حان جىڭ ا ق ش زۇڭتۇڭىنىڭ مىندەتكە وتىرۋ سالتىنا قاتىناستى

سول جەر ۋاقىتى 1 - ايدىڭ 20 - كۇنى ءتوراعا شي جينپيڭنىڭ ەرەكشە ۋاكىلى، مەملەكەت ءتوراعاسىنىڭ ورىنباسارى حان جىڭ ۇسىنىس بويىنشا ۆاشينگتوندا ا ق ش زۇڭتۇڭى ترامپتىڭ مىندەتكە وتىرۋ سالتىنا قاتىناستى. ا ق ش - داعى كەزىندە حان جىڭ زۇڭتۇڭنىڭ ورىنباسارى بولىپ سايلانعان ۆانسپەن كەزدەستى.

سۋرەتتى شينحۋا اگەنتتىگىنىڭ ءتىلشىسى ليۋ ۋەيبيڭ تۇسىرگەن

شينحۋا اگەنتتىگى، 1 - ايدىڭ 20 - كۇنى ۆاشينگتون (تىلشىلەر شيۇڭ ماۋليڭ، ليۋ چاڭ). سول جەر ۋاقىتى 1 - ايدىڭ 20 - كۇنى ءتوراعا شي جينپيڭنىڭ ەرەكشە ۋاكىلى، مەملەكەت ءتوراعاسىنىڭ ورىنباسارى حان جىڭ ۇسىنىس بويىنشا ۆاشينگتوندا ا ق ش زۇڭتۇڭى ترامپتىڭ مىندەتكە وتىرۋ سالتىنا قاتىناستى.

ا ق ش - داعى كەزىندە حان جىڭ زۇڭتۇڭنىڭ ورىنباسارى بولىپ سايلانعان ۆانسپەن كەزدەستى ءارى ا ق ش - نىڭ ونەركاسىپ - ساۋدا سالاسىنىڭ ۋاكىلى، تەسلا سەرىكتەستىگىنىڭ باس اتقارۋشى ءمانساپتىسى ماسك، برۋكينس عىلمي قوعامىنىڭ قۇرمەتتى ءتوراعاسى سانتون قاتارلىلارمەن جەكە - جەكە كەزدەستى.

ۆانسپەن كەزدەسكەندە حان جىڭ الدىمەن ءتوراعا شي جينپيڭنىڭ ترامپ زۇڭتۇڭعا جولداعان سالەمىن جەتكىزدى ءارى ۆانستىڭ سايلانعانىن قۇتتىقتادى. حان جىڭ مىنالاردى ءبىلدىردى: تاياۋدا ءتوراعا شي جينپيڭ ترامپ زۇڭتۇڭمەن ماڭىزدى سويلەسۋ وتكىزىپ، جۇڭگو - ا ق ش قارىم - قاتىناسىنىڭ كەلەسى كەزەڭدەگى دامۋى جونىندە كوپتەگەن ماڭىزدى ورتاق تانىمعا كەلدى. جۇڭگو جاق ا ق ش جاقپەن بىرگە مەملەكەت باسشىلارى ديپلوماتياسىنىڭ ستراتەگيالىق جەتەكشىلىگىنە تاباندى بولىپ، ءتوراعا شي جينپيڭنىڭ ترامپ زۇڭتۇڭمەن كەلىسكەن ماڭىزدى ورتاق تانىمىن ويداعىداي تياناقتاندىرىپ، جۇڭگو - ا ق ش قارىم - قاتىناسىنىڭ ورنىقتى، اقاۋسىز، باياندى دامۋىن ىلگەرىلەتۋدى قالايدى.

حان جىڭ بىلاي دەپ اتاپ كورسەتتى: قازىر جۇڭگو مەن ا ق ش ءوز دامۋ نىساناسى مەن ارمانىن جۇزەگە اسىرۋعا قۇلشىنۋدا. ەكى جاق ءوزارا قۇرمەت ەتۋ، بەيبىت قاتار تۇرۋ، سەلبەسىپ تەڭ يگىلىكتەنۋ پرينسيپىنە تاباندى بولسا بولعانى، ءسوز جوق، ءوزارا تابىسقا جەتىپ، ەكى ەلگە باقىت جاراتادى ءارى دۇنيە ءجۇزىنىڭ بەيبىتشىلىگى مەن دامۋىنا ماڭىزدى ۇلەس قوسادى. ەكونوميكا - ساۋدا قارىم - قاتىناسى − ەكى جاق بىرگە كوڭىل ءبولىپ وتىرعان ماڭىزدى ماسەلە، جۇڭگو مەن ا ق ش اراسىندا الاۋىزدىق، سۇيكەلىس بولعانىمەن، ءبىراق ەكى ەلدىڭ ورتاق مۇددەسى مەن سەلبەستىك كەڭىستىگى وراسان زور، ەكى جاقتىڭ بۇل جونىندە تىلدەسۋ مەن كەڭەسۋدى كۇشەيتۋىنە بولادى.

ۆانس حان جىڭعا ترامپ زۇڭتۇڭنىڭ ءتوراعا شي جينپيڭگە جولداعان ىقىلاستى سالەمىن جەتكىزىپ قويۋدى تاپسىرىپ، مىنانى ءبىلدىردى: ترامپ زۇڭتۇڭ بىرنەشە كۇننىڭ الدىندا ءتوراعا شي جينپيڭمەن تەلەفوندا سويلەسىپ، ەكى ەل قارىم - قاتىناسىنداعى ماڭىزدى ماسەلەلەر جونىندە تاماشا پىكىرلەستى. ەكونوميكا - ساۋدا قارىم - قاتىناسى ا ق ش، جۇڭگو ەكى جاق جونىنەن دە وتە ماڭىزدى. جۇڭگو حالىقارالىق ىستەردە كۇن سايىن ماڭىزدى ىقپال كورسەتىپ كەلەدى، ا ق ش جۇڭگومەن ۇزاق ۋاقىتتىق، تابىستى قارىم - قاتىناستى دامىتىپ، ەكى جاقتىڭ حالىقارالىق جانە وڭىرلىك ماسەلەلەردەگى پىكىرلەسۋى مەن سەلبەستىگىن كۇشەيتىپ، دۇنيە ءجۇزىنىڭ بەيبىتشىلىگى مەن ورنىقتىلىعىن بىرگە جەبەۋدى قالايدى.

ا ق ش - نىڭ ونەركاسىپ - ساۋدا سالاسىنىڭ ۋاكىلدەرىمەن كەزدەسكەن كەزدە حان جىڭ مىنالاردى ءبىلدىردى: جۇڭگو - ا ق ش قارىم - قاتىناسى جاقسى باستاما جاراتىپ، نىق قادام تاستاپ، ورنىقتى دامۋدى ساقتادى، بۇل جۇڭگو - ا ق ش ەكى ەل حالقىنىڭ ورتاق باقىتى مەن حالىقارالىق قوعامنىڭ جالپى بەتتىك تىلەگىنە ۇيلەسەدى. ا ق ش - نىڭ ونەركاسىپ - ساۋدا سالاسى − ەجەلدەن جۇڭگو - ا ق ش قارىم - قاتىناسىن قولدايتىن تىرەكتى كۇش، جۇڭگو مەن ا ق ش – نىڭ ەكونوميكا - ساۋدا سەلبەستىگىندەگى جانە جۇڭگونىڭ رەفورما جاساپ، ەسىك اشۋىنداعى قاتىناسۋشىلار، كۋاگەرلەر، ۇلەس قوسۋشىلار جانە يگىلىگىن كورۋشىلەر. جۇڭگو رەفورما جاساپ، ەسىك اشۋدى تاباندىلىقپەن ىلگەرىلەتىپ، شارۋاشىلىق - ساۋدا ورتاسىن ۇزدىكسىز جاقسارتادى، ساپالىلاندىرادى. ا ق ش كاسىپورىندارىنىڭ جۇڭگوعا ۇزدىكسىز قارجى قوسىپ، جۇڭگوعا تامىر تارتىپ، كوپىرلىك رولىن بەلسەنە ساۋلەلەندىرىپ، جۇڭگو - ا ق ش قارىم - قاتىناسىنىڭ دامۋىنا اناعۇرلىم زور ۇلەس قوسۋىن ءۇمىت ەتەمىن.

ا ق ش - نىڭ ونەركاسىپ - ساۋدا سالاسىنىڭ ۋاكىلدەرى مىنالاردى ءبىلدىردى: ا ق ش مەن جۇڭگو دۇنيە جۇزىندەگى ەڭ زور ومىرشەڭدىك كۇشكە يە جانە عىلىم - تەحنيكاسى ەڭ دامىعان الدىڭعى ەكى ۇلكەن ەكونوميكالىق تۇلعا رەتىندە ءوزارا ءتيىمدى سەلبەستىك ورىستەتىپ، سىندارلى جانە ورنىقتى وتاسۋ جولىن تابۋى كەرەك. ا ق ش - نىڭ ونەركاسىپ - ساۋدا سالاسى جۇڭگو ەكونوميكاسىنىڭ بولاشاعى مەن جۇڭگوداعى دامۋ ورايىنا قىزىعادى، ا ق ش مەن جۇڭگونىڭ پىكىرلەسۋدى، قارىم - قاتىناستى كۇشەيتىپ، ەكى جاقتى قارىم - قاتىناس پەن ەكونوميكا - ساۋدا سەلبەستىگىنىڭ ۇزدىكسىز العا دامۋىن ىلگەرىلەتۋدى قولدايدى.

ماسكپەن، سانتونمەن كەزدەسكەندە حان جىڭ مىنانى ءبىلدىردى: ا ق ش كاسىپورىندارى مەن ءار سالانىڭ ورايدى مىقتى يگەرىپ، بەلسەنە ءىس تىندىرىپ، جۇڭگونىڭ دامۋ جەتىستىكتەرىنەن بىرگە يگىلىكتەنىپ، جۇڭگو مەن ا ق ش - نىڭ ەكونوميكا - ساۋدا، گۋمانيتارلىق سياقتى كەڭ سالاداعى اۋىس - كۇيىسى مەن سەلبەستىگىن جەبەپ، ەكى جاق بۇقاراسى اراسىنداعى تۇسىنىستىك پەن دوستىقتى كۇشەيتىپ، ەكى ەل قارىم - قاتىناسىنىڭ حالىق رايى نەگىزىن ۇزدىكسىز جاقسارتۋىن جانە بەكەمدەۋىن قارسى الامىز.

ماسك، سانتون مىنانى ءبىلدىردى: ا ق ش مەن جۇڭگونىڭ ەكونوميكا - ساۋدا بارىس - كەلىسى مەن گۋمانيتارلىق اۋىس - كۇيىس سەلبەستىگى ماڭىزدى مانگە يە، وسى ءۇشىن ۇزدىكسىز بەلسەندى رول اتقارۋدى قالايمىز.

كەلۋ قاينارى: حالىق تورابى