ستراتەگيالىق سەنىمدى بەكەمدەپ، باتىلدىقپەن جاۋاپكەرشىلىك ارقالاپ، ىسكەرلىك كورسەتىپ، ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن جاپپاي ىلگەرىلەتۋ كەرەك

12 - ايدىڭ 2 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بەيجيڭدە 4 - رەتكى ”ءبىر بەلدەۋ، ءبىر جول“ قۇرىلىسى قىزمەتى اڭگىمە ماجىلىسىنە قاتىناستى ءارى ماڭىزدى ءسوز سويلەدى.

سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

«حالىق گازەتى»، 12 - ايدىڭ 2 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 12 - ايدىڭ 2 - كۇنى بەيجيڭدە 4 - رەتكى ”ءبىر بەلدەۋ، ءبىر جول“ قۇرىلىسى قىزمەتى اڭگىمە ماجىلىسىنە قاتىناستى ءارى ماڭىزدى ءسوز سويلەپ، بىلاي دەپ باسا دارىپتەدى: قازىرگى قاتاڭ دا كۇردەلى حالىقارالىق ورتادا ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتۋ ورايى مەن سايىسى قاتار ءومىر ءسۇرىپ وتىر، الايدا جالپى تۇلعالىق جاقتان وراي سايىستان كوپ. ءبىز ستراتەگيالىق سەنىمدى بەكەمدەپ، ستراتەگيالىق تاباندىلىقتى ساقتاپ، باتىلدىقپەن جاۋاپكەرشىلىك ارقالاپ، ىسكەرلىك كورسەتىپ، ”ءبىر بەلدەۋ، ءبىر جولدى“ بىرگە قۇرۋدىڭ اناعۇرلىم جارقىن بولاشاعىن اشۋىمىز كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسە مەڭگەرمەسىنىڭ مەڭگەرۋشىسى ساي چي اڭگىمە ماجىلىسىنە قاتىناستى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ اڭگىمە ءماجىلىسىن باسقاردى.

اڭگىمە ماجىلىسىندە مەملەكەتتىك دامۋ جانە رەفورما كوميتەتىنىڭ مەڭگەرۋشىسى جىڭ شانجيە، سىرتقى ىستەر مينيسترلىگى مينيسترىنىڭ ورىنباسارى ما چاۋشۇي، بەيجيڭ قالالىق پارتكومنىڭ شۋجيى يىن لي، حۋبەي ولكەلىك پارتكومنىڭ شۋجيى ۋاڭ مىڭحۇي، جۇڭگو باۋ - ۋ بولات - تەمىر توبى شەكتى سەرىكتەستىگىنىڭ باس جوراسى حۋ ۋاڭميڭ، ي - شين - وۋ ساۋدا قىزمەت وتەۋ توبى شەكتى سەرىكتەستىگىنىڭ باس جوراسى فىڭ شۇيبين، جۇڭگو قوعامدىق عىلىمدار اكادەمياسى جۇڭگو شەكارا ءوڭىردى زەرتتەۋ ورنىنىڭ باستىعى شيڭ گۋاڭچىڭ ىلگەرىندى - كەيىندى ءسوز سويلەپ، ءىس جۇزىندىك جاعدايمەن ۇشتاستىرىپ، قىزمەت جاعدايىن تانىستىردى. پىكىر جانە ۇسىنىس بەردى.

كوپشىلىكتىڭ ءسوزىن تىڭداعاننان كەيىن شي جينپيڭ ماڭىزدى ءسوز سويلەدى. ول بىلاي دەپ اتاپ كورسەتتى: 2013 - جىلى ”ءبىر بەلدەۋ، ءبىر جولدى“ بىرگە قۇرۋ باستاماسىن العا قويعاننان بەرى، پارتيا ورتالىق كوميتەتىنىڭ پارمەندى باسشىلىعىندا، ءار جاقتىڭ بىرگە قۇلشىنۋىندا، ”ءبىر بەلدەۋ، ءبىر جولدى“ بىرگە قۇرۋ باستان - اياق بەيبىت سەلبەسۋ، اشىق، سيىسىمدى بولۋ، ءوزارا ۇيرەنۋ، ءوزارا ۇلگى الۋ، ءوزارا پايدا جەتكىزىپ، تەڭ يگىلىككە كەنەلۋ سىندى جىبەك جولى رۋحىن ۇستانىپ، بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبىنە باستان - اياق تاباندى بولدى، سەلبەستىك سالاسى ۇزدىكسىز كەڭەيىپ، سەلبەستىك كولەمى ۇزدىكسىز زورايىپ، سەلبەستىك دەڭگەيى ۇزدىكسىز جوعارىلاپ، حالىقارالىق باۋراۋ قۋاتى، ىقپال كۇشى، ۇيىستىرۋ قۋاتى ۇزدىكسىز كۇشەيىپ، كەلەلى تابىستارعا قول جەتكىزىپ، بىرگە قۇراتىن ەلدەرمەن دوستىقتى كۇشەيتۋگە، بىرگە قۇراتىن ەلدەردىڭ ەكونوميكالىق، قوعامدىق دامۋىن جەبەۋگە جۇڭگو ۇلەسىن قوستى.

شي جينپيڭ بىلاي دەپ باسا دارىپتەدى: تاياۋ جىلداردان بەرى دۇنيە ءجۇزى جاڭا اۋمالى - توكپەلى وزگەرىس كەزەڭىنە ءوتتى، سىڭار جاقتىلىق، قورعانىمپازدىق كورنەكتى جوعارىلاپ، ءىشىنارا قاقتىعىستار مەن الاساپىراندىقتار ءجيى تۋىلدى. وسىنداي جاعدايدا ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتۋدە، ءسوز جوق، ءتۇرلى حاۋىپ - قاتەر مەن سىن - سايىسقا ۇيلەسىمدى توتەپ بەرىپ، وڭىرلىك قاقتىعىستاردىڭ ىقپالىن ءونىمدى تۇردە جەڭىپ، بىرگە قۇراتىن ەلدەردىڭ تابىس سەزىمىن كۇشەيتۋ مەن وزىمىزگە ءتيىمدى بولۋدىڭ قاتىناسىن دۇرىس ءبىر جاقتى ەتۋدە تاباندى بولىپ، ەلىمىزدىڭ شەتەلدەگى مۇددە حاۋىپسىزدىگىن شىنايى قامتاماسىز ەتۋ كەرەك.

شي جينپيڭ بىلاي دەپ اتاپ كورسەتتى: ”ءبىر بەلدەۋ، ءبىر جولدى“ بىرگە قۇرۋ جوعارى ساپالى دامۋدىڭ جاڭا كەزەڭىنە ءوتتى. ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىن تولىق، دۇرىس، جان - جاقتى دايەكتىلەندىرىپ، جاڭا دامۋ ارناسىن جەدەل قالىپتاستىرىپ، ادامزاتتىڭ تاعدىرلاس ورتاق تۇلعاسى تۋىن بيىك ۇستاپ، بىرگە اقىلداسۋ، بىرگە قۇرۋ، بىرگە يگىلىكتەنۋ، اشىق، جاسىل، پاك بولۋ، جوعارى ولشەممەن حالىق تۇرمىسىنا تيىمدىلىك جاساۋ، باياندى بولۋ جەتەكشى پرينسيبىنە تاباندى بولىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدىڭ 8 ءتۇرلى ارەكەتىن جەتەكشى، ۇلاستىرۋ - تۇتاستىرۋدى نەگىزگى جەلى ەتىپ، جوعارى ساپالى دامۋ مەن جوعارى دەڭگەيلى حاۋىپسىزدىكتى ۇشتاستىرۋعا، ۇكىمەتتىڭ جەتەكشىلىك ەتۋى مەن بازار اينالىمىن ۇشتاستىرۋعا، عىلمي ورنالاستىرۋ مەن يكەمدى ساپالىلاندىرۋدى ۇشتاستىرۋعا، ساننىڭ ارتۋى مەن ساپانىڭ جوعارىلاۋىن ۇشتاستىرۋعا تاباندى بولىپ، نەگىزدىك قۇرىلعىلار جاعىنداعى ”قاتتى ۇلاستىرۋدى“، ەرەجە - ولشەم جاعىنداعى ”جۇمساق ۇلاستىرۋدى“ جانە بىرگە قۇراتىن ەلدەر حالىقتارىنىڭ ”جۇرەكتەرىن توعىستىرۋدى“ ءبىر تۇتاس جوسپارلاپ تەرەڭدەتىپ، كەلەلى بوگەنايلىق ينجەنەريالار مەن ”شاعىن دا كوركەم“ حالىق تۇرمىسى نىساندارى قۇرىلىسىن ءبىر تۇتاس جوسپارلاپ ىلگەرىلەتىپ، ءداستۇرلى سالالارداعى سەلبەستىكتى بەكەمدەۋدى جانە جاڭادان گۇلدەنگەن سالالارداعى سەلبەستىكتى ورنىقتى كەڭەيتۋدى ءبىر تۇتاس جوسپارلاپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدى ىلگەرىلەتۋ مەحانيزمىن كەمەلدەندىرىپ، اناعۇرلىم جوعارى دەڭگەيدەگى، اناعۇرلىم يكەمدى، اناعۇرلىم باياندى تەڭ يگىلىككە كەنەلەتىن دامۋدىڭ جاڭا ءورىسىن ۇزدىكسىز كەڭەيتۋ كەرەك.

شي جينپيڭ بىلاي دەپ باسا دارىپتەدى: ”ءبىر بەلدەۋ، ءبىر جولدى“ جوعارى ساپامەن بىرگە قۇرۋ مەحانيزمى قۇرىلىسىن ءتۇيىندى تۇردە ىلگەرىلەتىپ، ”ءبىر بەلدەۋ، ءبىر جولدى“ بىرگە قۇرۋ سەلبەستىك جوباسىن ءبىر تۇتاس جوسپارلاپ باسقارۋ مەحانيزمىن كەمەلدەندىرىپ، ”قاتتى ۇلاستىرۋدى“، ”جۇمساق ۇلاستىرۋدى“، ”جۇرەكتەردى توعىستىرۋدى“ سايكەستى ىلگەرىلەتۋ مەحانيزمىن كەمەلدەندىرىپ، كاسىپ سالاسى تىزبەگىنىڭ، قامداۋ تىزبەگىنىڭ ناقتى سەلبەستىك مەحانيزمىن كەمەلدەندىرىپ، جاڭادان گۇلدەنگەن سالالارداعى حالىقارالىق اۋىس - كۇيىس، سەلبەستىك مەحانيزمىن كەمەلدەندىرىپ، قارجى قوسۋدىڭ، قارجى قۇراۋدىڭ كوپ نەگىزدى قامتاماسىز ەتۋ مەحانيزمىن كەمەلدەندىرىپ، حاۋىپ - قاتەردەن ساقتانۋ جانە ونى تىزگىندەۋدىڭ ىشكى - سىرتقى سايكەسۋ مەحانيزمىن كەمەلدەندىرىپ، شەتەلدەگى مۇددەنى قامتاماسىز ەتۋ مەحانيزمىن كەمەلدەندىرىپ، جوعارى دەڭگەيلى حالىقارالىق تاراتۋ مەحانيزمىن كەمەلدەندىرىپ، پاك جىبەك جولى سەلبەستىك مەحانيزمىن كەمەلدەندىرىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدىڭ ورنىقتى، باياندى بولۋىن ىلگەرىلەتۋ كەرەك.

شي جينپيڭ بىلاي دەپ اتاپ كورسەتتى: جوبانى سوڭىنا دەيىن جاساۋعا تاباندى بولىپ، بىرىنەن سوڭ ءبىرىن ىستەپ، ءتۇرلى حاۋىپ - قاتەر مەن سىن - سايىستى باتىلدىقپەن جەڭىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدى بۇلجىماستان ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە اناعۇرلىم زور ۇلەس قوسۋ كەرەك.

ديڭ شۋەشياڭ ءماجىلىستى باسقارعاندا مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزى ”ءبىر بەلدەۋ، ءبىر جولدى“ بىرگە قۇرۋدا قول جەتكەن كەلەلى تابىستاردى تولىق تۇراقتاندىرىپ، قازىرگى جانە بۇدان كەيىنگى ءبىر مەزگىلدەگى ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتۋ جونىندە جالپى بەتتىك ورنالاستىرۋ جاسادى. باس شۋجيدىڭ ماڭىزدى ءسوزىنىڭ ويى اسقاق، يدەياسى تەرەڭ، بايىمداۋى ەگجەي - تەگجەيلى، مازمۇنى باي بولىپ، كەلەسى التىن 10 جىلدا ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتۋگە ماڭىزدى تياناق ازىرلەپ، العا باسۋ بەتالىسىن كورسەتتى، ءبىز مۇقيات ۇيرەنىپ، ءتۇسىنىپ، باتىل دايەكتىلەندىرۋىمىز، تياناقتاندىرۋىمىز كەرەك. جەر - جەر، تاراۋلار، ورىندار ستراتەگيالىق ويلاۋدى، حاۋىپسىزدىك تانىمىن، جۇيەلى كوزقاراستى، حالىقارالىق كوز ايانى ۇزدىكسىز كۇشەيتىپ، جۇيەلىلەندىرۋ مەحانيزمىن ىلگەرىلەتۋدى ءتۇيىن ەتىپ، جوعارى دەڭگەيلى جوبانى ۇزدىكسىز كەمەلدەندىرىپ، ناقتى شارالاردى بەلگىلەپ، سىرتپەن سەلبەستىكتى تەرەڭدەتىپ، اتى بار، سالماعى بار ءبىر توپ سەلبەستىك ماركاسىن كۇش سالا جەتىلدىرىپ، اناعۇرلىم كوپ ۇلگىلىك، جەتەكشىلىك سيپاتتى كەلەلى جەتىستىكتەردى قالىپتاستىرىپ، اناعۇرلىم جوعارى دەڭگەيدەگى، اناعۇرلىم يكەمدى، اناعۇرلىم باياندى ”ءبىر بەلدەۋ، ءبىر جولدى“ بىرگە قۇرىپ، تەڭ يگىلىككە كەنەلەتىن دامۋدىڭ جاڭا ءورىسىن بىرگە اشۋى كەرەك.

ۋاڭ ي، حى ليفىڭ، ۋ جىڭلۇڭ اڭگىمە ماجىلىسىنە قاتىناستى.

”ءبىر بەلدەۋ، ءبىر جول“ قۇرىلىسىن ىلگەرىلەتۋ قىزمەتىنە باسشىلىق ەتۋ گرۋپپاسىنا مۇشە ورىنداردىڭ، ورتالىق پەن مەملەكەت ورگاندارىنىڭ قاتىستى تاراۋلارىنىڭ، ءارقايسى ولكە، اۆتونوميالى رايون، توتە قاراستى قالالاردىڭ جانە شينجياڭ ءوندىرىس - قۇرىلىس بيڭتۋانىنىڭ ”ءبىر بەلدەۋ، ءبىر جول“ قۇرىلىسىن ىلگەرىلەتۋ قىزمەتىنە باسشىلىق ەتۋ گرۋپپاسىنداعى نەگىزگى جاۋاپتى جولداستار، قاتىستى كاسىپورىنداردىڭ جاۋاپتىلارى، مامان - وقىمىستىلاردىڭ ۋاكىلدەرى قاتارلىلار اڭگىمە ماجىلىسىنە قاتىناستى.

كەلۋ قاينارى: حالىق تورابى