امبۋلاتوريادا ەمدەلگەندە الدىن الا اقى تاپسىرۋ كۇشىنەن قالدىرىلادى، ەمحاناعا جاتىپ ەمدەلگەندە الدىن الا اقى تاپسىرۋ ارناعا تۇسىرىلەدى، بيىل 3 – ايدا رەسمي اتقارىلادى 

دەنساۋلىق ساقتاۋ – سالاماتتىق كوميتەتى 2025 - جىلى تۇتاس جۇيە بويىنشا حالىق ءۇشىن قىزمەت ىستەۋگە ساياتىن 8 ناقتى ءىستى جاريالاعان، امبۋلاتوريادا ەمدەلگەندە الدىن الا اقى تاپسىرۋ كۇشىنەن قالدىرىلعان، ەمدەۋ قۇرىلىمدارى ەمدەۋدى قامسىزداندىرۋعا قاتىناسقان ناۋقاستاردىڭ ەمحاناعا جاتىپ ەمدەلگەندە الدىن الا تاپسىراتىن اقى مولشەرىن ۇقساس تۇردەگى ناۋقاستار جەكە ءوزى تولەيتىن اقى مولشەرىنىڭ ورتاشا دەڭگەيىنە دەيىن تۇسىرگەن. 1 – ايدىڭ 20 - كۇنى دەنساۋلىق ساقتاۋ سالاماتتىق كوميتەتى اقپار جاريالاۋ ءماجىلىسىن اشىپ، قاتىستى ماسەلەلەر تۋرالى ءتىلشىنىڭ سۇراۋىنا جاۋاپ بەرگەن.

وسىدان بۇرىن نە ءۇشىن ەمحاناعا جاتقاندا جانە امبۋلاتوريادا الدىن الا اقى تاپسىرۋ كەرەك؟

20 - عاسىردىڭ 80 - جىلدارىندا ناۋقاستاردىڭ وشىرەتكە تۇرۋ رەت سانىن ازايتىپ، اقى تاپسىرۋدى توسۋ ۋاقىتىن قىسقارتۋ ءۇشىن، ەمدەۋ قۇرىلىمدارى ەمحاناعا جاتىپ ەمدەلگەندە الدىن الا اقشا تاپسىرۋ جانە امبۋلاتوريادا ەمدەلگەندە الدىن الا اقشا تاپسىرۋ ءتۇزىمىن ىركەس – تىركەس ورناتقان.

مەملەكەتتىك دەنساۋلىق ساقتاۋ – سالاماتتىق كوميتەتىنىڭ قاتىستى جاۋاپتىسى بىلاي دەدى: جۋىرداعى جىلداردان بەرى، ءبىز بۇل ءتۇزىمدى ۇزدىكسىز كەمەلدەندىردىك ءارى جاقسارتتىق، جەر ـ جەردى الدىن الا تاپسىراتىن اقى سوماسىن بىرتىندەپ تومەندەتۋگە جەتەلەپ، ناۋقاستاردىڭ ەمدەلۋ جاعىنداعى اۋىرتپالىعىن ونان ارى جەڭىلدەتتىك؛ ءتۇرلى جىلجىمالى تولەۋ جانە ەسەپ جابۋ ارنالارىنان بەلسەندى پايدالانىپ، ناۋقاستاردىڭ ەمدەلۋىنە قولايلى بولۋ دەڭگەيىن جوعارىلاتتىق. كەدەيلىكتەن ارىلتۋدان قامال الۋ مەزگىلىندە ارحيۆ تۇرعىزىلىپ، كارتۋچكا بىتىرىلگەن قيىنشىلىعى بار ادامدارعا باعىتتاي وتىرىپ، «الدىمەن ەمدەلىپ، ونان سوڭ اقى تولەۋ» ساياساتى جولعا قويىلدى، اۋىل - قىستاقتاعى كەدەي ناۋقاستار ءوزى تۇرعان ورىندا ەمحاناعا جاتىپ ەمدەلگەن كەزدە الدىن الا اقى تاپسىرۋىنىڭ قاجەتى جوق، ەمحانادان شىققاندا ەمدەلۋ اقىسىنداعى جەكەنىڭ ءوزى تولەيتىن بولەگىن عانا تولەسە بولعانى، بۇل ساياساتتى حالىق جۇرتشىلىعى القادى.

ۇكىمەت باسقارۋىنداعى ەمحانالاردا الدىن الا اقى تاپسىرۋدى كۇشىنەن قالدىرۋ، ارناعا ءتۇسىرۋ 3 – ايدان باستاپ اتقارىلادى

حالىق جۇرتشىلىعىن رەفورما، دامۋ جەتىستىكتەرىنەن ورتاق يگىلىكتەندىرىپ، اناعۇرلىم كوپ قولايلى تيىمدىلىككە كەنەلتۋ ءۇشىن، مەملەكەتتىك دەنساۋلىق ساقتاۋ – سالاماتتىق كوميتەتى زەرتتەۋ ارقىلى 2025 - جىلى 3 - ايدان باستاپ بۇكىل ەلىمىز بويىنشا ۇكىمەت باسقارۋىنداعى ەمدەۋ قۇرىلىمدارىندا امبۋلاتوريادا ەمدەلگەندە الدىن الا اقشا تاپسىرۋدى كۇشىنەن قالدىرىپ، ەمحاناعا جاتىپ ەمدەلگەندە الدىن الا اقى تاپسىرۋدى ەمدەۋدى قامسىزداندىرۋعا قاتىناسقان ۇقساس تۇردەگى ناۋقاستاردىڭ ءوزى تولەيتىن اقىسىنىڭ ورتاشا دەڭگەيىنە ءتۇسىرىپ، ناۋقاستاردىڭ الدىن الا اقى تاپسىرۋ جاعىنداعى اۋىرتپالىعىن شىنايى جەڭىلدەتىپ، حالىق جۇرتشىلىعىنىڭ اۋرۋ كورسەتۋ، ەمدەلۋ جاعىندا جاقسى اسەرگە يە بولۋىنا شارت – جاعداي جاراتادى.

كەلۋ قاينارى: حالىق تورابى