ورتالىقتىڭ پارتيا قۇرىلىسى قىزمەتىنە باسشىلىق ەتۋ گرۋپپاسى ءماجىلىس اشتى

شينحۋا اگەنتتىگى، 2 - ايدىڭ 24 - كۇنى، بەيجيڭ. ورتالىقتىڭ پارتيا قۇرىلىسى قىزمەتىنە باسشىلىق ەتۋ گرۋپپاسى 2 - ايدىڭ 24 - كۇنى ءماجىلىس اشىپ، باس شۋجي شي جينپيڭنىڭ دۇرىس ساياسي ناتيجە كوزقاراسىن ورناتۋ جانە امالياتتا ايگىلەۋ ۇيرەنۋ تاربيەسى جونىندەگى ماڭىزدى ءسوزى مەن ماڭىزدى نۇسقاۋىنىڭ رۋحىن ۇيرەنىپ، دايەكتىلەندىرىپ، دۇرىس ساياسي ناتيجە كوزقاراسىن ورناتۋ جانە امالياتتا ايگىلەۋ ۇيرەنۋ تاربيەسى قىزمەتىن اقىلداسىپ ورنالاستىردى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىقتىڭ پارتيا قۇرىلىسى قىزمەتىنە باسشىلىق ەتۋ گرۋپپاسىنىڭ باستىعى ساي چي ءماجىلىستى باسقاردى ءارى ءسوز سويلەدى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىقتىڭ پارتيا قۇرىلىسى قىزمەتىنە باسشىلىق ەتۋ گرۋپپاسى باستىعىنىڭ ورىنباسارى لي شي ماجىلىسكە قاتىناستى ءارى ءسوز سويلەدى.

ءماجىلىس مىنالاردى اتاپ كورسەتتى: بۇكىل پارتيادا دۇرىس ساياسي ناتيجە كوزقاراسىن ورناتۋ جانە امالياتتا ايگىلەۋ ۇيرەنۋ تاربيەسىن ورىستەتۋ − پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ ستراتەگيالىق ورنالاستىرۋىن دايەكتىلەندىرۋدىڭ، تياناقتاندىرۋدىڭ، سوتسياليستىك وسىزامانداندىرۋدى نەگىزىنەن جۇزەگە اسىرۋدا شەشۋشى ىلگەرىلەۋشىلىككە قول جەتكىزۋگە شىنايى كەپىلدىك ەتۋدىڭ تابيعي تالابى، پارتيانىڭ ءتۇبىرلى ماقساتىن امالياتتا ايگىلەۋدىڭ، پارتيانىڭ بيلىك جۇرگىزۋ نەگىزىن بەكەمدەۋدىڭ ماڭىزدى شاراسى، پارتيا ىشىندەگى شوعىرلى ۇيرەنۋ تاربيەسىنىڭ جەتىستىكتەرىن بەكەمدەپ جانە كەڭەيتىپ، پارتيانى جاپپاي قاتاڭ جونگە سالۋدى تاباندىلىقپەن ىلگەرىلەتۋدىڭ ءونىمدى جولى، پارتيا مەن مەملەكەت ىستەرىن ىلگەرىلەتۋدە، پارتيانى جاپپاي قاتاڭ جونگە سالۋدى ىلگەرىلەتۋدە كەلەلى ماڭىز الادى. پارتيا 18 - قۇرىلتايىنان بەرى، باس شۋجي شي جينپيڭ دۇرىس ساياسي ناتيجە كوزقاراسىن ورناتۋدى جانە امالياتتا ايگىلەۋدى قايتا - قايتا باسا دارىپتەدى، تاياۋدا تاعى دا كوپ رەت ماڭىزدى ءسوز سويلەپ، ۇيرەنۋ تاربيەسىن ورىستەتۋگە ايقىن باعدار كورسەتىپ، ماڭىزدى تياناق ازىرلەدى.

ءماجىلىس مىنالاردى باسا دارىپتەدى: ورتالىق كوميتەت كەڭسە مەڭگەرمەسى «بۇكىل پارتيادا دۇرىس ساياسي ناتيجە كوزقاراسىن ورناتۋ جانە امالياتتا ايگىلەۋ ۇيرەنۋ تاربيەسىن ورىستەتۋ جونىندەگى ۇقتىرۋدى» باسىپ تاراتتى. ءار دارەجەلى پارتكومدار (پارتيا باسشىلىق گرۋپپاسى) دۇرىس ساياسي ناتيجە كوزقاراسىن ورناتۋ مەن امالياتتا ايگىلەۋدى پارتيا قۇرىلىسىنىڭ بيىلعى ماڭىزدى مىندەتى ەتىپ، باس شۋجي شي جينپيڭنىڭ ماڭىزدى ءسوزى مەن ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتىنىڭ ورنالاستىرۋلارىن مۇقيات تياناقتاندىرىپ، دەن قويا ۇيىمداستىرىپ اتقارىپ، ۇيرەنۋ تاربيەسىندە ناقتى ونىمدىلىككە قول جەتكىزۋگە شىنايى كەپىلدىك ەتۋى كەرەك. ”جالپى ءۇشىن پارتيا قۇرۋ، حالىقتى باقىتقا كەنەلتۋ، عىلمي شەشىم جاساۋ، شىنايى يگەرىپ، ناقتى ىستەۋ“ جالپى تالابىن تەرەڭ ءتۇسىنىپ، دۇرىس يگەرىپ، جاپپاي تياناقتاندىرىپ، ونى ۇيرەنۋ تاربيەسىنىڭ تۇتاس بارىسىنا، ءار جاعىنا ءسىڭىرۋ كەرەك. ۇيرەنۋ، تەكسەرۋ، وزگەرتۋدى ءبىر تۇلعالاندىرىپ ىلگەرىلەتۋگە تاباندى بولىپ، ىشكەرىلەي ۇيرەنۋ، شىنايى تەكسەرۋ، شىنايى وزگەرتۋ جاعىنا كۇش سالىپ، ونىمدىلىككە قول جەتكىزۋ كەرەك. ءتۇزىمدى كۇش سالا كەمەلدەندىرىپ، قاعيدانى ويداعىداي ورناتىپ، ساياسي ناتيجە كوزقاراسىنداعى اعاتتىقتاردان ءونىمدى ساقتانۋ جانە ونى تۇزەتۋ قىزمەت مەحانيزمىن اقاۋسىزداندىرۋ كەرەك. ولكە، قالا، اۋدان، اۋىل باسشىلىق القالارىنىڭ كەزەك اۋىستىرۋ قىزمەتىندە ۇيرەنۋ تاربيەسىنە قاتىستى تالاپتاردى مۇقيات تياناقتاندىرۋ كەرەك. ۇيرەنۋ تاربيەسىن اشىق ۇستاپ، كورنەكتى ماسەلەلەردى شەشىپ، بۇقارانىڭ ات سالىسۋىنا، يگىلىككە كەنەلۋىنە، سەزىنۋىنە مۇمكىندىك جاساۋ كەرەك.

ءماجىلىس مىنالاردى اتاپ كورسەتتى: ۇيرەنۋ تاربيەسى پارتيا ورتالىق كوميتەتىنىڭ باسشىلىعىندا جۇرگىزىلەدى، ورتالىقتىڭ پارتيا قۇرىلىسى قىزمەتىنە باسشىلىق ەتۋ گرۋپپاسى ءبىر تۇتاس جوسپارلاپ سايكەستىرۋدى مىقتى يگەرۋى كەرەك. ءار دارەجەلى پارتكومدار (پارتيا باسشىلىق گرۋپپالارى) ۇيرەنۋ تاربيەسىنە جالپى جاقتان جاۋاپتى بولۋى كەرەك. كاسىپتىك جۇيەنى باسقارۋشى تاراۋلاردىڭ پارتكومى (پارتيا باسشىلىق گرۋپپاسى) ءوز سالاسىنىڭ، ءوز جۇيەسىنىڭ ۇيرەنۋ تاربيەسىنە جەتەكشىلىك ەتۋ رولىن تولىق ساۋلەلەندىرۋى كەرەك. قىزمەت جاۋاپكەرشىلىگىن ناقتىلاندىرىپ، تۇرگە ءبولىپ جەتەكشىلىك ەتۋگە تاباندى بولىپ، شىنايى باقىلاۋدى، ناقتى جەتەكشىلىك ەتۋدى كۇشەيتىپ، ۇگىتتەۋگە، جەتەكتەۋگە ءمان بەرىپ، ۇيرەنۋ تاربيەسى مەن وزەكتى قىزمەتتى ءبىر تۇتاس ويداعىداي يگەرىپ، ءتۇرلى مىندەتتەردى جوعارى ساپامەن ورىنداۋ كەرەك.

شى تايفىڭ، لي شۋلەي، مۋ حۇڭ ماجىلىسكە قاتىناستى.

ورتالىقتىڭ پارتيا قۇرىلىسى قىزمەتىنە باسشىلىق ەتۋ گرۋپپاسىنىڭ مۇشەلەرى ماجىلىسكە قاتىناستى.