توحتىنياز سايىم:
شىرعاناق ورمانىندا «بايۋ ۇيرەگىن» ءوسىردى
شينجياڭ گازەتىنىڭ جالپىلىق اقپارات قۇرالدارى ءتىلشىسى لي لين، ەرىكتى ءتىلشى جاڭ حى
2021.01.08 15:47 كەلۋ قاينارى : شينجياڭ گازەتى
”جۇڭ شۋجي، بيىل شىبار ۇيرەكتەن جاقسى كىرىس تاپتىم، كەلەر جىلى كولەمىن كەڭەيتىپ، 5000 شىبار ۇيرەك باقسام، 100 نەشە مىڭ يۋان كىرىس كىرگىزەدى ەكەنمىن، الداعى جەردە ۇيرەك بالاپانىن ساتۋشىلارمەن الدىن الا بايلانىس جاساپ بەرەسىز عوي ءا، اۋرەلەيتىن بولدىم“.
”ماسەلە جوق، مۇنى ماعان تاپسىرساڭ بولدى“.
12 - ايدىڭ 24 - كۇنى ءۇشتۇرپان اۋدانى جامانسۋ قىرعىز اۋىلى جوعارعى جامانسۋ قىستاعى قىستاق كوميتەتىنىڭ كەڭسەسىندە 30 جاستاعى قىستاق تۇرعىنى توحتىنياز سايىم قىستاق پارتيا ياچەيكاسىنىڭ شۋجيى جۇڭ حايجۇنگە بيىلعى باعىمشىلىقتان تاپقان كىرىسىن جانە كەلەر جىلعى جوسپارىن قۋانا ايتىپ جاتتى.
توحتىنياز بۇرىن اقسۋ قالاسىندا جۇمىس ىستەگەن، جاسى جەتپىستەن اسقان اكە - شەشەسىنە قارايلاسۋ ءۇشىن، قايتادان قىستاققا قايتىپ كەلىپ جۇمىس ىستەگەن بولاتىن. توحتىنياز وتباسىندا جۇگەرى ەگەتىن 20 نەشە مۋ جەر بار، جىلىنا 20 نەشە مىڭ يۋان كىرىس تابادى. بيىل 4 - ايدىڭ ورتا شەنىندە جۇڭ حايجۇن كوپ جاقتى تەكسەرۋ جۇرگىزۋ ارقىلى جوعارعى جامانسۋ قىستاعىنىڭ توشقان وزەنىنە تاياۋ ورنالاسقانىن، قاراستى اۋماقتا زور مولشەردە جابايى شىرعاناق وسكەن تابيعي باسىمدىعىن ەسكەرە وتىرىپ، قىستاق تۇرعىندارىن ەرەكشەلىككە يە شىبار ۇيرەك باعىمشىلىعىن دامىتۋعا جۇمىلدىردى. شىبار ۇيرەكتەر شىرعاناق ورمانىندا جايىلىپ، جەرگە تۇسكەن شىرعاناق جەمىسى مەن قۇرت - قۇمىرىسقانى جەپ ەتەيەدى، ساڭعىرىعى شىرعاناق ورمانى توپىراعىنىڭ قۇنارلىلىعىن ارتتىرىپ، سازدىقتىڭ ەكولوگيالىق جۇيەسىنىڭ تەپە - تەڭدىگىن قورعاۋ رولىن اتقارادى. توحتىنياز كىرىستى ارتتىرۋدىڭ ورايى كەلگەنىن سەزىپ، تىزىمدەلەدى.
”ءۇيدىڭ ىرگەسىندە جۇمىستاناسىڭ، ەگىس جۇمىسى دا اقسامايدى، جاسى ەگدەلەگەن اكە - شەشەمە دە قارايلاسا الامىن، قىستاق كادرلارى بىزگە وتە جاقسى وراي جاراتىپ بەردى“، - دەدى توحتىنياز كامىل سەنىممەن.
شبار ۇيرەك باعىمشىلىعىنا اۋىلداستار ونشا سەنىم ارتا قويمادى، بۇكىل قىستاقتا تەك توحتىنياز ءبىر ادام عانا تىزىمدەلدى. ”شىبار ۇيرەك باعىپ كورگەمىن جوق، قالاي باعامىن؟ ءوتىمى قانداي؟ زيان تارتىپ قالسام قايتەمىن؟ العاشىندا تاماعىمنان اس وتپەي، ۇيقىم قاشتى، جۇڭ شۋجيدى قايتا - قايتا ىزدەپ باردىم“، - دەدى توحتىنياز. ”قىستاققا تاياۋ جەردە توشقان وزەنى بار، جاراتىلىستىق شارت - جاعدايى تاماشا، ورايدان قاپى قالما“، - دەگەن جۇڭ حايجۇننىڭ ءسوزى توحتىنيازدى ۋايىمنان ارىلتىپ، سەنىمىن كۇشەيتتى، جۇڭ حايجۇن ەكەۋى ۇيرەك بالاپانىن ساتىپ الۋ ءۇشىن جان - جاقپەن بايلانىس جاساۋ قامىنا كىرىستى.
كوپ جاقتان سۇراستىرۋ ارقىلى 6 - ايدا توحتىنياز چىڭدۋدان جۇمىرتقادان شىققانىنا ەندى عانا 5 كۇن بولعان 2000 بالاپاندى ۇشاقپەن الدىردى.
”شىبار ۇيرەك بالاپاندارى كىشكەنە، سۋعا تۇسە المايدى، سوندىقتان جىلى قورادا تۇپ - تۋرا ءبىر اي باقتىم“. توحتىنيازدىڭ ايتۋىنشا، كۇندىز ول بالاپاندارعا قۋات تالقانىن بەرىپ، 20 ناۋاعا سۋ تولتىرىپ قويادى ەكەن، كۇندىز بەن ءتۇننىڭ اۋا تەمپەراتۋرا پارقى زور بولعاندىقتان، ول كەشتە پەش جاعىپ قورانى جىلىتىپتى، اراسىندا بالاپاندارعا 2 رەت ۆاكسينا ەگىپتى. ونىڭ دەن قويا قاراۋىنىڭ ناتيجەسىندە ءبىر ايدان كەيىن شىبار ۇيرەك بالاپاندارىنىڭ بارلىعى سۋدا جۇزەتىن بولعان.
كۇندىز توحتىنياز شىبار ۇيرەكتەردى قىستاقتىڭ سىرتىنداعى توشقان وزەنى سازدىعىنا ايداپ اپارادى، شىبار ۇيرەكتەر سۋدا ءجۇزىپ، جەرگە تۇسكەن شىرعاناق جەمىسىن جانە قۇرت - قۇمىرىسقانى جەيدى. ال، ءوزى اتىزدا ەگىس جۇمىسىمەن اينالىسىپ، ەكى شارۋانى بىردەي اقساتپايدى.
شىبار ۇيرەك باعۋ ىلعي دا ءساتتى بولا بەرمەدى. ”ءبىر كۇنى ەگىس جۇمىسىنان قايتىپ سازدىققا شىبار ۇيرەكتەردى كورگەلى بارسام، ءبىر تۇلكى ۇيرەكتەردى اۋزىنا تىستەپ الا قاشقان ەكەن، قۋىپ جەتە المادىم“، - دەيدى توحتىنياز. ول كەشتە ۇيىنە قايتىپ ساناعانىندا 60 نەشە شىبار ۇيرەك جوق بولىپ شىعادى.
سودان باستاپ توحتىنياز بارىنشا ابايلادى. اتىزداعى جۇمىسىن بىتىرە سالىسىمەن سازعا بارىپ شىبار ۇيرەكتەردى بايقاستادى، كەشتە ءبىر - بىردەن سانادى. 4 اي عىلمي جولمەن باعۋ ارقىلى قالعان 1600 شىبار ۇيرەك شىمىرلانىپ ءوسىپ، ەڭ اۋىرىنىڭ سالماعى 3 كيلوگرامعا جەتتى. جان - جاقپەن بايلانىس جاساپ ساتۋ ارقىلى توحتىنياز شىبار ۇيرەكتەن 48 مىڭ يۋان تازا كىرىس تابادى.
توحتىنيازدىڭ مول كىرىس تاپقانى تۋرالى حابار قىستاقتا تارالىپ، اۋىلداستارى ونى بايۋ شەبەرى دەپ القادى.
جۇڭ حايجۇن تىلشىگە: ”توحتىنياز كۇتىپ وتىرماي، يەك سۇيەمەي، باتىلدىقپەن ىستەۋ، باتىلدىقپەن جول اشۋ رۋحى ارقىلى قىستاقتا ۇلگىلىك، جەتەكشىلىك رول اتقاردى“، - دەدى.
”پارتيانىڭ ساياساتى جاقسى، كەلگەن كادرلار ءبىزدى بايۋعا باستادى، ءبىز ءوزىمىز دە قۇلشىنا كۇرەس جۇرگىزۋىمىز كەرەك“. توحتىنياز قۋانىشتى بەينەدە بىلاي دەدى: كەلەر جىلى باعىمشىلىق كولەمىن كەڭەيتىپ، ءتىپتى كوپ اقشا تابامىن. بۇدان سىرت، اۋىلداستاردى بىرلىكتە ەرەكشە باعىمشىلىقپەن شۇعىلدانىپ، كوپشىلىكتى بايۋعا اتتانىسقا كەلتىرەمىن.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
