جۇڭگونىڭ بايتاق دالاسىنا تامىر تارتىپ، جۇڭحۋانىڭ مادەنيەت تامىرىن جالعاستىرىپ، ءىلمي نەگىزدى بەكەمدەپ، ماركسيزمنىڭ جۇڭگوشالانۋىن، زامانالانۋىن ىلگەرىلەتۋگە اناعۇرلىم زور ۇلەس قوسۋ كەرەك

شينحۋا اگەنتتىگى، 11 - ايدىڭ 29 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا جاڭا داۋىردەگى ماركسيزمدىك نازاريانى زەرتتەۋ جانە كەمەلدەندىرۋ ينجەنەرياسى جونىندە ماڭىزدى نۇسقاۋ بەرىپ، بىلاي دەپ اتاپ كورسەتتى: ماركسيزمدىك نازاريانى زەرتتەۋ جانە كەمەلدەندىرۋ ينجەنەرياسى − پارتيانىڭ يدەيا - نازاريا قۇرىلىسىنداعى نەگىزدىك ينجەنەريا، ستراتەگيالىق ينجەنەريا. 20 جىلدان بەرى ينجەنەريا باستان - اياق وزەكتى ارقاۋ ەتىپ، كەلەلى جاعدايعا قىزمەت وتەپ، ءبىرقىدىرۋ جوعارى ساپالى زەرتتەۋ جەتىستىكتەرىن شىعارىپ، پارتيانىڭ جاسامپاز نازارياسىن ۇيرەنۋ، زەرتتەۋ، ۇگىتتەۋ، ماركسيزمنىڭ يدەولوگيا سالاسىنداعى جەتەكشى ورنىن بەكەمدەۋ سياقتى جاقتاردا ماڭىزدى رول اتقاردى.

شي جينپيڭ بىلاي دەپ باسا دارىپتەدى: جاڭا ءداۋىردىڭ جاڭا جورىعىندا تۋراشىلدىقتان اينىماي جاڭالىق اشۋعا تاباندى بولىپ، نازاردى جاڭا داۋىردەگى جۇڭگوشا سوتسياليزم يدەياسىن ۇيرەنۋگە، ۇگىتتەۋگە، دايەكتىلەندىرۋگە شوعىرلاندىرىپ، جۇيەلىلەنگەن، عىلمي قاعيدالى زەرتتەۋدى، ءتۇسىندىرۋدى كۇش سالا تەرەڭدەتىپ، ۇيرەنۋدىڭ، ۇگىتتەۋدىڭ باعىتتامالىلىعىن، ناقتى ونىمدىلىگىن كۇش سالا كۇشەيتىپ، پارتيانىڭ جاسامپاز نازارياسىنىڭ جۇرت جۇرەگىنە اناعۇرلىم تەرەڭ ۇيالاۋىن ىلگەرىلەتۋ كەرەك. ”ەكى ۇشتاستىرۋعا“ تاباندى بولىپ، جۇڭگونىڭ بايتاق دالاسىنا تامىر تارتىپ، جۇڭحۋا مادەنيەت تامىرىن جالعاستىرىپ، ءىلمي نەگىزدى بەكەمدەپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ امالياتىنداعى كەلەلى ماسەلەلەردى ىشكەرىلەي زەرتتەپ، جۇڭگو فيلوسوفيا، قوعامدىق عىلىمدارىندا دەربەس ءبىلىم جۇيەسىن جەدەل ورناتىپ، جوعارى ساپالى نازاريا دارىندىلارىن باۋلىپ، ماركسيزمنىڭ جۇڭگوشالانۋىن، زامانالانۋىن ىلگەرىلەتۋگە اناعۇرلىم زور ۇلەس قوسۋ كەرەك.

ماركسيزمدىك نازاريانى زەرتتەۋ جانە كەمەلدەندىرۋ ينجەنەرياسى قىزمەتى ءماجىلىسى 11 - ايدىڭ 29 - كۇنى بەيجيڭدە اشىلدى. ماجىلىستە شي جينپيڭنىڭ ماڭىزدى نۇسقاۋى جەتكىزىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي ماجىلىسكە قاتىناستى ءارى ءسوز سويلەدى.

ساي چي سوزىندە بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى نۇسقاۋى ماركسيزمدىك نازاريانى زەرتتەۋ جانە كەمەلدەندىرۋ ينجەنەرياسىنىڭ ورنى مەن رولىن ەگجەي - تەگجەيلى باياندادى، تۋراشىلدىقتان اينىماي جاڭالىق اشۋعا تاباندى بولىپ، پارتيانىڭ جاسامپاز نازارياسىن ۇيرەنۋدى، زەرتتەۋدى، ۇگىتتەۋدى ىلگەرىلەتۋدىڭ مىندەت - تالابىن ايقىندادى، ”ەكى ۇشتاستىرۋعا“ تاباندى بولىپ، ماركسيزمنىڭ جۇڭگوشالانۋىن، زامانالانۋىن ىلگەرىلەتۋدەگى ىقىلاستى ءۇمىتىن ورتاعا قويدى، جاڭا ءداۋىر ينجەنەرياسىنىڭ اتقارىلۋىنا ماڭىزدى تياناق ازىرلەدى.

ساي چي بىلاي دەپ اتاپ كورسەتتى: پارتيا 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى يدەيالىق جاقتان پارتيا قۇرۋعا، نازاريالىق جاقتان پارتيانى كۇشەيتۋگە ايرىقشا ءمان بەردى، باس شۋجي شي جينپيڭ ماركسيزمدىك نازاريانى زەرتتەۋ جانە كەمەلدەندىرۋدى كۇشەيتۋدى ارقاۋ ەتىپ، ءبىرقىدىرۋ ماڭىزدى بايىمداۋ جاريالاپ، ماركسيزمگە تاباندى بولۋدىڭ جانە ونى دامىتۋدىڭ بەتالىستىق، ءتۇبىرلى سيپاتتىق ماسەلەلەرىنە ىشكەرىلەي جاۋاپ بەرىپ، ماركسيزمدىك نازاريانى زەرتتەۋدىڭ جانە كەمەلدەندىرۋدىڭ باعىتتىق نىساناسىن، نەگىزگى پرينسيبىن، ءتۇبىرلى مىندەتىن، ءتۇيىندى قىزمەتىن جۇيەلى باياندادى. ءبىز ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باتىل ورىنداپ، جەتە ۇعىنىپ ۇيرەنۋىمىز، ءتۇسىنۋىمىز، ءبىر تۇتاس دايەكتىلەندىرۋىمىز، تياناقتاندىرۋىمىز كەرەك.

ساي چي بىلاي دەپ باسا دارىپتەدى: ماركسيزمدىك نازاريانى زەرتتەۋ جانە كەمەلدەندىرۋ ينجەنەرياسىندا جاڭالىق اشۋدا شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، زەرتتەۋدى، ۇگىتتەۋدى ءتۇبىرلى مىندەت ەتىپ، ۇيرەنۋدىڭ، تاربيەلەۋدىڭ باعىتتامالىلىعىن، ناقتى ونىمدىلىگىن جوعارىلاتىپ، جۇيەلىلەنگەن، عىلمي قاعيدالى زەرتتەۋدى، ءتۇسىندىرۋدى تەرەڭدەتىپ، ۇگىتتەۋدىڭ، جالپىلاستىرۋدىڭ باۋراۋ قۋاتىن، تارتىمدىلىعىن كۇشەيتۋ كەرەك. ماركسيزمنىڭ نەگىزگى قاعيداسىن زەرتتەۋدى تەرەڭدەتىپ، جۇڭگونىڭ ناقتى، ءىس جۇزىندىك ماسەلەلەرىنە ىشكەرىلەي جاۋاپ قايتارىپ، جۇڭحۋانىڭ تاڭداۋلى ءداستۇرلى مادەنيەتىنىڭ باي مازمۇنى مەن داۋىرلىك قۇنىن تەرەڭ اشىپ، ”ەكى ۇشتاستىرۋ“ جونىندەگى زەرتتەۋدى جانە يگەرۋدى ۇزدىكسىز كۇشەيتىپ، نازاريالىق جاسامپازدىقتىڭ ومىرشەڭ قۋاتىن ءۇرتىس تاسقىنداتۋ كەرەك. پارتيانىڭ جاسامپاز نازارياسىن جەتەكشى ەتۋگە تاباندى بولىپ، ءداۋىر تالابىنا سايكەسىپ، جۇڭگونىڭ ءىس جۇزىندىگىن تياناق ەتىپ، بەلگى سيپاتتى ۇعىمداردى، ءتول جاسامپازدىق نازاريالاردى جۇيەلى سۇرىپتاپ، قورىتىندىلاپ، فيلوسوفيا، قوعامدىق عىلىمداردىڭ دەربەس ءبىلىم جۇيەسىن ورناتۋدى ىلگەرىلەتۋ كەرەك. ۇيىمدىق باسشىلىقتى كۇشەيتىپ، ءتۇزىم، مەحانيزمدى كەمەلدەندىرىپ، شابىتتاندىرۋ مەن قامتاماسىز ەتۋدى كۇشەيتىپ، تاماشا ءىلىم ەكولوگياسىن قالىپتاستىرىپ، ءبىر تۇتاس جوسپارلاۋى پارمەندى، باسقارۋى عىلمي، شابىتتاندىرۋ جاعىندا جاڭالىق اشقان قىزمەت ارناسىن جەدەل قالىپتاستىرۋ كەرەك.

لي شۋلەي ءماجىلىستى باسقاردى. شىن ي - چين ماجىلىسكە قاتىناستى.

ورتالىق كوميتەت پارتيا مەكتەبىندەگى (مەملەكەتتىك اكىمشىلىك شۋەيۋانى)، ورتالىق كوميتەت پارتيا تاريحى جانە قۇجات زەرتتەۋ ورنىنداعى، وقۋ - اعارتۋ مينيسترلىگىندەگى، جۇڭگو قوعامدىق عىلىمدار اكادەمياسىنداعى جاۋاپتى جولداستار، ينجەنەريالىق كەڭەس بەرۋ مۇشەلەرىنىڭ ۋاكىلدەرى، نازاريالىق قىزمەت تۇعىرىنىڭ ۋاكىلدەرى جانە قاتىستى ماماندار، وقىمىستىلار پىكىر اۋىستىرىپ ءسوز سويلەدى.

ورتالىق كوميتەت ۇگىت، يدەيا، مادەنيەت قىزمەتى باسشىلىق گرۋپپاسىنىڭ مۇشەلەرى، ينجەنەرياعا جاۋاپتى ورىندارداعى، ورتالىق كوميتەت ۇگىت، مادەنيەت ورىندارىنداعى، قاتىستى حالىقتىق ۇيىمدارداعى نەگىزگى جاۋاپتى جولداستار، ءبىر ءبولىم ينجەنەريالىق كەڭەس بەرۋ مۇشەلەرى جانە مامان - وقىمىستىلار، جەرگىلىكتى پارتكومداردىڭ ۇگىت بولىمدەرىندەگى، ورتالىق باسقاراتىن جوعارى مەكتەپتەردەگى نەگىزگى جاۋاپتى جولداستار قاتارلىلار ماجىلىسكە قاتىناستى.

كەلۋ قاينارى: حالىق تورابى