جاراتىلىستىق بايلىق مينيسترلىگى مەن جۇڭگو اۋا رايى مەكەمەسى بىرلەسىپ گەولوگيالىق اپاتتىڭ سارى ءتۇستى ساقتىق دابىلىن جاريالادى

جۇڭگو اقپارات تورابىنىڭ 7 – ايدىڭ 6 – كۇنى بەرگەن حابارى. جاراتىلىستىق بايلىق مينيسترلىگى ۋيچات الەۋمەتتىك تەكشەسىنىڭ حابارىنا قاراعاندا، جاراتىلىستىق بايلىق مينيسترلىگى مەن جۇڭگو اۋا رايى مەكەمەسى 7 – ايدىڭ 6 – كۇنى ساعات 18 دە گەولوگيالىق اپات اۋا رايى حاۋىپ – قاتەرى ساقتىق دابىلىن جاريالاعان:

2025 – جىلى 7 – ايدىڭ 6 – كۇنى ساعات 20 دان 7 – ايدىڭ 7 – كۇنى ساعات 20 عا دەيىن سانشيدىڭ ورتا، سولتۇستىك بولەگى، ىشكى موڭعۇلدىڭ ورتا بولەگى، يۇنناننىڭ باتىس بولەگى قاتارلى ءىشىنارا جەرلەردە گەولوگيالىق اپات تۋىلۋ قاتەرى ءبىرشاما جوعارى بولادى (سارى ءتۇستى ساقتىق دابىلى).

ءار دارەجەلى ۇكىمەتتەر مەن قاتىستى تاراۋلار شۇعىل جاعدايعا توتەپ بەرۋ جوباسى بويىنشا گەولوگيالىق اپاتتان ساقتانۋ قىزمەتىن ويداعىداي ىستەۋى كەرەك. قوعامداعى بۇقارانىڭ گەولوگيالىق اپات اۋا رايى حاۋىپ - قاتەرىنەن ساقتاندىرۋ ينفورماتسياسىنا دەر كەزىندە نازار اۋدارىپ، گەولوگيالىق اپاتتاردان ساقتاندىرۋ وڭىرىنە ابايلاپ بارۋىن ءۇمىت ەتەمىز.

سارى ءتۇستى ساقتىق دابىلى رايونىنداعى قىزمەتكەرلەر ساقتىق ينفورماتسياسىنىڭ وزگەرىسىنە قاي - قاشان دا نازار اۋدارىپ، جاقىن ماڭداعى ساقتىق بەلگىلەرىنە نازار اۋدارىپ، اڭعار، بەتكەي، جالاما جارتاس قاتارلى حاۋىپ - قاتەرى جوعارى وڭىرلەردە تۇرماۋى كەرەك.

كەلۋ قاينارى: حالىق تورابى