بۇكىل پارتيادا دۇرىس ساياسي ناتيجە كوزقاراسىن ورناتۋ جانە امالياتتا ايگىلەۋ ۇيرەنۋ تاربيەسىن ورىستەتەيىك

شينحۋا اگەنتتىگى، 2 - ايدىڭ 23 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتى كەڭسە مەڭگەرمەسى تاياۋدا «بۇكىل پارتيادا دۇرىس ساياسي ناتيجە كوزقاراسىن ورناتۋ جانە امالياتتا ايگىلەۋ ۇيرەنۋ تاربيەسىن ورىستەتۋ جونىندەگى ۇقتىرۋدى» (تومەندە قىسقاشا «ۇقتىرۋ» دەلىنەدى) باسىپ تاراتتى.

«ۇقتىرۋدا» مىنالار اتاپ كورسەتىلدى: پارتيا ورتالىق كوميتەتىنىڭ ماقۇلداۋىمەن بۇكىل پارتيادا دۇرىس ساياسي ناتيجە كوزقاراسىن ورناتۋ جانە امالياتتا ايگىلەۋ ۇيرەنۋ تاربيەسى ورىستەتىلەدى (تومەندە قىسقاشا ۇيرەنۋ تاربيەسى دەلىنەدى). ۇيرەنۋ تاربيەسى اۋدان، باسقارما دارەجەلىدەن جوعارى باسشىلىق القالارى مەن باسشى كادرلاردى، اسىرەسە، ”ءبىرىنشى باسشىنى“ ماڭىزدى ءتۇيىن ەتىپ، 2026 - جىلعى كوكتەم مەرەكەسى دەمالىسىنان كەيىن باستالىپ، 7 - ايدىڭ سوڭىندا نەگىزىنەن اياقتايدى.

«ۇقتىرۋدا» مىنالار ايقىندالدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتىنىڭ ءار رەتكى جالپى ءماجىلىسىنىڭ رۋحىن ىشكەرىلەي دايەكتىلەندىرىپ، ءتورتىنشى جالپى ءماجىلىستىڭ ورنالاستىرۋىن مۇقيات تياناقتاندىرىپ، باس شۋجي شي جينپيڭنىڭ دۇرىس ساياسي ناتيجە كوزقاراسىن ورناتۋ جانە امالياتتا ايگىلەۋ جونىندەگى ماڭىزدى بايىمداۋلارىن جاپپاي دايەكتىلەندىرىپ، پارتيانى جاپپاي قاتاڭ جونگە سالۋدى تاباندىلىقپەن ىلگەرىلەتىپ، جالپى ءۇشىن پارتيا قۇرۋ، حالىققا باقىت جاراتۋ، عىلمي شەشىم جاساۋ، شىنايى يگەرىپ، ناقتى ىستەۋدى جالپى تالاپ ەتىپ، ۇيرەنۋ، تەكسەرۋ، وزگەرتۋدى ءبىر تۇلعالاندىرىپ ىلگەرىلەتۋدى تۇتقا ەتىپ، ءار دارەجەلى پارتيا ۇيىمدارى مەن پارتيا مۇشەلەرىن، كادرلاردى شىندىقتى ءىس جۇزىنەن ىزدەۋگە، شىندىققا جۇگىنىپ، ناقتى ءىس ىستەۋگە تاباندى بولىپ، حالىق ءۇشىن قىزمەت ىستەپ، ناقتى ءىس ىستەۋ ارقىلى ناتيجە كوزقاراسىنداعى اعاتتىقتاردان ءونىمدى ساقتانىپ جانە ونى تۇزەتىپ، پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىن باتىل، پارمەندى دايەكتى تياناقتاندىرىپ، جاڭا دامۋ ۇستانىمىن تولىق، دۇرىس، جان - جاقتى دايەكتىلەندىرىپ، جاڭا دامۋ جاعدايىن جەدەل قالىپتاستىرىپ، جوعارى ساپالى دامۋدى كۇش سالا ىلگەرىلەتىپ، امالياتتىڭ، حالىقتىڭ، تاريحتىڭ سىنىنان وتە الاتىن ناقتى ناتيجە جاراتىپ، ”15 - بەسجىلدىقتا“ جاقسى باستاما اشىپ، جاقسى قادام باسۋدى ىلگەرىلەتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ ءۇشىن پارمەندى كەپىلدىك ازىرلەۋگە تاربيەلەۋ، جەتەكتەۋ كەرەك.

«ۇقتىرۋدا» مىنالار باسا دارىپتەلدى: ۇيرەنۋ تاربيەسىندە نازاردى نەگىزگى تاقىرىپقا شوعىرلاندىرۋعا، قاراپايىم، ناقتى بولۋعا تاباندى بولىپ، توپقا، كەزەڭگە بولمەي، ۇيرەنۋ، زەرتتەۋ - تالقىلاۋ، ماسەلەلەردى تەكسەرىپ ورتاعا قويۋ، رەتتەۋ - تۇزەتۋ، وڭاۋ، ەرەجە - ءتۇزىم ورناتۋ، اشىق تاربيە جۇرگىزۋ سياقتى قىزمەت ورنالاستىرۋلارىن مۇقيات تياناقتاندىرۋ كەرەك. پارتيا مۇشەلەرىن، كادرلاردى باس شۋجي شي جينپيڭنىڭ دۇرىس ساياسي ناتيجە كوزقاراسىن ورناتۋ جانە امالياتتا ايگىلەۋ جونىندەگى ماڭىزدى بايىمداۋلارىن، «جۇڭگو كوممۋنيستىك پارتياسى ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 15 - بەسجىلدىق جوباسىن جاساۋ جونىندەگى ۇسىنىسىن»، باس شۋجي شي جينپيڭنىڭ ءوز ءوڭىرى، ءوز تاراۋى، ءوز سالاسى جونىندەگى ماڭىزدى سوزدەرى مەن ماڭىزدى نۇسقاۋلارىنىڭ رۋحىن ىشكەرىلەي ۇيرەنۋگە ۇيىمداستىرىپ، پارتيانى جالپى ءۇشىن قۇرۋ، حالىقتى باقىتقا كەنەلتۋ ۇستانىمىن ونان ارى كۇشەيتۋ كەرەك. اۋدان، باسقارما دارەجەلىدەن جوعارى باسشىلىق القالارى مەن ونىڭ مۇشەلەرى قۋزاۋ، تەكسەرۋ، تەكسەرىپ - زەرتتەۋ، بۇقارانىڭ اڭىسىن ۇعىسۋ سياقتى جولدارمەن ساياسي ناتيجە كوزقاراسى جاعىندا ورىن تەۋىپ وتىرعان ماسەلەلەردى ىشكەرىلەي تاۋىپ، پارتيالىلىق جاقتان پارىقتاردى تاۋىپ، ءتۇپ توركىنىن تەكسەرىپ، تاربيەلەنۋدى كۇشەيتۋى كەرەك. ورتالىقتىڭ شارلاۋ، رەتتەۋ - تۇزەتۋى، ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىنىڭ رەتتەۋ - تۇزەتۋى، ”15 - بەسجىلدىق“ جوبانى جاساۋ، اتقارۋ، ەكولوگيالىق ورتانى قورعاۋدى باقىلاۋ - تەكسەرۋ، رەتتەۋ - تۇزەتۋ سياقتىلارمەن ۇشتاستىرۋعا تاباندى بولىپ، ءبىر جاعىنان تەكسەرىپ، ءبىر جاعىنان تۇزەتىپ، تاباندا اتقارىپ، تاباندا تۇزەتىپ، كورنەكتى ماسەلەلەردى شوعىرلى جونگە سالىپ، رەتتەۋ - تۇزەتۋدىڭ تياناقتانۋىن ۇزدىكسىز ىلگەرىلەتۋ كەرەك. ەرەجە - ءتۇزىم ورناتۋدى ويداعىداي ىستەپ، قازىر اتقارىلىپ وتىرعان ءتۇزىم مەحانيزمىندەگى دۇرىس ساياسي ناتيجە كوزقاراسىنىڭ تالابىنا ۇيلەسپەيتىن بەلگىلەمەلەردى ىشكەرىلەي تاۋىپ، كۇشىنەن قالدىرۋعا تيىستىلەرىن كۇشىنەن قالدىرۋ، وزگەرىس ەنگىزۋگە تيىستىلەرىن وزگەرتۋ كەرەك. اشىق تاربيە بەرۋگە تاباندى بولىپ، ماسەلەلەردى تەكسەرىپ ورتاعا قويىپ، بۇقارانىڭ پىكىرىن تىڭداپ، رەتتەۋ - تۇزەتۋدى، جونگە سالۋدى قابىلداپ، بۇقارانىڭ باقىلاۋىن قابىلداپ، تەكسەرۋدىڭ ءونىمدى بولۋىندا بۇقارانىڭ باعالاۋىن قابىلداۋ؛ حالىق تۇرمىسىن نەگىزگى ورىنعا قويۋعا تاباندى بولىپ، بۇقارا ءۇشىن كوبىرەك ناقتى ىستەر ىستەپ، بۇقارانىڭ سەزىنۋىنە مۇمكىندىك جاساۋ كەرەك.

«ۇقتىرۋدا» مىنالار تالاپ ەتىلدى: ءار دارەجەلى پارتكومدار (پارتيا باسشىلىق گرۋپپاسى) ۇيرەنۋ تاربيەسىن ورىستەتۋدى ماڭىزدى ساياسي مىندەت ەتىپ، دەن قويا ۇيىمداستىرىپ اتقارىپ، ناقتى ونىمدىلىككە قول جەتكىزۋگە شىنايى كەپىلدىك ەتۋى كەرەك. پارتكومداعى (پارتيا باسشىلىق گرۋپپاسى) نەگىزگى جاۋاپتى جولداستار ءبىرىنشى جاۋاپتى ادامنىڭ جاۋاپكەرشىلىگىن ويداعىداي اتقارۋى كەرەك. تۇرلىشە دارەجە، رايون، سالا، كاسىپ سالاسىنىڭ ءىس جۇزىندىك جاعدايىمەن ۇشتاستىرىپ، تۇرگە ءبولىپ جەتەكشىلىك ەتۋدى كۇشەيتۋ كەرەك. ۇگىتتەۋدى، جەتەكتەۋدى ويداعىداي ىستەپ، فورماشىلدىقتان بارىنشا ساقتانۋ كەرەك.