ديڭ شۋەشياڭ شۆەتساريادا ساپاردا بولدى

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ ۇسىنىس بويىنشا 1 - ايدىڭ 20 - كۇنىنەن 21 - كۇنىنە دەيىن شۆەتساريادا ساپاردا بولدى. سۋرەتتە: 1 - ايدىڭ 21 - كۇنى ديڭ شۋەشياڭ شۆەتساريا فەدەراتسياسىنىڭ ءتوراعاسى، قوسىمشا قازىنا مينيسترى كايل زۋتەمەن كەزدەسۋدە.

سۋرەتتى شينحۋا اگەنتتىگىنىڭ ءتىلشىسى شىن حۇڭ تۇسىرگەن

«حالىق گازەتى»، 1 - ايدىڭ 22 كۇنى، بەرن (تىلشىلەر شۇي شين، شيە ياحۇڭ). جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ ۇسىنىس بويىنشا 1 - ايدىڭ 20 - كۇنىنەن 21 - كۇنىنە دەيىن شۆەتساريادا ساپاردا بولىپ، شۆەتساريا فەدەراتسياسىنىڭ ءتوراعاسى، قوسىمشا قازىنا مينيسترى كايل زۋتەمەن كەزدەسىپ، فەدەراتسيا ءتوراعاسىنىڭ ورىنباسارى، قوسىمشا ەكونوميكا جانە وقىتۋدى زەرتتەۋ مينيسترى پامرانمەن كەڭەس وتكىزدى.

ديڭ شۋەشياڭ ءتوراعا شي جينپيڭنىڭ، زۇڭلي لي چياڭنىڭ شۆەتساريا جاقتىڭ باسشىلارىنا دەگەن ىقىلاستى سالەمىن جەتكىزدى، كايل زۋتە مەن پامران ديڭ شۋەشياڭعا جۇڭگو باسشىلارىنا ىزگى تىلەكتەرىن جەتكىزىپ قويۋدى تاپسىردى.

ديڭ شۋەشياڭ بىلاي دەدى: شۆەتساريا − ەڭ ەرتە جاڭا جۇڭگونى مويىنداعان ءارى ديپلوماتيالىق قارىم - قاتىناس ورناتقان باتىس ەلدەرىنىڭ ءبىرى. ەكى ەلدىڭ قارىم - قاتىناسى تالاي بوران - شاشىندى باستان كەشىرىپ، ۋاقىت وتكەن سايىن جاڭارىپ، باستان - اياق جۇڭگونىڭ باتىس ەلدەرىمەن قارىم - قاتىناسىندا الدىڭعى لەكتە ءجۇرىپ، تۇرلىشە قوعامدىق ءتۇزىمنىڭ، تۇرلىشە دامۋ ساتىسىنىڭ، تۇرلىشە ۇلكەن - كىشى ەلدەردىڭ ءوزارا قۇرمەتتەۋىنىڭ، سەلبەسىپ تەڭ يگىلىككە كەنەلۋىنىڭ ۇلگىسىنە اينالدى. 2017 - جىلى ءتوراعا شي جينپيڭ شۆەتساريادا مەملەكەتتىك ساپاردا بولدى، ەكى جاق ءبىرقىدىرۋ ماڭىزدى ورتاق تانىمعا كەلىپ، ەكى ەل قارىم - قاتىناسى تىڭ دەڭگەيگە كوتەرىلدى. بيىل − جۇڭگو مەن شۆەتساريانىڭ ديپلوماتيالىق قارىم - قاتىناس ورناتقاندىعىنىڭ 75 جىلدىعى، ەكى جاق ەكى ەل باسشىلارىنىڭ ماڭىزدى ورتاق تانىمىن ويداعىداي تياناقتاندىرىپ، ساياسي ءوزارا سەنىمدىلىكتى تەرەڭدەتىپ، ”بارابار بولۋ، جاڭالىق اشۋ، تەڭ يگىلىككە كەنەلۋ“ سىندى جۇڭگو - شۆەتساريا سەلبەستىگى رۋحىن ونان ارى ساۋلەلەندىرىپ، جۇڭگو مەن شۆەتساريانىڭ جاڭالىق اشۋ ستراتەگيالىق سەرىكتەستىك قارىم - قاتىناسىندا ۇزدىكسىز جاڭا جاعداي اشۋدى ىلگەرىلەتۋى كەرەك.

ديڭ شۋەشياڭ بىلاي دەپ باسا دارىپتەدى: جۇڭگو مەن شۆەتساريانىڭ دوستىق بارىس - كەلىسى مەن ءوزارا ءتيىمدى سەلبەستىگى ەكى ەل حالقىنىڭ ءتۇبىرلى مۇددەسىنە جانە حالىقارالىق قوعامنىڭ ورتاق تىلەگىنە ۇيلەسەدى. ەكى جاق جوعارى جىكتەگىلەردىڭ بارىس - كەلىسىن كۇشەيتىپ، ەكى جاقتى تىلدەسۋ مەحانيزمىنىڭ رولىن ساۋلەلەندىرىپ، دۇرىس ءوزارا تانىمدى بەكەمدەپ جانە دامىتىپ، ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن جاقتاردا ءوزارا قولداۋ كورسەتۋى كەرەك. ابزالدىقتار ارقىلى ءبىرىن - ءبىرى تولىقتاۋدى كۇشەيتىپ، ءوزارا تيىمدىلىك جاساۋعا تاباندى بولىپ، ەركىن ساۋدا كەلىسىمىنىڭ دارەجەسىن جوعارىلاتۋ كەلىسسوزىن جەدەل ىلگەرىلەتىپ، ەرتەرەك ماندىك تابىستارعا قول جەتكىزۋگە كۇش سالۋ كەرەك. جاڭالىق اشۋ سەلبەستىگىن كۇشەيتىپ، تىرشىلىك عىلىمى، جاساندى زەردە، جاسىل تەحنيكانىڭ دامۋىن ىلگەرىلەتۋ جونىندە بىرگە ىزدەنىس جاساپ، ناقتى سەلبەستىكتىڭ جاڭا ارتۋ تۇيىندەرىن جەتىلدىرۋ كەرەك. فينانس جاعىنداعى ۇلاستىرۋ - تۇتاستىرۋدى كۇشەيتىپ، كاپيتال بازارى، كاسىپورىنداردىڭ قارجى قۇراۋى، فينانستى باقىلاۋ - باسقارۋ سياقتى سەلبەستىكتەردى تەرەڭدەتىپ، جاڭا كەزەكتى جۇڭگو - شۆەتساريا فينانس كەڭەسىن ويداعىداي وتكىزۋ كەرەك. گۋمانيتارلىق اۋىس - كۇيىستى كۇشەيتىپ، ديپلوماتيالىق قارىم - قاتىناس ورناتۋدىڭ 75 جىلدىعىن بىرگە قۇتتىقتاۋدى وراي ەتىپ، ”جۇڭگو - شۆەتساريا مادەنيەت جانە ساياحات جىلىن“ ويداعىداي وتكىزىپ، ەكى ەل ادامدارىنىڭ بارىس - كەلىسىنىڭ اناعۇرلىم قولايلى، اناعۇرلىم ءجيى بولۋىن ىلگەرىلەتىپ، جۇڭگو - شۆەتساريا دوستىعىنىڭ حالىق رايى نەگىزىن بەكەمدەۋ كەرەك.

ديڭ شۋەشياڭ مىنالاردى ءبىلدىردى: شۆەتساريا − ماڭگىلىك بەيتاراپ ەل، كوپتەگەن حالىقارالىق ۇيىم تۇرعان جەر، حالىقارالىق جانە وڭىرلىك ىستەردە ەرەكشە رول اتقارۋدا. بيىل − بىرلەسكەن مەملەكەتتەر ۇيىمى قۇرىلعاندىعىنىڭ 80 جىلدىعى. جۇڭگو جاق شۆەتساريا جاقپەن قازىرگى مەحانيزم مەن ارنادان ۇزدىكسىز ويداعىداي پايدالانىپ، كوپ جاقتى ىستەر، سونداي - اق حالىقارالىق، وڭىرلىك قولامتالى ماسەلەلەر جونىندە قارىم - قاتىناستى ساقتاپ، تۇرعىنى سايكەستىرىپ، ناعىز كوپ جاقتىلىقتى بىرگە امالياتتا ايگىلەپ، ادامزاتتىڭ تاعدىرلاس ورتاق تۇلعاسىن قۇرۋعا اناعۇرلىم زور ۇلەس قوسۋدى قالايدى.

كايل زۋتە مىنالاردى ءبىلدىردى: شۆەتساريا شۆەتساريا مەن جۇڭگونىڭ دوستىعىن قاستەرلەيدى، جۇڭگو جاقپەن بىرگە ديپلوماتيالىق قارىم - قاتىناس ورناتۋدىڭ 75 جىلدىعىن قۇتتىقتاۋ، ”شۆەيتساريا - جۇڭگو مادەنيەت جانە ساياحات جىلى“ قيمىلدارىن ويداعىداي وتكىزىپ، شۆەيتساريا مەن جۇڭگونىڭ جاڭالىق اشۋ ستراتەگيالىق سەرىكتەستىك قارىم - قاتىناسىن اناعۇرلىم جوعارى دەڭگەيگە كوتەرۋدى قالايدى. شۆەتساريا مەن جۇڭگونىڭ ەركىن ساۋداعا تاباندى بولۋ، قورعانىمپازدىققا قارسى تۇرۋ ماسەلەسىندە تۇرعىسى بۇكىلدەي بىردەي. شۆەتساريا - جۇڭگو ەركىن ساۋدا كەلىسىمىنىڭ تابىستى حيكاياسى اشىق سەلبەستىك ارقىلىءوزارا تيىمدىلىك جەتكىزىپ، تەڭ يگىلىككە كەنەلۋدى جۇزەگە اسىرۋعا بولاتىندىعىن ايگىلەدى. شىنايى سەلبەستىكتى كۇشەيتىپ، ەركىن ساۋدا كەلىسىمىنىڭ دارەجەسىن جوعارىلاتۋ ارقىلى ەكونوميكانىڭ دامۋىن، گۇلدەنۋىن بىرگە ىلگەرىلەتۋدى قالايمىز.

پامران مىنالاردى ءبىلدىردى: شۆەتساريا مەن جۇڭگو ەكونوميكالىق ابزالدىق جاعىندا ءبىرىن - ءبىرى تولىقتايدى، ورتاق مۇددەسى كەڭ، جاڭالىق اشۋ، فينانس، جوعارى دارەجەلى وقۋ - اعارتۋ، كاسىپتىك تاربيەلەۋ سياقتى سالالارداعى سەلبەستىگىنىڭ كومەسكى كۇشى زور. شۆەتساريا جاق جۇڭگو جاقپەن ەركىن ساۋدا كەلىسىمىنىڭ دارەجەسىن جوعارىلاتۋ كەلىسسوزىن جەدەل ىلگەرىلەتىپ، وزدەرىنىڭ باياندى دامۋىنا دەم بەرۋدى قالايدى. كوپ جاقتى ىستەردەگى تىلدەسۋدى، سايكەسۋدى كۇشەيتىپ، دۇنيە جۇزىلىك سايىستارعا بىرگە توتەپ بەرۋ كەرەك، جۇڭگو جاقتىڭ شۆەتساريا ازاماتتارىنىڭ جۇڭگوعا بارۋىندا ۆيزانى كەشىرىم ەتۋ سياقتى قولايلى شارا قولدانعاندىعىنا العىس ايتامىز، گۋمانيتارلىق اۋىس - كۇيىستى اناعۇرلىم جيىلەتۋدى قالايمىز، اناعۇرلىم كوپ جۇڭگولىق ساياحاتشىنىڭ شۆەتسارياعا كەلىپ، شۆەتساريا مەن جۇڭگونىڭ دوستىعىن كۇشەيتۋىن قارسى الامىز.

كەلۋ قاينارى: حالىق تورابى