جىڭ اۋدانى:
شاعىن ”ءۇش اۋىز ءۇي“ سۇيىسپەنشىلىكتى توعىستىرىپ، مەيىرگە بولەدى
شينجياڭ گازەتى جالپىلىق اقپارات قۇرالدارى ءتىلشىسى سۇڭ ياۋىن
2020.12.16 15:00 كەلۋ قاينارى : شينجياڭ گازەتى
شاعىن ساباقحانادا جۇمىسشى - قىزمەتكەرلەر پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ۇيرەنىپ، مادەنيەت كىتاپ ۇيىندە بالالار حۇسنيحاتقا جانە سۋرەت سالۋعا جاتتىقسا، رەمونتحانادا جۇمىسشى - قىزمەتكەرلەر وتباسى ەلەكتر جابدىقتارىن، جيھازدارىن تەگىن جوندەتە الادى... جىڭ اۋدانى باجياحۋ ەگىس الاڭىنىڭ ەگىنشىلىك 7 - اترەتىندە جاڭا ءداۋىر وركەنيەتى امالياتتىق پۋنكتى قۇرىلعاننان بەرى ”شاعىن ساباقحانا“، ”مادەنيەت كىتاپ ءۇيى“، ”رەمونتحانا“ سىندى ”ءۇش اۋىز ءۇي“ جۇمىسشى - قىزمەتكەرلەردىڭ بوس ۋاقىتتارىندا ەڭ ۇناتا باراتىن جەرىنە اينالدى.
شاعىن ساباقحانا:
پارتيا ساباعى شارۋالار اۋلاسىنا كىردى
”پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى’13 - بەسجىلدىقتى‘ قورىتىندىلاپ،’14 - بەسجىلدىققا‘ نازار سالعان، جالپى جاعدايلىق، تاريحي مانگە يە ماڭىزدى ءماجىلىس بولدى“. 12 - ايدىڭ 6 - كۇنى ەگىنشىلىك 7 - اترەتىنىڭ زەينەتكە شىققان قىزمەتشىسى، قارت پارتيا مۇشەسى لي داشاننىڭ ۇيىندەگى قوناق بولمەگە بىرنەشە ورىندىق ءتىزىلىپ، ”شارۋا ۇيىندەگى ميكرو پارتيا ساباعى“ باستالىپ كەتتى.
ءبىر ۇستەل، بىرنەشە ورىندىق، جىپىرلاتا جازىلعان ەستەلىك داپتەر... بيىل 80 جاستاعى لي داشان پارتيا زناگىن تاعىپ، كوپشىلىكتى باستاپ پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ۇيرەندى.
”بۇرىن كوپشىلىك تاماقتان كەيىن ىستەرگە ەشتەڭە تاپپاي، قارتا، ماجياڭ ويناپ تاڭ اسىراتىن، مەن وسى جاعدايدى وزگەرتۋگە قۇلشىنايىن دەدىم. بايىعاندا وسى كۇنگە جەتكىزگەن كىم ەكەنىن ويلاۋىمىز، بايىعان سوڭ العا باسۋ تۋرالى ويلانۋىمىز كەرەك، كوپشىلىك ءبىزدىڭ اۋلاعا كەلگەندى جاقسى كورەدى ەكەن، ەندەشە، مەن ولارعا پارتيا ساباعىن سويلەپ بەرەيىن!“. لي داشان ايتقانىن ىستەدى. 2018 - جىلى 7 - ايدا اي سايىن ءبىر وتەتىن ”شارۋا ۇيىندەگى ميكرو پارتيا ساباعى“ ساباق باستادى.
ءار جولى ساباقتىڭ الدىندا لي داشان ورتالىقتاعى ماڭىزدى ماجىلىستەردىڭ رۋحىن قايتا - قايتا ۇيرەنىپ، قۇنتتاپ ەستەلىك جازادى. ”قارت پارتيا مۇشەسى رەتىندە، مەن كوپشىلىكتى پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات ۇيرەنۋگە، تۇسىنۋگە باستاۋىم كەرەك“، - دەيدى ول.
سول اترەتتەگى يان اييىڭ ۇنەمى كەلىپ ساباق تىڭدايدى. ”ۋاقىتىم بولا قالسا، لي اعايدىڭ ساباعىن تىڭداۋعا بارامىن، ول پارتيانىڭ ۇلكەن ساياسات - باعىتتارىن سويلەپ، كەدەيلىكتەن ارىلتۋدان قامال الۋدى بايانداپ، اۋىلىمىزدىڭ وزگەرىسىن ايتادى“، - دەيدى يان اييىڭ.
”ميكرو پارتيا ساباعى“ ”وراسان كۇش“ ۇيىستىردى. ”بۇرىن اترەتىمىزدىڭ ورتاسى لاس، بەيبەرەكەت، ناشار بولاتىن، قازىر لي داشاننىڭ ىقپالى مەن جەتەكشىلىگىندە كوشەلەر رەتتى، تاپ - تازا سىپىرىلىپ تۇرادى. قونىس ورتاسى جاقسارىپ، ۇيىسۋ قۋاتى دا كۇشەيدى، اترەتتەگى ءتۇرلى قىزمەتتەر جۇمىسشى - قىزمەتشىلەردىڭ بەلسەندى قولداۋىنا يە بولدى“، - دەيدى ەگىنشىلىك 7 - اترەتى پارتيا ياچەيكاسىنىڭ شۋجيى ما جينساي.
مادەنيەت كىتاپ ءۇيى:
جاڭا تۇرمىستى كەسكىندەدى
قالىڭ قاردان كەيىن جەر اق كورپە جامىلدى. تەمپەراتۋرا تومەن بولسا دا اترەتتەگى مادەنيەت كىتاپ ءۇيى ايرىقشا جىلى شۋاق شاشىپ تۇر. اشىلعان ەسىكتىڭ ار جاعىنان بوياۋى قانىق، اۋىل تىنىسىنا تولى شارۋالار سۋرەتى كوزگە شالىنادى. ياڭ ۋيدۇڭنىڭ جەتەكشىلىگىندە 3 بالا ۇستەل الدىندا جىم - جىرت سۋرەت سالىپ وتىر.
بيىل 54 جاستاعى ياڭ ۋيدۇڭ ەگىنشىلىك 7 - اترەتىنىڭ جاي قىزمەتشىسى، ول حۇسنيحات، سۋرەت سالۋعا وتە قىزىعادى، قىزمەت اترەتى مەن ەگىنشىلىك 7 - اترەتى پارتيا ياچەيكاسىنىڭ قولداۋىندا، ياڭ ۋيدۇڭ مادەنيەت كىتاپ ءۇيىن اشتى. بۇل جەر ونىڭ شارۋالار سۋرەتى شىعارماشىلىعىمەن اينالىساتىن، كوپشىلىككە سۋرەت سالۋدى ۇيرەتەتىن تاماشا ورىنعا اينالدى. ”پارتيانىڭ ساياساتى جاقسى، بۇقارانىڭ تۇرمىسى كۇننەن - كۇنگە جاقسارىپ كەلەدى، جولدار كەڭ، اۋلالار كوركەم، مەن قىل قالاممەن جاڭا اۋىل - قىستاقتىڭ كوركەم كورىنىسىن سالىپ، اۋىلىمىزدىڭ دامۋىن، وزگەرىسىن ەستەلىككە السام دەيمىن“، - دەيدى ياڭ ۋيدۇڭ.
سۋرەت تاقتايشاسىنا سۋرەت سالۋدان سىرت، قابىرعاعا كەسكىندەۋ دە ياڭ ۋيدۇڭنىڭ ەرەن ونەرى. قىزىل شارۋا ۇيىندەگى ميكرو ساباقحانا، ۇلتتار ىنتىماعىنىڭ بەرەكەلى شاڭىراعى، ءوزارا كومەكتەسۋ، قارتتارعا وپالى بولىپ، تۋىستارمەن سيلاسۋ، باستاماشى بولىپ بايۋ جولىنا ءتۇسۋ... وسى جىلداردا اترەتتەگى جاڭا وزگەرىستەردىڭ ءبارىن ول قابىرعاعا جاندى كەسكىندەپ شىقتى، ءار ءۇيدىڭ ءبىرسىدىرعى، جالىقتىرارلىق ەسكى داۋال - قابىرعالارى كوركەم كورىنىسكە اينالىپ، اترەت كەلبەتى بارىنشا جاقساردى.
ياڭ ۋيدۇڭنىڭ باستاۋىندا، كوپشىلىك قىل قالامدارىن قولدارىنا الىپ، سۋرەت قاعازىن جايىپ تاستاپ، ەركىن سىلتەدى. ”قازىر قىسقى سايابىر كەز، ءبىز ياڭ مۇعالىمنان حۇسنيحات، سۋرەت سالۋدى ۇيرەنىپ، ەگىس جۇمىستارىنىڭ سايابىر كەزىندەگى تۇرمىسىمىزدى بايىتىپ، كورشى - قولاڭ اراسىنداعى سۇيىسپەنشىلكتى كۇشەيتىپ قويماي، اترەتتەگى مادەنيەت قابىرعاسىندا ءوز ونەرىمىزدى كورسەتۋگە مۇمكىندىك الدىق، مەنىڭشە، بۇل وتە ءماندى ءىس“، - دەيدى قىزمەتشى دۇڭ حۇڭشيا كۇلىپ.
ما جينساي بىلاي دەدى: ”مادەنيەت كىتاپ ءۇيى حۇسنيحاتتى، سۋرەت سالۋدى جاقسى كورەتىن قىزمەتشى بۇقاراعا ۇيرەنەتىن، پىكىرلەسەتىن تۇعىر ازىرلەپ بەردى. بۇل جەردە باقىتتى تۇرمىستارىن قىل قالاممەن كەسكىندەگەن جۇمىسشى - قىزمەتشىلەردىڭ قاتارى بارعان سايىن كوبەيۋدە“.
رەمونتحانا:
ءوزارا جاردەم بەرىپ، ءبىر - بىرىنە كومەكتەسكەن كورشى - قولاڭدار
”لاۋجاڭ، ۆەلوسيپەدىمنىڭ دوڭگەلەگى تاعى بۇزىلدى، كومەكتەسىپ جوندەپ بەرە الاسىڭ با؟“. ءسوزى اياقتاماي جاتىپ، قىزمەتشى جاۋ يۇڭ ۆەلوسيپەدىن رەمونتحاناعا سۇيرەپ اكەلدى. رەمونتحانا اشاتىن جاڭ لانجيە دەرەۋ قيمىلداپ، انە - مىنە دەگەنشە بالونعا جەل تولتىرا قويدى.
جاڭ لانجيە ەگىنشىلىك 7 - اترەتىنىڭ قىزمەتشىسى، سونداي - اق اترەتتەگى پارتيا مۇشەلەرى ەرىكتى قىزمەت وتەۋ اترەتىنىڭ ءبىر مۇشەسى.
2017 - جىلى جاڭ لانجيە اترەتتەن ءبىر رەمونتحانا اشتى. جۇرتتىكىندەي ەمەس، جاڭ لانجيەنىڭ رەمونتحاناسى قىزمەتشىلەردەن ەشقاشان اقشا المايدى. ”قولىمدا وسىنداي ونەرىم بار بولعاندىقتان كومەكتەسە سالايىن دەيمىن، ءبارى جەڭىل - جەلپى شارۋالار عوي. سەن ماعان، مەن ساعان كومەكتەسىپ تۇرساق، ءبارىمىز بارعان سايىن جاقىنداسا بەرەمىز ەمەس پە“، - دەيدى جاڭ لانجيە.
كىشكەنەسى ۇستەل - ورىندىق، قول شاتىر، وتباسى ەلەكتر جابدىقتارىنان ۇلكەنى ۆەلوسيپەد، ەلەكترسيكىل، قاقپا، ءتورت دوڭگەلەكتى اربا سياقتىلارعا دەيىن... كوپشىلىك جاڭ لانجيەگە كەلىپ كومەك سۇراسا بولعانى، ول ءبارىن تەگىن جوندەپ بەرەدى.
بۇگىنگى تاڭدا، ەگىنشىلىك 7 - اترەتىندە ءوزارا كومەكتەسۋ، ءبىر - بىرىنە جاردەمدەسۋ سالىتقا اينالعان، كىمنىڭ ۇيىندە جۇمىس بولسا، كوپشىلىك قول ۇشىن بەرۋگە دايىن تۇرادى. قىزمەت اترەتى مەن ەگىنشىلىك 7 - اترەتى پارتيا ياچەيكاسى پارتيا مۇشەلەرى ەرىكتى قىزمەت وتەۋ اترەتىن قۇرۋ ارقىلى پارتيا مۇشەلەرىنىڭ ۇلگىلىك، باستاماشىلىق رولدارىن تولىق ساۋلەلەندىرىپ، شەبەرلىكتە ءوزارا جاردەمدەسۋ، قيىنشىلىققا كومەك بەرىپ، قيىنشىلىعىن شەشۋ، ارالاپ حال سۇراۋ سياقتى حالىققا قولايلى قىزمەت وتەۋلەر ورىستەتتى.
ءداۋىردىڭ جاڭا سالتىن زور كۇشپەن دارىپتەۋ ءۇشىن، قىزمەت اترەتى مەن ەگىنشىلىك 7 - اترەتى پارتيا ياچەيكاسى تاعى ”جاقسى ەنە“، ”جاقسى كەلىن“، ”جاقسى كورشى“، ”تاڭداۋلى پارتيا مۇشەسى“ سياقتى ءتۇرلى تيپتىك ۇلگىلەردىڭ بەلگىسىن جاساپ، جۇمىسشى - قىزمەتشىلەردىڭ ەسىك الدىنا ءىلىپ قويىپ، اينالاداعى ادامدار، اينالاداعى ىستەر ارقىلى وڭ ەنەرگيا تاراتىپ، سوتسياليستىك وزەكتى قۇن كوزقاراسىن اسقاقتاتىپ، وتباسى، كورشى، قوعام جاراسىمدى بولعان تاماشا اۋقىم قالىپتاستىردى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
