جىجياڭ ەمدەۋ اترەتىندەگى «90 – جىلداردىڭ تۇلەگى»، تاۋ لييۋان سەسترا
«تەك ىندەتپەن شايقاسقا قاجەت بولسا، مەن جالعاستى ايانباي ايقاسۋعا دايىنمىن» (الدىڭعى شەپتە ىندەتپەن شايقاسقان باتىرلار)
حالىق گازەتىنىڭ ءتىلشىسى جاڭ ۋجۇن
2020.03.24 14:42 كەلۋ قاينارى : حالىق تورابى
«مەنىمەن كۇيەۋىم جونىنەن ايتقاندا، ۋحان ءبىزدىڭ ەكىنشى اتا – مەكەنىمىزگە اينالدى»، ـ دەيدى جىجياڭنىڭ 4 – توپتا ۋحانعا كومەكتەسۋگە جىبەرگەن ەمدەۋ اترەتىنىڭ مۇشەسى تاۋ لييۋان (ماتەريالدىق سۋرەت).
26 جاستاعى تاۋ لييۋان ـ جىجياڭ ۋنيۆەرسيتەتى مەديتسينا ينستيتۋتىنىڭ قاراماعىنداعى شاۋ يفۋ ەمحاناسى سالماقتى ىشكى اۋرۋلار بالنيتساسىنىڭ سەستراسى، ونىمەن تۇيدەي قۇرداس كۇيەۋى ما ليجين جۇڭگو ازاتتىق ارمياسى تەڭىز ارميا «ۋحان فلوتى» اۋە قوسىنى باستىعىنىڭ ورىنباسارى. ەكەۋى تولىق ورتا مەكتەپتەگى كەزدە تانىسقان، بىلتىر 8 – ايدا باستارىنا وتاۋ تىككەن. 2006 – جىلى 7 – ايدا كۇيەۋى ما ليجين قوسىنعا قاتىناسىپ، «ۋحان فلوتىندا» اسكەري مىندەت وتەيدى، بىرگە بولعان ۋاقىتتارىنان ەكى جاقتا جۇرگەن ۋاقىتتارى كوپ جاس جۇبايلار وسىلايشا ۋحانمەن تىعىز بايلانىس ورناتادى...
«ءبىز ۋحانعا بارىپ ساياحاتتاۋدى كوپتەن بەرى جوسپارلاپ كەلگەنبىز، ءبىراق، ۋاقىت شىقپاي كەلگەن»، ـ دەيدى تاۋ لييۋان، ول جاڭا تيپتى ايدارشا ۆيروس وكپە قابىنۋ ىندەتى تۋىلعان حاۋىپتى ساتتە بۇل قالاعا العاش رەت قادام تاستايتىنىن ويلاماعان. 2 – ايدىڭ 13 – كۇنى تاۋ لييۋان ەمحانانىڭ ۋحانعا ەمدەۋ اترەتىن جىبەرەتىنى جونىندەگى ۇقتىرۋدى تاپسىرىپ العاندا، ەشقانداي ءارى – ءسارى بولماستان ۋحانعا اتتانۋعا ءوتىنىش بەردى.
2 – ايدىڭ 14 – كۇنى جىجياڭ ولكەسىنىڭ حۋبەيگە كومەكتەسۋگە جىبەرگەن 4 – توپتاعى ەمدەۋ اترەتى ۋحان شيەحى شيپاحاناسى وسپە اۋرۋلار ورتالىعىنىڭ اۋاشالاۋ بالنيستاسىن وتكىزىپ الدى، تاۋ لييۋان وسى اترەتتىڭ قۇرامىندا بولاتىن. شيەحى ەمحاناسى وسپە اۋرۋلار ورتالىعىندا وتكەن 30 تاۋلىكتە تاۋ لييۋان مەن ونىڭ قىزمەتتەستەرى ناۋقاستاردى شىن پەيىلىمەن ەمدەپ، كوپشىلىكپەن قيماس سەزىم ورناتتى.
بالنيتسادا ەمدەلى جاتقان 94 جاستاعى ناۋقاس لي اجەي ءبىر كۇنى تاۋ لييۋانعا: «بالام، مەنى شىعارىپ جىبەرىڭدەر. مەنىڭ جاسىم ۇلعايدى، مەملەكەتتىڭ بايلىعىن ىسىراپ ەتكىم كەلمەيدى، ەمدەلگىم كەلمەي قالدى ...»، ـ دەدى. تاۋ لييۋاننىڭ كوڭىلى قاتتى بۇزىلىپ، جىلاپ جىبەرە جازدادى. ول دەرەۋ اجەيدىڭ كوڭىلىن اۋلاپ: «اجەي، ءاربىر ادامنىڭ ءومىرى ءبىزدىڭ كۇش سالا قۇلشىنىپ، قۇتقارۋىمىزعا تاتيدى. بۇكىل ەلىمىزدىڭ جەر – جەرىندەگى شيپاگەرلەر مەن سەسترالار ۋحانعا كەلدى، ءبىز بىرگە ايانباي ايقاسۋدامىز، ءسىزدىڭ بۇلاي ۋاز كەشۋىڭىزگە مۇلدە بولمايدى ...» ـ دەدى.
لي اجەيدىڭ جانىندا قارايتىن تۋىس – تۋعانى جوق، تاۋ لييۋان وعان قارتتارعا ارنالعان تەلەفون ۇسىنىپ، تەلەفون ارقىلى نەمەرەسىمەن قالاي سويلەسۋدى ۇيرەتتى. لي اجەيدىڭ ناۋقاسى بىرتىندەپ جاقساردى. «لي اجەيدىڭ ءار جولى بىزگە قاراعان جانارىنان ءبىزدى ايالاعان مەيىرىمىن جازباي تانيمىز، ول ءبىزدى ءوزىنىڭ نەمەلەرىندەي كورىپ كەتتى»، ـ دەيدى تاۋ لييۋان، اجەيدىڭ اتى اتالعاندا ونىڭ سوزدەرىنەن باقىتتىڭ لەبى ەسەدى.
ۋحاننان 1300 كيلومەتر شالعايداعى گۋاڭدۇڭ ولكەسى جانجياڭ وزەنىندەگى بەلگىلى اسكەري كەمەجايدا ما ليجين مەن ونىڭ ساپتاستارى «ۋحاندى قورعاۋ شايقاسىنا» وزگەشە ءبىر تاسىلمەن وزدەرىنىڭ ۇلەستەرىن قوسۋدا: ولار «ۋحان فلوتىندا» جىلۋ اتاۋ قيمىلىن ۇيىمداستىردى. ارالىعى مىڭ كيلومەتردەن استام بولعانىمەن، ەكەۋى ءار كۇنى كەشتە كەسكىنمەن سويلەسىپ، ءبىر – بىرىنە مەدەت بەرەدى.
3 – ايدىڭ 14 – كۇنى ۋحان شيەحى ەمحاناسى وسپە اۋرۋلار ورتالىعى اۋاشالاۋ بالنيتساسىنداعى ناۋقاستار تۇگەل جازىلىپ شىعىپ، بالنيتسا جابىلدى، تاۋ لييۋان ەمدەۋ اترەتىمەن بىرگە ۋحان وكپە اۋرۋلار ەمحاناسىنىڭ ICU بولىمىنە جوتكەلىپ، 11 ناۋقاس توسەگىنە جاۋاپتى بولىپ، سالماقتى ناۋقاستاردى ەمدەۋگە مىندەتتى بولادى.
تاۋ لييۋان: «نەشە كۇننەن بەرى كەيبىر ەمدەۋ اترەتتەرىنىڭ جەڭىسپەن قايتقاندارىن كوردىك، ءبىراق، ءبىزدىڭ اناعۇرلىم ماڭىزدى مىندەتىمىز ءالى ورىندالىپ بولعان جوق. تەك ناۋقاسپەن شايقاسقا قاجەت بولسا، مەن جالعاستى ايانباي ايقاسۋعا دايىنمىن!» ـ دەيدى.
ەگەر توساتتان ىندەت تۋىلماعان بولسا، «90 – جىلداردىڭ تۇلەگى» بولعان وسى ءبىر جۇپ جاس بيىل 3 – ايدا جانجياڭدا تويلىق سۋرەتكە تۇسپەكشى بولعان. «ىندەتپەن ايقاستىڭ الدىڭعى شەبىندە اناعۇرلىم ويداعىداي قىزمەت ىستەۋ ءۇشىن، مەن شاشىمدى قىسقارتىپ تاستادىم»، ـ دەيدى تاۋ لييۋان كۇلىمسىرەپ: «بالكىم، 9 -، 10 – ايلارعا دەيىن شاشىم قايتادان ءوسىپ بولاتىن شىعار».
3 – ايدىڭ 20 – كۇنى تاڭ سارىدە، تاۋ لييۋان ۋحان وكپە اۋرۋلار ەمحاناسىندا ءبىرىنشى رەت تۇنگى كەزەكشىلىككە شىعاردىڭ الدىندا كۇيەۋىمەن تەلەفوندا سويلەستى. ما ليجين: «ويداعىداي ساقتان، امان قايتىپ ورالۋىڭدى كۇتەمىن!» ـ دەدى وعان.
«ءبىزدىڭ ورتاق ارمانىمىز ىندەتتىڭ تەزىرەك اقىرلاسۋى»، ـ دەيدى تاۋ لييۋان: «مەنىڭ كەلەسى جىلى كوكتەمدە كۇيەۋىممەن بىرگە ۋحانعا كەلىپ، بۇل ارانىڭ كوكتەمدەگى كوركىن جاقسىلاپ تاماشالاعىم بار. بۇل جەردە شايقاسقان ءاربىر كۇنىمدى ەستە ماڭگى بەرىك ساقتايمىن».
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
