بازاردى باقىلاۋ – باسقارۋ باس مەڭگەرمەسى ”قوس ون ءبىر“ مەزگىلىندە ينتەرنەت ارقىلى ساتىلعان 3347 توپتاعى (رەت) ازىق – تۇلىككە ارناۋلى تۇردە ۇلگى الىپ تەكسەرۋ جۇرگىزدى 

ورتالىق تەلەۆيزيا تورابىنىڭ حابارى: جۋىردا بازاردى باقىلاۋ – باسقارۋ باس مەڭگەرمەسى ينتەرنەت ارقىلى تۇتىنۋ ءبىرشاما قاۋىرت بولاتىن ”قوس ون ءبىر“ مەزگىلىندە ينتەرنەت ارقىلى ساتىلعان ازىق – تۇلىكتەرگە ارناۋلى تۇردە ۇلگى الىپ تەكسەرۋ جۇرگىزىپ، جيىنى 3347 توپتاعى (رەت) ۇلگى الىپ تەكسەرۋ جۇرگىزۋدى ورىنداپ، ”قوس ون ءبىر“ مەزگىلىندەگى تۇتىنۋ بازارىنا باقىلاۋ – باسقارۋ جۇرگىزۋدى كۇشەيتتى.

وسى رەتكى ارناۋلى تۇردە ۇلگى الىپ تەكسەرۋ بارىسى دوۋيىن، كۋايشوۋ، تاۋباۋ (تيانماۋدى قامتيدى) قاتارلى ينتەرنەتتەگى نەگىزگى تەكشەلەر مەن ينتەرنەتتەگى 2288 تىكە تاراتىلىم بولمەسىن قامتىدى، وتىمدىلەندىرۋ قيمىلى ءجيى وتكىزىلەتىن قولايلى ازىق – تۇلىكتەر، اراقتار، بالكۇلشەلەر قاتارلى 23 ءتۇرلى ازىق – تۇلىك تۇرىنە سايادى. مۇندا استىقتان مانەرلەنگەن زاتتار، پراندىكتەر قاتارلى ازىق – تۇلىك تۇرلەرىنىڭ بارلىعىنان تولىمسىز ءونىم شىقپاعان، ءتاتتى كارتوپ پىنتۋزىسى قاتارلى ازىق – تۇلىكتەردەن جالعانىن ارالاستىرۋ ماسەلەسى بايقالعان، ارىقتاتۋ رولى بار دەپ ۇگىتتەلگەن ءبىر ءبولىم كامپيت، بالاما شاي، قاتتى كۇيدەگى سۋسىن قاتارلىلاردان سەننوسايد A، سەننوسايد B قاتارلى ءىش جۇرگىزەتىن قۇرام انىقتالعان.

ۇلگى الىپ تەكسەرۋدە تولىمسىز بولعان ازىق – تۇلىكتەرگە باعىتتاي وتىرىپ، بازاردى باقىلاۋ – باسقارۋ باس مەڭگەرمەسى سول جەردەگى بازاردى باقىلاۋ – باسقارۋ تاراۋلارىن تەكسەرىپ ءبىر جاقتى ەتۋگە، ازىق – تۇلىك حاۋىپسىزدىگىنە ساياتىن حاۋىپ – قاتەرلەردى قاتاڭ تەجەۋگە، ازىق – تۇلىك حاۋىپسىزدىگىنە قاتىستى نەگىزگى تۇلعالىق جاۋاپكەرشىلىكتى شىنايى تياناقتاندىرۋعا قۋزاعان.

بازاردى باقىلاۋ – باسقارۋ باس مەڭگەرمەسى مىنانى ەرەكشە ەسكەرتەدى: تۇتىنۋشىلار ينتەرنەت ارقىلى ازىق – تۇلىك ساتىپ العان كەزدە، تولىمدىلىعى بار تەكشەلەر مەن ساۋدا دۇكەندەرىن تاڭداۋى، ازىق – تۇلىك وندىرۋگە رۇقسات بەرۋ كۋالىگى، ءونىمنىڭ قۇرامى قاتارلى ينفورماتسيالاردى مۇقيات تەكسەرۋى، ”وتە تومەن باعاداعى“، ”اسا شيپالى“ دەگەن سياقتى اسىرەلەگەن ۇگىتتەرگە الدانباعانى ءجون.

كەلۋ قاينارى: حالىق تورابى