14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 12 - ءماجىلىسى بەيجيڭدە وتكىزىلدى

«حالىق گازەتى»، 11 - ايدىڭ 4 - كۇنى، بەيجيڭ. 14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 12 - رەتكى ءماجىلىسى 11 - ايدىڭ 4 - كۇنى تۇستەن بۇرىن بەيجيڭدەگى حالىق سارايىندا ءبىرىنشى جالپى ءماجىلىسىن وتكىزدى. كوميتەت باستىعى جاۋ لىجي ءماجىلىستى باسقاردى.

تۇراقتى كوميتەت قۇرامىنداعىلاردان 158 ادام ماجىلىسكە قاتىناستى، ماجىلىسكە قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.

ءماجىلىس مەملەكەتتىك حالىق قۇرىلتايى نەگىزگى زاڭ جانە زاڭدار كوميتەتىنىڭ ورىنباسار مەڭگەرۋشى مۇشەسى شۇي حۇي جاساعان مەكتەپكە دەيىنگى تاربيە زاڭى جوباسىن قاراۋ ناتيجەسى جونىندەگى باياندامانى تىڭدادى. جوبانىڭ 3 - رەت قارالعان نۇسقاسىندا بىلاي دەپ ايقىن بەلگىلەندى: مەملەكەت مەكتەپكە دەيىنگى تاربيەنى قامتاماسىزداندىرۋ مەحانيزمىن ورناتىپ جانە كەمەلدەندىرىپ، وتباسىلىق تاربيەنىڭ وزىندىك قۇنىن تومەندەتەدى؛ قاتىستى حاۋىپسىزدىكتى باقىلاۋ - باسقارۋ قىزمەتىن اناعۇرلىم كۇشەيتەدى؛ مەكتەپكە دەيىنگى بالالاردىڭ قاجەتىنە ۇيلەسەتىن تۋىندىلاردى، ونىمدەردى جانە زەرتتەۋ جەتىستىكتەرىن اشۋعا جانە جالپىلاستىرۋعا قاتىستى بەلگىلەمەلەردى كوبەيتەدى؛ مەكتەپكە دەيىنگى بالالاردىڭ جەكەلىك ينفورماتسياسىن ءبىر جاقتى ەتۋ قيمىلىن ارناعا ءتۇسىرىپ، مەكتەپكە دەيىنگى بالالاردىڭ اتاق - ابىرويىن، قۇپيالىعىن جانە باسقا دا زاڭدى ۇقىق - مۇددەسىن قورعايدى؛ بالالار باقشاسىنىڭ وقىتۋشى - قىزمەتكەرلەرىن باسقارۋعا قاتىستى بەلگىلەمەلەردى كەمەلدەندىرەدى، ت. ب.

ءماجىلىس نەگىزگى زاڭ جانە زاڭدار كوميتەتىنىڭ مەڭگەرۋشى مۇشەسى شين چۇنيىڭ جاساعان مادەني مۇرالاردى قورعاۋ زاڭىنا وزگەرىس ەنگىزۋ جوباسىن قاراۋ ناتيجەسى جونىندەگى باياندامانى تىڭدادى. جوبانىڭ 3 - قارالعان نۇسقاسىندا مادەني مۇرالاردى تانۋ ءتۇزىمى كۇشەيتىلىپ، مادەني مۇرالاردى قورعاۋ قىزمەتىنىڭ زاڭمەن باسقارۋ ورەسى جوعارىلاتىلدى؛ مادەني مۇرالاردى ساقتايتىن ورىنداردىڭ كوڭىل بولۋگە ءتيىستى بورىشتارى كۇشەيتىلدى؛ مەملەكەت ازاماتتاردىڭ، ۇيىمداردىڭ زاڭعا سيىمدى ساقتاۋىنا شابىت بەرەدى، حالىقتىق ساقتاۋ قيمىلدارىنا جەتەكشىلىك ەتۋ، باسقارۋ جانە قىزمەت وتەۋدى كۇشەيتەدى دەگەن مازمۇندار قوسىلدى؛ شەكارادان شىعارىلاتىن مادەني مۇرالاردىڭ ناقتى كولەمى ونان ارى ايقىندالدى، ت. ب.

ءماجىلىستە نەگىزگى زاڭ جانە زاڭدار كوميتەتىنىڭ ورىنباسار مەڭگەرۋشى مۇشەسى ۋاڭ حۇڭشياڭ جاساعان كەن بايلىعى زاڭىنا وزگەرىس ەنگىزۋ جوباسىن قاراۋ ناتيجەسى جونىندەگى باياندامانى تىڭدادى. جوبانىڭ 3 - رەت قارالعان نۇسقاسىندا نەگىزدىك گەولوگيالىق تەكسەرۋ قىزمەتىنىڭ مازمۇنى تولىقتىرىلدى؛ كەن بايلىعى سالاسىنداعى حالىقارالىق سەلبەستىكتى جەبەۋ مازمۇنى قوسىلدى؛ كەن شارۋاشىلىعىنا پايدالانىلاتىن جەر ءتۇزىمى ونان ارى كەمەلدەندىرىلدى؛ كەن بايلىعىن اشۋدان قالىپتاسقان قالدىق كەن قامبالارىن باسقارۋ، حاۋىپسىزدىك حاۋىپ - قاتەرىنەن ساقتانۋ كۇشەيتىلدى؛ كەن رايونىنىڭ ەكولوگياسىن قالپىنا كەلتىرۋ قىزمەتى ونان ارى كۇشەيتىلدى.

ءماجىلىس نەگىزگى زاڭ جانە زاڭدار كوميتەتىنىڭ ورىنباسار مەڭگەرۋشى مۇشەسى جوۋ گۋاڭچۋان جاساعان ەنەرگيا زاڭى جوباسىن قاراۋ ناتيجەسى جونىندەگى باياندامانق تىڭدادى. جوبانىڭ 3 - رەت قارالعان نۇسقاسىندا مەملەكەت ەنەرگيا سالاسىنداعى جاڭاشا ولشەم جۇيەسى قۇرىلىسىن ىلگەرىلەتىپ، ەنەرگيانى توقتاممەن باسقارۋ سياقتى ەنەرگيانى بازارلاندىرۋعا قىزمەت وتەۋدى بەلسەنە جالپىلاستىرۋ جونىندەگى بەلگىلەمە قوسىلدى، ەنەرگيا تۇتىنۋشىلارى ”ەنەرگيا سۇرانىسىنا ءۇن قوسۋعا“ بەلسەنە ات سالىسىپ، ەنەرگيا تۇتىنۋشىلارىن ەنەرگيا ۇنەمدەۋدى جەبەۋگە جانە ەنەرگيادان پايدالانۋ ونىمدىلىگىن جوعارىلاتۋعا جەتەكتەۋ جونىندە بەلگىلەمە قوسىلدى، ت. ب.

ءماجىلىس نەگىزگى زاڭ جانە زاڭدار كوميتەتىنىڭ ورىنباسار مەڭگەرۋشى مۇشەسى حۋاڭ ميڭ جاساعان اقشا جۋۋعا قارسى تۇرۋ زاڭىنا وزگەرىس ەنگىزۋ جوباسىن قاراۋ ناتيجەسى جونىندەگى باياندامانى تىڭدادى. جوبانىڭ 3 – رەت قارالعان نۇسقاسىندا فينانس قۇرىلىمدارىنىڭ اقشا جۋۋ حاۋىپ - قاتەرىن باسقارۋ شارالارىن قولدانۋدىڭ شارتتارى ونان ارى ايقىندالدى؛ اقشا جۋۋعا قارسى تۇرۋ ينفورماتسياسىنان ورتاق يگىلىكتەنۋ ينفورماتسيالاردى قورعاۋعا قاتىستى زاڭدىق بەلگىلەمەلەرگە ۇيلەسۋى كەرەك دەپ بەلگىلەندى؛ اقشا جۋۋ حاۋىپ - قاتەرىن باسقارۋ شارالارى قاريدارلارعا نەگىزگى، قاجەتتى فينانستىق قىزمەت وتەۋگە سايسا، فينانس قۇرىلىمدارى دەر كەزىندە ءبىر جاقتى ەتۋى كەرەك دەگەن مازمۇن قوسىلدى، ت. ب.

ءماجىلىس نەگىزگى زاڭ جانە زاڭدار كوميتەتىنىڭ ورىنباسار مەڭگەرۋشى مۇشەسى شىن چۇنياۋ جاساعان باقىلاۋ زاڭىنا وزگەرىس ەنگىزۋ جوباسىن قاراۋ ناتيجەسى جونىندەگى باياندامانى تىڭدادى. جوبانىڭ 2 - رەت قارالعان نۇسقاسىندا جىلدىق باقىلاۋ قىزمەتى جوسپارىنا قاتىستى بەلگىلەمەلەر كەمەلدەندىرىلدى؛ ءار جىلى قورشاعان ورتا جاعدايى جانە قورشاعان ورتانى قورعاۋ نىساناسىنىڭ ورىندالۋ جاعدايى جونىندەگى بايانداما، ۇكىمەتتىڭ قارىز باسقارۋ جاعدايى جونىندەگى بايانداما تىڭدالادى جانە قارالادى دەگەن سياقتى مازمۇندار قوسىلدى؛ زاڭنىڭ اتقارىلۋىن تەكسەرۋ بارىسىنداعى جاقسى امالياتتىق ادىستەر زاڭدا ايقىندالاتىن بولدى؛ ەستەلىككە الۋدى، تەكسەرۋدى ۇشتاستىرۋ، بىرلەستىرۋ مەحانيزمىنە قاتىستى بەلگىلەمەلەر قوسىلدى، ت. ب.

باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن ىشكەرىلەي دايەكتىلەندىرىپ، حالىق قۇرىلتايى ۋاكىلدەرىنىڭ رولىن تولىق ساۋلەلەندىرىپ، حالىقتىڭ وزىنە - ءوزى قوجايىن بولۋ ءتۇزىمى جۇيەسىن اقاۋسىزداندىرىپ، جاڭا داۋىردەگى حالىق قۇرىلتايى ۋاكىلدەرى قىزمەتىنىڭ امالياتتىق تاجىريبەلەرىن مۇقيات قورىتىندىلاۋ نەگىزىندە، مەملەكەتتىك حالىق قۇرىلتايى تۇراقتى كوميتەتىنىڭ كوميتەت باستىقتارى ءماجىلىسى قاراۋعا ۇسىنىلعان ۋاكىلدەر زاڭىنا وزگەرىس ەنگىزۋ جوباسى جونىندەگى كەڭەس جوبانى العا قويدى. كوميتەت باستىقتارى ءماجىلىسىنىڭ تاپسىرۋىمەن تۇراقتى كوميتەت زاڭ - ءتۇزىم قىزمەتى كوميتەتىنىڭ مەڭگەرۋشىسى شىن چۇنياۋ تۇسىنىك جاسادى.

شەتەلگە ساياتىن زاڭمەن باسقارۋ قۇرىلىسىن كۇشەيتىپ، جۇڭگوشا ەرەكشەلىككە يە، حالىقارالىق جالپىلىق ەرەجەمەن توعىسقان تورەلىك ايتۋ زاڭ - ءتۇزىمىن اقاۋسىزداندىرىپ جانە كەمەلدەندىرىپ، بازارلانعان، زاڭمەن باسقارىلاتىن، حالىقارالانعان ماڭداي الدى ساۋدا ورتاسىن جاراتۋ ءۇشىن، مەملەكەتتىك كەڭەس تورەلىك ايتۋ زاڭىنا وزگەرىس ەنگىزۋ جوباسىن قاراۋعا ۇسىنۋ جونىندەگى كەڭەس جوباسىن ورتاعا قويدى. مەملەكەتتىك كەڭەستىڭ تاپسىرۋىمەن ءادىليا مينيسترلىگىنىڭ مينيسترى حى رۇڭ تۇسىنىك جاسادى.

تەڭىز تاسىمالى مەن ساۋدانىڭ جوعارى ساپالى دامۋىن ىلگەرىلەتىپ، تەڭىز - مۇحيتتا قۋاتتى ەل قۇرۋعا دەم بەرۋ ءۇشىن، مەملەكەتتىك كەڭەس تەڭىز ساۋداسى زاڭىنا وزگەرىس ەنگىزۋ جوباسىن قاراۋعا ۇسىنۋ جونىندەگى كەڭەس جوباسىن العا قويدى. مەملەكەتتىك كەڭەستىڭ تاپسىرۋىمەن حى رۇڭ تۇسىنىك جاسادى.

عىلىم - تەحنيكانىڭ جالپىلاسۋىن جاپپاي جەبەپ، جوعارى دەڭگەيدەگى عىلىم - تەحنيكانى جۇزەگە اسىرۋدى ىلگەرىلەتۋ ءۇشىن، مەملەكەتتىك كەڭەس عىلىم - تەحنيكانى جالپىلاستىرۋ زاڭىنا وزگەرىس ەنگىزۋ جوباسىن قاراۋعا ۇسىنۋ جونىندەگى كەڭەس جوباسىن العا قويدى. مەملەكەتتىك كەڭەستىڭ تاپسىرۋىمەن عىلىم - تەحنيكا مينيسترلىگىنىڭ مينيسترى يىن حىجۇن تۇسىنىك جاسادى.

ۇكىمەت فۋنكتسياسىندا ونان ارى بۇرىلىس جاساپ، ساۋدا ورتاسىن ساپالىلاندىرىپ، بازاردىڭ ومىرشەڭدىك كۇشىن تاسقىنداتىپ، تۇيىندە سىناق ەتۋ تاجىريبەلەرىن اناعۇرلىم ويداعىداي قورىتىندىلاۋ ءۇشىن، مەملەكەتتىك كەڭەس قاراۋعا ۇسىنىلعان مەملەكەتتىك كەڭەستىڭ ساۋدا ورتاسىندا جاڭالىق جاراتۋ سىناق ءتۇيىنى قالالارىندا ولشەم زاڭىنىڭ قاتىستى بەلگىلەمەلەرىن ۋاقىتشا رەتتەۋگە ۇقىق بەرۋ جونىندەگى قاۋلى جوباسىن العا قويدى. مەملەكەتتىك كەڭەستىڭ تاپسىرۋىمەن مەملەكەتتىك بازار باقىلاۋ - باسقارۋ باس مەكەمەسىنىڭ باستىعى لو ۋىن تۇسىنىك جاسادى.

ءماجىلىس مەملەكەتتىك كەڭەس قاراۋعا ۇسىنعان جەرگىلىكتى ۇكىمەتتەردىڭ قارىز شەگىن ارتتىرىپ، ىركىندى كومەسكى قارىزدى اۋىستىرۋ جونىندەگى كەڭەس جوباسىن قارادى. مەملەكەتتىك كەڭەستىڭ تاپسىرۋىمەن قازىنا مينيسترلىگىنىڭ مينيسترى لان فۋ - ان تۇسىنىك جاسادى. مەملەكەتتىك حالىق قۇرىلتايى قازىنا - ەكونوميكا كوميتەتىنىڭ ورىنباسار مەڭگەرۋشى مۇشەسى شۇي حۇڭساي وسى كەڭەس جوبانى تەكسەرۋ ناتيجەسى جونىندە بايانداما جاسادى.

ءماجىلىس مەملەكەتتىك كەڭەستىڭ «‹«جاراقسىز زاتتار مەن باسقا دا زاتتاردىڭ تەڭىز - مۇحيتتى لاستاۋىنان ساقتانۋ شارتىنىڭ» 1996 - جىلعى كەلىسىمناماداعى لاس سۋ بالشىعىنا وزگەرىس ەنگىزۋ جوباسىن› قاراپ بەكىتۋگە ۇسىنۋ جونىندەگى كەڭەس جوباسىن» قارادى. مەملەكەتتىك كەڭەستىڭ تاپسىرۋىمەن ەكولوگيالىق ورتا مينيسترلىگىنىڭ مينيسترى حۋاڭ رۇنچيۋ تۇسىنىك جاسادى.

ءماجىلىس مەملەكەتتىك حالىق قۇرىلتايى باقىلاۋ - تەكسەرۋ جانە ءادىليا كوميتەتىنىڭ مەڭگەرۋشى مۇشەسى ياڭ شياۋچاۋ، قورشاعان ورتا جانە بايلىقتى قورعاۋ كوميتەتىنىڭ مەڭگەرۋشى مۇشەسى لۋ شينشى، اۋىل شارۋاشىلىعى جانە اۋىل - قىستاق كوميتەتىنىڭ مەڭگەرۋشى مۇشەسى دۋ جياحاۋ، قوعامدىق قۇرىلىس كوميتەتىنىڭ مەڭگەرۋشى مۇشەسى ياڭ جىن - ۋ جەكە - جەكە جاساعان 14 - كەزەكتى مەملەكەتتىك حالىق قۇرىلتايى 2 - ءماجىلىسى ءتوراعالار القاسى قاراۋعا تاپسىرعان ۋاكىلدەر ورتاعا قويعان كەڭەستىك جوبالاردى قاراۋ ناتيجەسى جونىندەگى باياندامانى تىڭدادى.

ءماجىلىس مەملەكەتتىك حالىق قۇرىلتايى تۇراقتى كوميتەتى ۋاكىلدەردىڭ تولىمدىلىعىن تەكسەرۋ كوميسسياسىنىڭ مەڭگەرۋشى مۇشەسى ياڭ شياۋچاۋ جاساعان ءىشىنارا ۋاكىلدەردىڭ ۋاكىلدىك تولىمدىلىعى جونىندەگى باياندامانى تىڭدادى.

ءماجىلىس مىندەتكە تاعايىنداۋ، مىندەتتەن قالدىرۋعا قاتىستى ىستەردى دە قارادى.

مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارلارى لي حۇڭجۇڭ، ۋاڭ دۇڭميڭ، شياۋ جيە، جىڭ جيانباڭ، ديڭ جۇڭلي، حاۋ ميڭجين، ساي دافىڭ، حى ۋەي، ۋ ۋەيحۋا، تيە نيڭ، پىڭ چيڭحۋا، جاڭ چيڭۋەي، لوساڭ جياڭسۇن، شوكىرات زاكىر، باس حاتشى ليۋ چي ماجىلىسكە قاتىناستى.

مەملەكەتتىك كەڭەس زۇڭليىنىڭ ورىنباسارى ليۋ گوجۇڭ، ەڭ جوعارى حالىق سوتى مەكەمەسىنىڭ باستىعى جاڭ جۇن، ەڭ جوعارى حالىق پروكۋراتۋراسىنىڭ باس پروكۋرورى يىڭ يۇڭ، مەملەكەتتىك باقىلاۋ - تەكسەرۋ كوميتەتىندەگى جاۋاپتى جولداس، مەملەكەتتىك حالىق قۇرىلتايى ارناۋلى كوميتەتتەرىنىڭ مۇشەلەرى، ولكەلىك، اۆتونوميالى رايوندىق، توتە قاراستى قالالىق حالىق قۇرىلتايى تۇراقتى كوميتەتتەرىندەگى جاۋاپتى جولداستار، تەتە ولكە دارەجەلى قالالاردىڭ حالىق قۇرىلتايى تۇراقتى كوميتەتتەرىندەگى ءبىر ءبولىم نەگىزگى جاۋاپتى جولداستار، مەملەكەتتىك حالىق قۇرىلتايىنىڭ ءىشىنارا ۋاكىلدەرى، قاتىستى تاراۋلارداعى جاۋاپتى جولداستار قاتارلىلار ماجىلىسكە سىرتتاي قاتىناستى.

كەلۋ قاينارى: حالىق تورابى