مۇز ويىعىنا ءتۇسىپ كەتكەن بالانى جان قيارلىقپەن قۇتقاردى، ەرلىك جىرى زەڭگىر كوككە اۋەلەدى
ەل − جۇرت ”پامير قىرانى“ لاچين بايكامەن قيماستىقپەن قوشتاستى
2021.01.08 15:44 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ تىلشىلەرى يۇي جياڭيان، ۋاڭ جيڭجيڭ، جۇڭ جاۋفىڭ 1 - ايدىڭ 6 - كۇنى ۇرىمجىدەن حابارلايدى. مۇز ويىعىنا سەكىرىپ ءتۇسىپ كەتكەن بالانى جان قيارلىقپەن قۇتقارعان لاچين بايكانىڭ ءومىر تىنىسى 41 جاسىندا ماڭگى توقتادى!
پامير ۇستىرتىندە شەكارا كۇزەتكەن كوماندير - جاۋىنگەرلەردىڭ، مەكەندەگى اۋىلداستاردىڭ، لاچين بايكانى تانيتىن ءار ادامنىڭ ”بۇل ومىردە اسكەري كيىم كيمەگەن شەكارا قورعانىسى جاۋىنگەرى بولۋدان تانبايمىن“ دەيتىن شەكارا كۇزەتشىسىن، ”اجال اڭعارىندا“ جىلدار بويى شارلاۋ جۇرگىزىپ كەلگەن ”پامير قىرانىن“ ەندى كەزىكتىرە المايتىندىعىنا سەنگىسى جوق.
1 - ايدىڭ 4 - كۇنى تۇستە قاشقار داشۋەسىندە كۋرستا وقىپ جۇرگەن لاچين بايكا اسحاناعا كەتىپ بارا جاتىپ، توسىننان بىرەۋدىڭ ”بالانى قۇتقارىڭدار!“ دەگەن ايعايلاعان داۋىسىن ەستيدى. ول جالما - جان داۋىس شىققان جاققا قاراي جەتىپ بارىپ، ءبىر بالانىڭ شينچۋان كولىنىڭ مۇز ويىعىنا ءتۇسىپ كەتكەنىن بايقايدى. مۇزعا شىعىپ بالانى تارتىپ شىقپاق بولعاندا، مۇز وپىرىلىپ كەتىپ، لاچين بايكا مۇزدى كولگە ءتۇسىپ كەتەدى، ول بويىنداعى بار قايراتىن سالىپ بالانى قولمەن تىرەپ كوتەرۋگە قۇلشىنادى. بۇل جاعدايدى ەستىپ جەتىپ كەلگەن ادامدار ىركەس - تىركەس قۇتقارۋعا ارالاسىپ، بالا ءساتتى قۇتقارىلادى، ءبىراق لاچين بايكا سۋدان شىعا الماي قالادى.
1 - ايدىڭ 5 - كۇنى تاشقورعان تاجىك اۆتونوميالى اۋدانى تىزناپ اۋىلى تىزناپ قىستاعىندا وتكىزىلگەن ازا ءبىلدىرۋ جينالىسىندا لاچين بايكانىڭ 9 جاستاعى ۇلى لادين لاچين اكەسىنىڭ سۋرەتىن قۇشاقتاپ تۇرىپ، كوز جاسىن كولدەتىپ: ”اكەم كەتتى، مەن بارمىن، ەسەيگەندە مەن دە ول سياقتى شەكارا كۇزەتشىسى بولامىن“، - دەدى.
لاچين بايكانىڭ باقىتقا قارسى قازا تاپقانىن ەستىگەن مەملەكەتتىك حالىق قۇرىلتايىنىڭ ۋاكىلى فاتيما قايعىلى سەزىممەن: ”شەشۋشى ساتتە، لاچين بايكا تيتتەي دە ءارى - ءسارى بولماي كولگە سەكىرىپ ءتۇسىپ ادام قۇتقاردى، ول − ءبىزدىڭ ۇيرەنۋ ۇلگىمىز!“، - دەدى. مەملەكەتتىك حالىق قۇرىلتايىنىڭ ۋاكىلى شۇي تاۋ اسكەر بولعان ادام، ول بىلاي دەدى: ”لاچين بايكا قاراپايىم دا ىزگى جان. ءبىز ومىرلىك جاقسى دوس ەدىك، قاھارمان ارامىزدان كەتتى، ءبىراق ونىڭ رۋحى ماڭگى ساقتالادى!“.
لاچين بايكا مەملەكەتتىك حالىق قۇرىلتايىنىڭ ۋاكىلى، مەملەكەتتىك ەڭبەك ەرى، وتاندى ءسۇيۋدىڭ، ارميانى قولداۋدىڭ مەملەكەتتىك ۇلگىسى، ولار ءۇش اۋلەت بويى شەكارا كۇزەتشىسى بولىپ، پامير ۇستىرتىندە شەكارا كۇزەتىپ كەلەدى. شەكارانى كۇزەتۋ بارىسىندا جولىققان شۇعىل، قيىن، قاتەرلى جاعدايلار ساناپ تاۋىسقىسىز، ءبىراق ول ەشقاشان شەگىنشەكتەۋدى نەمەسە باس تارتۋدى ويلاعان ەمەس. قارلى تاۋدىڭ قويناۋىنداعى ءار سايدىڭ اۋزىندا، ءار اڭعاردىڭ بارىندە ونىڭ شارلاۋ جۇرگىزىپ، شەكارا كۇزەتكەن ءىزى قالعان، بۇل ونىڭ پارتيا مەن وتانعا دەگەن ادالدىعىنىڭ كۋاسى سانالادى. لاچين بايكانىڭ ۋيچاتتاعى دوستار شەڭبەرىنىڭ ەڭ سوڭعى شىعارىلىمى ونىڭ ءوزى جازعان «نانحۋ» ولەڭى ەكەن: نانحۋدىڭ قىزىل ساۋلەسى بولەدى نۇرعا پاميردىڭ ءۇستىرت جەر بەتىن، تاڭ راۋانىنان كوردىم مەن، كالدىبەك اتامنىڭ باعزى كۇلكى ۇيالاعان كەلبەتىن... شەكارا كۇزەتىن باس تارتپاس بورىش - جاۋاپكەرلىگىنە بالاعان، شاڭىراعىمنىڭ شام - شىراعىنا اينالعان اتامنىڭ رۋحى سونبەسىن...
1 - ايدىڭ 6 - كۇنى سۋعا تۇسكەن بالا اۋىر ناۋقاستار بولمەسىنەن جاي ناۋقاستار بولمەسىنە اۋىستىرىلدى. بالانىڭ اكەسى ليۋ فافۋ: ”بالام شيپاحانادان شىققان سوڭ، مەن ونى ءوزىن اجالدان الىپ قالعان قۇتقارۋشىسىنىڭ قابىرىنا ەرتىپ بارىپ، وعان كىمنىڭ وزىنە ەكىنشى رەت ءومىر سيلاعانىن ماڭگى ەستە ساقتاۋىن ايتامىن“، - دەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
