بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>قوعام

جۇڭ نانشان: بىرەن - ساران ناۋقاستىڭ بايقالۋى جۇمىستى، ءوندىرىستى قالپىنا كەلتىرۋگە كەدەرگى بولماۋى كەرەك

2020.04.14 16:25     كەلۋ قاينارى : حالىق تورابى

  شينحۋا اگەنتتىگى، 4 – ايدىڭ 13 – كۇنى، گۋاڭجوۋ (ءتىلشى: شياۋ سىسى) شەكارا سىرتىنان كەلگەن ناۋقاستاردىڭ كوبەيۋىنە بايلانىستى ىندەت جۇڭگودا قايتا تارالا ما؟ ناۋقاستار بايقالعان سوڭ، جۇمىستى، ءوندىرىستى، وقۋدى قالاي قالپىنا كەلتىرۋ كەرەك؟ ناۋقاس بەلگىلىسى جوق جۇعىمدالۋشىلار قانداي ىستەرگە كوڭىل ءبولۋى كەرەك؟

  4 – ايدىڭ 12 – كۇنى تۇستەن كەيىن اشىلعان گۋاڭجوۋ قالالىق ىندەتتەن ساقتانۋ – تىزگىندەۋگە قاتىستى 75 – كەزەكتى اقپار جاريالاۋ جيىنىندا (ىندەتتەن ساقتانۋ – تىزگىندەۋ جونىندە ارناۋلى سۇحبات الۋ قيمىلى)، جۇڭگو ينجەنەريا اكادەمياسىنىڭ اكادەميگى، مەملەكەتتىك دەنساۋلىق ساقتاۋ – سالاماتتىق كوميتەتىنىڭ جوعارى دارەجەلى ماماندار گرۋپپاسىنىڭ باستىعى، تىنىس جولى اۋرۋلارى مامانى جۇڭ نانشان سۇراۋلارعا ءبىر – بىرلەپ جاۋاپ قايتادى.

  «دۇنيە جۇزىندە ىندەتتىڭ تارالۋىنا باعتتاي وتىرىپ، جۇڭگو <ىندەتتىڭ قايتا تارالۋىنان> ساقتانۋعا باسا ءمان بەرۋى كەرەك»

  ىندەتتىڭ شەتەلدەن ەنۋىنەن ساقتانۋ ءۇشىن گۋاڭجوۋ قاتارلى قالالار شەتەلدەن كەلگەندەردى نۋكلەين قىشقىلىمەن تەكسەرۋ جۇرگىزۋ كولەمىنە تولىق ەنگىزدى ءارى 14 كۇن شوعىرلى اۋاشالاۋ قاتارلى قاتاڭ ساقتىق شارالارىن اتقاردى.

  جۇڭ نانشان بىلاي دەپ قارادى: بۇل قازىرگى دۇنيە جۇزىندەگى ىندەت جاعدايىمەن قاتىستى. «ىندەتتىڭ قازىرگى جاعدايىنان الىپ قاراعاندا، جۇڭگو نەگىزىنەن ىندەتتى تىزگىندەدى، دۇنيە جۇزىندە ىندەت جاعدايى ورلەۋ باسقىشىنا ءوتىپ، ناۋقاس سانى ارتۋدا. وسىنداي جاعدايدا، ناۋقاستاردىڭ شەتەلدەن ەلىمىزگە كەلەتىنى داۋسىز، ەگەر، ولاردىڭ بارلىعىنا نۋكلەين قىشقىلىمەن تەكسەرۋ جانە شوعىرلى اۋاشالاۋ شارالارىن قولدانباساق، ءبىزدىڭ ىندەتتەن ساقتانۋىمىز جانە ونى تىزگىندەۋىمىز بارىنشا قيىن بولادى. سوندىقتان، قازىر وسىنداي شارالاردى قولدانۋ وتە قاجەتتى، بۇلاي ىستەۋ دۇرىس».

  «قازىر جۇڭگودا ەڭ ماڭىزدىسى ساقتانۋ قىزمەتى ، اتاپ ايتقاندا، ىندەتتىڭ قايتا تارالۋىنىڭ الدىن الۋ كەرەك»، _ دەدى جۇڭ نانشان.

  «بىرەن – ساران ناۋقاستاردىڭ بايقالۋى جۇمىستى، ءوندىرىستى قالپىنا كەلتىرۋگە كەدەرگى بولماۋى كەرەك»

  «ناۋقاستاردىڭ سانى <نولگە> تۇسكەن ويداعىداي كۇيگە جەتكەن كەزدە عانا جۇمىستى، ءوندىرىستى قالپىنا كەلتىرۋدى كۇتىپ وتىرماۋ كەرەك»، _ دەيدى جۇڭ نانشان، قازىر جەر – جەر جۇمىستى، ءوندىرىستى قالپىنا كەلتىرۋدى تارتىپپەن ىلگەرىلەتىپ، شەشۋشى كەزەڭگە ءوتتى.

  «بۇرىن وقۋشىلار ۇيدە ساباق وقىپ، قىزمەتكەرلەر ۇيدە قىزمەت ىستەدى، قازىر جۇمىستى، ءوندىرىستى قالپىنا كەلتىرۋ بارىسىندا ادامداردىڭ ءبىر – بىرىمەن ۇشىراسۋى كوبەيەدى، بۇل اناعۇرلىم كوپ حاۋىپ – قاتەر الا كەلۋى مۇمكىن»، _ دەيدى جۇڭ نانشان، _ «شەتەلدەن بىرەن – ساران ناۋقاستىڭ كەلۋى قالىپتى جاعداي، ىندەتتىڭ كەڭ كولەمدى قايتا تارالۋى تۋىلماعان جاعدايدا، ازداعان، بىرەن – ساران ناۋقاستاردىڭ بولۋى جۇمىستى، ءوندىرىستى قالپىنا كەلتىرۋگە كەدەرگى بولماۋى كەرەك. ءىشىنارا ناۋقاستاردىڭ بايقالۋى جۇمىستى، ءوندىرىستى، وقۋدى قالپىنا كەلتىرۋ ۇردىسىنە ىقپال ەتپەۋى كەرەك، ايتپەگەندە، ەكونوميكا مەن حالىق تۇرمىسىنا زور زيان جەتكىزەدى».

  جۇڭ نانشان مىنانى ءبىلدىردى: «وقۋدى قالپىنا كەلتىرۋدىڭ العى شارتى، الدىمەن، وقۋشىلاردىڭ ىشىندە جۇعىىمدالعاندار بولماۋى نەمەسە جۇعىمدالعان بولسا دا، ابدەن ساۋىعىپ قالپىنا كەلگەن بولۋى كەرەك؛ ونان سوڭ، كلاستا ساباق وقىعان كەزدە وقۋشىلار ارالىق ساقتاۋى كەرەك. وسى ەكى شارتتى ورىنداعان جاعدايدا، مەنىڭشە، وقۋدى باستاۋعا بولادى. مۇنان سىرت، وقۋشىلاردىڭ جەكەلىك ادەتتەرى دە ماڭىزدى، ساباقتان تۇسكەن سوڭ توپتاسپاۋى، جەكەلىك تازالىققا كوڭىل ءبولۋى، وقۋشىلاردىڭ اتا – انالارى دا ساقتىق شارالارىنا كوڭىل ءبولۋى كەرەك».

  جۇڭ نانشان بىلاي دەپ قارادى: «قازىرگى دۇنيە جۇزىندەگى ىندەت جاعدايىنان الىپ قاراعاندا، شەتەلدىك وقۋشىلارعا باسا نازار اۋدارۋ وتە قاجەتتى، وتە – موتە، ءىشىنارا مەملەكەتتەردەگى ىندەتتىڭ ۇلعايۋ جاعدايىن مەجەلەۋ ءالى قيىن. شەتەلدىك وقۋشىلار مەن ولارمەن تىعىز ۇشىراسقاندار قاجەتتى تەكسەرۋلەردەن وتكەن سوڭ، ەشقانداي ماسەلە بايقالماسا، سوندا عانا ساباققا بارۋىنا بولادى».

  «ناۋقاس بەلگىسى تەك سۋبيەكتيۆ سەزىم عانا»، ناۋقاس بەلگىسى جوق جۇعىمدالۋشىلارعا نازار اۋدارۋ كەرەك

  گۋاڭجوۋدا 3 – ايدىڭ 12 – كۇنى ناۋقاس بەلگىسى جوق جۇعىمدالۋشىلاردان 20 نەشە ادام بايقالدى، كوپ جەردە شەكارا سىرتىنان ەنگەن، ناۋقاس بەلگىسى جوق جۇعىمدالۋشىلار بايقالدى. بۇعان باسا نازار اۋدارۋ قاجەت پە؟

  جۇڭ نانشان بىلاي دەپ قارادى: «ناۋقاس بەلگىسى جوق جۇعىمدالۋشىلار» دەگەن ءسوز جۋىردان بەرى ەڭ كوپ ايتىلعان سوزدەردىڭ ءبىرى، ءىس جۇزىندە، جۇقپالى اۋرۋلاردىڭ بارلىعىندا «ناۋقاس بەلگىسى بايقالمايتىن جۇعىمدالۋشىلار» بولادى.

  «ناۋقاس بەلگىسى تەك سۋبيەكتيۆ سەزىم عانا»، _ دەيدى جۇڭ نانشان، _ «ءبىز ىندەت تۋىلعان باستاپقى كەزدە بۇكىل ەلىمىزدەگى 500 نەشە ەمحانادا 1000نان استام ناۋقاستىڭ كلينيكالىق بەلگىلەرىنە تالداۋ جاسادىق، %50تەن استام ناۋقاستاردا قىزۋى ورلەۋ جاعدايى بايقالمادى، مۇنىڭ ىشىندە ناۋقاس بەلگىسى جوق جۇعىمدالۋشىلار بار. مىسالى، كەيبىرەۋلەر شارشاعانداي سەزىنەدى، اندا – ساندا جوتەلەدى، بۇل ناۋقاس بەلگىسى سانالمايدى، ءبىراق، ولار جۇعىمدالۋشىلار. شەتەلدەن كەلگەن ناۋقاستاردى مىسالعا الساق، ولاردىڭ ءبىرتالايى شەتەلدە جۇعىمدالعان بولسا دا، ناۋقاس بەلگىسى بايقالماعان، ەلىمىزگە كەلە جاتقان جولدا نەمەسە ەلىمىزگە كەلگەن سوڭ عانا ناۋقاس بەلگىسى بايقالعان، بۇل ءبىزدى ناۋقاس بەلگىسى جوق جۇعىمدالۋشىلارعا ايرىقشا نازار اۋدارۋعا جەتەلەيدى».

  «ىندەت تاعى دا تۋىلۋى مۇمكىن، ۆاكسينانى زەرتتەۋدى ءبىر ءسات تە توقتاتپاۋ كەرەك»

  جاڭا تيپتى ايدارشا ۆيروس ۇزاق ۋاقىت بويى ساقتالا ما؟ بيىل كۇز بەن قىستا قايتا بايقالۋى مۇمكىن بە؟

  جۇڭ نانشان مۇنداي مۇمكىندىكتى جوققا شىعارمادى. «ىندەت تاعى دا تۋىلۋى مۇمكىن. ءبىراق، ءبىز تولىق تاجىريبە توپتادىق، ساقتانۋ ءادىسىن، ەرتە باستان دياگنوز قويۋ جانە ەرتە اۋاشالاۋ تاجىريبەسىن يگەردىك»، _ دەدى جۇڭ نانشان. كوپتەگەن مەملەكەتتەر دە ۇكىمەت جاعىنان پارمەندى تۇردە ارالاسۋعا ءمان بەرە باستادى.

  جۇڭ نانشان: «جۇقپالى اۋرۋدىڭ تارالۋ ۋاقىتى جونىنەن ايتقاندا، ەشكىم دە ناقتى جاۋاپ بەرە المايدى. قازىر دۇنيە ءجۇزى بويىنشا ۋاقىتتى مىتقى ۇستاپ، كۇن – ءتۇن دەمەي جاڭا تيپتى ايدارشا ۆيروس ۆاكسيناسىن زەرتتەۋدە».

  بۇل رەتكى ىندەتپەن ايقاس، ادامدارعا اناعۇرلىم ويداعىداي تۇرمىس ادەتىن قالىپتاستىرۋدى ەسكەرتتى. جۇڭ نانشان بىلاي دەدى: «مەنىڭشە، كوپتەگەن ادامداردىڭ تانىمى دا وسىعان بايلانىستى وزگەرەدى. جۇڭگو جونىنەن ايتقاندا، ىندەتتەن ساقتانۋ – تىزگىندەۋدەگى ەڭ ماڭىزدى تاجىريبە توپتىق ساقتانۋ جانە توپتىق تىزگىندەۋ، الەۋمەتتىك اۋماقتارعا دەيىن ساقتانۋ – تىزگىندەۋگە اتسالىسۋ بولىپ تابىلادى. سوندىقتان، ىندەت اياقتاعان سوڭ، الەۋمەتتىك اۋماقتا وزدىگىنەن ۇيىمداسقان ساقتانۋ – تىزگىندەۋ جۇيەسىن جەتىلدىرۋ وتە قاجەتتى. ەڭ ماڭىزدىسى، ىندەتتىڭ وتۋىنە بايلانىستى، ادامدار اناعۇرلىم تاماشا تازالىق سالتىن قالىپتاستىرۋى كەرەك، مىسالى، الەۋمەتتىك ورىنداردا داۋىستاپ قاتتى سويلەمەۋ، قولدى ۇنەمى جۋۋ جانە جابايى حايۋاناتتاردىڭ ەتىن جەمەۋ تاعىسىن - تاعىلار.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار