مۇشە گۋان فاڭفاڭ:
بارلىعى دا بالالار ءۇشىن
جاڭ يۇنمەي
2020.05.13 15:34 كەلۋ قاينارى : شينجياڭ گازەتى
كلاستىڭ ءىشى - سىرتىن زارارسىزداندىرۋ، اسحانانىڭ تازالىعىن، حاۋىپسىزدىگىن تەكسەرۋ، وقىتۋشى - وقۋشىلاردىڭ دەنە تەمپەراتۋراسىن ولشەۋ... بالالاردىڭ ىركەس - تىركەس ساباقتى قالپىنا كەلتىرۋىنە ىلەسە، شاپشال سىبە اۆتونوميالى اۋدانىنداعى ءارقايسى مەكتەپتەردىڭ ىندەتتەن ساقتانۋ - تىزگىندەۋ قىزمەتى دە ءتارتىپتى جۇرگىزىلدى.
”3 - ايدىڭ 11 - كۇنىنەن قازىرگە دەيىن، مەن مەكتەپتىڭ ىندەتتەن ساقتانۋ - تىزگىندەۋ قىزمەتىن ىستەپ كەلەمىن“. مەملەكەتتىك ساياسي كەڭەستىڭ مۇشەسى، شاپشال سىبە اۆتونوميالى اۋداندىق وقۋ - اعارتۋ مەكەمەسى وقۋشى قابىلداۋ، ەمتيحان الۋ ورتالىعىنىڭ مەڭگەرۋشىسى گۋان فاڭفاڭ بىلاي دەدى: ”مەكتەپ بالالار شوعىرلى ۇيرەنەتىن، تۇرمىس كەشىرەتىن جەر، ىندەتتەن ساقتانۋ - تىزگىندەۋدە ەشقانداي شالاعايلىق ىستەۋگە بولمايدى“.
وقۋ - اعارتۋ قىزمەتكەرى ساناتىندا گۋان فاڭفاڭ بالالاردى ويىنان ەشقاشان شىعارىپ كورگەن ەمەس.
بىلتىر شاپشال تۇتاس شىنجياڭداعى ادەتتەگى جوعارى مەكتەپتەرگە ەمتيحان بەرۋدە جاڭادان قوسىلعان ەمتيحان بەرۋ رايونىنىڭ بىرىنە اينالىپ، ەمتيحان بەرەتىن وقۋشىلاردىڭ وزگە جەرگە بارىپ جوعارى مەكتەپ ەمتيحانىنا قاتىناسۋ تاريحىن اياقتاتتى، بۇعان گۋان فاڭفاڭنىڭ قۇلشىنىسى مەن ماڭداي تەرى سىڭگەن.
بۇرىن شاپشالدا ولشەمدەنگەن ەمتيحان رايونى مەن ەمتيحان الاڭى جوق بولاتىن، جوعارى مەكتەپكە ەمتيحان بەرەتىن وقۋشىلار 2 كۇن بۇرىن 20 كيلومەتر الىستاعى قۇلجا قالاسىنا بارىپ جوعارى مەكتەپ ەمتيحانىنا قاتىناساتىن. تاماق، جاتاق، قاتىناس قاراجاتىن قوسقاندا، ءبىر وقۋشى 400 دە 500 يۋان جۇمسايتىن، كەيبىر وقۋشىلاردىڭ كوڭىل كۇيى ورنىقپاي، جوعارى مەكتەپ ەمتيحانىن جاقسى بەرە المايتىن.
”بارلىعى دا بالالار ءۇشىن“. گۋان فاڭفاڭ ولشەمدەنگەن ەمتيحان رايونىن، ەمتيحان الاڭىن سالۋ مىندەتىن تاپسىرىپ العان كەزىندە بار كۇشىن سالۋعا ىشتەي بەكىگەن بولاتىن.
ساندى مالىمەتتەر مەن ناقتى جۇمىستاردى سالىستىردى، تىنباي نۇسقاۋ سۇرادى، سالىستىرا تەكسەردى، رەتتەپ - تۇزەتتى، ولشەمدەنگەن ەمتيحان الاڭىن، ەمتيحان رايونىن سالۋ بارىسىنداعى قيىنشىلىقتاردى اۋىزعا العاندا گۋان فاڭفاڭ كۇلىمسىرەپ قانا قويدى، ول تەك ماقتانىشپەن: ”دايىندىق تولىق بولعاندىقتان جوعارى مەكتەپ ەمتيحانىندا بارلىعى ءساتتى بولدى!“ - دەدى.
وسىدان سوڭ، گۋان فاڭفاڭ نازارىن مەكتەپتىڭ مەكتەپ شيپاحانا قوسىنى قۇرىلىسىنا اۋداردى. ”مەن تەكسەرۋ - زەرتتەۋ جۇرگىزۋ ارقىلى اۋدانداعى كوپتەگەن مەكتەپتەردە ساباق بەرەتىن وقىتۋشىلاردىڭ دەنساۋلىق ساقتاۋ شيپاگەرى مىندەتىن قوسىمشا وتەيتىنىن نەمەسە ەمحانادان اكەلىنگەن شيپاگەرلەردىڭ مەكتەپ شيپاگەرى مىندەتىن قوسىمشا ىستەيتىنىن، مۇنىڭ وقۋشىلاردىڭ، اسىرەسە، جاتاقتى مەكتەپتەگى وقۋشىلاردىڭ ەمدەلۋ قاجەتىن قاناعاتتاندىرا المايتىنىن اڭعاردىم“، - دەدى گۋان فاڭفاڭ ۋايىمداپ.
گۋان فاڭفاڭ تالداۋ جاساۋ ارقىلى بىلاي دەپ قارادى: وسىنداي جاعدايدىڭ تۋىلۋىنداعى سەبەپ، ءبىر جاعىنان، مەكتەپتە مەكتەپ شيپاگەرى شتاتى جوق، ەندى ءبىر جاعىنان، مەديتسينا شۋەيۋانىن بىتىرگەن وقۋشىلار كوپ جاعدايدا مەكتەپتەرگە كەلىپ ىستەۋگە زاۋقى سوقپايدى. وسى ماسەلەنى قالاي شەشۋ كەرەك؟ وسى رەتكى ءارقايسى مەكتەپتىڭ ىندەتتەن ساقتانۋ - تىزگىندەۋ جاعدايىنا باقىلاۋ - جەتەكشىلىك ەتۋ بارىسىندا ول تاعى ىشكەرىلەي تەكسەرۋ - زەرتتەۋ جۇرگىزدى.
”وسى رەت ىندەت تۋىلعاننان كەيىن، اۋدان ءارقايسى ەمحانادان شيپاگەر اكەلىپ، جاتاقتى مەكتەپتەردە 24 ساعات كەزەكشىلىك تۇرعىزدى، جاتاقسىز مەكتەپتەردە كۇندىز كەزەكشىلىك تۇرعىزدى“. گۋان فاڭفاڭ بىلاي دەدى: بيىل كوكتەم ماۋسىمىندا تۇماۋراتقان بالالار وتكەن جىلدارداعىمەن سالىستىرعاندا كوپ مولشەردە ازايدى، بۇل ارناۋلى كاسىپتىك مەكتەپ شيپاگەرىن سەپتەۋدىڭ اسا قاجەتتى ەكەنىن تۇسىندىرەدى.
گۋان فاڭفاڭ تەكسەرۋ - زەرتتەۋ بارىسىندا كەيبىر ەمحانالاردىڭ ۇسىنىس ەتىپ ىستەتۋ ءتاسىلى ارقىلى ەمدەۋ قىزمەتكەرلەرىنىڭ كەمشىل بولۋ ماسەلەسىن شەشكەندىگىن ءبىلدى، ەندەشە، مەكتەپتىڭ ارناۋلى كاسىپتىك شيپاگەرى ماسەلەسىن ۇسىنىس ەتىپ ىستەتۋ ءتاسىلى ارقىلى شەشۋگە بولا ما؟ ”كوكتەم، كۇز ماۋسىمدارى بالالاردا سۋلى بورتكەن، شىقشىت بەزىنىڭ قابىنۋى، جۇقپالى تۇماۋ سياقتى اۋرۋلار كوپ تۋىلاتىن مەزگىل، ەگەر كاسىبي مەكتەپتەن وقۋ تاۋىسقانداردى مەكتەپ شيپاگەرلىگىنە ۇسىنىس ەتسە، وندا بالالاردىڭ دەنساۋلىعىن ۇزدىكسىز قامتاماسىز ەتۋگە بولار ەدى“، - دەدى گۋان فاڭفاڭ ۇمىتكە تولى بەينەدە.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
