ورتالىقتىڭ ءوندىرىس حاۋىپسىزدىگىن باعالاۋ، شارلاپ تەكسەرۋ گرۋپپاسى الدا ورنالاسادى 

ءتىلشىنىڭ 10 – ايدىڭ 9 – كۇنى شۇعىل جاعدايعا توتەپ بەرۋدى باقىلاۋ – باسقارۋ مينيسترلىگىنەن ۇعىسۋىنشا، ورتالىقتىڭ 2025 – جىلعى ءوندىرىس حاۋىپسىزدىگىن باعالاۋ، شارلاپ تەكسەرۋ قىزمەتى جونىندەگى ورنالاستىرۋىنا ساي، 11 – ايدا ورتالىقتىڭ ءوندىرىس حاۋىپسىزدىگىن باعالاۋ، شارلاپ تەكسەرۋ جۇرگىزۋ گرۋپپاسىنان 22 گرۋپپا 31 ولكە، اۆتونوميالى رايون، توتە قاراستى قالاعا جانە شينجياڭ ءوندىرىس – قۇرىلىس بيڭتۋانىنا ورنالاسىپ، جىلدىق باعالاۋ جانە شارلاپ تەكسەرۋ قىزمەتىن ورىستەتەدى.

10 – ايدىڭ 9 – كۇنىنەن 10 – ايدىڭ 31 – كۇنىنە دەيىن، مەملەكەتتىك كەڭەستىڭ ءوندىرىس حاۋىپسىزدىگى كوميتەتى كەڭسەسى ينتەرنەت، تەلەفون، حات قاتارلى ءۇش ءتۇرلى جولمەن، جۇرتشىلىق اڭىس ەتكەن جانە جۇمىسشى – قىزمەتكەرلەر مالىمدەگەن ماسەلەلەر مەن كومەسكى قاتەرلەردىڭ دەرەگىن قابىلداپ ءبىر جاقتى ەتەدى. قابىلداپ ءبىر جاقتى ەتۋ كولەمى، باستىسى، ءوندىرىس حاۋىپسىزدىگىنە قاتىستى كەلەلى ماسەلەلەر مەن كومەسكى قاتەرلەر، ءوندىرىس حاۋىپسىزدىگىنە قاتىستى زاڭ – تۇزىمگە قايشى ارەكەتتەر قاتارلىلارعا سايادى، سونىمەن بىرگە، قاتىستى تاراۋلار مەن كاسىپورىندارداعى ءبىرىنشى شەپتەگى كادرلار مەن جۇمىسشى – قىزمەتكەرلەر اڭىس ەتكەن ءار دارەجەلى تاراۋلاردىڭ ءوندىرىس حاۋىپسىزدىگىنە ساياتىن جاۋاپكەرشىلىكتى تياناقتاندىرۋى جاعىندا ساقتالىپ وتىرعان ماسەلەلەردى، ءوندىرىس حاۋىپسىزدىگى قىزمەتىن كۇشەيتۋ جانە جاقسارتۋ جاعىنداعى پىكىرلەردى قابىلداپ ءبىر جاقتى ەتەدى.

بارشا كادرلار مەن جۇرتشىلىقتىڭ سول جەردەگى ءوندىرىس حاۋىپسىزدىگىنە قاتىستى ماسەلەلەردىڭ جانە كومەسكى قاتەرلەردىڭ دەرەگىمەن بەلسەندى تۇردە قامداپ، قاتىستى جاعدايلاردى وبيەكتيۆ، شىنايى اڭىس ەتۋىن قارسى الامىز. (باس ستانسيا ورتالىق تەلەۆيزيا ءتىلشىسى تاڭ گورۇڭ)

كەلۋ قاينارى: حالىق تورابى