ستراتەگيالىق تۇراقتىلىقتى ساقتاپ، ءتۇرلى حاۋىپ - قاتەر مەن سىن - سايىستى باتىلدىقپەن جەڭىپ شىعايىق

”قازىرگى قاتاڭ دا كۇردەلى حالىقارالىق ورتادا ’ءبىر بەلدەۋ، ءبىر جولدى‘ بىرگە قۇرۋدىڭ جوعارى ساپالى دامۋىن ىلگەرىلەتۋدە وراي مەن سىن - سايىس قاتار ءومىر ءسۇرىپ وتىر، الايدا، جالپى جاقتان العاندا وراي سىن - سايىستان باسىم“.

باس شۋجي شي جينپيڭ 4 - رەتكى ”ءبىر بەلدەۋ، ءبىر جول“ قۇرىلىسى قىزمەتى اڭگىمە ماجىلىسىندە ماڭىزدى ءسوز سويلەپ، حالىقارالىق جاعدايدىڭ وزگەرىسى مەن دۇنيە ءجۇزىنىڭ دامۋ اۋقىمىن ىشكەرىلەي باعامداپ، قازىر ءدوپ كەلىپ وتىرعان وراي مەن سىن - سايىستى ءدال يگەرىپ، ويداعىداي شەشۋگە ءتيىستى كەلەلى ماسەلەلەر جونىندە تەرەڭ بايىمداۋ جاساپ، ءبىزدىڭ ءتۇرلى حاۋىپ - قاتەر مەن سىن - سايىستى جەڭۋىمىزگە، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدى ورنىقتى قاداممەن الىستارعا جەتكىزۋدى ىلگەرىلەتۋىمىزگە ماڭىزدى يدەيالىق جەتەكشىلىك جانە ستراتەگيالىق جەتەكشىلىك ازىرلەدى.

”ءبىر بەلدەۋ، ءبىر جولدى“ بىرگە قۇرۋ ەكونوميكانىڭ جاھاندانۋ تاريحي اعىمىنا ۇيلەستى، ءار ەلدىڭ، اسىرەسە، قالىڭ وركەندەپ كەلە جاتقان ەلدەردىڭ بەيبىتشىلىكتى جەبەۋ، دامۋعا تالپىنۋ تىلەگىنە ۇيلەستى، وندا ادامزاتتىڭ بىرگە دامۋىنىڭ ەڭ ۇلكەن ورتاق بولگىشى جيناقتالعان، باسىلعانى ادامدار اراسىنداعى دۇرىس جول بولىپ، كەڭىنەن قارسى الۋعا بولەنگەن دۇنيە جۇزىلىك الەۋمەتتىك ونىمگە جانە حالىقارالىق سەلبەستىك تۇعىرىنا اينالدى. العا باسۋ جولىندا ءساتتى جاعداي دا، تەرىس اعىن دا بولادى. ستراتەگيالىق تۇراقتىلىقتى ساقتاپ، نىسانانى باعدار ەتۋگە، ارەكەتتى باعدار ەتۋگە تاباندى بولىپ، العان بەتتەن قايتپاي، جوبانى سوڭىنا دەيىن جاساپ، ءتۇرلى حاۋىپ - قاتەر مەن سىن - سايىستى جەڭۋگە باتىل بولعاندا عانا، ”ءبىر بەلدەۋ، ءبىر جولدى“ بىرگە قۇرۋدىڭ اناعۇرلىم جارقىن بولاشاعىن اشۋعا بولادى.

باس شۋجي شي جينپيڭ بىلاي دەپ باسا دارىپتەدى: ”’ءبىر بەلدەۋ، ءبىر جولدى‘ بىرگە قۇرۋدىڭ جوعارى ساپالى دامۋىن ىلگەرىلەتۋدە، ءسوز جوق، ءتۇرلى حاۋىپ - قاتەر مەن سىن - سايىسقا ۇيلەسىمدى توتەپ بەرىپ، وڭىرلىك قاقتىعىستىڭ ىقپالىن ءونىمدى جەڭۋ كەرەك“. قازىر دۇنيە ءجۇزى جاڭا اۋمالى - توكپەلى وزگەرىس مەزگىلىنە ءوتتى، سىڭار جاقتىلىق، قورعانىمپازدىق كورنەكتى كۇشەيدى، ءىشىنارالىق قاقتىعىستار مەن الاساپىراندىقتار ءجيى تۋىلدى، بەيبىتشىلىك قىزىل سيفرى، دامۋ قىزىل سيفرى، حاۋىپسىزدىك قىزىل سيفرى، جونگە سالۋ قىزىل سيفرى ارتپاسا، ازايمادى، تۇراقسىز، ورنىقسىز، بولجاۋى قيىن فاكتورلار كوبەيدى. كۇن سايىن كۇردەلىلەنگەن حالىقارالىق جاعدايدا ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدى ىلگەرىلەتۋدىڭ تەتىگى جوعارى ساپالى دامۋ مەن جوعارى دەڭگەيدەگى حاۋىپسىزدىكتى ءوزارا ۇشتاستىرۋعا تاباندى بولۋدا. پايدالىسىنا ۇمتىلىپ، زيانىنان ساقتانۋعا، حاۋىپ - قاتەردى ورايعا اينالدىرۋعا شەبەر بولىپ، ەرتە باستان تالداۋ جاساۋدى، تۇجىرىم جاساۋدى كۇشەيتىپ، ستراتەگيالىق قابىلەتتى، جوبالاۋ قابىلەتىن، جاعدايعا توتەپ بەرۋ قابىلەتىن جوعارىلاتىپ، سەلبەستىكتىڭ نەگىزگى جاعدايىن بەكەمدەپ، سەلبەستىكتىڭ جاڭا ءورىسىن كەڭەيتۋ كەرەك.

بىرگە قۇراتىن ەلدەردىڭ تابىس سەزىمىن كۇشەيتۋ مەن وزىمىزگە پايدالى بولۋعا تاباندى بولۋدىڭ قاتىناسىن دۇرىس ءبىر جاقتى ەتۋ كەرەك، بۇل − ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتۋدىڭ ىشكى تالابى، سونداي - اق ءسوز جوق، باستان - اياق مىقتاپ يگەرۋگە ءتيىستى ماڭىزدى پرينسيپ جانە العا باسۋ بەتالىسى. بار كۇشىن سارقا جۇمساۋعا، شاماعا قاراي ىستەۋگە تاباندى بولىپ، سەلبەسۋ ءتۇيىنىن، مۇددە توعىسۋ ءتۇيىنىن ءدال تاۋىپ، ماڭىزدى بوگەنايلىق ينجەنەريالار مەن ”شاعىن ءارى كوركەم“ حالىق تۇرمىسى نىساندارى قۇرىلىسىن ءبىر تۇتاس جوسپارلاپ ىلگەرىلەتىپ، مەملەكەتتىڭ ەكونوميكالىق، قوعامدىق دامۋى مەن حالىق تۇرمىسىن جاقسارتۋعا دەم بەرىپ، بىرگە قۇراتىن ەلدەر حالىقتارىنىڭ ات سالىسۋ سەزىمىن، تابىس سەزىمىن، باقىت سەزىمىن ۇزدىكسىز كۇشەيتۋ كەرەك. وزىمىزگە ءتيىمدى بولۋعا، ءوزارا پايدا جەتكىزىپ، تەڭ يگىلىككە كەنەلۋگە تاباندى بولىپ، ىستەۋگە تيىستىلەرىن ىستەۋ، ىستەمەۋگە تيىستىلەرىن ىستەمەۋ، ”قۇر تالون“ جازباۋ، اراندى اشپاۋ، ساياسي، ستراتەگيا، جالپى جاعداي، ۇزاق بولاشاقتىق ەسەپتى، ەكونوميكالىق ەسەپتى ءبىر تۇتاس جوسپارلاپ، ويداعىداي جاساپ، ەلىمىزدىڭ ستراتەگيالىق مۇددەسىن ءونىمدى قورعاۋ كەرەك.

”ءبىر بەلدەۋ، ءبىر جولدى“ بىرگە قۇرۋدىڭ ىشكەرىلەي ىلگەرىلەتىلۋىنە بايلانىستى، ەلىمىزدىڭ شەتەلدەگى مال - مۇلكى بارعان سايىن كوبەيدى. ەلىمىزدىڭ شەتەلدەگى مۇددەسىنىڭ حاۋىپسىزدىگىن قايتكەندە اناعۇرلىم ويداعىداي قامتاماسىزداندىرۋعا بولادى دەگەن ماسەلە − ءبىزدىڭ الدىمىزعا قويىلعان كەلەلى تاقىرىپ. پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ «قاۋلىسىندا» شەتەلگە ساياتىن مەملەكەت حاۋىپسىزدىگى مەحانيزمىن كەمەلدەندىرۋ جونىندە ورنالاستىرۋ جاسالىپ، ”توڭىرەكتەگى حاۋىپسىزدىك قىزمەتىن سايكەستىرۋ مەحانيزمىن ورناتۋ جانە اقاۋسىزداندىرۋ“، ”شەتەلدەگى مۇددەنى جانە شەتەلگە قارجى قوسۋدان تونەتىن حاۋىپ - قاتەردەن ساقتاندىرۋ، ساقتانۋ - تىزگىندەۋ، قورعاۋ ءتۇزىلىس، مەحانيزمىن كۇشەيتىپ، حاۋىپسىزدىك سالاسىنداعى حالىقارالىق زاڭ اتقارۋ سەلبەستىگىن تەرەڭدەتۋ“ سياقتى ءبىرقىدىرۋ رەفورما شارالارى ورتاعا قويىلدى. تومەنگى شەكتە ويلاۋدى بەرىك ورناتىپ، حاۋىپ - قاتەر تانىمىن كۇشەيتىپ، ءتۇرلى مەحانيزمدەر مەن جوبالاردى كەمەلدەندىرۋدى مىقتى يگەرىپ، حاۋىپ - قاتەردى تەكسەرۋ، باقىلاۋ، باعالاۋ، ساقتاندىرۋ قىزمەتىن ۇدايىلاندىرىپ ورىستەتىپ، ەلىمىز ازاماتتارىنىڭ، زاڭدىق تۇلعالارىنىڭ شەتەلدەگى زاڭدى ۇقىق - مۇددەسىن ءونىمدى قورعاپ، ەلىمىزدىڭ شەتەلدەگى مۇددەسىنىڭ حاۋىپسىزدىگىنە شىنايى كەپىلدىك ەتۋ كەرەك.

ورايدى يگەرۋدە، اسىرەسە، تايسالماي العا ىلگەرىلەۋ؛ سىن - سايىستى جەڭۋدە، جاۋاپكەرشىلىكتى باتىل ارقالاۋعا ۇندەۋ كەرەك. قازىر ”ءبىر بەلدەۋ، ءبىر جولدى“ بىرگە قۇرۋ جوعارى ساپالى دامۋدىڭ جاڭا كەزەڭىنە ءوتتى، بۇل − جاڭا جورىقتاعى جۇڭگونىڭ ادامزاتتىڭ بەيبىتشىلىگى مەن دامۋ ىستەرىنە تىڭ دا اناعۇرلىم زور ۇلەس قوسۋىنىڭ جاڭا باستاماسى. ستراتەگيالىق تۇراقتىلىقتى ساقتاپ، ستراتەگيالىق ورايدى يگەرىپ، بىرىنەن سوڭ ءبىرىن جالعاستىرىپ، شەگە قاعۋ رۋحىمەن يگەرىپ، ”ءبىر بەلدەۋ، ءبىر جولدى“ بىرگە قۇرۋدىڭ اناعۇرلىم جوعارى ساپالى، اناعۇرلىم جوعارى دەڭگەيدەگى جاڭا دامۋىن، ءسوز جوق، جۇزەگە اسىرىپ، اشىق، سيىسىمدى، ۇلاسقان - تۇتاسقان، بىرگە داميتىن دۇنيە ءجۇزىن قۇرۋدى ىلگەرىلەتۋ كەرەك.

كەلۋ قاينارى: حالىق تورابى