مەملەكەتتىك اۋرۋدان ساقتانۋ – تىزگىندەۋ مەڭگەرمەسى ەسكەرتتى: مەكتەپ باستالعان مەزگىلدە وسى ءۇش ءتۇرلى جۇقپالى اۋرۋدان ءتۇيىندى تۇردە ساقتانۋ قاجەت 

8 - ايدىڭ 27 – كۇنى، مەملەكەتتىك اۋرۋدان ساقتانۋ – تىزگىندەۋ مەڭگەرمەسى كۇزگى وقۋ ماۋسىمىنداعى جۇقپالى اۋرۋلاردان ساقتانۋ جانە ونى تىزگىندەۋ جونىندەگى باعدارنامانى جاريالادى.

جازدىڭ سوڭى، كۇزدىڭ باسى — كوپتەگەن جۇقپالى اۋرۋلار ءجيى تۋىلاتىن مەزگىل، مەكتەپ اۋلاسىندا ادام شوعىرلاناتىندىقتان، جۇقپالى اۋرۋلاردىڭ تارالۋى جانە شوعىرلى ىندەت تۋىلۋ حاۋپى بار، وقۋشىلار، اتا – انالار جانە مەكتەپتەر ساقتانۋ قىزمەتىن ويداعىداي ىستەۋى قاجەت.

كۇزگى وقۋ ماۋسىمىندا، مىناداي ءۇش ءتۇرلى جۇقپالى اۋرۋعا ءتۇيىندى تۇردە نازار اۋدارۋ قاجەت:

ءبىرىنشى، تىنىس جولى جۇقپالى اۋرۋلارى، نەگىزىنەن تۇكىرىك شاشىراندىسى ارقىلى تارالادى، ساباقحانادا، جاتاقحانادا وڭاي تارالادى، مۇنىڭ ىشىندە جاڭا تيپتى ايدارشا ۆيرۋس، جۇقپالى تۇماۋ، وكپە تۇبەركۋلەزى، سۋ شەشەك، كوكجوتەل، قىزىلشا، جەلىك، شىقشىت بەزىنىڭ قابىنۋى قاتارلىلار بار.

ەكىنشى، ىشەك جۇقپالى اۋرۋلارى، بۇل نەگىزىنەن ”ءناجىس – اۋىز“ جولى ارقىلى تارالادى، قول تازالىعى — شەشۋشى فاكتور، مۇنىڭ ىشىندە قول – اياق – اۋىز اۋرۋى، نورو ۆيرۋسى جانە دوڭگەلەكشە ۆيرۋس تۋدىراتىن ۆيرۋستىق ءىش ءوتۋ قاتارلىلار قامتىلادى.

ءۇشىنشى، جاندىك ارقىلى تارالاتىن جۇقپالى اۋرۋلار، جاندىكتەردىڭ ادامدى شاعۋى ارقىلى تارالادى، قورشاعان ورتانى وڭالتۋ جانە جەكەلىك ساقتىقتى ويداعىداي ىستەۋ — شەشۋشى فاكتور، مۇنىڭ ىشىندە دەنگە قىزباسى، چيكۋنگۋنيا قىزباسى جانە قىزۋى ورلەۋمەن بىرگە قان پلاستينكاسىنىڭ ازايۋى سيندرومى قاتارلىلار قامتىلادى.

وتباسى مەن مەكتەپتىڭ تىزە قوسا ارەكەتتەنۋى — دەنساۋلىق قورعانىس شەبىن بەكەمدەۋدىڭ ءبىرىنشى قادامى. مەملەكەتتىك اۋرۋدان ساقتانۋ – تىزگىندەۋ مەكەمەسى مىنانى ەسكەرتتى:

جاقسى ادەت قالىپتاستىرىپ، تازالىققا ءمان بەرۋ كەرەك. تاماقتان بۇرىن جانە دارەتكە وتىرعاننان كەيىن، سىرتتان ۇيگە قايتىپ كەلگەندە، جوتەلگەن كەزدە، سىڭبىرگەننەن كەيىن تۇگەلدەي سابىنمەن نەمەسە قول جۋۋ سۇيىقتىعىمەن قولدى تازا جۋعان ءجون؛ تۇشكىرگەندە نەمەسە جوتەلگەندە، قاعاز ورامالمەن نەمەسە بىلەكپەن اۋىز – مۇرىندى توسىپ، تۇكىرىك شاشىراندىسىنىڭ ماڭايداعى ادامدارعا شاشىراۋىنان ساقتانۋ قاجەت.

سونىمەن بىرگە، ءۇيدى رەتتى دە تازا ۇستاۋ، اۋا الماستىرۋ، ماسادان ساقتانۋ شەشۋشى فاكتور — كۇنىنە كەمىندە ەكى رەت، ءار رەتتە 30 مينۋتتان استام ۋاقىت تەرەزەنى اشىپ اۋا الماستىرۋ، بولمە ىشىندەگى اۋانىڭ الماسۋىنا كەپىلدىك ەتۋ؛ بالكوندى، اسحانانى، دارەتحانانى جانە ماڭايداعى سۋ جينالاتىن جەرلەردى تازالاپ، ماسالار كوبەيەتىن ورىنداردى تۇبەگەيلى تازالاۋ؛ قايناماعان سۋدى ىشپەۋ، جەمەكتىكتەردى شيكىدەي جەمەۋ، اسقان تاماقتاردى ابدەن جىلىتقان سوڭ جەۋ قاجەت.

كەلۋ قاينارى: حالىق تورابى