مەملەكەتتىك حالىق قۇرىلتايىنىڭ ۋاكىلى چىن شياڭمەي: جاڭادان تۋىلعان جۇقپالى اۋرۋلاردان ساقتانۋدى زاڭ شىعارۋ تۇرعىسىنان كەمەلدەندىرۋدى ۇسىنىس ەتەمىن
2020.05.28 16:15 كەلۋ قاينارى : حالىق تورابى
حالىق تورابىنىڭ 5- ايدىڭ 27 – كۇنى بەرگەن حابارى. «جاڭادان پايدا بولعان جۇقپالى اۋرۋلار نەمەسە سەبەبىن بىلمەيتىن جۇقپالى اۋرۋلاردىڭ توسىننان پايدا بولۋىنا قالاي توتەپ بەرۋ كەرەك، اسىرەسە، جاڭادان پايدا بولعان جۇقپالى اۋرۋلاردان ساقتانۋ جانە ونى تىزگىندەۋ شارالارىن زاڭدىق تۇرعىدان كەمەلدەندىرۋ كەلەلى ءىس.» تاياۋدا، مەملەكەتتىك حالىق قۇرىلتايىنىڭ ۋاكىلى، جۇڭگو ينجەنەريا اكادەمياسىنىڭ اكادەميگى، ازاتتىق ارميا باس شيپاحاناسى بۇيرەك اۋرۋى مەديتسينا ءبولىمىنىڭ مەڭگەرۋشىسى چىن شياڭمەي حالىق تورابىنىڭ سۇحباتىن قابىلداعاندا، زاڭ شىعارۋ تۇرعىسىنان جۇقپالى اۋرۋدان ساقتانۋ جانە ونى ەمدەۋ قىزمەتىن جاقسى ىستەپ، حالىق بۇقاراسىنىڭ باس اماندىعىنا شىنايى كەپىلدىك ەتۋ جونىندە ۇسىنىس بەرگەن.
چىن شياڭمەي مىنالاردى ءبىلدىردى: قازىر ەلىمىزدە الەۋمەتتىك دەنساۋلىق ساقتاۋ مەن ەمدەۋ ىستەرىن باسقارۋدى نەگىز ەتكەن جەكە زاڭ، زاڭدىق ەرەجەلەر عانا بار، ولار نەگىزىنەن «جۇڭحۋا حالىق رەسپۋبليكاسىنىڭ جۇقپالى اۋرۋلاردان ساقتانۋ جانە ونى ەمدەۋ زاڭى»، «جۇڭحۋا حالىق رەسپۋبليكاسىنىڭ دەنساۋلىق ساقتاۋ كارەنتين زاڭى»، «توسىن تۋىلعان الەۋمەتتىك دەنساۋلىق ساقتاۋ وقيعالارىنا شۇعىل توتەپ بەرۋ ەرەجەسى» قاتارلىلاردى قامتيدى. تۇرلىشە زاڭ، زاڭدىق ەرەجەلەر ارا سايكەستىرۋدىڭ قيىندىعى بار.
«الەۋمەتتىك دەنساۋلىق ساقتاۋ وقيعاسى توسىننان تۋىلادى، دەنساۋلىق ساقتاۋ اكىمشىلىك تاراۋلارى، اۋرۋدىڭ الدىن الۋ تاراۋلارى، ەمدەۋ قۇرىلىمدارى، عىلىمي زەرتتەۋ ورىندارى سايكەسىپ، تەز ارادا ءونىمدى پارىقتاپ، جوعارىعا مالىمدەپ، شۇعىل جاعدايعا توتەپ بەرۋ كەرەك. قازىرگى الەۋمەتتىك دەنساۋلىق ساقتاۋ سالاسىنداعى زاڭداردى، زاڭدىق ەرەجەلەردى جاڭا جاعداي بويىنشا سالالاۋ كەرەك. ارناۋلى الەۋمەتتىك دەنساۋلىق ساقتاۋ زاڭىن ورناتىپ، توسىن تۋىلعان الەۋمەتتىك دەنساۋلىق ساقتاۋ وقيعالارىنا توتەپ بەرۋدە قاتاڭ زاڭدىق نەگىز قالاۋ كەرەك.» ـ دەدى چىن شياڭمەي.
چىن شياڭمەي الدىمەن الەۋمەتتىك دەنساۋلىق ساقتاۋ ءتۇبىرلى زاڭىن زەرتتەۋدى جەدەلدەتۋدى ۇسىنىس ەتتى. توسىن تۋىلعان اۋىر الەۋمەتتىك دەنساۋلىق ساقتاۋ وقيعالارىنا شۇعىل توتەپ بەرۋ مەحانيزمىن ساپالاندىرىپ، ىرىقتى ساقتانۋ تيپىندەگى شۇعىل جاعدايعا توتەپ بەرۋ جۇيەسىن كەمەلدەندىرۋ كەرەك. سايكەستى ءتۇزىم قۇرىلىسىن كۇشەيتىپ، الەۋمەتتىك دەنساۋلىق ساقتاۋ قيمىلىنىڭ نەگىزگى باعىتىن، ساياساتىن ارناعا ءتۇسىرىپ، مەملەكەتتىڭ، ۇكىمەتتىڭ، قوعامدىق توپتاردىڭ، ازاماتتاردىڭ نەگىزگى ۇقىعىن ارناعا ءتۇسىرۋدى ايتتى؛
ەكىنشى، «جۇقپالى اۋرۋلاردان ساقتانۋ جانە ونى ەمدەۋ زاڭىنا» وزگەرىس ەنگىزۋ. جاڭادان تارالاتىن جۇقپالى اۋرۋلاردى مالىمدەۋ جانە ينفورماتسيا جاريالاۋ ءتارتىبىن كەمەلدەندىرىپ جانە جونگە سالىپ، جاڭادان تارالاتىن جۇقپالى اۋرۋلاردى ەرتە پارىقتاۋعا، ەرتە مالىمدەۋگە دەم بەرۋ جانە ونى قولداۋ كەرەك. ءار دارەجەلى دەنساۋلىق ساقتاۋ اكىمشىلىك تاراۋلارىنىڭ جانە تاراۋلاردىڭ مىندەتىن ايقىنداپ، نەگىزگى باسقارۋشى باسشىلاردىڭ جاۋاپكەرشىلىگىن قۋزاستىرۋ مەحانيزمىن ورناتۋ؛
ۇشىنشىدەن، ارناۋلى زاڭ تارماقتارىن جاساپ، جاڭادان تارالاتىن جۇقپالى اۋرۋلاردى A تۇردەگى جۇقپالى اۋرۋلار بويىنشا باسقارۋ. ەڭ قاتاڭ ساقتانۋ - تىزگىندەۋ شاراسىن قولدانىپ، جۇقپالى اۋرۋ جاعدايى تىزگىندەلگەننەن كەيىن سول جۇقپالى اۋرۋدىڭ تۇتقيىل پايدا بولۋ، تارالۋ احۋالىنا جانە زيانداۋ دارەجەسىنە قاراي جۇقپالى اۋرۋدىڭ تۇرلەرىن قايتادان تۇراقتاندىرۋ؛
تورتىنشىدەن، الەۋمەتتىك دەنساۋلىق ساقتاۋ ىستەرى قاراجاتىنىڭ قازىنا شىعىسىندا ۇستايتىن سالىستىرماسىن زاڭ تۇرعىسىنان كۇشەيتۋ. الەۋمەتتىك دەنساۋلىق ساقتاۋ مەن اۋرۋدان ساقتانۋ جانە ونى تىزگىندەۋ كاسىپتىك دارىندىلارىن تاربيەلەۋدى بارىنشا جوعارىلاتىپ جانە ۇزدىكسىز قامتاماسىزداندىرىپ، الەۋمەتتىك دەنساۋلىق ساقتاۋ قۇرىلىسىن جانە شۇعىل جاعدايعا توتەپ بەرۋ ءتۇزىمى مەن جابدىق قۇرىلىسىن كۇشەيتۋ؛
بەسىنشى، ارناۋلى زاڭ تارماقتارىن جاساپ، قوعامدىق كۇشتەردى توسىن تۋىلعان الەۋمەتتىك دەنساۋلىق ساقتاۋ وقيعالارىنان ساقتانۋ جۇيەسى قۇرىلىسىنا قاتىناسۋعا جۇمىلدىرۋ، ۇيىمداستىرۋ، الەۋمەتتىك اۋماقتاردى تەكسەرۋ، زاتتىق ماتەريالدار- قۇتقارۋ، الاڭدى وزگەرتۋ سياقتى تۇزىمدەردى ورناتۋ، قوعامدىق كۇشتەردى الەۋمەتتىك دەنساۋلىق ساقتاۋعا شۇعىل توتەپ بەرۋ جوباسىنا قاتىناسۋعا جۇمىلدىرىپ، ازاماتتاردىڭ ءوزىن - ءوزى قورعاۋ قابىلەتىن جوعارىلاتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
