ون مينۋتتا ون مىڭ رەتتەن استام جاسىرىن باقىلايدى: قولفون App قولدانبالارىنىڭ ۇزدىكسىز جاسىرىن باقىلاۋىنا ەندىگارى جول قويمايىق
2020.06.11 14:06 كەلۋ قاينارى : حالىق تورابى
ون مينۋتتا قولفونداعى سۋرەتتەر مەن قۇجاتتاردى 25 مىڭ رەتكە جۋىق اقتارىستىرادى؛ ءبىر ساعات ىشىندە شامامەن 7000 رەت اۆتوماتتى قوزعالتۋدى سىناپ كورەدى ءارى تەلەفون ءنومىرى تىزىمدىگىن تىنباي وقۋمەن بولادى ... جۋىردا داشۋەنىڭ ءۇشىنشى جىلدىعىندا وقيتىن ستۋدەنت قولفونىنداعى ءوزى پايدالانىپ جۇرگەن App قولدانباسىنىڭ جەكەلىك ينفورماتسيالارىنان ۇنەمى جاسىرىن پايدالاناتىنىن بايقاعان. («ورتالىق تەلەۆيزيا حابارى» 6 – ايدىڭ 8 – كۇنى)
بارىمىزگە بەلگىلى، كۇندەلىكتى تۇرمىستا قولفونداعى App قولدانبالارىنىڭ قولايلى فۋنكتسيالارىنان ءلاززاتتانۋمەن بىرگە، جاس مولشەرى، جىنىسى، تەلەفون ءنومىرى، تۇرعان ورنى قاتارلى جەكەلىك ينفورماتسيالاردى دا بۇل قولدانبالاردىڭ پايدالانۋىنا بەرەمىز. الايدا، كەيبىر App قولدانبالارىنىڭ جەكەلىك ينفورماتسيالاردى وسىنشاما ءجيى، وسىنشاما كەڭ كولەمدە پايدالاناتىنى ادامدى الاڭداتپاي قويمايدى.
قولفونداعى App قولدانبالارىنىڭ مۇنداي جاسىرىن باقىلاۋ ارەكەتتەرى تۇگەل ءوز مۇددەلەرى ءۇشىن قىزمەت ىستەيدى: قولدانۋشىلاردىڭ اناعۇرلىم ناقتى ينفورماتسيالارىن قولعا ءتۇسىرۋ ارقىلى ءدال تاۋىپ ساۋدا جاساي الادى، وسى ارقىلى «كۇندىك بەلسەندى تۇتىنۋشىلار» قاتارلى ساندى دەرەكتەردىڭ مولشەرىن ارتتىرادى ءارى اناعۇرلىم مول قارجىنى باۋراپ، اناعۇرلىم مول تابىسقا كەنەلۋدى ماقسات ەتەدى.
قالام تەربەۋشى بەلگىلى زات ساتۋ قولدانباسىنان بىرنەشە ءتۇرلى اجارلاندىرۋ ءونىمىن كورگەن سوڭ، ەكىنشى كۇنى الەۋمەتتىك جەلى قولدانباسىنان ۇقساس ونىمدەردىڭ جارناماسىن كورگەن. مەن بۇعان تاڭىرقاۋمەن بىرگە، وتە ساق بولۋىم كەرەك ەكەن دەپ ويلادىم: ەگەر وسىنداي جەكەلىك زات ساتىپ الۋ ارەكەتىنىڭ ءوزىن ساۋدالىق ماقساتتا «جاسىرىن باقىلاپ» وتىراتىن بولسا، وندا ءبىزدىڭ تۇرمىسىمىزدا ەشقانداي قۇپيالىق قالماعانى ما؟
تەحنيكا ەشكىمگە دە بەيىمدەلمەيدى، الايدا، تەحنيكانىڭ قولدانىلىمى ءمورالدىق ولشەمدەردەن اتتاماۋى كەرەك. قولفونداعى بارلىق قولدانبالار ءبىزدىڭ تۇرمىسىمىزعا اناعۇرلىم ويداعىداي قىزمەت وتەۋى، كاپيتالعا يە بولۋدىڭ قۇرالىنا اينالىپ قالماۋى كەرەك. قارجى اينالىمىنىڭ لوگيكاسى اياسىندا، قولفونداعى App قولدانبالارىنىڭ پايدانى كوزدەۋ سيپاتىن وزگەرتۋ قيىن، ءبىز بۇل قولدانبالاردان تۇتىنۋشىلاردىڭ مۇددەسىن سانالىلىقپەن قورعاۋدى ءۇمىت ەتۋىمىز وڭاي ىسكە اسپايتىن شارۋا. ونىڭ ۇستىنە، كۇندەلىكتى تۇرمىستا، قولفون App قولدانبالارى جاندى ادام ەمەس، تەك قۇرال رەتىندە عانا پايدالانىلادى، ءمورالدىق قىسىمنىڭ قالىپتاستىراتىن رولى وتە از. وسى سەبەپتى، ءبىز قولفون App قولدانبالارىنىڭ «جاسىرىن باقىلاۋ» ماسەلەسىنە باقىلاۋ – باسقارۋ جۇرگىزۋدى، ءسوزسىز، اناعۇرلىم ناقتى، اناعۇرلىم ايقىن تاسىلدەر ارقىلى ىسكە اسىرۋىمىز كەرەك.
بىرىنشىدەن، قولفون App قولدانبالارىن ازىرلەۋشىلەر وزىندىك ارەكەت شەگىن، ءسوزسىز، ايقىنداۋى كەرەك. ىرىدەرەك داۋىرىندە، تۇتىنۋشىلاردىڭ ينفورماتسياسىنىڭ قۇنى بارعان سايىن ماڭىزدى بولا تۇسۋدە، بۇل ينفورماتسيالارعا قالاي يە بولۋ، قالاي باسقارۋ جانە قالاي پايدالانۋ — ازىرلەۋشىلەر ءسوزسىز ويلاستىرۋعا ءتيىستى ماسەلە. بۇل تەك App قولدانباسىنىڭ وزىندىك ساۋدالىق قۇنىمەن عانا ەمەس، تۇتىنۋشىلاردىڭ سەنىمى جانە ولاردىڭ قۇپيالىق حاۋىپسىزدىگىمەن دە قاتىستى ماسالە. مەملەكەتتىك ينتەرنەتتەگى شۇعىل جاعدايلارعا توتەپ بەرۋگە قاتىستى تەكسەرۋ جۇرگىزۋ ورتالىعىنىڭ تالداۋ جاساۋ ارقىلى بايقاۋىنشا، قازىر ءتۇسىرىلىمى ءبىرشاما مول بولعان مىڭنان استام جىلجىمالى App قولدانباسىنىڭ ىشىندە، ءاربىر قولدانبا ورتا ەسەپپەن 25 ءتۇرلى ۇقىق شەكتەمەسىن پايدالانۋعا ءوتىنىش بەرەدى، مۇندا وزىندىك قىزمەت وتەۋ تۇرىمەن پالەندەي قاتىستى جوق ۇقىق شەكتەمەلەرىن پايدالانۋعا ءوتىنىش بەرگەن App قولدانبالارىنىڭ ۇستايتىن سالىستىرماسى %30تەن اسقان. بۇل سيفردان اتالعان App قولدانبالارىن ازىرلەۋشىلەردىڭ بوتەن نيەتى جاسىرىنعانىن بايقاۋعا بولادى، بۇل ءبىر جاعىنان ، قاتىستى باقىلاۋ – باسقارۋدى كۇشەيتۋدەگى ماڭىزدى تەتىك ەسەپتەلەدى.
ەڭ ۇيلەسىمدى جاعدايدا، قولفون App قولدانبالارىن ازىرلەۋشىلەر، ءسوزسىز، وزىندىك قىزمەت وتەۋ اياسىندا عانا ۇقىق شەكتەمەسىنەن پايدالانۋعا ءوتىنىش بەرۋى كەرەك ءارى قولدانۋشىلاردىڭ ينفورماتسياسىن الۋ كەلىسىمشارتىنا قاتاڭ بويسۇنۋى، قولدانۋشىلاردىڭ ماقۇلداۋىنان وتكىزۋى كەرەك. «كىم جيناعان بولسا، سول جاۋاپتى بولۋ» پرينسيپىندە تاباندى بولىپ، قاتىستى قولدانۋشىلاردىڭ ينفورماتسياسىن، ءسوزسىز، ۇيلەسىمدى ساقتاۋ كەرەك، ءارقانداي ەكىنشى رەت پايدالانۋ نەمەسە باسقا App قولدانبالارىمەن ورتاق پايدالانۋ ىستەرىن، ءسوزسىز، قولدانۋشىلاردىڭ ماقۇلداۋىنان وتكەن كولەمدە ورىستەتۋ كەرەك.
ەكىنشىدەن، قولفون قولدانبالارىن جۇكتەيتىن تەكشەلەر تەكسەرۋ مەن باقىلاۋ مىندەتىن جانە جاۋاپكەرشىلىگىن ۇستىنە الۋى كەرەك. ءبىرتۇتاس ازىرلەۋ ولشەمىنەن سىرت، ىستەن بۇرىن الدىمەن تەكتەۋ جانە تەكسەرۋ جۇرگىزۋى كەرەك، ەگەر قولدانۋشىلاردىڭ قۇپيالىعىن جات نيەتپەن كولەمنەن تىس يەلەۋ، تۇتىنۋشىلاردىڭ ساندى دەرەكتەرىن جيناۋ ارەكەتتەرى بايقالسا، ءسوزسىز، قاتاڭ ءبىرجاقتى ەتۋ كەرەك.
ۇشىنشىدەن، كاسىپ سالاسىن باقىلاۋ – باسقارۋ كەم بولسا بولمايتىن ءتۇيىن. قازىر مەملەكەتتىڭ ونەركاسىپ جانە ينفورماتسيالاندىرۋ مينيسترلىگى ءبىرقىدىرۋ قاتىستى ولشەمدەردى ورتاعا قويدى، مۇنىڭ ىشىندە جىلجىمالى ينتەرنەتتتەگى قولدانبا ءتۇسىرۋ تەكشەلەرىنىڭ حاۋىپسىزدىگىن قورعاۋ تالاپتارى، جىلجىمالى كلەنتتەردەگى اشىق تەكشەلەر مەن قولدانبا پروگراممالاردىڭ حاۋىپسىزدىك اياسى، جىلجىمالى ينتەرنەتتەگى جات نيەتتى پروگراممالاردىڭ جازىلۋ فورماسى قاتارلىلاردى قامتيدى. الايدا، قازىر بۇل ولشەمدەر تەك پايدالانۋ ولشەمى رەتىندە تانىستىرىلىپ وتىر، ماجبۇرلەۋ سيپاتى جوق. قولفون قولدانبالارى كاسىپ سالاسىنىڭ تارتىپپەن دامۋىن ىسكە اسىرۋ ءۇشىن، ءسوزسىز، كاسىپ سالاسىن باقىلاپ – باسقارۋدىڭ ءبىرتۇتاس ءماجبۇرلى اتقارىلاتىن جۇيەلىك ولشەمىن ورناتۋى، قولفون قولدانبالارى تەكشەلەرى مەن قولفون App قولدانبالارىن ازىرلەۋشىلەردىڭ ارەكەتىن باقىلاۋ – باسقارۋ اياسىنا تۇگەل قامتۋى، بۇكىل كاسىپ سالاسىنىڭ دامۋىندا بويسۇناتىن زاڭ بولۋى كەرەك.
قولىمىزداعى قولفون قۇپيالىقتارىمىزدىڭ اشكەرەلەنۋىنە اپارىپ سوعاتىن كومەسكى حاۋىپ – قاتەرگە اينالدى، بۇل ءبىزدى ۇرەيلەندىرۋمەن بىرگە، بىزگە ساقتىق دابىلىن قاقتى. ءارقايسى جاقتار سايكەسە وتىرىپ، قۇلشىنا جۇمىس جۇرگىزگەندە عانا، بۇل App قولدانبالارىن ءبىزدىڭ قولفونداعى ينفورماتسيالارىمىزدى قالاعانىنشا بەتالدى پايدالانۋعا باتىنا المايتىن ەتۋگە بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
