موتورلى كولىكتەردىڭ قاتىناۋ كۋالىگىن ەلەكترونداندىرۋ جاپپاي اتقارىلادى

بيىل 12 ـ ايدىڭ 2 ـ كۇنى — 13 – كەزەكتى ”مەملەكەتتىك قاتىناس حاۋىپسىزدىگى كۇنى“، باستى تاقىرىبى ”وركەنيەتتى قاتىناستى قول ۇستاسا بىرگە جاراتۋ“.

ءتىلشىنىڭ 12 – ايدىڭ 1 – كۇنى قوعام حاۋىپسىزدىگى مينيسترلىگىنەن ۇعىسۋىنشا، بيىل 12 – ايدىڭ 2 – كۇنىنەن باستاپ موتورلى كولىكتەردىڭ قاتىناۋ كۋالىگىن ەلەكترونداندىرۋ بۇكىل ەل كولەمىندە جاپپاي اتقارىلىپ، بۇكىل ەلدەگى بارلىق كولىك يەسى ”قاتىناس باسقارۋ 12123“ APP ارقىلى ەلەكتروندى قاتىناۋ كۋالىگىن الۋىنا بولادى.

بيىل 7 ـ ايدىڭ 1 ـ كۇنى قوعام حاۋىپسىزدىگى مينيسترلىگى قوعام حاۋىپسىزدىگى قاتىناس باسقارۋ بويىنشا حالىققا قولايلى، كاسىپورىندارعا ءتيىمدى 8 ءتۇرلى رەفورمانىڭ جاڭا شاراسىن اتقارىپ، سىناق ءتۇيىنى نەگىزىندە بۇكىل ەل بويىنشا موتورلى كولىكتەردىڭ قاتىناۋ كۋالىگىن ەلەكترونداندىرۋدى توپقا ءبولىپ جالپىلاستىردى. قازىرگە دەيىن 86 ميلليوننان استام كولىك يەسىنە ەلەكتروندىق قاتىناۋ كۋالىگىن تاراتىپ، جەلىدە ”كۋالىگىن كورسەتۋ“، ”كود كورسەتۋ“ قىزمەت وتەۋىمەن قامدادى. ۇعىسۋعا قاراعاندا، قاتىناس باسقارۋ رەفورماسىنىڭ 8 ءتۇرلى جاڭا شاراسى اتقارىلعاننان بەرى 100 ميلليوننان استام ادام ـ رەت يگىلىك كورىپ، بۇقارانىڭ، كاسىپورىنداردىڭ 4 ميلليارد يۋاننان استام اۋىرتپالىعى جەڭىلدەتىلگەن.

كەلۋ قاينارى: حالىق تورابى