1444.49 توننا! ەلىمىز تۇڭعىش مىڭ توننالىق دارەجەدەگى التىن كەنىن بارلاپ انىقتادى 

جاراتىلىستىق بايلىق مينيسترلىگىنىڭ 11 – ايدىڭ 14 – كۇنى جاريالاۋىنشا، لياۋنيڭ ولكەسىندە ەلىمىز بويىنشا تۇڭعىش مىڭ توننالىق دارەجەدەگى تومەن ساپاداعى ەرەكشە ءىرى تيپتى التىن كەنى — دادۇڭگوۋ التىن كەنى ءساتتى بارلاپ انىقتالعان. بارلاپ انىقتالعان التىن رۋداسىنىڭ مولشەرى 2 ميلليارد 586 ميلليون توننا، التىن بايلىعىنىڭ مولشەرى 1444.49 توننا، ورتاشا ساپاسى تونناسىنا 0.56 گرام. بۇل جاڭا جۇڭگو قۇرىلعاننان بەرى ءبىر ورىننان بايقالعان كولەمى ەڭ ءىرى التىن كەنى، ول ەلىمىزدىڭ ”قىسقا مەرزىمدىك، جوعارى ساپالى“ التىن كەنىن بارلاۋدىڭ باستاماسىن اشىپ، ەلىمىزدىڭ التىن بايلىعىنىڭ ستراتەگيالىق زاپاس قورىن اناعۇرلىم بەكەمدەپ، التىن كەنىنىڭ قالىپتاسۋى نازارياسىن كورنەكتى بايىتتى، بولاشاقتا دۇنيە جۇزىلىك دارەجەدەگى التىن كەنى كاسىپ سالاسى بازاسىن قالىپتاستىرىپ، شىعىس سولتۇستىكتى جاپپاي گۇلدەندىرۋگە جانە جوعارى ساپالى دامىتۋعا قىزمەت وتەيدى.

كەلۋ قاينارى: حالىق تورابى