سانيگۇل ۇرايىم: اپەكە - سىڭلىلەرىن باستاپ شاتتىققا شومدى، سەنىمگە يە بولدى
شينجياڭ گازەتىنىڭ جالپىلىق اقپارات قۇرالدارى ءتىلشىسى گاۋ فاڭ، ەرىكتى ءتىلشى ياڭ چۇن
2020.10.22 15:53 كەلۋ قاينارى : شينجياڭ گازەتى
ءپايزاۋات اۋدانى حوشاۋات قالاشىعى يۇگىماشىلىك قىستاعىندا ”سانيگۇل قولونەر بۇيىمدارى سەلبەستىك كووپەراتيۆى“ بار، 500 شارشى مەترلىك ۇلكەن شەبەرحانادا سەلبەستىك كووپەراتيۆىنىڭ جاۋاپتىسى سانيگۇل ۇرايىم مەن ونىڭ 50 نەشە اپەكە - ءسىڭلىسى ءار كۇنى ەلەكترلى تىگىن ماشيناسىنىڭ ”تارسىلداعان“ ءۇنى ىشىندە قاربالاس تا كوڭىلدى كۇندەردى وتكىزۋدە. قىستاقتاعىلاردىڭ نازارىندا ولاردىڭ ءبارى ونەرلى ايەلدەر سانالادى.
بيىل 36 جاستاعى سانيگۇل قىستاقتاعى وزىمەن قۇرداس كوپتەگەن ايەلدەر سياقتى، بەيجيڭ، جۋحاي، حاڭجوۋ سياقتى جەرلەردەگى كولەمدى تىگۋلى كيىم - كەشەك زاۆودتارىندا جۇمىس ىستەگەن نەمەسە قاشقار، يوپۇرعا سياقتى جەرلەردەگى كيىم - كەشەك تىگۋ زاۆودتارىندا قىزمەت ىستەگەن بولاتىن. ”تۇستىك پەن تەرىستىكتە ءىز قالدىرعان“ بۇل كەشىرمەلەر ونى ءبىر شەبەر كيىم - كەشەك تىگۋ جۇمىسشىسىنا اينالدىرعان، ونان دا ماڭىزدىسى، ونىڭ كوز اياسىن كەڭەيتكەن. ”ەگەر ءۇيىمنىڭ قاسىنان جۇمىس ىستەسەم قانداي جاقسى بولار ەدى“. شەبەرلىك ۇيرەنگەن سانيگۇل قىستاققا قايتا ورالعاندا مىنە وسىنداي ارمان ارقالاي كەلگەن ەدى.
2018 - جىلى قىستا، شينجياڭ سالىق ىستەرى مەكەمەسىنەن يۇگىماشىلىك قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي لي جيانفي سانيگۇلدى ىزدەپ كەلىپ بىلاي دەيدى: ”ءبىز قىستاقتان قولونەر بۇيىمدارى سەلبەستىك كووپەراتيۆىن اشۋدى ويلاستىرىپ، اۋقاتتانۋعا باستاۋشىدان بىرەۋىن تاڭداپ جاتىرمىز، سەنىڭ بۇل جاعىندا تاجىريبەڭ بار ەكەن، اپەكە - سىڭلىلەرىڭدى باستاپ بىرگە جۇمىس ىستەگىڭ كەلە مە؟“.
قىستاقتاعى ايەلدەردىڭ باسىم كوبى كىشكەنتايىنان باستاپ شەشەلەرىنەن ۇلتتىق كەستەشىلىكتى ۇيرەنگەن، ويتكەنى ولاردىڭ تۇرمىسى كەستەدەن ايرىلمايتىن، ولار كيىم - كەشەككە، كويلەككە، اياق كيىمگە، باس كيىمگە نەمەسە توسەك بۇيىمدارىنا، ءۇي ءىشى شۇپەرەك الەمىشتەرىنە بەينەلى دە كوركەم كەستە ويۋلاردى سالۋدى ۇناتادى. قازىر بىرەۋلەر ولارعا كومەكتەسىپ ەسىكتەرىنىڭ الدىنان ءبىر ۇلكەن شەبەرحانا اشىپ، وبرازدى كەستەلەردى ءتىپتى دە كوپ ادامدار ۇناتاتىن ونىمدەرگە اينالدىرۋعا مۇمكىندىك جاساپ وتىر، بۇل ولار ويلاۋعا دا باتىنا المايتىن ءىس ەدى. سانيگۇل مۇنى ەستىگەننەن كەيىن ەرەكشە تەبىرەنىپ، دەرەۋ ماقۇل بولدى. قاشقاردا جۇمىس ىستەگەن كەزىندە، ول كەستە تىگۋ ماشيناسىن ىستەتىپ كورگەن بولاتىن. كەستە تىگۋ ماشيناسىمەن كەستەلەگەن ويۋلار تەگىس ءارى مايدا، رەڭى دە الۋان ءتۇرلى كەلەدى، تاعى دا ىشكى وڭىرلەردىڭ كەستە تىگۋ تەحنولوگياسىن كىرگىزىپ، بۇرىنعى قويۋ ۇلتتىق ەرەكشەلىككە يە كەستە ويۋلارى ءتىپتى دە جاڭاشا، كوركەم بەينەگە ەنگەن ەدى.
2019 - جىلى كوكتەمدە ءبىر ميلليون يۋاندىق مەملەكەتتىڭ كەدەيلەردى سۇيەمەلدەۋ قارجىسىمەن سالىنعان 500 شارشى مەترلىك شەبەرحانا قۇرىلىسى بىتەدى، لي جيانفي تاعى دا 300 مىڭ يۋان قارجى توپتاپ، توڭىرەگىندەگى جول، الاڭ، داۋال، پار قازان سياقتى سايكەستى قۇرىلعىلاردى جوندەدى. كوپ وتپەي، سانيگۇل قارجى شىعارىپ ءبىر ءىرى تۇرپاتتى ەلەكترلى كەستە تىگۋ ماشيناسىن، 50 ەلەكترلى تىگىن ماشيناسىن ساتىپ الىپ، تەز ارادا قۇراستىردى. سول جىلى 3 - ايدىڭ 1 - كۇنى ”يۇگىماشىلىك قىستاعى سانيگۇل قولونەر بۇيىمدار سەلبەستىك كووپەراتيۆى“ رەسمي ماڭدايشالىق استى.
”ەگەر قىزمەت اترەتىنىڭ قولداۋى بولماسا، ءۇيىمنىڭ الدىنان شەبەرحانا اشىپ، قىستاق تۇرعىندارىن باستاپ، بىرگە بايۋ جولىنا ءتۇسۋدى تۇسىمدە دە كورەمەگەن بولار ەدىم“، - دەيدى سانيگۇل.
ەڭ العاشىندا كەستەلى توسەك جاپقىش، جاستىق قاپ، داستارقان وندىرۋدەن بۇگىنگى تاڭدا تەلەۆيزور، ورىندىق، سافا، كىرجۋعىش جاپقىشتارىن، سونداي - اق پەردە، توستاعان قويعىش سياقتىلاردى قامتىعان ءتۇرلى كەزدەمە ونىمدەرىن، تاعى دا جەيدە، كويلەك، ۇزىن جەيدە سياقتى ۇلتتىق كيىم - كەشەكتەر مەن مەكتەپ كيىمدەرى، بالالار كيىم - كەشەكتەرى سياقتى وسى زامانعى كيىم - كەشەكتەرىن وندىرگەن سەلبەستىك كووپەراتيۆىنىڭ ءونىم تۇرلەرى 30دان اسىپ، تاپسىرىس بارعان سايىن كوبەيدى.
قازىر قىستاقتاعى 50دەن استام ايەل سەلبەستىك كووپەراتيۆىندە جۇمىس ىستەيدى، كىرىسى بولعان سوڭ ولاردىڭ ءبارى زامانعا ساي جاسانىپ، سۇلۋلانىپ، ومىرشەڭدىك كۇشتەرىن تاسقىنداتتى، اۋىلداستار قىزىعا قارايتىن بولدى.
سەلبەستىك كووپەراتيۆىندە جۇمىس ىستەيتىن اليگۇل قيۇم 2 بالانىڭ شەشەسى، الدىڭعى ايدا ول 2800 يۋان ەڭبەكاقى العان. ءبىر جاعىنان، جۇمىس ىستەپ اقشا تابۋ، ءبىر جاعىنان، ۇيىنە قاراۋ، ول ءدان ريزا بولاتىن تۇرمىس ءتاسىلى − ”مەن قازىر اي سايىن ۋاقىتىندا ۇيىمە اقشا الىپ قايتامىن، سەنىمىم اناعۇرلىم نىعايا ءتۇستى“.
بيىل 6 - ايدا سەلبەستىك كووپەراتيۆى تاعى دا 2000 كەستەلى توسەك جاپقىشتىڭ تاپىسىرىسىن قابىلداپتى. سانيگۇل ءوزىنىڭ قىستاقتاعى ”گۇلدەردى“ ءتىپتى دە تاماشا تۇرمىسقا باستاي الاتىندىعىنا ەرەكشە سەنىمدى ەكەندىگىن ايتتى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
