كۇشتى بوران سوعادى، قالىڭ قار جاۋادى، قۇمدى بوران سوعادى! بۇكىل شينجياڭنىڭ باسىم كوپ بولەگىنىڭ تەمپەراتۋراسى كۇرت تومەندەيدى

سۋىق اۋا رايىنىڭ ىقپالىنان وسى اپتادا (2 – ايدىڭ 23 – كۇنىنەن 3 – ايدىڭ 1 – كۇنىنە دەيىن) بۇكىل شينجياڭنىڭ باسىم كوپ جەرىندە كۇشتى بوران سوعادى، قالىڭ قار جاۋادى، قۇمدى بوران سوعادى، تەمپەراتۋرا كۇرت تومەندەيدى، وسى رەتكى سۇركەيلى اۋا رايى وزگەرىسىنە قاراتا، شينجياڭ اۋا رايى ستانسياسى 2 – ايدىڭ 23 – كۇنى تۇستەن بۇرىن بوراننان ساقتانۋدىڭ سارى ءتۇستى ساقتىق سيگنالىن جانە جولعا مۇز قاتۋدان ساقتانۋدىڭ سارى ءتۇستى ساقتىق سيگنالىن جاريالاپ، قاتىستى تاراۋلاردىڭ ساقتانۋدى كۇشەيتۋىن ەسكەرتتى.

ساقتىق سيگنالىندا كورسەتىلۋىنشە، 2 - ايدىڭ 23 - كۇنى تۇستەن كەيىننەن 2 - ايدىڭ 24 - كۇنى تۇنگە دەيىن (قۇمىل قالاسىندا 2 - ايدىڭ 25 - كۇنى تۇستەن بۇرىنعا دەيىن جالعاسادى)، سولتۇستىك شينجياڭدا، شىعىس شينجياڭدا جانە وڭتۇستىك شينجياڭنىڭ ءىشىنارا وڭىرلەرىندە ىلگەرىندى – كەيىندى باتىس سولتۇستىكتەن 8 بال اينالاسىندا وتكىنشى بوران سوعادى، جەل وتىندەگى جەل كۇشى 10 دا 11 بالعا جەتەدى، مۇنىڭ ىشىندە تارباعاتاي ايماعى، قارامايلى قالاسى، تۇرپان قالاسى قاتارلى جەرلەردەگى جەل وتىندەگى وتكىنشى بوران 12 بالعا جەتەدى، قۇمىل قالاسىنداعى جەل وتىندەگى وتكىنشى بوران 13 تە 14 بالعا جەتەدى، ءىشىنارا جەرلەردە قارلى بوران قوسانجارلايدى. سولتۇستىك شينجياڭنىڭ باسىم كوپ بولەگىندە جانە قىزىلسۋ قىرعىز اۆتونوميالى وبلىسى، بايىنعولىن موڭعۇل اۆتونوميالى وبلىسى، قۇمىل قالاسى قاتارلى جەرلەردىڭ تاۋلى وڭىرلەرىندە قار جاۋىپ، جول تايعاق بولادى، جولعا مۇز قاتۋى مۇمكىن.

2 - ايدىڭ 25 - كۇنى تۇستەن كەيىننەن 2 - ايدىڭ 28 - كۇنى تۇنگە دەيىن، سولتۇستىك شينجياڭنىڭ باتىس بولەگى مەن تيانشان تاۋلى رايونى، سونداي - اق سولتۇستىك بەتكەيى، وڭتۇستىك شينجياڭنىڭ باتىس بولەگىندەگى تاۋلى رايون، بايىنعولىن وبلىسىنىڭ تاۋلى رايونى، قۇمىل قالاسىنىڭ سولتۇستىك بولەگى قاتارلى جەرلەردىڭ ءىشىنارا وڭىرلەرىندە قىرباق قار جاۋادى (ىلە اڭعارىندا جاڭبىر ارالاس قار جاۋىپ، سوڭى قارعا اينالادى)، مۇنىڭ ىشىندە ىلە اڭعارى مەن بۇراتالا موڭعۇل اۆتونوميالى وبلىسى، تارباعاتاي ايماعىنىڭ وڭتۇستىك بولەگى، شىحىزى قالاسى قاتارلى جەرلەردىڭ ءىشىنارا وڭىرلەرىندە قالىڭ قار جاۋدى، ىلە اڭعارىنداعى تاۋلى رايونداردىڭ ءىشىنارا جەرلەرىندە قالىڭ قار نەمەسە ەرەكشە قالىڭ قار جاۋادى (جاۋعان قار مولشەرى 30 دا 50 ميلليمەتر بولادى، جاڭادان قوسىلعان قار قالىڭدىعى 15 تە 30 سانتيمەتر بولادى). قالىڭ قار جاۋاتىن مەزگىل: ىلە اڭعارىندا 2 – ايدىڭ 26 – كۇنى كۇندىزدەن 2 – ايدىڭ 27 – كۇنى تۇنگە دەيىن).

وسى رەتكى تەمپەراتۋرانىڭ تومەندەۋ بارىسى سۇراپىل بولىپ، بۇكىل شينجياڭنىڭ باسىم كوپ بولەگىنىڭ تەمپەراتۋراسى كۇرت تومەندەيدى. سولتۇستىك شينجياڭنىڭ، شىعىس شينجياڭنىڭ باسىم كوپ بولەگىنىڭ تەمپەراتۋراسى 5 تە 8 سەلتسي گرادۋس تومەندەيدى، سولتۇستىك شينجياڭنىڭ سولتۇستىگىندە، ءۇرىمجى قالاسىنىڭ سولتۇستىگىندە، سانجى حۇيزۋ اۆتونوميالى وبلىسىنىڭ شىعىس بولەگىندە، قۇمىل قالاسىنىڭ سولتۇستىگىندە ەڭ تومەن تەمپەراتۋرا 10 دا 12 سەلتسي گرادۋس تومەندەپ، كۇشتى سۋىق اعىس ولشەمىنە جەتەدى. تەمپەراتۋرانىڭ تومەندەۋ ورتالىعى التاي ايماعىنىڭ سولتۇستىك بولەگىن، شىعىس بولەگىن ورتالىق ەتەدى، تومەندەۋ مولشەرى 12 دە 16 سەلتسي گرادۋسقا جەتىپ، ەرەكشە كۇشتى سۋىق اعىس پايدا بولادى. ءۇرىمجىنى مىسالعا الساق، 2 – ايدىڭ 24 – كۇنى كۇندىز قار جاۋىپ، كۇن بۇلتتى بولادى، ەڭ تومەن تەمپەراتۋرا نولدەن تومەن 11 سەلتسي گرادۋسقا تۇسەدى، تاياۋ كۇندەرمەن سالىستىرعاندا كورنەكتى تومەندەيدى.

كەلۋ قاينارى: حالىق تورابى