جاۋ لىجي كامبودجا حالىق پارتياسىنىڭ ءتوراعاسى، كەڭەس پالاتاسىنىڭ ءتوراعاسى حۇڭسىنمەن كەزدەستى

«حالىق گازەتى»، 12 - ايدىڭ 4 – كۇنى، بەيجيڭ (ءتىلشى لي شين - ي). جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى جاۋ لىجي 12 - ايدىڭ 4 - كۇنى تۇستەن بۇرىن بەيجيڭدە كامبودجا حالىق پارتياسىنىڭ ءتوراعاسى، كەڭەس پالاتاسىنىڭ ءتوراعاسى حۇڭسىنمەن كەزدەستى.

جاۋ لىجي مىنالاردى ءبىلدىردى: باس شۋجي شي جينپيڭ مەن ءتوراعا حۇڭسىننىڭ ستراتەگيالىق جەتەكشىلىگىندە، جۇڭگو مەن كامبودجانىڭ تاعدىرلاس ورتاق تۇلعا قۇرىلىسى جوعارى ساپالى، جوعارى دەڭگەيلى، جوعارى ولشەمدى جاڭا داۋىرگە ءوتتى. جۇڭگو جاق كامبودجا جاقپەن بىرگە ەكى پارتيانىڭ ەڭ جوعارى باسشىلارى كەلىسكەن ماڭىزدى ورتاق تانىمعا ساي، ءبىر - ءبىرىن تاباندىلىقپەن قولداپ، ناقتى ىستەر سەلبەستىگىن تەرەڭدەتىپ، گۋمانيتارلىق اۋىس - كۇيىستى كەڭەيتىپ، جۇڭگو - كامبودجا قارىم - قاتىناسىنىڭ تىڭ دا اناعۇرلىم زور دامۋعا قول جەتكىزۋىن ىلگەرىلەتۋدى قالايدى. جۇڭگو مەملەكەتتىك حالىق قۇرىلتايى كامبودجانىڭ كەڭەس پالاتاسىمەن جانە پارلامەنتىمەن اۋىس - كۇيىستى، سەلبەستىكتى كۇشەيتىپ، جۇڭگو - كامبودجا تاعدىرلاس ورتاق تۇلعاسىن بىرگە قۇرۋعا ۇلەس قوسۋدى قالايدى.

حۇڭسىن مىنانى ءبىلدىردى: جۇڭگو كامبودجاعا باستان - اياق تەڭ تۇرعىدا مامىلە جاساپ، كامبودجاعا باستان – اياق قۇرمەت ەتىپ كەلدى، كامبودجا - جۇڭگو سەلبەستىگى كامبودجانىڭ ەكونوميكاسىنىڭ دامۋى، كەدەيلىكتەن ارىلۋى جونىنەن ماڭىزدى مانگە يە. كامبودجا جۇڭگو جاقپەن ەكى ەلدىڭ جان - جاقتى دوستىق سەلبەستىگىن تەرەڭدەتىپ، كامبودجا - جۇڭگو تاعدىرلاس ورتاق تۇلعاسى قۇرىلىسىن تاباندىلىقپەن ىلگەرىلەتەدى.

شوكىرات زاكىر كەزدەسۋدە بىرگە بولدى.

كەلۋ قاينارى: حالىق تورابى