تۋراشىلدىقتان اينىماي جاڭالىق اشۋعا، ءسوز جوق، تاباندى بولۋ كەرەك

شينحۋا اگەنتتىگى، 11 - ايدىڭ 30 - كۇنى، بەيجيڭ. 12 - ايدىڭ 1 - كۇنى باسپادان شىعاتىن «ىزدەنۋ» جۋرنالىنىڭ 23 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «تۋراشىلدىقتان اينىماي جاڭالىق اشۋعا، ءسوز جوق، تاباندى بولۋ كەرەك» اتتى ماڭىزدى ماقالاسى جاريالانادى. بۇل باس شۋجي شي جينپيڭنىڭ 2013 - جىلى 1 - ايدان 2024 - جىلى 8 - ايعا دەيىنگى مەزگىلدەگى قاتىستى ماڭىزدى بايىمداۋلارىنان سۇرىپتالىپ الىنعان.

ماقالادا بىلاي دەپ باسا دارىپتەلدى: ءبىز بۇرىنعىلار ىستەپ كورمەگەن ۇلى ىسپەن شۇعىلدانىپ وتىرمىز، تۋراشىلدىقتان اينىماعاندا عانا باعداردان اداسپاۋعا، توڭكەرىپ تاستاۋ سيپاتتى قاتەلىك وتكىزبەۋگە بولادى، جاڭالىق اشقاندا عانا ءداۋىردى يگەرۋگە، داۋىرگە جەتەكشىلىك ەتۋگە بولادى. عىلىمعا عىلمي پوزيتسيامەن قاراپ، اقيقاتقا اقيقاتشىل رۋحپەن تالپىنىپ، ماركسيزمنىڭ نەگىزگى قاعيداسىنا مىزعىماي تاباندى بولىپ، پارتيانىڭ جالپى بەتتىك باسشىلىعىنا مىزعىماي تاباندى بولىپ، جۇڭگوشا سوتسياليزمگە مىزعىماي تاباندى بولىپ، ءداۋىردىڭ قادامىنا تىعىز ىلەسىپ، امالياتتىڭ دامۋىنا ۇيلەسىپ، جاڭا دۇنيە اتاۋلىعا قىزۋ ىنتامەن مامىلە جاساپ، تانىمنىڭ كەڭدىگى مەن تەرەڭدىگىن ۇزدىكسىز كەڭەيتىپ، بۇرىنعىلار ايتىپ كورمەگەن جاڭا سوزدەردى ايتۋعا باتىل بولىپ، بۇرىنعىلار ىستەپ كورمەگەن ىستەردى ىستەۋگە باتىل بولىپ، جاڭا نازاريا ارقىلى جاڭا امالياتقا جەتەكشىلىك ەتۋىمىز كەرەك. ماركسيزمنىڭ جۇڭگوشالانۋى، زامانالانۋى سىندى وسى كەلەلى تاقىرىپتىڭ ءوزى ءبىزدىڭ ماركسيزم سىندى رۋحاني تامىردان استە كەشۋىمىزگە، جۇڭحۋانىڭ تاڭداۋلى ءداستۇرلى مادەنيەتى سىندى جان تامىردان استە كەشۋىمىزگە بولمايتىندىعىن بەلگىلەگەن. ماركسيزم يدەياسىنىڭ جاۋھارىن جۇڭحۋانىڭ تاڭداۋلى ءداستۇرلى مادەنيەتىنىڭ جاۋھارىمەن ءونىمدى ۇشتاستىرىپ، جاڭا نازاريالىق ابزالدىققا اينالدىرىپ، جاڭا يدەيالىق بيىككە ۇزدىكسىز شىعۋىمىز كەرەك.

ماقالادا بىلاي دەپ اتاپ كورسەتىلدى: تۋراشىلدىقتان اينىماي جاڭالىق اشۋ − پارتيامىزدىڭ جاڭا داۋىردە ەل باسقارۋداعى ماڭىزدى يدەيالىق ءادىسى. پارتيا 18 - قۇرىلتايىنان بەرى پارتيامىز بۇرىنعى بار نەگىزدە ۇزدىكسىز العا باسىپ، ماسەلەنى باعدار ەتۋدەن جازباي، وسىزامانداندىرۋ قۇرىلىسى بارىسىندا ورىن تەپكەن كورنەكتى قايشىلىقتار مەن ماسەلەلەردى شەشۋدى ارقاۋ ەتىپ، رەفورمانى جاپپاي تەرەڭدەتىپ، نازاريادا جانە امالياتتا جاڭالىق اشۋدى، سەرپىلىس جاساۋدى ۇزدىكسىز جۇزەگە اسىرىپ، جۇڭگو ۇلگىسىندەگى وسىزامانداندىرۋدى تابىستى ىلگەرىلەتتى جانە كەڭەيتتى. جۇڭگو ۇلگىسىندەگى وسىزامانداندىرۋ جونىندە ىزدەنىس جاساۋ مۇراگەرلىك ەتۋ بارىسىندا دامۋدىڭ، تۋراشىلدىقتان اينىماۋ بارىسىندا جاڭالىق اشۋدىڭ تاريحي بارىسى سانالادى. جۇڭگو ۇلگىسىندەگى وسىزامانداندىرۋدى ىلگەرىلەتۋ جاڭا جورىعىندا الدىمەن جۇڭگو ۇلگىسىندەگى وسىزامانداندىرۋدىڭ توركىنى مەن قاينارىن، تامىرى مەن رۋحىن ويداعىداي قورعاپ، جۇڭگو ۇلگىسىندەگى وسىزامانداندىرۋدىڭ جۇڭگوشا ەرەكشەلىگىنە، ماندىك تالابىنا جانە كەلەلى پرينسيبىنە تيتتەي دە اۋىتقىماي تاباندى بولىپ، پارتيانىڭ نەگىزگى نازارياسىنا، نەگىزگى لۋشيانىنا، نەگىزگى جالپى جوباسىنا تاباندى بولىپ، پارتيا 18 - قۇرىلتايىنان بەرگى ءبىرقىدىرۋ كەلەلى باعىت - ساياساتتارعا تاباندى بولىپ، جۇڭگو ۇلگىسىندەگى وسىزامانداندىرۋدىڭ دۇرىس بەتالىسىنا شىنايى كەپىلدىك ەتۋ كەرەك. سونىمەن بىرگە، جاڭالىق اشۋدى مەملەكەتتىڭ دامۋ جالپى جاعدايىندا كورنەكتى ورىنعا قويىپ، ءداۋىردىڭ دامۋ تالابىنا ۇيلەسىپ، كەلەلى نازاريالىق جانە امالياتتىق ماسەلەلەردى شەشۋدى كوزدەپ، بەلسەندىلىكپەن وزگەرىستى تانىپ، وزگەرىسكە توتەپ بەرىپ، وزگەرىسكە ۇمتىلىپ، نازاريادا جاڭالىق اشۋدى، امالياتتا جاڭالىق اشۋدى، تۇزىمدە جاڭالىق اشۋدى، مادەنيەتتە جاڭالىق اشۋدى، سونداي - اق باسقا جاقتارداعى جاڭالىق اشۋدى بار كۇشپەن ىلگەرىلەتىپ، دامۋدىڭ جاڭا سالاسىن، جاڭا جارىس جولىن ۇزدىكسىز اشىپ، دامۋدىڭ جاڭا قوزعالىس قۋاتىن، جاڭا ابزالدىعىن سومداۋ كەرەك.

ماقالادا بىلاي دەپ اتاپ كورسەتىلدى: رەفورمانى ونان ارى جاپپاي تەرەڭدەتۋدىڭ كەلەلى پرينسيبىن تەرەڭ ءتۇسىنۋ جانە يگەرۋ كەرەك. تۋراشىلدىقتان اينىماي جاڭالىق اشۋعا تاباندى بولۋدا، ءارى جولدى وزگەرتپەيتىن، ەرىك - جىگەردى وزگەرتپەيتىن كۇشتى تاباندىلىق تانىتىپ، ءتورت نەگىزگى پرينسيپكە تاباندى بولۋدان، ”ءتورت سەنىمدى“ بەكەمدەۋدەن اۋىتقىماۋ، ءارى باتىلدىقپەن جاڭالىق اشاتىن، جۇرەكتىلىكپەن قامال الاتىن ارىن مەن باتىلدىقتى ساقتاپ، رەفورمانىڭ ۇزدىكسىز تىڭ سەرپىلىستەرگە قول جەتكىزۋىن ىلگەرىلەتۋ كەرەك. تۋراشىلدىقتان اينىماۋ مەن جاڭالىق اشۋدىڭ بىرلىگىنە تاباندى بولىپ، رەفورمالاۋعا تيىستىلەرىن بۇلجىماي رەفورمالاۋ، رەفورمالاۋعا ءتيىستى ەمەستەرىن رەفورمالاماۋ كەرەك. مەيلى قالاي رەفورما جۇرگىزۋدە بولسىن، پارتيانىڭ جالپى بەتتىك باسشىلىعىنا تاباندى بولۋ، ماركسيزمگە تاباندى بولۋ، جۇڭگوشا سوتسياليزم جولىنا تاباندى بولۋ، حالىق دەموكراتياسى ديكتاتۋراسىنا تاباندى بولۋ سياقتى ءتۇبىرلى دۇنيەلەردەن مۇلدە اۋىتقۋعا بولمايدى، سونىمەن بىرگە، باتىلدىقپەن جاڭالىق اشىپ، رەفورمالاۋعا تيىستىلەرىن، رەفورمالاۋعا بولاتىندارىن ويداعىداي رەفورمالاپ، تياناقتى رەفورمالاپ، كوز جەتكەن سوڭ بۇلجىماي يگەرۋ كەرەك.

ماقالادا بىلاي دەپ اتاپ كورسەتىلدى: جۇڭحۋا ۇلتى − تۋراشىلدىقتان اينىماي جاڭالىق اشاتىن ۇلت. تۋراشىلدىقتان اينىماي جاڭالىق اشۋعا تاباندى بولىپ، جۇڭحۋانىڭ تاڭداۋلى ءداستۇرلى مادەنيەتىنىڭ سوتسياليستىك قوعامعا ۇيلەسۋىن ىلگەرىلەتىپ، جۇڭحۋا ۇلتىنىڭ وزىندىك رۋحاني بوگەنايىن كورسەتىپ، جۇڭگو رۋحىن، جۇڭگو قۇندىلىعىن، جۇڭگو كۇشىن اناعۇرلىم ويداعىداي سومداۋ كەرەك. جۇڭحۋانىڭ تاڭداۋلى ءداستۇرلى مادەنيەتىنىڭ جاسامپازدىقپەن كادەگە جاراۋىن، جاڭالىق اشا دامۋىن ىلگەرىلەتۋ بارىسىندا ماركسيزمنىڭ ءتۇبىرلى جەتەكشى يدەياسىنا تاباندى بولىپ، توڭكەرىستىك مادەنيەتتى جالعاستىرىپ، اسقاقتاتىپ، سوتسياليستىك وزىق مادەنيەتتى دامىتىپ، جۇڭحۋانىڭ تاڭداۋلى ءداستۇرلى مادەنيەتىنەن سارقىلماس قاينار بۇلاق قاراستىرۋ كەرەك. جاڭا داۋىردەگى مادەنيەت قىزمەتكەرلەرى، ءسوز جوق، تۋراشىلدىقتان اينىماي جاڭالىق اشاتىن دۇرىس سالت پەن ارىن ارقىلى تاريحي مادەنيەت تامىردى جالعاستىرىپ، زامانىمىزدىڭ تاماشا داستانىن جازۋى كەرەك.

كەلۋ قاينارى: حالىق تورابى