ستراتەگيالىق سەنىمدى بەكەمدەپ، اناعۇرلىم نۇرلى بولاشاق اشايىق

تالپىناتىنى دامۋ، قاستەرلەيتىنى تەڭ يگىلىككە كەنەلۋ، جەتكىزەتىنى ءۇمىت بولدى، ”ءبىر بەلدەۋ، ءبىر جولدى“ بىرگە قۇرۋ تاريحتىڭ دۇرىس جاعىندا تۇردى، ءداۋىردىڭ العا باسۋىنا ۇيلەسەتىن لوگيكا بولدى.

12 - ايدىڭ 2 - كۇنى اشىلعان 4 - رەتكى ”ءبىر بەلدەۋ، ءبىر جول“ قۇرىلىسى قىزمەتى اڭگىمە ماجىلىسىندە باس شۋجي شي جينپيڭ جۇڭحۋا ۇلتىنىڭ ۇلى گۇلدەنۋى ستراتەگيالىق جالپى جاعدايىن ءبىر تۇتاس جوسپارلاۋ جانە دۇنيە جۇزىندە 100 جىلدا بولماعان زور وزگەرىس جاعدايى وسكەلەڭ تۇرعىسىنان ”ءبىر بەلدەۋ، ءبىر جولدى“ بىرگە قۇرۋدا قول جەتكەن كەلەلى تابىستاردى تولىق تۇراقتاندىرىپ، قازىر جانە مۇنان كەيىنگى ءبىر مەزگىلدە ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتۋ جونىندە جان - جاقتى ورنالاستىرۋ جاسادى، ”ءبىز ستراتەگيالىق سەنىمدى بەكەمدەپ، ستراتەگيالىق تاباندىلىقتى ساقتاپ، باتىلدىقپەن جاۋاپكەرشىلىك ارقالاپ، ىسكەرلىك كورسەتىپ، ’ءبىر بەلدەۋ، ءبىر جولدى‘ بىرگە قۇرۋدىڭ اناعۇرلىم جارقىن بولاشاعىن اشۋىمىز كەرەك“ دەپ باسا دارىپتەدى.

2013 - جىلى ”ءبىر بەلدەۋ، ءبىر جولدى“ بىرگە قۇرۋ باستاماسىن جاسامپازدىقپەن العا قويعاننان بەرى باس شۋجي شي جينپيڭ ىلگەرىندى - كەيىندى ”ءبىر بەلدەۋ، ءبىر جولدى“ بىرگە قۇرۋدىڭ ستراتەگيالىق ورنى، پرينسيپتىك ۇستانىمى، نىسانا - مىندەتتەرى، ءادىس - امالدارى، جولدارى سياقتىلار جونىندە جۇيەلى بايىمداۋ جاساپ، ”ءبىر بەلدەۋ، ءبىر جول“ قۇرىلىسىن بىرگە قۇرۋدىڭ تەرەڭدەۋىنە، ناقتىلانۋىنا جەتەكشىلىك ەتتى. 11 جىلدان بەرى ”ءبىر بەلدەۋ، ءبىر جولدى“ بىرگە قۇرۋ باستان - اياق بەيبىت سەلبەسۋ، اشىق، سيىسىمدى بولۋ، ءوزارا ۇيرەنۋ، ءوزارا ۇلگى الۋ، ءوزارا پايدا جەتكىزىپ، تەڭ يگىلىككە كەنەلۋ سىندى جىبەك جولى رۋحىنان جازباي، بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبىنە باستان - اياق تاباندى بولىپ، سەلبەستىك سالاسى ۇزدىكسىز كەڭەيىپ، سەلبەستىك كولەمى ۇزدىكسىز زورايىپ، سەلبەستىك دەڭگەيى ۇزدىكسىز جوعارىلاپ، حالىقارالىق باۋراۋ قۋاتى، ىقپال كۇشى، ۇيىستىرۋ قۋاتى ۇزدىكسىز كۇشەيدى. ەلىمىز رەفورما جاساپ، ەسىك اشقاننان كەيىن ورتاعا قويعان تۇڭعىش دۇنيە جۇزىلىك، كولەمدى، جان - جاقتى حالىقارالىق ەكونوميكالىق سەلبەستىك باستاماسى رەتىندە، ”ءبىر بەلدەۋ، ءبىر جولدى“ بىرگە قۇرۋ دۇنيە ءجۇزى بويىنشا اۋماعى ەڭ ۇلكەن، كولەمى ەڭ كەڭ، ىقپالى ەڭ تەرەڭ حالىقارالىق ەكونوميكالىق سەلبەستىك تۇعىرىنا اينالىپ، بىرگە قۇراتىن ەلدەرمەن دوستىقتى كۇشەيتۋگە، بىرگە قۇراتىن ەلدەردىڭ ەكونوميكالىق، قوعامدىق دامۋىن جەبەۋگە جۇڭگو ۇلەسىن قوستى.

11 جىل بويى كوكتەمدە ماۋەلەپ ءوسىپ، كۇزدە قوماقتى جەمىس بەردى. ”ءبىر بەلدەۋ، ءبىر جولدى“ بىرگە قۇرۋ جۇڭگوشا ءىرى ەل ديپلوماتياسىن ىلگەرىلەتۋگە ماڭىزدى ستراتەگيالىق تىرەك ازىرلەپ، جوعارى دەڭگەيدەگى سىرتقا ەسىك اشۋدى كەڭەيتۋگە ماڭىزدى ستراتەگيالىق جەتەكشىلىك ازىرلەدى. ءبىز ”ءبىر بەلدەۋ، ءبىر جولدى“ بىرگە قۇرۋدى اماليات تۇعىرى ەتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، كوپتەگەن ەلمەن جانە رايونمەن ەكى جاقتى جانە وڭىرلىك تاعدىرلاس ورتاق تۇلعا قۇرىپ، ادامزاتتىڭ تاعدىرلاس ورتاق تۇلعاسىن قۇرۋ ۇستانىمىن جۇرت جۇرەگىنە تەرەڭ ۇيالاتتىق. 150 نەشە مەملەكەتپەن، 30 دان استام حالىقارالىق ۇيىممەن ”ءبىر بەلدەۋ، ءبىر جولدى“ بىرگە قۇرۋ سەلبەستىك قۇجاتىنا قول قويىسىپ، سەلبەستىك سەرىكتەستىك قارىم - قاتىناس تورىن ۇزدىكسىز كەڭەيتتىك. وڭىرلىك ەسىك اشۋدى ىشكەرىلەي ىلگەرىلەتىپ، وڭىرلىك ەسىك اشۋدىڭ ورنالاسۋىن كۇش سالا ساپالىلاندىرىپ، تەڭىز جاعالاۋىنداعى رايونداردىڭ ەسىك اشۋى مەن ىشكى ولكەلەردىڭ، شەكارا رايونداردىڭ ەسىك اشۋىنىڭ ءبىرىن - ءبىرى جەبەۋىن، بىرگە دامۋىن جۇزەگە اسىرىپ، قۇرلىق پەن تەڭىز، ءىش پەن سىرت بىرلەسىپ ارەكەتتەنەتىن، شىعىس پەن باتىس قوس باعىتتا ءوزارا كومەكتەسەتىن جاپپاي ەسىك اشۋ جاعدايىن قالىپتاستىردىق. 30 مەملەكەت جانە رايونمەن 23 ەركىن ساۋدا كەلىسىمىنە قول قويۋدان بۇكىل دۇنيە جۇزىنە باعىتتالعان جوعارى ولشەمدى ەركىن ساۋدا رايونى تورابىن ورنىقتى كەڭەيتۋگە دەيىن، شەتەل قارجىسىنىڭ شەكتەلگەن سالالار ءتىزىمىن ۇزدىكسىز ازايتۋدان جۇڭگومەن ديپلوماتيالىق قارى - قاتىناس ورناتقان دامۋدا ەڭ ارتتا قالعان ەلدەرگە %100 سالىق تۇرىندەگى ونىمدەرىنەن كەدەن سالىعىن الماۋ مامىلەسىن جاساۋعا دەيىن... ”ءبىر بەلدەۋ، ءبىر جولدى“ بىرگە قۇرۋ ارقىلى ەلىمىزدىڭ سىرتقا اشىق ۇستالعان ەسىگى بارعان سايىن ايقارا اشىلىپ، ەسىك اشۋ مەن دامۋدىڭ تىڭ ءورىسى ۇزدىكسىز اشىلدى.

”ءبىر بەلدەۋ، ءبىر جولدى“ بىرگە قۇرۋ جۇڭگودان باستاۋ العان، جەتىستىكتەرى مەن ورايلارى دۇنيە جۇزىنە ءتان. 11 جىلدان بەرى ”ءبىر بەلدەۋ، ءبىر جولدى“ بىرگە قۇرۋ دۇنيە ءجۇزىنىڭ بىرگە دامۋىن، گۇلدەنۋىن جەبەۋ ءۇشىن بولاشاعى نۇرلى دۇرىس جولدى اشىپ، دۇنيە جۇزىلىك باسقارۋ جۇيەسىنىڭ وزگەرىسىن جەبەۋگە دۇرىس العا باسۋ بەتالىسىن كورسەتتى. ءبىز ۇلاستىرۋ - تۇتاستىرۋدى نەگىزگى جەلى ەتىپ، ءبىر توپ بوگەنايلىق نىسان مەن حالىق تۇرمىسىنا تيىمدىلىك جەتكىزەتىن ”شاعىن ءارى كوركەم“ نىسانداردىڭ تياناقتانىپ، تامىر تارتۋىن ىلگەرىلەتىپ، بىرگە قۇراتىن ەلدەردىڭ ەكونوميكا - ساۋدا سەلبەستىگى دەڭگەيىن ۇزدىكسىز جوعارىلاتىپ، بىرگە قۇراتىن ەلدەردىڭ حالىق تۇرمىسى ىرىس - قۇتىنىڭ جاقسارۋىنا ماڭىزدى ۇلەس قوستىق. جاكارتا - باندۇڭ جوعارى قارقىندىق تەمىر جولى شىعىس وڭتۇستىك ازيانى جوعارى قارقىندىق تەمىر جولعا يە ەتتى، جۇڭگو - لاوس تەمىر جولى لاوستىڭ ”قۇرلىقتىق تۇيىق ەلدەن“ ”قۇرلىقتاردى تۇتاستىراتىن ەلگە“ قاراي ويىسۋىنا دەم بەردى، چيانكاي پورتى وڭتۇستىك امەريكاداعى تۇڭعىش زەردەلى پورت جانە جاسىل پورت بولدى، مومباسا - نايروبي تەمىر جولى قۇرىلىسى كەنياعا 50 مىڭعا جۋىق جۇمىس ورنىن ازىرلەپ بەردى... ءار ەلگە باقىت جاراتاتىن، دۇنيە جۇزىنە پايدا جەتكىزەتىن وسى ”باقىت جولى“ بارعان سايىن كەڭەيدى. ءبىز دۇنيە ءجۇزىن كوكەيدە ساقتايتىن دۇنيەگە كوزقاراسقا تاباندى بولىپ، دۇنيە ءجۇزىنىڭ بارابار، ءتارتىپتى كوپ ۇيەكتەنۋىن، ەكونوميكانىڭ جالپىعا ءتيىمدى، سيىسىمدى جاھاندانۋىن جەبەپ، دۇنيە جۇزىلىك باسقارۋ جۇيەسىنىڭ اناعۇرلىم ءادىل، ۇيلەسىمدى باعىتقا قاراي دامۋىن پارمەندى ىلگەرىلەتتىك.

وتكەندى قورىتىندىلاۋداعى ماقسات − بولاشاققا ءتىپتى دە جاقسى بەت الۋ. اماليات مىنانى تولىق دالەلدەدى: ”ءبىر بەلدەۋ، ءبىر جولدى“ بىرگە قۇرۋ − جۇڭگونىڭ دۇنيە جۇزىمەن ورايدان بىرگە يگىلىكتەنەتىن، دامۋدى بىرگە جوسپارلايتىن جارقىن جولى، بىرگە گۇلدەنۋگە باستايتىن وراي جولى، ءار ەلدىڭ بىرگە دامۋىنىڭ ۇلكەن ساحناسى، ءار ەلدىڭ بارىس - كەلىسىنىڭ جاڭا جولىن اشىپ، حالىقارالىق سەلبەستىكتىڭ جاڭا جۇلگەسىن ورناتىپ، ادامزاتتىڭ بىرگە دامۋىنىڭ ەڭ ۇلكەن ورتاق بولگىشىن جيناقتادى. وسى باستاما اعىمعا ۇيلەسىپ، حالىق تىلەگىنە قول جەتكىزىپ، حالىق تۇرمىسىنا تيىمدىلىك جاساپ، دۇنيە جۇزىنە پايدا جەتكىزدى، پارمەندى توزىمدىلىككە، تاسقىنداعان ومىرشەڭدىك كۇشكە جانە كەڭ دامۋ بولاشاعىنا يە.

تاريحتىڭ جالپى اۋقىمىنا قاراي العا ۇمتىلىپ، دۇرىس جولمەن الىسقا ساپار شەگۋ كەرەك. بۇگىنگى دۇنيە جۇزىندە وزگەرىس پەن بىلىقپالىق ارالاسىپ، 100 جىلدىق وزگەرىس جەدەل قۇبىلىپ، ادامزات قوعامى تاعى ءبىر رەت تاريحتىڭ جول ايرىعىندا تۇر. ”ۋاقىت پەن اۋقىم ءبىز جاقتا“ دەيتىن ستراتەگيالىق سەنىمدى بەكەمدەپ، ”قانشالىق قيان - كەسكى بولسا دا، باستان - اياق سابىرلىلىقتان جازبايتىن“ ستراتەگيالىق تاباندىلىقتى ساقتاپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدى تاباندىلىقپەن ىلگەرىلەتسەك، جۇڭگو ۇلگىسىندەگى وسىزامانداندىرۋدىڭ دامۋ كەڭىستىگىن، ءسوز جوق، ۇزدىكسىز كەڭەيتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە اناعۇرلىم زور ۇلەس قوسا الامىز.

كەلۋ قاينارى: حالىق تورابى