پارتيانىڭ جاڭالىق اشۋ نازارياسىنىڭ جۇرت جۇرەگىنە اناعۇرلىم تەرەڭ ۇيالاۋىن ىلگەرىلەتەيىك

ماركسيزم − ءبىزدىڭ پارتيا، مەملەكەت قۇرۋداعى، پارتيانى، مەملەكەتتى گۇلدەندىرۋدەگى ءتۇبىرلى جەتەكشى يدەيامىز، ماركسيزم نازارياسىن زەرتتەۋ جانە كەمەلدەندىرۋ ينجەنەرياسى − پارتيانىڭ يدەيالىق - نازاريالىق قۇرىلىسىنىڭ نەگىزدىك ينجەنەرياسى، ستراتەگيالىق ينجەنەرياسى.

تاياۋدا باس شۋجي شي جينپيڭ جاڭا داۋىردەگى ماركسيزم نازارياسىن زەرتتەۋ جانە كەمەلدەندىرۋ ينجەنەرياسى جونىندە ماڭىزدى نۇسقاۋ بەرىپ، ماركسيزم نازارياسىن زەرتتەۋ جانە كەمەلدەندىرۋ ينجەنەرياسىنىڭ ورنى مەن رولىن تەرەڭ بايىمداپ، دۇرىس جولدان جازباي، جاڭالىق اشۋعا تاباندى بولىپ، پارتيانىڭ جاڭالىق اشۋ نازارياسىن ۇيرەنۋدى، زەرتتەۋدى، ۇگىتتەۋدى ىلگەرىلەتۋدىڭ مىندەتى مەن تالابىن ايقىنداپ، ”ەكىنى ۇشتاستىرۋعا“ تاباندى بولىپ، ماركسيزمنىڭ جۇڭگوشالانۋىن، زامانالانۋىن ىلگەرىلەتۋدەگى شىنايى ءۇمىتىن العا قويىپ، جاڭا داۋىردەگى ينجەنەريانىڭ اتقارىلۋىنا ماڭىزدى تياناق ازىرلەدى.

”ماركسيزمنىڭ جۇڭگوشالانۋىنىڭ، زامانالانۋىنىڭ تىڭ داستانىن ۇزدىكسىز جازۋ − زامانىمىزداعى جۇڭگو كوممۋنيستەرىنىڭ ايبىندى تاريحي جاۋاپكەرشىلىگى“ دەگەندى باسا دارىپتەپ، ”نازاريانىڭ جۇيەلىلەنۋىن، عىلىميلانۋىن ىلگەرىلەتۋ − نازاريادا جاڭالىق اشۋدىڭ ىشكى تالابى جانە ماڭىزدى جولى“ دەپ اتاپ كورسەتىپ، ”ماركسيزم نازارياسىن زەرتتەۋ جانە كەمەلدەندىرۋ ينجەنەرياسىندا نازاريالىق زەرتتەۋدى، ءتۇسىندىرۋدى ۇزدىكسىز تەرەڭدەتىپ، پارتيامىز العا قويعان جاڭا ۇستانىم، جاڭا تۇجىرىمداعى قاعيدالىق، نازاريالىق جەتىستىكتەردى ءتۇيىندى تۇردە زەرتتەپ، ءتۇسىندىرۋدى“ تالاپ ەتتى... پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى پارتيانى يدەيالىق جاقتان قۇرۋعا، پارتيانى نازاريامەن قۇدىرەتتەندىرۋگە ايرىقشا ءمان بەردى، باس شۋجي شي جينپيڭ ماركسيزم نازارياسىن زەرتتەۋ جانە كەمەلدەندىرۋدى كۇشەيتۋدى توڭىرەكتەپ، ءبىرقىدىرۋ ماڭىزدى بايىمداۋ جاريالاپ، ماركسيزمگە تاباندى بولۋ مەن ونى دامىتۋدىڭ باعىتتىق، ءتۇبىرلى ماسەلەلەرىنە ىشكەرىلەي جاۋاپ قايتارىپ، ماركسيزم نازارياسىن زەرتتەۋ جانە كەمەلدەندىرۋدىڭ باعىت - نىساناسىن، نەگىزگى پرينسيبىن، ءتۇبىرلى مىندەتىن، ءتۇيىندى قىزمەتتەرىن جۇيەلى بايىمداپ، ماركسيزم نازارياسىن زەرتتەۋ جانە كەمەلدەندىرۋ ينجەنەرياسىن ىشكەرىلەي اتقارۋعا يدەيالىق جەتەكشىلىك ازىرلەدى.

ەڭبەكتىڭ ونبەگى بار، كوكتەمدە گۇل اشىلسا، كۇزدە جەمىس بەردى. 20 جىلدان بەرى ينجەنەريا باستان - اياق وزەكتى ارقاۋ ەتىپ، جالپى جاعدايعا قىزمەت ەتىپ، ءبىر توپ جوعارى ساپالى زەرتتەۋ جەتىستىكتەرىن العا قويىپ، پارتيانىڭ جاڭالىق اشۋ نازارياسىن ۇيرەنۋ، زەرتتەۋ، ۇگىتتەۋ، ماركسيزمنىڭ يدەولوگيا سالاسىنداعى جەتەكشىلىك ورنىن بەكەمدەۋ سياقتى جاقتاردا ماڭىزدى رول اتقاردى. اسىرەسە، پارتيانىڭ 18 - قۇرىلتايىنان بەرى «شي جينپيڭ ماقالالارىنان تاڭدامالىلار»، «شي جينپيڭ ەل باسقارۋ جونىندە» سياقتى ماڭىزدى باسىلىمدار باسپادان شىققاننان شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ باعدارلاماسى، ۇيرەنۋ سۇراۋلارى مەن جاۋاپتارى شىعارىلعانعا دەيىن، ونان ”نازاريالىق قولامتالى تۇيىندەردى بەتپە - بەت ءتۇسىندىرۋ“ جەلىلەس جالپىلىق وقۋلىقتارى سياقتىلار باسپادان شىعارىلىپ، «سوتسياليزم جۇڭگونىڭ ۇمىتىنەن شىقتى» سياقتى ءتۇيىندى نازاريالىق ماقالالار جاريالانعانعا دەيىن، ينجەنەريا ۇزدىكسىز ىشكەرىلەي اتقارۋ بارىسىندا پارتيانىڭ جاڭالىق اشۋ نازارياسىنىڭ ”جاي بۇقارانىڭ ۇيىنە كىرۋىن“ ىلگەرىلەتتى.

بۇگىنگى دۇنيە جۇزىندە 100 جىلدىق وزگەرىس جەدەل قۇبىلىپ، ادامزاتتىڭ دامۋى بۇرىن بولىپ كورمەگەن وراي مەن سىن - سايىسقا ءدوپ كەلىپ وتىر. قازىرگى زامانعى جۇڭگو تاريحتان بەرگى ەڭ كەڭ ءارى تەرەڭ قوعامدىق وزگەرىستى باستان كەشىرىپ، جۇڭگو ۇلگىسىندەگى وسىزامانداندىرۋ سىندى ادامزات تاريحىنداعى توتەنشە زور ءارى ەرەكشە امالياتتىق جاڭالىق جاراتۋدى ىلگەرىلەتۋدە. جۇڭگو سۇراۋى، دۇنيە ءجۇزى سۇراۋى، حالىق سۇراۋى، ءداۋىر سۇراۋى بىزگە قويعان جاڭا ەمتيحان سۇراۋلارى بۇرىنعىدان دا كۇردەلى، ءتىپتى دە قيىن بولىپ وتىر، بۇلار ءبىزدىڭ نازاريا مەن امالياتتى ۇشتاستىرا وتىرىپ جاۋاپ بەرۋىمىزدى شۇعىل قاجەت ەتەدى. بۇگىنگى تاڭدا ماركسيزمنىڭ جۇڭگوشالانۋىن، زامانالانۋىن ىلگەرىلەتۋ مىندەتى ءتىپتى دە اۋىر، ماركسيزم نازارياسىن زەرتتەۋ جانە كەمەلدەندىرۋ ينجەنەرياسى ماڭىزدى بورىش ارقالاپ وتىر، ونىڭ بولاشاعى نۇرلى، زور ىستەر تىندىرا الاتىنىمىز ءشۇباسىز. پارتيا 20 - قۇرىلتايىنىڭ بايانداماسىندا ”ماركسيزم نازارياسىن زەرتتەۋ جانە كەمەلدەندىرۋ ينجەنەرياسىن ىشكەرىلەي اتقارىپ، جۇڭگوشا فيلوسوفيا - قوعامدىق عىلىمدار ءپان جۇيەسىن، عىلىم جۇيەسىن، ءسوز جۇيەسىن جەدەل ورناتىپ، فيلوسوفيا - قوعامدىق عىلىمدار دارىندىلار قوسىنىن جەتىلدىرۋ، زورايتۋ“ ايقىن ورتاعا قويىلدى، پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ «قاۋلىسىندا» ”ماركسيزم نازارياسىن زەرتتەۋ جانە كەمەلدەندىرۋ ينجەنەرياسىندا جاڭالىق اشۋ“ ورتاعا قويىلدى. ءبىز باس شۋجي شي جينپيڭنىڭ ماڭىزدى نۇسقاۋىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي ۇيرەنىپ، دايەكتىلەندىرىپ، دۇرىس جولدان جازباي، جاڭالىق اشۋعا تاباندى بولىپ، ”ەكىنى ۇشتاستىرۋعا”“ تاباندى بولىپ، پارتيانىڭ جاڭالىق اشۋ نازارياسىنىڭ جۇرت جۇرەگىنە اناعۇرلىم تەرەڭ ۇيالاۋىن ىلگەرىلەتىپ، ماركسيزمنىڭ جۇڭگوشالانۋىن، زامانالانۋىن ىلگەرىلەتۋگە اناعۇرلىم زور ۇلەس قوسۋىمىز كەرەك.

دۇرىس جولدان جازباي، جاڭالىق اشۋعا تاباندى بولۋدا نازاردى شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋگە، ۇگىتتەۋگە، دايەكتىلەندىرۋگە شوعىرلاندىرىپ، جۇيەلى، عىلمي زەرتتەۋدى، ءتۇسىندىرۋدى كۇش سالا تەرەڭدەتىپ، ۇيرەنۋدىڭ، ۇگىتتەۋدىڭ باعىتتامالىلىعىن، ونىمدىلىگىن كۇش سالا كۇشەيتۋ؛ ”ەكىنى ۇشتاستىرۋعا“ تاباندى بولۋدا جۇڭگونىڭ بايتاق دالاسىنا تامىر تارتىپ، جۇڭحۋا مادەنيەتىنىڭ تامىرىن جالعاستىرىپ، عىلىمنىڭ نەگىزىن بەكەمدەپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ امالياتىنداعى كەلەلى ماسەلەلەردى ىشكەرىلەي زەرتتەپ، جۇڭگونىڭ فيلوسوفيا، قوعامدىق عىلىمدارىنىڭ دەربەس ءبىلىم جۇيەسىن جەدەل ورناتىپ، جوعارى ساپالى نازاريالىق دارىندىلاردى جەتىلدىرۋ كەرەك. ماركسيزم نازارياسىن زەرتتەۋ جانە كەمەلدەندىرۋ ينجەنەرياسىندا جاڭالىق اشۋدا ۇيرەنۋ، زەرتتەۋ، ۇگىتتەۋ سىندى ءتۇبىرلى مىندەتتى مىقتى يگەرىپ، ماركسيزمنىڭ نەگىزگى قاعيدالارىن زەرتتەۋدى تەرەڭدەتىپ، بەلگى سيپاتتى ۇعىمداردى، ءتول جاسامپازدىق نازاريالاردى جۇيەلى سۇرىپتاپ جانە قورىتىندىلاپ، نازاريالىق جاسامپازدىقتىڭ ومىرشەڭدىك كۇشىن ۇزدىكسىز تاسقىنداتۋ كەرەك.

ءداۋىر بولگىش نازاريالاردىڭ بارلىعى − ءداۋىردىڭ قاجەتىن قاناعاتتاندىرۋدىڭ تۋىندىسى. جاڭا ءداۋىردىڭ جاڭا جورىعىندا ءبىز اماليات نەگىزىندەگى نازاريادا جاڭالىق اشۋدى ۇزدىكسىز ىلگەرىلەتىپ، اماليات بارىسىندا اقيقاتتى بايقاۋعا، دامىتۋعا تاباندى بولىپ، اقيقاتتى اماليات ارقىلى جۇزەگە اسىرىپ، سىننان وتكىزۋىمىز كەرەك. نازاريادا جاڭالىق اشۋدىڭ رۋحى مەن تامىرىنا باستان - اياق تاباندى بولىپ، ءداۋىردىڭ جاڭا تاقىرىپتارىنا دەر كەزىندە عىلمي جاۋاپ بەرىپ، پارتيانىڭ جاڭالىق اشۋ نازارياسىنىڭ جۇيەلىلەنۋىن، تانىمدىق ورەگە كوتەرىلۋىن كۇش سالا ىلگەرىلەتىپ، حالىق بۇقاراسىنىڭ جاسامپازدىعىنان نازاريادا جاڭالىق اشۋ اقىل - پاراساتىن قابىلداۋعا ءمان بەرگەندە عانا، زامانىمىزداعى جۇڭگو ماركسيزمىنىڭ، 21 - عاسىرداعى ماركسيزمنىڭ اناعۇرلىم قۇدىرەتتى، اناعۇرلىم يلاندىرۋ قۋاتىنا يە اقيقات كۇشىن، ءسوز جوق، ايگىلەۋگە بولادى.

كەلۋ قاينارى: حالىق تورابى