ۋاڭ حۋنيڭ كامبودجا حالىق پارتياسىنىڭ ءتوراعاسى، كەڭەس پالاتاسىنىڭ ءتوراعاسى حۇڭسىنمەن كەزدەستى

شينحۋا اگەنتتىگى، 12 - ايدىڭ 2 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ 12 - ايدىڭ 2 - كۇنى بەيجيڭدە كامبودجا حالىق پارتياسىنىڭ ءتوراعاسى، كەڭەس پالاتاسىنىڭ ءتوراعاسى حۇڭسىنمەن كەزدەستى.

ۋاڭ حۋنيڭ مىنالاردى ءبىلدىردى: باس شۋجي شي جينپيڭ ءتوراعا حۇڭسىنمەن تىعىز قارىم - قاتىناستى ساقتاپ، ءبىرقىدىرۋ ماڭىزدى ورتاق تانىمعا كەلىپ، ەكى جاقتى قارىم - قاتىناستىڭ دامۋىنا ءتۇبىرلى تياناق ازىرلەدى. جۇڭگو جاق كامبودجا جاقپەن بىرگە ەكى پارتيانىڭ ەڭ جوعارى باسشىلارىنىڭ ماڭىزدى ورتاق تانىمىن تياناقتاندىرىپ، جۇڭگو - كامبودجا قارى - قاتىناسىنىڭ ۇزدىكسىز العا دامۋىن ىلگەرىلەتۋدى قالايدى. جۇڭگو مەملەكەتتىك ساياسي كەڭەسى كامبودجا جاقپەن اۋىس - كۇيىستى، سەلبەستىكتى كۇشەيتىپ، جاڭا داۋىردەگى جۇڭگو - كامبودجا تاعدىرلاس ورتاق تۇلعاسى قۇرىلىسىنىڭ اناعۇرلىم زور تابىستارعا قول جەتكىزۋىن ىلگەرىلەتۋدى قالايدى.

حۇڭسىن جۇڭگو كوممۋنيستىك پارتياسىنىڭ جۇڭگوعا باسشىلىق ەتىپ قول جەتكىزگەن دامۋ تابىستارىن جوعارى باعالاپ، مىنانى ءبىلدىردى: كامبودجا مەن جۇڭگو − مىزعىماس دوستار، كامبودجا جاق جۇڭگو جاقپەن ءار سالاداعى اۋىس - كۇيىستى، سەلبەستىكتى كۇشەيتىپ، ءوزارا باتىل قولداۋ كورسەتىپ، سىن - سايىسقا بىرگە توتەپ بەرىپ، كامبود - جۇڭگو تاعدىرلاس ورتاق تۇلعاسى قۇرىلىسىن ىلگەرىلەتۋدى قالايدى.

شى تايفىڭ، ۋاڭ دۇڭفىڭ قاتارلىلار كەزدەسۋدە بىرگە بولدى.

كەلۋ قاينارى: حالىق تورابى