بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2024.12.04 16:09 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 3 - كۇنى، بەيجيڭ. 12 - ايدىڭ 3 - كۇنى مەملەكەت ءتوراعاسى شي جينپيڭ 2024 - جىلعى ”جۇڭگونى ءتۇسىنۋ“ حالىقارالىق ماجىلىسىنە (گۋاڭجوۋ) قۇتتىقتاۋ حاتىن جولدادى.
شي جينپيڭ بىلاي دەپ اتاپ كورسەتتى: جۇڭگونى ءتۇسىنۋ ءۇشىن، رەفورمانى ونان ارى جاپپاي تەرەڭدەتۋدى، جۇڭگو ۇلگىسىندەگى وسىزامانداندىرۋدى ىلگەرىلەتۋدى جەتە ءتۇسىنۋ كەرەك. بۇگىنگى جۇڭگو جوعارى دەڭگەيلى سوتسياليستىك بازار شارۋاشىلىعى ءتۇزىلىسىن جەدەل ورناتىپ، تۇزىمدىك ەسىك اشۋدى ورنىقتى كەڭەيتىپ، حالىقارالىق جوعارى ولشەمدى ەكونوميكا - ساۋدا ەرەجەسىمەن ىرىقتىلىقپەن ۇشتاسىپ، جاريالى، ورنىقتى، بولجامدى تۇزىمدىك ورتانى بەلسەنە قالىپتاستىرۋدا. جۇڭگو ۇلگىسىندەگى وسىزامانداندىرۋ قۇرىلىسى ءبىر ميلليارد 400 ميلليون حالىقتىڭ تاماشا تۇرمىسقا دەگەن تالپىنىسىن قاناعاتتاندىرۋمەن بىرگە، دۇنيە ءجۇزىنىڭ بەيبىت دامۋىنا تىڭ دا اناعۇرلىم زور ۇلەس قوسادى.
شي جينپيڭ بىلاي دەپ باسا دارىپتەدى: بۇگىنگى تاڭداعى دۇنيە جۇزىندە 100 جىلدىق وزگەرىس جەدەل قۇبىلىپ، دۇنيە جۇزىندەگى ەلدەر جاڭا حاۋىپ - قاتەر مەن سىناققا ءدوپ كەلۋمەن بىرگە، جاڭا دامۋ ورايى مەن العا باسۋ بولاشاعىنا دا يە بولدى. جۇڭگو ءار ەلمەن قول ۇستاسا وتىرىپ دامۋعا ءتيىمدى ورتا جانە شارت - جاعداي جاراتىپ، ءتۇرلى قيىنشىلىقتار مەن سىن - سايىسقا بەلسەنە توتەپ بەرىپ، بەيبىت دامۋدى، ءوزارا پايدا جەتكىزىپ سەلبەسۋدى، بىرگە گۇلدەنىپ - كوركەيگەن دۇنيە جۇزىندەگى ءار ەلدىڭ وسىزاماندانۋىن ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋدىڭ تىڭ داستانىن جازۋدى ءۇمىت ەتەدى.
”جۇڭگونى ءتۇسىنۋ“ حالىقارالىق ءماجىلىسىن جۇڭگو مەملەكەتتىك جاڭالىق اشۋ جانە دامۋ ستراتەگياسىن زەرتتەۋ قوعامى، جۇڭگو حالىق ديپلوماتيا ءىلمي قوعامى، گۋاڭدۇڭ ولكەلىك حالىق ۇكىمەتى بىرلەسىپ وتكىزدى، 12 - ايدىڭ 3 - كۇنى گۋاڭجوۋدا اشىلدى، نەگىزگى تاقىرىبى ”رەفورمانى سوڭىنا دەيىن جۇرگىزۋ − جۇڭگو ۇلگىسىندەگى وسىزامانداندىرۋ جانە دۇنيە ءجۇزى دامۋىنىڭ جاڭا ورايى“ بولدى.
كەلۋ قاينارى: حالىق تورابى
