سيفرلاندىرۋ ارقىلى بەيزاتتىق مادەني مۇرالارعا مۇراگەرلىك ەتۋگە بولادى (تياناقتاندىرۋدىڭ قايتىمدى اڭىسى . ساياسي كەڭەستىڭ ۇسىنىس جوبالارىن جوعارى ساپامەن شەشۋ)

”بەيزاتتىق مادەني مۇرالارعا مۇراگەرلىك ەتۋدە تەك ’اۋىزشا تاراتۋعا، كوڭىلدە ۇيرەتۋگە‘ عانا سۇيەنۋگە بولمايدى، سيفرلاندىرۋ داۋىرىندە، اناعۇرلىم وزىق تاسىلمەن بايىرعى مادەنيەتتى جانداندىرۋعا، جالعاستىرۋعا تۋرا كەلەدى“.

2025 - جىلعى مەملەكەتتىك ەكى ءماجىلىس كەزىندە، مەملەكەتتىك ساياسي كەڭەستىڭ مۇشەسى، يۇننان ولكەسى حۇڭحى اۋدانى يۇيني مادەنيەت - كوركەمونەرگە مۇراگەرلىك ەتۋ ورتالىعىنىڭ باستىعى ياڭ يۇيني تاپسىرعان «بەيزاتتىق مادەنيەت مۇرالارىن سيفرلاندىرۋ بايلىق قامباسىن قۇرۋ» جونىندەگى ۇسىنىس جوبا جۇرت نازارىن جاپپاي اۋداردى.

بەيزاتتىق مادەني مۇرالار سالاسىنداعى از ۇلت مۇشەسى رەتىندە، تاياۋ جىلداردان بەرى ياڭ يۇيني بەيزاتتىق مادەني مۇرالارعا مۇراگەرلىك ەتۋ ىستەرىنە ۇزدىكسىز ءۇن قوستى. بەيزاتتىق مادەني مۇرالاردىڭ قازىرگى جاعدايىنا ىشكەرىلەي ارالاپ، كوپ جەردە تەكسەرىپ - زەرتتەۋ جۇرگىزگەننەن كەيىن، ول قازىر بەيزاتتىق مادەني مۇرالارعا مۇراگەرلىك ەتۋدىڭ اۋىر سايىسقا ءدوپ كەلگەنىن بايقادى. مىسالى، مۇراگەرلەر قاۋىمىنىڭ قارتتانۋ قۇبىلىسى كورنەكتى بولعان؛ مۇراگەرلىك ءتاسىلى ۇستاز، شاكىرت، اۋلەتكە مۇراگەرلىك ەتۋ سياقتى ءداستۇرلى ۇلگىمەن شەكتەلگەن؛ تارالۋ كولەمى ءوڭىر، فورما سياقتىلاردىڭ شەكتەمەسىنە ۇشىراپ، بۇقاراعا كەڭ كولەمدە ىقپال جاساي الماعان. ءتۇرلى ماسەلەلەر ءبىر ءبولىم بەيزاتتىق مادەني مۇراعاتتاردى بىرتىندەپ شەتكە قاعۋعا، ءتىپتى جوعالۋ حاۋپىنە ۇشىراتقان.

”ءبىزدىڭ مادەنيەت تامىرىمىز دەن قويا قورعاۋمەن بىرگە، ونان دا ماڭىزدىسى، وزىق تاسىلمەن ءومىر ءسۇرۋ، جاڭالانۋى كەرەك“. ياڭ يۇيني تەكسەرۋ - زەرتتەۋ جۇرگىزگەننەن كەيىنگى وي جۇگىرتۋدى ۇسىنىس جوبا ۇسىنىسىنا اينالدىردى. ول مىنالاردى ۇسىنىس ەتتى: وزىق ينفورماتسيا تەحنيكاسىنان پايدالانىپ، مەملەكەت بويىنشا ءبىرىڭعايلاندىرۋعا كەلەتىن بەيزاتتىق مادەني مۇرالارىن سيفىرلاندىرۋ بايلىق قامباسىن قۇرىپ، بىتىراندى ونەر، نوتا سياقتى يادرولىق ماتەريالداردى ماڭگىلىك ساقتاپ جانە D3 مودەلىن قۇرۋ، AR تەحنيكاسى ارقىلى شوگۋ فورماسىنداعى دامۋدى جۇزەگە اسىرىپ، ”اۋىزشا تاراتىپ، كوڭىلدە ۇيرەتۋ“ سىندى مۇراگەرلىك ەتۋ شەكتەمەسىن تالقانداۋىمىز؛ مەملەكەت دارەجەلى ارناۋلى قارجى قۇرىپ، جوعارى مەكتەپتەردىڭ، مۇراگەرلىك ەتۋ بازالارىنىڭ، كاسىپورىنداردىڭ سەلبەسىپ ادام تاربيەلەۋىن ىلگەرىلەتىپ، بەيزاتتىق مادەنيەت مۇرالارى سيفرلى قولدانىلمالى دارىندىلارىن جەتىلدىرىپ، جاستاردى بەيزاتتىق مادەنيەت مۇرالارىن جالعاستىرۋعا باۋراۋىمىز؛ مەملەكەتتىك بەيزاتتىق مادەني مۇرالار سيفرلى امبەباپ تۇعىرىن قالىپتاستىرىپ، كورمەگە قويۋ، باستان كەشىرۋ، ساۋدالاۋ يقۋاتىن توعىستىرىپ، بەيزاتتىق مادەني مۇرالار بايلىعىنىڭ ەكونوميكالىق باسىمدىققا اينالۋىن ىلگەرىلەتىپ، مۇراگەرلىك ەتۋدىڭ، دامىتۋدىڭ تاماشا اينالىمىن قالىپتاستىرۋىمىز كەرەك.

2025 - جىلى 9 - ايدا ياڭ يۇيني مادەنيەت جانە ساياحات مينيسترلىگىنىڭ ۇسىنىس جوباعا جاۋاپ قايتارۋ حاتىن تاپسىرىپ الدى. جاۋاپ قايتارۋدا بىلاي دەلىندى: مادەنيەت، ساياحات تاراۋلارى بەيزاتتىق مادەني مۇرالار سالاسىنىڭ دامۋىنا وسكەلەڭ ءمان بەرىپ، كاسىپتىك تەكشە قۇرىلىسى جونىندە ىزدەنىس جاساۋدى بەلسەنە ىلگەرىلەتىپ، بەيزاتتىق مادەني مۇرالاردى تاراتۋعا قاتىستى نەگىزدىك، كورەگەندىك زەرتتەۋدى ورىستەتىپ، تەحنيكالىق جاڭالىق جاراتۋ قابىلەتىن جوعارىلاتتى.

”ۇسىنىس جوباعا ءمان بەرىلىپ جانە تياناقتاندىرىلىپ، بەيزاتتىق مادەنيەت مۇرالارىن جالعاستىرۋ ءىسىن ويداعىداي ىستەۋگە سەنىمىم نىعايدى“ دەدى ياڭ يۇيني، ول ۇسىنىس جوبانىڭ تياناقتانۋ جاعدايىن ۇزدىكسىز قاداعالاپ، بەيزاتتىق مادەنيەت مۇرالارى بايلىق قويماسى قۇرىلىسىنا قاتىستى قىزمەتتەرگە بەلسەنە ات سالىستى. سونىمەن بىرگە، بەيزاتتىق مادەني مۇراعاتتار الەۋمەتتىك يگىلىك وقىتۋىن ورىستەتىپ، قىسقا كەسكىن، ۇلتتىق كوشە ءبيى سياقتى جاستار ۇناتاتىن تاسىلدەر ارقىلى بەيزاتتىق مادەني مۇراعاتتار تۇقىمىن جاستاردىڭ جۇرەگىندە تامىر تارتىپ، وركەن جايدىرماق.