كۇنىنە تۇسەتىن كىرىس نەشە ءجۇز يۋاننان، ءتىپتى مىڭ يۋاننان اسادى...
«جەڭىل پايداعا قول جەتكىزۋ» سىندى ۋيچات ءنومىرىن مايعا بەرۋ ساۋداسىنىڭ قانداي قۇپيالىعى جانە حاۋىپ - قاتەرى بار؟
شينحۋا اگەنتتىگى «شينحۋا نازارى» ايدارشاسىنىڭ تىلشىلەرى حۋ لينگو، ماۋ شين
2020.08.05 16:26 كەلۋ قاينارى : حالىق تورابى
شينحۋا اگەنتتىگى، 8 - ايدىڭ 3 ـ كۇنى، گۋاڭجوۋ. «ۋيچات ءنومىرىن مايعا بەرۋشىلەر، مەنى قوسىڭدار، بۇل ۇقتىرۋ ۇزاق ۋاقىت كۇشكە يە»، «ۋيچات ءنومىرىن جوعارى باعادا ساتىپ الامىن، ساتقىسى كەلمەگەندەر جالعا بەرسە دە بولادى، ءبىر كۇنگى جالاقىسى 180 يۋان»، تاياۋدان بەرى كەيبىرەۋلەردىڭ ۋيچات دوستار شەڭبەرىندە، ۋيچات توپتارىندا وسىنداي «جارنامالار» پايدا بولدى.
«شينحۋا نازارى» ايدارشاسى تىلشىلەرىنىڭ تەكسەرىپ بايقاۋىنشا، كەيبىرەۋلەر ۇساق پايدانى كوزدەپ، ءوزىنىڭ ۋيچات ءنومىرىن باسقالارعا مايعا بەرەدى ەكەن، زاڭسىز ەلەمەنتتەر وسى ۋيچات نومىرلەرىنىڭ كوبىن الداپ - ارباۋ، اقشا جۋۋ سياقتى قىلمىستىق ارەكەتتەرگە پايدالانادى ەكەن.
ۇساق پايدا ءۇشىن اۋىر بوداۋ بەرۋ
2019 - جىلى 10 - ايدا حىنان ولكەسى شينشياڭ قالاسىنداعى بەلگىلى تەحنيكالىق مەكتەپتىڭ وقۋشىسى لي پالەنشە مەن بي پالەنشە ءبىر «بايۋ جولىن» بايقايدى. ۋيچات ءنومىرىن باسقالارعا مايعا بەرىپ، ءار كۇنى ۋيچاتتىڭ كومپيۋتەر نۇسقاسىن تەڭ قادامدا اشىپ قويسا، 80 يۋان اقى الۋعا بولادى ەكەن. پايدانى كوزدەگەن ولار ەكىنشى الىپساتارلارعا اينالىپ، ءار كۇنى 50 يۋاندىق باعامەن ساباقتاستارىنىڭ، دوستارىنىڭ ۋيچات نومىرلەرىن جيناپ، باسقالارعا مايعا بەرىپ اقشا تابادى، قىسقا عانا بىرنەشە ايدا تاپقان پايداسى 10 مىڭ يۋاننان اسادى.
كوپ وتپەي، ولار وسى ارەكەتتەرى ءۇشىن اۋىر بوداۋ بەردى. بيىل 4 ـ ايدا ساقشىلار مىنانى بايقادى: قىلمىستى ەلەمەنتتەر لي پالەنشە مەن بي پالەنشەدەن مايعا العان 100 دەن استام ۋيچات نومىرىنەن پايدالانىپ قوسىمشا قىزمەت وتەۋ تۇرىندەگى جۇزدەن استام ۋيچات توبىن قۇرىپ، توراپتا تالون شىعارىپ بەرۋ، قارىز اقشا بەرۋ سياقتى الدامشىلىق ينفورماتسيالارىن جاريالاپ، تەلەگراف، توراپ الدامشىلىعى قىلمىستىق قيمىلدارىن جۇرگىزگەن. وسىدان كەيىن لي پالەنشە مەن بي پالەنشەگە قىلمىستىق ىستەر بويىنشا ماجبۇرلەۋ شاراسى قولدانىلعان.
وزگەلەردى الداپ، ءوزى دە زيان تارتقاندار وسى لي پالەنشە مەن بي پالەنشەلەر عانا ەمەس. تىلشىلەر تەكسەرۋ ارقىلى جاقىنعى جىلداردان بەرى توراپتا كوپتەگەن ادامنىڭ ۋيچات ءنومىرى، اليپەي ءنومىرى «ساۋداسىن» ىستەپ وتىرعانىن، كەيبىر توراپتىق ءنومىردىڭ كۇندىك ماياقىسىنىڭ بىرنەشە 100 يۋانعا جەتەتىنىن، ءتىپتى مىڭ يۋاننان اساتىنىن بايقادى.
ءتىلشى توراپتا ميكرو ۋيچات ءنومىرىن الاتىن ارالىق ساۋداگەرمەن حابارلاستى، ول تانىستىرىپ بىلاي دەدى: ۋيچات ءنومىرىن مايعا العاندا، ۋيچات كومپيۋتەر كومپيۋتەر مەن قولفوندا تەڭ قادامدا اشىلادى، بۇل ءنومىر يەسىنىڭ قالىپتى ىستەتۋىنە ىقپال جاسامايدى. ونىڭ ۇستىنە ءنومىر يەسى قالىپسىزدىق بايقالسا، كەز كەلگەن ۋاقىتتا تىركەلۋدى كۇشىنەن قالدىرا الادى.
وسى ارالىق ساۋداگەر بىلاي دەدى: تۇرلىشە ۋيچات ءنومىرىنىڭ مايعا الۋ باعاسى ۇقسامايدى، ەندى عانا تىركەلگەن ۋيچات ءنومىرى ەڭ ارزان بولادى، بىرنەشە اي «باعىلعان»، دوستار شەڭبەرى بار ۋيچات ءنومىرى قىمباتتاۋ بولادى، ەگەر بانكە كارتوچكاسىن بايلاسا، تولەۋ رولى بولسا، ءتىپتى دە قىمباتتاۋ بولادى. ال قوماقتى سومالى ەسەپ اۋدارۋ يقۋاتى بار ۋيچات ءنومىرى ەڭ قىمبات. تىزىمگە الدىرعان ۋاقىتى جارىم جىلدان اسقان، دوس 40 تان اسقان، دوستار شەڭبەرى ۇنەمى جاڭارتىلاتىن ۋيچات ءنومىرىنىڭ كۇندىك ماياقىسى 60 يۋاننان 100 يۋانعا دەيىن.
ۋيچات تەكشەسى مىنانى ءبىلدىردى: ۋيچات ءنومىرىن مايعا بەرۋگە رۇقسات ەتىلمەيدى. تۇتىنۋشىلار وزدەرىنىڭ شىن اتى - جونىمەن تىزىمدەلگەن ۋيچات ەسەپ ءنومىرىن سىرتقا مايعا بەرسە، ۋيچات ەسەپ ءنومىرىن جوعالتىپ الۋ حاۋپىنە تاپ بولۋى مۇمكىن؛ ۋيچات نومىرىندەگى جەكەلەردىڭ ساندى مالىمەتى مەن جەكە قۇپيالىق ينفورماتسياسى سياقتىلاردا جوعالىپ كەتۋ نەمەسە باسقالار بەتالدى پايدالانۋ حاۋىپ - قاتەرى بار؛ ۋيچات ارقىلى تولەۋ ەسەبى مەن قاتىستى بانكە كارتوچكاسى ەسەبى قارجىسىنىڭ حاۋىپسىزدىگىندە وراسان زور حاۋىپ ـ قاتەر ءومىر سۇرۋدە؛ ۋيچات ءنومىرىن باسقالار پايدالانىپ زاڭعا قايشى قىلمىستىق ارەكەتتەرمەن شۇعىلدانسا، ءنومىر يەسى (تۇتىنۋشىنىڭ ءوزى) وسى سەبەپتى زاڭدىق جاۋاپكەرلىك، ءتىپتى قىلمىستىق ىستەر جاۋاپكەرلىگىن ارقالاۋى مۇمكىن. (تولىق مازمۇنىن حالىق تورابىنىڭ حانزۋشا ارناسىنان وقي الاسىزدار)
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
