لي چياڭ دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارىنىڭ جانە پارتيادا، توپتا جوق قايراتكەرلەردىڭ ۋاكىلدەرىنىڭ اڭگىمە ءماجىلىسىن باسقارىپ اشتى

شينحۋا اگەنتتىگى، 1 - ايدىڭ 21 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ 1 - ايدىڭ 21 - كۇنى تۇستەن كەيىن دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارىنىڭ جانە پارتيادا، توپتا جوق قايراتكەرلەردىڭ ۋاكىلدەرىنىڭ اڭگىمە ءماجىلىسىن باسقارىپ اشىپ، «ۇكىمەت قىزمەتىنەن بايانداما (پىكىر الۋ نۇسقاسى)« جونىندەگى پىكىر، ۇسىنىستى تىڭدادى.

اڭگىمە ماجىلىسىندە جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ءتوراعاسى جىڭ جيانباڭ، جۇڭگو دەموكراتيالىق وداعى ورتالىق كوميتەتىنىڭ ءتوراعاسى ديڭ جۇڭلي، جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ءتوراعاسى حاۋ ميڭجين، جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ءتوراعاسى ساي دافىڭ، جۇڭگو شارۋا - جۇمىسشى دەموكراتيالىق پارتياسى ورتالىق كوميتەتىنىڭ ءتوراعاسى حى ۋەي، جۇڭگو ادىلەت پارتياسى ورتالىق كوميتەتىنىڭ ءتوراعاسى جياڭ زوجۇن، 3 - قىركۇيەك ءىلمي قوعامى ورتالىق كوميتەتىنىڭ ءتوراعاسى ۋ ۋەيحۋا، تايۋان دەموكراتيالىق اۆتونوميا وداعى ورتالىق كوميتەتىنىڭ ءتوراعاسى سۋ حۇي، مەملەكەتتىك ساۋدا - ونەركاسىپشىلەر بىرلەستىگىنىڭ ءتوراعاسى گاۋ يۇنلۇڭ، پارتيادا، توپتا جوق قايراتكەرلەردىڭ ۋاكىلى ۋ شياڭپيڭ ىلگەرىندى – كەيىندى ءسوز سويلەدى. كوپشىلىك بىلاي دەپ قارادى: وتكەن ءبىر جىلدا ەلىمىزدىڭ دامۋ بارىسى ەرەكشە بولدى، شي جينپيڭ جولداستى ۇيىتقى ەتكەن جۇڭگو كوممۋنيستىك پارتياسى ورتالىق كوميتەتى بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، وزگەرىسكە توتەپ بەرىپ، قامال الىپ، قيىنشىلىقتاردى جەڭىپ، ەكونوميكالىق اينالىم جالپى جاقتان ورنىقتى بولىپ، ورنىقتىلىق بارىسىندا ىلگەرىلەپ، جوعارى ساپالى دامۋدى تىڭعىلىقتى ىلگەرىلەتىپ، جۇڭگو ۇلگىسىندەگى وسىزامانداندىرۋدا تىڭ دا بەرىك قادام تاستادى. كوپشىلىك بيىلعى ۇكىمەت قىزمەتىن ارقاۋ ەتىپ، ماكرولىق تىزگىندەۋدى اناعۇرلىم كۇشەيتۋ، عىلىم - تەحنيكادا جاڭالىق اشۋدى ىلگەرىلەتۋ، رەفورما جاساپ، ەسىك اشۋدى تەرەڭدەتۋ، حالىق تۇرمىسىن قامتاماسىز ەتۋ جانە جاقسارتۋ سياقتىلار جونىندە پىكىر، ۇسىنىس بەردى.

لي چياڭ كوپشىلىكتىڭ ءسوزىن مۇقيات تىڭداپ، دەموكراتيالىق پارتيا - توپتاردىڭ، مەملەكەتتىك ساۋدا - ونەركاسىپشىلەر بىرلەستىگىنىڭ، پارتيادا، توپتا جوق قايراتكەرلەردىڭ ۇكىمەت قىزمەتىنە كوڭىل ءبولىپ، قولداپ - قۋاتتاعانىنا العىس ايتىپ، كوپشىلىكتىڭ ۇسىنىس - پىكىرلەرىنىڭ «ۇكىمەت قىزمەتىنەن بايانداماعا» ويداعىداي وزگەرىس ەنگىزۋگە، ۇكىمەت قىزمەتىن ويداعىداي ىستەۋگە كومەگى زور ەكەندىگىن، مەملەكەتتىك كەڭەستىڭ ونى مۇقيات زەرتتەپ قابىلدايتىندىعىن ءبىلدىردى. ول بىلاي دەپ باسا دارىپتەدى: بيىل −”14 - بەسجىلدىق“ جوبا اياقتالاتىن جىل، ەكونوميكالىق، قوعامدىق دامۋدىڭ نىسانالارىن، مىندەتتەرىن جۇزەگە اسىرۋ توتەنشە ماڭىزدى. ءبىز جۇڭگو كوممۋنيستىك پارتياسى ورتالىق كوميتەتىنىڭ شەشىمدەرى مەن ورنالاستىرۋلارىن جاپپاي دايەكتىلەندىرىپ، تياناقتاندىرۋىمىز، قيىنشىلىققا دۇرىس مامىلە جاساۋىمىز، ونان دا ماڭىزدىسى، سەنىمدى بەكەمدەپ، تۇتاس قوعامنىڭ بەلسەندىلىگىن، ىرىقتىلىعىن تولىق جۇمىلدىرىپ، دامۋدى ىلگەرىلەتەتىن قۇدىرەتتى بىرىككەن كۇش قالىپتاستىرۋىمىز كەرەك. سىرتقى ورتانىڭ وزگەرىسى الا كەلگەن جاڭا سىندارعا ۇيلەسىمدى توتەپ بەرىپ، ەكونوميكالىق اينالىمداعى كورنەكتى ماسەلەلەردى شىن مانىندە شەشىپ، ءار جاقتاعى بەلسەندى فاكتورلاردى دامۋدىڭ ناقتى ناتيجەسىنە اينالدىرۋعا قۇلشىنىپ، ەكونوميكانىڭ وڭالۋ جاعدايىن بەكەمدەۋىمىز جانە كۇشەيتۋىمىز كەرەك.

لي چياڭ ءارقايسى دەموكراتيالىق پارتيا - توپتاردىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جانە پارتيادا، توپتا جوق قايراتكەرلەردىڭ ۇكىمەت قىزمەتىنە قولداۋ كورسەتۋدى بۇرىنعىداي كۇشەيتىپ، ەكونوميكالىق، قوعامدىق دامۋداعى ءتۇيىندى ماسەلەلەر توڭىرەگىندە ىشكەرىلەي تەكسەرۋ - زەرتتەۋ جۇرگىزىپ، بەلسەنە اقىل - كەڭەس بەرىپ، ۇكىمەتتىڭ عىلمي شەشىم جاساۋ جانە جوعارى ونىمدىلىكپەن بيلىك جۇرگىزۋ دەڭگەيىن جوعارىلاتۋىنا كومەكتەسىپ، كوپ بولىپ اقىل قوسىپ، كوپ بولىپ كۇش سالىپ، ءتۇرلى قىزمەتتەردە ۇزدىكسىز تىڭ ناتيجەلەرگە قول جەتكىزۋدى ىلگەرىلەتۋىن ءۇمىت ەتتى. سونىمەن بىرگە، كوپىرلىك، دانەكەرلىك رولىن ونان ارى ساۋلەلەندىرىپ، ءار سالامەن، ءار كاسىپپەن بايلانىس جاساۋدى، قارىم - قاتىناستى كۇشەيتىپ، جۇرت تىلەگىن كەڭ كولەمدە ۇيىستىرىپ، ورتاق تانىمدى ۇيىستىرىپ، ەكونوميكانىڭ، قوعامنىڭ باياندى، اقاۋسىز دامۋىنا اناعۇرلىم كوپ اقىل - پاراسات جانە كۇش - قۋات قوسۋىن ءۇمىت ەتتى.

شى تايفىڭ، ۋ جىڭلۇڭ، شاۋ حۇڭ، حى باۋشياڭ، ۋاڭ گۋاڭچيان، چين بويۇڭ، جۋ يۇڭشين، ياڭ جىن اڭگىمە ماجىلىسىنە قاتىناستى.

كەلۋ قاينارى: حالىق تورابى