جۇڭگو كوممۋنيستىك پارتياسى ورتالىق كوميتەتى مەن مەملەكەتتىك كەڭەس ماڭىزدى قۇجات جاريالادى 

جۇڭگو كوممۋنيستىك پارتياسى ورتالىق كوميتەتى مەن مەملەكەتتىك كەڭەس جۋىردا «اۋىل - قىستاقتى جاپپاي گۇلدەندىرۋ جوباسىن (2024 − 2027 - جىل)» باسىپ تاراتتى.

جوبادا مىنالار العا قويىلدى: 2027 ـ جىلعا بارعاندا، اۋىل ـ قىستاقتى جاپپاي گۇلدەندىرۋدە ماندىك ىلگەرىلەۋشىلىككە قول جەتكىزىلىپ، اۋىل شارۋاشىلىعىن، اۋىل ـ قىستاقتى وسىزامانداندىرۋ تىڭ ساتىعا كوتەرىلەدى؛ 2035 ـ جىلعا بارعاندا، اۋىل ـ قىستاقتى جاپپاي گۇلدەندىرۋدە شەشۋشى سيپاتتى ىلگەرىلەۋشىلىككە قول جەتكىزىلىپ، اۋىل شارۋاشىلىعىن وسىزامانداندىرۋ نەگىزىنەن جۇزەگە اسىرىلىپ، اۋىل ـ قىستاقتا وسىزامانعى تۇرمىس شارت ـ جاعدايى نەگىزىنەن ازىرلەنەدى.

جوبادا قالا مەن اۋىلدىڭ دامۋ اۋقىمىن ساپالىلاندىرىپ، اۋىل ـ قىستاقتى جاپپاي گۇلدەندىرۋدى تۇرگە ءبولىپ، ءتارتىپتى ىلگەرىلەتۋ؛ وسىزامانعى اۋىل شارۋاشىلىعى قۇرىلىسىن جەدەلدەتىپ، استىق حاۋىپسىزدىگىنىڭ نەگىزىن جان ـ جاقتى بەكەمدەۋ؛ اۋىل ـ قىستاقتاعى كاسىپ سالاسىنىڭ جوعارى ساپالى دامۋىن ىلگەرىلەتىپ، شارۋالاردىڭ كىرىسىنىڭ ارتۋىن جەبەۋ؛ اۋىل ـ قىستاق دارىندىلارىن كۇش سالا جەتىلدىرىپ، ءتۇرلى دارىندىلاردى اۋىل ـ قىستاقتى جاپپاي گۇلدەندىرۋگە ات سالىسۋعا باۋراۋ؛ اۋىل ـ قىستاق مادەنيەتىن گۇلدەندىرىپ، جاڭا داۋىردەگى وركەنيەتتى اۋىل سالتىن جەتىلدىرۋ؛ اۋىل - قىستاقتىڭ ەكولوگيالىق وركەنيەت قۇرىلىسىن ىشكەرىلەي ىلگەرىلەتىپ، دامۋ تاسىلىندە جاسىل تيپكە بۇرىلىس جاساۋدى جەدەلدەتۋ؛ قونىستانۋعا، شارۋاشىلىققا قولايلى جانە كورىكتى اۋىل - قىستاق قۇرىپ، شارۋالاردىڭ ىرىس - قۇتىن ارتتىرۋ؛ اۋىل شارۋاشىلىعى، اۋىل - قىستاق رەفورماسىن تەرەڭدەتىپ، اۋىل – قىستاقتى دامىتۋداعى ومىرشەڭدىك كۇشتى قاۋلاتۋ؛ اۋىل – قىستاقتاعى نەگىزگى ساتىداعى ۇيىمدىق قۇرىلىسىن كۇشەيتىپ، اۋىل - قىستاقتى جونگە سالۋدىڭ وسىزاماندانۋىن ىلگەرىلەتۋ ورتاعا قويىلعان.

كەلۋ قاينارى: حالىق تورابى