ۋاڭ حۋنيڭ مەملەكەتتىك ساياسي كەڭەستىڭ ءتوراعالار ءماجىلىسىن باسقارىپ اشتى

شينحۋا اگەنتتىگى، 1 - ايدىڭ 22 - كۇنى، بەيجيڭ. ساياسي كەڭەس 14 - كەزەكتى مەملەكەتتىك كوميتەتىنىڭ 30 - رەتكى ءتوراعالار ءماجىلىسى 1 - ايدىڭ 22 - كۇنى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ ءماجىلىستى باسقاردى ءارى ءسوز سويلەدى.

ءماجىلىس باس شۋجي شي جينپيڭنىڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ ماجىلىسىندە مەملەكەتتىك ساياسي كەڭەس پارتيا باسشىلىق گرۋپپاسىنىڭ قىزمەت مالىمەتىن تىڭداعان كەزدە سويلەگەن ماڭىزدى ءسوزىنىڭ رۋحىن جەتكىزدى، ۇيرەندى، دايەكتىلەندىردى، باس شۋجي شي جينپيڭنىڭ تاياۋ مەزگىلدەگى ماڭىزدى سوزدەرى مەن نۇسقاۋلارىنىڭ رۋحىن جەتكىزدى، ۇيرەندى، دايەكتىلەندىردى. ۋاڭ حۋنيڭ مىنالاردى ءبىلدىردى: باس شۋجي شي جينپيڭنىڭ حالىق ساياسي كەڭەسى قىزمەتى جونىندەگى ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، دايەكتىلەندىرۋ، تياناقتاندىرۋ شارالارىن مۇقيات زەرتتەپ، بەلگىلەپ، ساياسي كەڭەس قىزمەتىنىڭ جوعارى ساپالى دامۋىن ىلگەرىلەتۋ كەرەك. ساياسي كەڭەس مەملەكەتتىك 14 - كەزەكتى كوميتەتىنىڭ 3 - ءماجىلىسىن اشۋعا مۇقيات دايىندالىپ، ۇيىمداستىرىپ، ورتالىقتىڭ 8 ءتۇرلى بەلگىلەمەسىنىڭ رۋحىن تياناقتاندىرۋدى، قۇجات ستيلىن، ءماجىلىس ستيلىن جاقسارتۋدى ءماجىلىستىڭ ءتۇرلى قىزمەتتەرىندە دايەكتىلەندىرۋ كەرەك. جۇڭگو كوممۋنيستىك پارتياسى ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، مەملەكەتتىڭ زور ىستەرى مەن حالىقتىڭ ءجىتى قاداعالاپ وتىرعان ىستەرىنە تىعىز بايلانىستىرا وتىرىپ مىندەت اتقارىپ، جاۋاپكەرشىلىكتى ادا ەتىپ، ”14 - بەسجىلدىق“ جوبانىڭ نىسانالارىن، مىندەتتەرىن جوعارى ساپامەن ورىنداۋعا، ”15 - بەسجىلدىقتىڭ“ تاماشا باستاماسىن جۇزەگە اسىرۋعا اقىل - پاراسات جانە كۇش - قۋات قوسۋ كەرەك. باس شۋجي شي جينپيڭنىڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ دەموكراتيالىق تۇرمىس جيىنىندا، 20 - كەزەكتى ورتالىق ءتارتىپ تەكسەرۋ كوميتەتىنىڭ ءتورتىنشى جالپى ماجىلىسىندە سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيانى باسقارۋ، پارتيانى جونگە سالۋ ساياسي جاۋاپكەرشىلىگىن شىنايى اتقارىپ، ستيلى پاك، سالتى دۇرىس ساياسي ەكولوگيا قالىپتاستىرۋ كەرەك. باس شۋجي شي جينپيڭنىڭ 2025 - جىلعى جاڭا جىلدى قۇتتىقتاۋ ءسوزىنىڭ رۋحىن، پارتيا سىرتىنداعى قايراتكەرلەرمەن كوكتەم مەرەكەسىن بىرگە قارسى العاندا سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، جۇرت تىلەگىن، ورتاق تانىمدى، اقىل - پاراساتتى، كۇش - قۋاتتى ۇيىستىرۋ قىزمەتىن تىڭعىلىقتى ويداعىداي ىستەۋ كەرەك. باس شۋجي شي جينپيڭنىڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ماجىلىسىندە سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيانىڭ حالىق ساياسي كەڭەسىنە جاپپاي باسشىلىعىنا تاباندى بولۋدى جۇڭگو كوممۋنيستىك پارتياسى ورتالىق كوميتەتىنىڭ شەشىمدەرى مەن ورنالاستىرۋلارىن دايەكتى تياناقتاندىرۋدىڭ ءىس جۇزىندىك ارەكەتىندە ايگىلەپ، پارتيا مەن مەملەكەت ىستەرىنىڭ دامۋىنا اناعۇرلىم ويداعىداي قىزمەت ەتۋ كەرەك.

ءماجىلىس ساياسي كەڭەس مەملەكەتتىك كوميتەتى تۇراقتى كوميتەتىنىڭ قىزمەت بايانداماسىن (جوبا) جانە ساياسي كەڭەس مەملەكەتتىك 14 - كەزەكتى كوميتەتىنىڭ 2 - ماجىلىسىنەن بەرگى ۇسىنىس جوبا قىزمەتى جاعدايى جونىندەگى باياندامانى (جوبا) قاراپ ماقۇلداپ، ساياسي كەڭەس مەملەكەتتىك 14 - كەزەكتى كوميتەتى تۇراقتى كوميتەتى 10 - ءماجىلىسىنىڭ قاراۋىنا ۇسىنۋدى ۇيعاردى.

ءماجىلىس تاعى مەملەكەتتىك ساياسي كەڭەس ءتوراعالار ءماجىلىسىنىڭ مەملەكەتتىك ساياسي كەڭەستىڭ 2024 - جىلعى قىزمەت جاعدايى جونىندەگى بايانداماسىن، مەملەكەتتىك ساياسي كەڭەستىڭ 2025 - جىلعى ماڭىزدى قىزمەت تۇيىندەرىن، كوزدەن كەشىرۋ، تەكسەرۋ - زەرتتەۋ جوسپارىن، ءتۇيىندى دەموكراتيالىق باقىلاۋ جوسپارىن، 2025 - جىلعى مەملەكەتتىك ساياسي كەڭەس مۇشەلەرىن شوعىرلى ۇيرەتۋ، باۋلۋ جوسپارىن قاراپ ماقۇلدادى.

ءماجىلىس «حالىق ساياسي كەڭەسىنىڭ كەڭەستىك دەموكراتيا قۇرىلىسى (2024)»، مەملەكەتتىك ساياسي كەڭەس 2024 - جىلى ورىستەتكەن مۇشەلەردىڭ سالاداعى بۇقارامەن بايلانىس جاساۋ قىزمەت جاعدايى جونىندەگى باياندامانى جانە 2025 - جىلعى قىزمەت جوسپارىن جازباشا قارادى.

ءماجىلىس لۋ جيننىڭ ساياسي كەڭەس مەملەكەتتىك 14 - كەزەكتى كوميتەتىنىڭ مۇشەسى تولىمدىلىعىن كۇشىنەن قالدىرۋ جونىندەگى قاۋلىنى قاراپ ماقۇلداپ، ساياسي كەڭەس مەملەكەتتىك 14 - كەزەكتى كوميتەتى تۇراقتى كوميتەتىنىڭ 10 - ءماجىلىسىنىڭ تۇراقتاندىرۋىنا ۇسىندى.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك ساياسي كەڭەس ءتوراعاسىنىڭ ورىنباسارى شى تايفىڭ، مەملەكەتتىك ساياسي كەڭەس ءتوراعاسىنىڭ ورىنباسارلارى حۋ چۇنحۋا، ياڭ جىن باس شۋجي شي جينپيڭنىڭ تاياۋ مەزگىلدەگى ماڭىزدى ءسوزى مەن نۇسقاۋىنىڭ رۋحىن ۇيرەنۋ، دايەكتىلەندىرۋ توڭىرەگىندە ءسوز سويلەدى. مەملەكەتتىك ساياسي كەڭەس ءتوراعاسىنىڭ ورىنباسارى، قوسىمشا باس حاتشىسى ۋاڭ دۇڭفىڭ قاتارلىلار قاتىستى كەڭەستىك تاقىرىپتار جونىندە تۇسىنىك جاسادى.

مەملەكەتتىك ساياسي كەڭەس ءتوراعاسىنىڭ ورىنباسارلارى شىن يۋەيۋە، ۋاڭ يۇڭ، جوۋ چياڭ، لياڭ جىنيىڭ، باتىر، سۋ حۇي، شاۋ حۇڭ، گاۋ يۇنلۇڭ، چىن ۋ، مۋ حۇڭ، شيان حۇي، جياڭ زوجۇن، حى باۋشياڭ، ۋاڭ گۋاڭچيان، چين بويۇڭ، جۋ يۇڭشين ماجىلىسكە قاتىناستى.

كەلۋ قاينارى: حالىق تورابى