حىبەيدەگى جۇمىس ىستەپ تۇرعان بولات - تەمىر كاسىپورىندارىنىڭ بارلىعى ورتانى قورعاۋ ونىمدىلىگىن A دارەجەسىنە جەتكىزدى

«حالىق گازەتى»، 1 - ايدىڭ 22 – كۇنى، شىجياجۋاڭ (تىلشىلەر ۋان شيۋبين، شى زىچياڭ). ءتىلشىنىڭ بىرنەشە كۇننىڭ الدىندا حىبەي ولكەلىك ەكولوگيالىق ورتا مەڭگەرمەسى اشقان ”بولات - تەمىر سياقتى ءتۇيىندى سالالارداعى كاسىپورىنداردىڭ ورتانى قورعاۋ ونىمدىلىگى بويىنشا جاڭالىق اشۋىن ىلگەرىلەتۋ“ جونىندەگى اقپار جاريالاۋ ماجىلىسىنەن ۇعىسۋىنشا، حىبەيدەگى جۇمىس ىستەپ تۇرعان بولات - تەمىر كاسىپورىندارىنىڭ بارلىعىنىڭ ورتانى قورعاۋ ونىمدىلىگى A دارەجەسىنە جەتىپ، جۇمىس ىستەپ تۇرعان بولات - تەمىر كاسىپورىندارى جاپپاي A دارەجەگە جەتكەن.

2023 - جىلى 5 - ايدا باس شۋجي شي جينپيڭ حىبەيدە قىزمەت تەكسەرگەندە ءارى بەيجيڭدى، تيانجيندى، حىبەيدى سايكەستىرە دامىتۋدى ىشكەرىلەي ىلگەرىلەتۋ اڭگىمە ءماجىلىسىن باسقارىپ اشقاندا بىلاي دەپ باسا دارىپتەدى: ”جاپپاي جاسىل تيپكە بۇرىلىس جاساۋدى ىلگەرىلەتۋ بارىسىندا تىڭ ناتيجە جاراتۋ كەرەك“. پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ «قاۋلىسىندا» ”كاسىپورىنداردىڭ سان - سيفر، اقىل - پاراسات تەحنيكاسى، جاسىل تەحنيكا ارقىلى ءداستۇرلى كاسىپ سالالارىن وزگەرتىپ، دارەجەسىن جوعارىلاتۋىن قولداۋ كەرەك“ دەپ اتاپ كورسەتىلدى. تاياۋ جىلداردان بەرى حىبەي ولكەسى بولات - تەمىر سياقتى ءتۇيىندى كاسىپتەر مەن كاسىپورىنداردىڭ قورشاعان ورتانى قورعاۋ بويىنشا A دارەجەگە جەتۋىن ىلگەرىلەتىپ، ءداستۇرلى كاسىپ سالالارىنىڭ تيپكە بۇرىلىس جاساپ، دارەجەسىن جوعارىلاتۋىن ىلگەرىلەتتى.

A دارەجەگە جەتۋ نەنى الا كەلدى؟

بولات بالقىماسىنىڭ بولات تاقتاعا اينالۋىنا نەبارى 7 مينۋت كەتتى! حاندان ۋ - ان قالاسىنداعى حىبەي تايحاڭ بولات - تەمىر توبى شەكتى سەرىكتەستىگى ەرەكشە قىسقا بارىستىق بولات شىڭاۋ تەحنيكاسىن قولدانىپ، پەشتى قىزدىرۋ سياقتى ءداستۇرلى جۇمىس تارتىپتەرىن ۇنەمدەپ، ەنەرگيا قۇراۋىن %40 تومەندەتىپ، ىعىستىرۋدى %70 تومەندەتتى، سونداي - اق نەبارى 0.7 ميلليمەترلىك ساپالى بولات ءوندىردى. ساتۋ ءبولىمىنىڭ باستىعى لي يانپىڭ بىلاي دەپ تانىستىردى: كوپ جىلدىڭ الدىندا تايحاڭ بولات - تەمىر توبى قورشاعان ورتانى قورعاۋ ونىمدىلىگى بويىنشا C دارەجەلى كاسىپورىن بولاتىن، ىعىستىرۋى كوپ، اۋا اۋىر لاستانعان كەزىندە وندىرىسىنە شەك قويىلاتىن، 2023 - جىلى توپ شىت جاڭا ءوندىرىس جەلىسىن ەنگىزىپ، تەحنولوگيا ءتارتىبىن قايتا جاسادى.

حىبەيدىڭ بولات - تەمىر سالاسىنىڭ لاس زاتتاردى شىعارۋ جالپى مولشەرى بۇكىل ولكەنىڭ ونەركاسىپتىك شىعارۋ مولشەرىنىڭ شامامەن %40 ىن ۇستايدى. تاياۋ جىلداردان بەرى جەرگىلىكتى ورىن قورشاعان ورتانى قورعاۋىنا قاراپ قىزمەت ناتيجەسىن باعالاۋدى ورىستەتىپ، ”كوپ ىعىستىرسا، كوپ شەكتەۋ، از ىعىستىرسا، از شەكتەۋ، ىعىستىرماسا، شەك قويماۋ“ سىندى پارىقتى باسقارۋ - مەڭگەرۋ شاراسىن قولدانىپ، بولات - تەمىر كاسىپورىندارىن جاسىل تيپكە بۇرىلىس جاساۋعا باستادى.

A دارەجەگە جەتۋ وڭاي ەمەس، ۇكىمەت پەن كاسىپورىن سەلبەسىپ قامال الادى. تايحاڭ بولات - تەمىر سەرىكتەستىگى مەن عىلمي زەرتتەۋ ورىندارى سەلبەسىپ، تاجىريبەحانانى ءوندىرىس جەلىسىندە قۇردى، كاسىپتىك مەكتەپتەرمەن قول ۇستاسىپ، ونەركاسىپ جۇمىسشىلارىنىڭ ساباقحاناعا كىرىپ ءبىلىم الۋىنا مۇمكىندىك جاسادى. ۋ - ان قالاسىنىڭ ەكولوگيالىق ورتا تاراۋلارى كاسىپورىنداردىڭ A دارەجەگە جەتۋ قاجەتىمەن سايكەسىپ، قاتىستى مامانداردى ۇيىمداستىرىپ، ءتۇيىندى تۇردە كومەكتەسۋ - سۇيەمەلدەۋدى ورىستەتتى.

تۇيىننەن سۇيەمەلدەپ، جالپى بەتتىك كۇش سالدى. حىبەي بولات - تەمىر سياقتى ءتۇيىندى كاسىپتەردىڭ ورتانى قورعاۋ جاعىندا A دارەجەگە جەتۋ ولشەمىن ورتاعا قويدى، ولكەدەگى ءتۇيىندى كاسىپتەردىڭ ورتانى قورعاۋدا A دارەجەگە جەتۋى بويىنشا ماماندار كوميسسياسىن قۇرىپ، سالالار بويىنشا تەحنيكا جاقتان كومەك بەرۋ گرۋپپالارىن قۇرىپ، پارىقتى توك باعاسى، سيلىق تولىقتاماسى سياقتى ءتۇرلى قولداۋ ساياساتتارىن شىعاردى.

جالپى بەتتىك A دارەجەگە جەتۋ جاسىل تيپتە بۇرىلىس جاساۋعا، كاسىپ دارەجەسىن جوعارىلاتۋعا جەتەكشىلىك ەتتى. 2024 - جىلى 12 - ايدا تايحاڭ بولات - تەمىر شەكتى سەرىكتەستىگى A دارەجەگە جەتۋ نىساناسىن جاپپاي جۇزەگە اسىرىپ، جاڭادان وندىرىلگەن 20 نەشە ءتۇرلى تاڭداۋلى بولات – تەمىر ءونىمىنىڭ ساتىلىم سوماسى سەرىكتەستىكتىڭ جالپى ساتىلىم سوماسىنىڭ جارىمىنان استامىن يەلەدى. العاشقى مەجەگە قاراعاندا، حىبەي ولكەسىنىڭ بولات - تەمىر كاسىپورىندارى A دارەجەگە جەتۋدى جاپپاي جۇزەگە اسىرعاننان كەيىن لاس زاتتاردىڭ ىعىستىرىلۋ مولشەرىن %30 تەن استام ازايتۋعا بولادى ەكەن.

تاياۋ جىلداردان بەرى قورشاعان ورتانى قورعاۋ ونىمدىلىگى جاعىندا A دارەجەگە جەتۋ كوكىستەندىرۋ، قۇرىلىس فارفورى سياقتى 7 ءتۇيىندى كاسىپ سالاسىنا كەڭەيىپ، قورشاعان ورتانى قورعاۋ ونىمدىلىگى بويىنشا A دارەجەگە جەتكەن كاسىپورىن 138 گە جەتتى. حىبەي ولكەلىك پارتكومداعى نەگىزگى جاۋاپتى جولداس مىنانى ءبىلدىردى: ”ساياساتتىق جەتەكتەۋدى ۇزدىكسىز كۇشەيتىپ، عىلىم - تەحنيكادا جاڭالىق اشۋ ارقىلى جەتەكتەۋدى كۇشەيتىپ، جاڭا تەحنيكالاردى، جاڭا تەحنولوگيالاردى، جاڭا جابدىقتاردى بەلسەنە جالپىلاستىرىپ، جاپپاي جاسىل تيپكە بۇرىلىس جاساۋدى ىلگەرىلەتۋ بارىسىندا جوعارى ساپالى دامۋدى جەدەلدەتىپ، ەكونوميكادا قۋاتتى ولكە، كورىكتى حىبەي قۇرۋدى جەدەلدەتۋگە پارمەندى تىرەك ازىرلەيمىز“.

كەلۋ قاينارى: حالىق تورابى