شي جينپيڭ رەسەيدىڭ زۇڭتۇڭى پۋتينمەن بەينە ەكران ارقىلى ديدارلاستى

1 - ايدىڭ 21 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا رەسەيدىڭ زۇڭتۇڭى پۋتينمەن بەينە ەكران ارقىلى ديدارلاستى.

سۋرەتتى شينحۋا اگەنتتىگىنىڭ ءتىلشىسى راۋ ايمين تۇسىرگەن

1 - ايدىڭ 21 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا رەسەيدىڭ زۇڭتۇڭى پۋتينمەن بەينە ەكران ارقىلى ديدارلاستى.

سۋرەتتى شينحۋا اگەنتتىگىنىڭ ءتىلشىسى ليۋ بين تۇسىرگەن

شينحۋا اگەنتتىگى، 1 - ايدىڭ 21 - كۇنى، بەيجيڭ (ءتىلشى دۇڭ شۋە). 1 - ايدىڭ 21 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا رەسەيدىڭ زۇڭتۇڭى پۋتينمەن بەينە ەكران ارقىلى ديدارلاستى.

ەكى ەلدىڭ مەملەكەت باسشىلارى ءوزارا جاڭا جىل قۇتتى بولسىن ايتتى. شي جينپيڭ بىلاي دەپ اتاپ كورسەتتى: ەندى بىرنەشە كۇننەن كەيىن جۇڭگونىڭ كوكتەم مەرەكەسى كەلەدى، كونە جىلدى اتتاندىرىپ، جاڭا جىلدى قارسى العان وسى ساتتە زۇڭتۇڭ مىرزامەن بەينە ەكران ارقىلى ديدارلاسقانىما ايرىقشا قۋانىشتىمىن، جاڭا جىلدا جۇڭگو - رەسەي قارىم - قاتىناسىنىڭ قويان - قولتىق بولۋىن تىلەيمىن. پۋتين مىنانى ءبىلدىردى: جاڭا جىل باستالعان ساتتە ءتوراعا شي جينپيڭمەن بەينە ەكراندا پىكىرلەسكەنىمە قاباعات قۋانىشتىمىن، ءتوراعا شي جينپيڭنىڭ جانە جۇڭگو حالقىنىڭ كوكتەم مەرەكەسىنىڭ قۇتتى بولۋىن، بارلىق ءىسىنىڭ ىلگەرى بولۋىن تىلەيمىن!

شي جينپيڭ بىلاي دەپ اتاپ كورسەتتى: 2024 - جىلى ءبىز 3 رەت ديدارلاسىپ، كوپتەگەن ماڭىزدى ورتاق تانىمعا كەلدىك. ەكى ەل ديپلوماتيالىق قارىم - قاتىناس ورناتقاندىعىنىڭ 75 جىلدىعىن سالتاناتپەن قۇتتىقتاپ، ماڭگىلىك تاتۋ كورشىلىك دوستىقتى، جان - جاقتى ستراتەگيالىق سەلبەستىكتى، ءوزارا پايدا جەتكىزىپ، تەڭ يگىلىككە كەنەلۋدى رۋحاني وزەك ەتكەن جۇڭگو - رەسەي قارىم - قاتىناسىنىڭ تىڭ ومىرشەڭدىك كۇشىن ۇزدىكسىز تاسقىنداتتى. جۇڭگو مەن رەسەيدىڭ مادەنيەت جىلى باي مازمۇندى بولىپ، ناقتى سەلبەستىگى ورنىقتىلىق بارىسىندا ىلگەرىلەپ، ەكى جاقتى ساۋدا سوماسى ارتۋ تەبىنىن ساقتاپ، بىرلەسكەن مەملەكەتتەر ۇيىمى، شاڭحاي سەلبەستىك ۇيىمى، بريكس ەلدەرى سياقتى كوپ جاقتى تۇعىرلاردا تىعىز سەلبەسىپ، عالامدىق جونگە سالۋ جۇيەسى رەفورماسى مەن قۇرىلىسىن اناعۇرلىم كوپ وڭ ەنەرگيامەن قامدادى.

شي جينپيڭ بىلاي دەپ باسا دارىپتەدى: جاڭا ءبىر جىلدا مەن زۇڭتۇڭ مىرزامەن بىرگە، جۇڭگو - رەسەي قارىم - قاتىناسىندا بيىكتە تۇرىپ، الىسقا كوز تاستاپ، جۇڭگو - رەسەي قارىم - قاتىناسىنىڭ ورنىقتىلىعىمەن جانە بەرىك توزىمدىلىگىمەن سىرتقى ورتانىڭ تۇراقسىزدىعىنا توتەپ بەرىپ، ەكى ەلدىڭ دامۋىن، گۇلدەنۋىن بىرگە جەبەپ، حالىقارالىق ادىلدىك پەن تۋراشىلدىقتى قورعاۋعا ۇزدىكسىز جەتەكشىلىك ەتۋدى قالايمىن. ەكى جاق ستراتەگيالىق سەلبەستىكتى ۇزدىكسىز تەرەڭدەتىپ، ەكى ەلدىڭ ورىندى مۇددەسىن قورعاۋى كەرەك. ەكى جاقتى قارىم - قاتىناستى بەكەمدەپ جانە كەڭەيتىپ، ناقتى سەلبەستىكتىڭ ىشكەرىلەي دامۋىن ىلگەرىلەتۋ كەرەك. بيىل − جۇڭگو حالقىنىڭ جاپون شاپقىنشىلارىنا قارسى سوعىسىنىڭ، سوۆەت وداعىنىڭ ۇلى وتان سوعىسىنڭ جانە دۇنيە ءجۇزىنىڭ فاشيزمگە قارسى سوعىسىنىڭ جەڭىسكە جەتكەندىگىنىڭ 80 جىلدىعى ءارى بىرلەسكەن مەملەكەتتەر ۇيىمى قۇرىلعاندىعىنىڭ 80 جىلدىعى. جۇڭگو مەن رەسەي وسىنى وراي ەتىپ، بىرلەسكەن مەملەكەتتەر ۇيىمىن وزەك ەتكەن حالىقارالىق جۇيە مەن دۇنيە جۇزىلىك ەكىنشى سوعىستىڭ جەڭىس جەتىستىكتەرىن بىرگە قورعاپ، ءار ەلدىڭ بىرلەسكەن مەملەكەتتەر ۇيىمى ۋستاۆىنىڭ نەگىزگى ماقساتى مەن پرينسيبىنە بويسۇنۋىن ىلگەرىلەتىپ، جاپپاي مويىندالعان حالىقارالىق قارىم - قاتىناستىڭ نەگىزگى ولشەمىنە تاباندى بولىپ، ناعىز كوپ جاقتىلىقتى امالياتتا ايگىلەۋى كەرەك. شاڭحاي سەلبەستىك ۇيىمىنا كەزەكتى ءتوراعا ەل رەتىندە، جۇڭگو رەسەي جاقپەن جانە باسقا مۇشە ەلدەرمەن بىرگە شاڭحاي سەلبەستىك ۇيىمىنىڭ اناعۇرلىم جوعارى ساپالى دامۋدىڭ، اناعۇرلىم جاۋاپكەرشىلىك ارقالاپ ءىس تىندىرۋدىڭ جاڭا كەزەڭىنە ءوتۋىن ىلگەرىلەتۋدى قالايدى. جۇڭگو مەن رەسەي تاعى ”ۇلكەن بريكس سەلبەستىگىن“ بىرگە ىلگەرىلەتىپ، دۇنيە ءجۇزى وڭتۇستىگىنىڭ ىنتىماقتاسىپ، ءوزىن الۋەتتەندىرۋىنىڭ جاڭا تاراۋىن جازۋى كەرەك.

پۋتين مىنالاردى ءبىلدىردى: رەسەي مەن جۇڭگو باستان - اياق ءبىر - بىرىنە سەنىپ، ءبىر - ءبىرىن قولداپ، تەڭ تۇرعىدا مامىلە جاساپ كەلەدى، ەكى جاقتىڭ سەلبەستىگى ەكى ەل حالقىنىڭ مۇددەسىنە ۇيلەسەدى، حالىقارالىق جاعداي وزگەرىسىنىڭ ىقپالىنا ەشقاشان ۇشىرامايدى. ەكى ەلدىڭ ەكونوميكا - ساۋدا، ەنەرگيا سەلبەستىگىنىڭ تاماشا جاعدايدى ساقتاپ، ءوزارا ساپاردا بولعان ساياحاتشىلاردىڭ ۇزدىكسىز كوبەيىپ، ەكى جاق كوپ جاقتى ورىنداردا تىعىز قارىم - قاتىناستى، سەلبەستىكتى ساقتاعاندىعىنا توتەنشە قۋانىشتامىن. رەسەي جاق تايۋان − جۇڭگو تەرريتورياسىنىڭ ايرىلماس ءبىر بولەگى دەگەندى باتىل قولدايدى، ءارقانداي فورماداعى ”تايۋان دەربەستىگىنە“ باتىل قارسى تۇرادى. 80 جىلدىڭ الدىندا رەسەي مەن جۇڭگو ەكى ەل ىستىق قاندارىمەن جانە ومىرلەرىمەن شاپقىنشىلارعا قارسى تۇرىپ، مەملەكەتتىڭ يەلىك ۇقىعى مەن ۇلتتىڭ ار - نامىسىن قورعادى. بيىل ءبىز دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن سالتاناتپەن قۇتتىقتاپ، دۇنيە جۇزىلىك 2 - سوعىستىڭ تابىستارىن قورعاۋىمىز كەرەك. رەسەي جاق جۇڭگو جاقپەن كوپ جاقتى ىستەردەگى سەلبەستىكتى كۇشەيتىپ، دۇنيە ءجۇزىنىڭ بەيبىتشىلىگى مەن دامۋى ءۇشىن بەلسەندى رول اتقارۋدى قالايدى.

ەكى ەلدىڭ مەملەكەت باسشىلارى تاعى بىرگە كوڭىل ءبولىپ وتىرعان حالىقارالىق، وڭىرلىك ماسەلەلەر جونىندە ىشكەرىلەي پىكىر اۋىستىرىپ، جاڭا ءبىر جىلدا ستراتەگيالىق تىلدەسۋدى ۇزدىكسىز ساقتاۋعا ماقۇل بولدى.

ۋاڭ ي قيمىلعا قاتىناستى.

كەلۋ قاينارى: حالىق تورابى