىپ، ىندەت ايىققاندا، چۇڭچيڭعا كەلىپ باس قوسۋىڭىزدى كۇتەمىن» اتىنداعى عالامتورلىق كۇش جالعاۋ قيمىلىن چۇڭچيڭ قالالىق ءدامدى تاعامدار بىرلەستىگى باس بولىپ ۇيىمداستىرعان، وسى ارقىلى جۇرتتى سىرتقا كوپ شىقپاۋعا، باس قوسپاۋعا ۇندەۋدى ماقسات ەتتى. اتالعان قيمىل ورىستەتىلگەننەن بەرى توراپتا ەكراندى يەلەدى. جۇرتشىلىققا ۇنامدى تاسىلدەر ارقىلى ىندەتتەن ساقتانۋ بىلىمدەرىن ۇگىتتەپ، بۇكىل الەۋمەتتىڭ ىندەتكە قارسى تۇرۋداعى سەنىمىن ارتتىرىپ، بىرىككەن كۇشىن نىعايتتى.
ىندەتتەن ساقتانۋ – تىزگىندەۋدە، قيىن - قىستاۋ كەزەڭنەن بىرگە وتۋىمىزگە تۋرا كەلەدى. جاي ادامدار جونىنەن ايتقاندا، ۇيدە بولىپ، سىرتقا از شىعىپ، باس قوسۋعا بارماۋى ءوزىنىڭ دەنساۋلىعىنا جاۋاپكەرشىلىكپەن قاراعاندىق، ىندەتتىڭ تارالۋ جولىن كەسۋگە ۇلەس قوسقاندىق بولىپ ەسەپتەلەدى. ناۋقاستارمەن ۇشىراسقانداردى ۇيدە مەديتسينالىق باقىلاۋعا الۋدان تارتىپ، الەۋمەتتىك اۋماقتاعى ىندەتتەن ساقتانۋ – تىزگىندەۋدى تور ارقىلى باسقارۋعا دەيىن، جەر – جەر ساقتانۋ – تىزگىندەۋدى اناعۇرلىم كۇشەيتىپ، ىندەتتىڭ تارالۋ تەبىنىن باتىل تەجەدى. ىندەتتىڭ ءبىر ورىندا شوعىرلى تارالۋىنان بارىنشا ساقتانۋ ءۇشىن اناعۇرلىم كوپ ادامنىڭ ارەكەتتەنۋى قاجەت، ىندەت جاعدايىن اقىلمەن، جەتە تانىپ، ىندەتتەن ساقتانۋدى عىلىمي تۇردە سالماقتىلىقپەن ىستەۋ كەرەك.
ىندەتتىڭ ادامزات قوعامىنا جەتكىزەتىن ەڭ اۋىر ىقپالى ونىڭ جۇعىمتالدىعىندا. قازىر بۇكىل ەلىمىزدىڭ كوپ جەرىندە باس قوسۋ، توپتىق تاماقتانۋ سەبەبىنەن كوپ ادامنىڭ جاڭا تيپتى ايدارشا ۆيروس وكپە قابىنۋ ىندەتىنە شالدىعۋى سىندى جاعداي تۋىلدى. ەرەكشە جاعدايدا ەرەكشە شارالار قولدانۋ كەرەك. تۇيىقتاپ باسقارۋ تۇرمىسقا قولايسىزدىق تۋدىرىپ، ۇيدە تىنىش جاتۋ دوس – جارانداردىڭ دۋماندى باس قوسۋلارىن ازايتقانىمەن، سىرتقا از شىعىپ، باس قوسۋعا بارماۋ قازىرگى جاعدايدا ىندەتتەن ساقتانۋدىڭ شىنايى دا ءونىمدى شاراسى ەسەپتەلەدى. ىندەتكە ءدوپ كەلىپ وتىرعان كەزدە، زاڭ – تۇزىمگە، باسقارۋعا بويسۇنۋ، ءار ءبىر ادامنىڭ اتقارۋعا ءتيىستى جاۋاپكەرشىلىگىنە اينالدى.
«ءار كۇنىمىزدى تاماشا وتكىزىپ جاتۋىمىز العى شەپتەگىلەردىڭ اۋىر جۇك ارقالاپ العا باسۋىنىڭ ارقاسى»، ىندەتتەن ساقتانۋ – تەجەۋدىڭ شەشۋشى كەزەڭىندە تۇرعان ساتتە، «باس قوسپاۋ» تەك ءوزىمىز ءۇشىن ارقالاۋعا ءتيىستى جاۋاپكەرشىلىك بولىپ قالماستان، «تىنىش» جاتۋ ارقىلى العى شەپتە كۇرەس جۇرگىزىپ جاتقانداردىڭ اۋىرتپالىعىن، ۋايىمىن جەڭىلدەتۋ، «تىنىش» جاتۋ ارقىلى ولارعا قۇرمەت ءبىلدىرۋ بولىپ تابىلادى.
وسى جاعىنان الىپ قاراعاندا، باس قوسۋدى ازايتۋ ۇيدە ۋاقىتتى ىسىراپ ەتۋ دەپ قاراۋعا بولمايدى. ءبىر جاعىنان، تەحنيكالىق تاسىلدەردىڭ العا باسۋىنا بايلانىستى، قىزمەتتى الىس ارالىقتان ىستەۋ، ۇيدە قىزمەت ىستەۋ مۇمكىندىگى بار بولدى، ۇيدە جاتىپ – اق قىزمەتتى اقساتپاۋعا ابدەن بولادى. ەندى ءبىر جاعىنان، ۇيدە جاتقان كەزدە بۇرىنعى باس قوسۋلارعا كەتكەن، جولعا كەتكەن ۋاقىتتىڭ وتە كوپ ەكەنىن بايقايمىز، وسى ۋاقىتتاردى ۇيرەنۋگە جۇمساساق، كىتاپ وقۋعا جۇمساساق، ءوزىمىز اناعۇرلىم جىگەرلەنە العا باساتىن بولامىز.
سوندىقتان، باس قوسۋدى دوعارايىق، ىندەت ايىققان سوڭ، الۋان گۇلدەر شەشەك اتقان كورىكتى كوكتەمدە، كەلىستىرىپ باس قوساتىن بولامىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
